نجري واني داهشه خايفه يمسكوني نجري نجري ليين نعتر ونطيح ف نهر ...........
نضت راسي يوجع فتحت عيوني شوي شوي بعدها اذكرت كلشي قعمزت طول نشبح لدار فاضيه والاضاءه خفيفه شديت راسي لقيت فاشه عليه صبيت بنمشي ما قدرتش لين انفتح الباب اني خفت نحسابه هما خلاص شدوني لين نشوف شخص قدام طويل وعريض منظره شخص متوحش خفتت حسيت بالميه ساخنه انصبت علياا .....
وسيم :ارجعي لي مكانكك
اني اول ما سمعت صوته الرجولي زاد خوفي رجعت مكاني واني ساكته
وسيم:لقيتك قدام نهر مرميه جبتك هنا لما تصحصحي بنرجعك لي اهلك
اني لما سمعت اهللك خفتت :لا وراس الغوالي عندك ما ترجعني قطع عليا .....
وسيم:بلكي تبي تقعدي هنا طول عمركك بلا معيله علاش ما تبيش ترجعي
اني :مستعده ندير اي شي تبيه نقعد خدامتك بس ما ترجعنيش
وسيم 'عصب':شن خدامتك نم علاش ما تبيش ترجعي !
اني 'نبكي':اني يتيمه عايشه عند عمي مرت عمي وعمي يعاملوا فيا كأني جاريه عندهم وواحد من ولاد عمي حاولل . ..... وسكتت وقعدت تبكي
وسيم:شن حاول ؟
اني:حاول يعتدي عليا ف اني هربت بالله عليكك خليني فتره بس ونوعدك نمشي
وسيم:بنرجعك لي عمك
اني'تبكي':نقولك اني هربت باش ننقد شرفي انت بترفعني ليهم!
وسيم:مرات تكذبي وانتِ هاربه منهم لانك ضيعتي شرفك!
اني 'بصدمه':اننت ما عندكش قلب معقوله نلعب بشرفي خيرك انت
وسيم'بعصبيه':نقصي صوتك
اني :حسبي الله ونعم الوكيل فيكم كلكم وقعدت نبكي بعبره
قرب وسيم شوي لعند ما وصل لي مستواي :خلاص ساد دموع جو هذا ما يمشيش عليا جو انك بتطلعي شريفه وهربتي ع شان تحافظي عليه
اني 'نبكيي' مدام مش مصدق ارفعني مستشفى وتأكد، اني انسانه نخاف ربي ما ندير الحرام خلي ف علمك
وسيم صبى :تمام اغسلي وجهك ونشوفوك صادقه ولا لا
اني صبيت بشوي طلعت من دار ورالي مكان الحمام خشيت غسلت وجهي توضيت وطلعت
وسيم:لقيت شنطه متع ظهر معاك تبيها؟
اني :اي
مشي وشيم جابها وجي لوحها عليها وطلع
تنهدت وفتحت شنطه فيها حاجات بسيطه من بابا وماما قعدت نبكي ع حظي ولاني وحيده ف دنيا لا ام ولا اب ولا اخ ولا اخت ولا عم كويس ولا ولاد عم ينشد بيهم الظهر طلعت عبايه لبستها ووشاح ولبستها ع ظهري وطلعت لقيته واقف يدخن منظره زي متع الافلام (طويل وجسمه عضلاتتت بكل ولحيته سوده كتيفه وبشرته بيضه وعيونه عسليات وحادات وشعره اسود كان منظره زي الافلام ما عمري شفت حد هكك )
وسيم:بتقعدي واقفه هكك هياا تحركي نم
اني مشيت قدامه واني ساكته شايرلي ع سياره ركبت القدام واني عيوني ف شباكك سرحت بعيد لين قطع علي وسيم :هيي انتِ هييا انزلي وصلنا نزلت معاه واني ساكته خشيت درت لازم وطلعت راجينا لين تحايلي قراها ولقاني مزلت بنت شبه صدق
وسيم: هي اطلعي
اني مشيت واني ساكته لعند وصلنه سياره واني سكوت
وسيم 'بارتباك':هي انتِ شن اسمكك
اني :اسمي افنان عمري 17سنه وانت؟!
وسيم :سألتك ع اسمك مش ع سيرتك داتيه
اني سكتت
وسيم: وسيم م91
اني :عاشت الاسامي وسكتت لين وقف بيا قدام محل وشايرلي بمعني ننزل
نزلت واني عاقده حواجبي نشيت معاه لين قال: هي شن تراجي
شبحتله باستغراب معنى شن؟!
وسيم:خودي دبش ليك ولا بتقعدي بعبايه شحاتات
اني وجعتني الكلمه طبست عيوني ونزلت دمعه سمعت صوته يقول هييي انتِ نكلم فيكك
اني :ما نبي شي منكك اني بنقعد يومين عندك وبنمشي
وسيم 'بعصبيه'بتاخدي ولا لا
اني :لا
وسيم شدها ما يدها :كلمتي ما تتعاودش مرتين
اني :حول ايدك من انت بيش تشد ايدي
وسيم طلق يدها :خودي يلي تبيه
اني'بلا نيه'يلي نشوفه ناخده خديت تشيرتين طويلات محترمات وسروالين وخديت عبايه وخديت قفطان طويل ومستور واوشحه وعطيتها لي شاب شد ايدي بقوه ولفني ليه'بعصبيه'شن تحسابي روحك تمديله تشوفي فيا بقروني !
اني:هوا قالي نساعدك وبعدين شن دخلك ولا خديت مقلب ع روحك وفرحت ع من تهزب
وسيم بين سنونه:غير نروحوا
اني سكتت وما عاش زدته ولا كلمه خلص وطلع مشيت وراه ركبنا ووصلنا لي الحوش قبل لا ننزلوا :خشي مطبخ طيبيلنا شي ناكلوه
اني ولا كلمه نزلت غيرت حوايجي لبست القفطان ووشاح وطلعت خشيت مطبخ شن نطيب واصلا هوا ليل هي نطيب شي خفيف قليت بطاطا ودرت دحي ووتيت صفره حطيت يلي لقيته ف ثلاجه تن وزيتون وهريسه وجبنه وطلعت لقيته ف صاله حطيت سفره ع طاوله قدامه وساكته بدون ما يشبحلي قعد ياكل واني ما كليتش نيه مسدوده ونفكر زعما يديرلي شي هذا ؟كيف بنعيش معاه اليومين هذينا لو قرب مني واني ما نبان شي قدامه ولا يبيعني ولا اي شي قعدت نفكر نفكر لين نادى عليا ههييي انتِ افنان يبنت اني شبحتله
وسيم:كولي ولا مدايره ف ماكله شي
اني'انصدمت ':شن بنديرلك متلا خيركك هككك انت مش صافي
وسيم :كولي معناها وشن يضملي مرات حاطه شي ف ماكله
اني 'بعصبيه':انت مش صافي وحناكل قدامك !
خديت بديت ناكل من كل شي
وسيم 'اني ناكل لقيتها سرحانه بعيد وجهها اصفر وضعيفه بكل واني طبعي ما نعرفش نكلم كويس ف قلت خلي نفول هكك بيش تاكل وفعلا كلت من كل شي '
اني :ها ريت ما فيه شي انت واحد موسوس بس قصدس علاش بنديرلك شي يضرك وانت نقدتني وبعدها مش كان يتيمه معناها مش متربيه لا راه اني تربيت قبل عمري ونعرف ونفهم ونخاف ربي يعني ما نضرش !
وسيم:كملتي هي نوضي ضمي سفره وتمرقدي
اني 'محقره قداش ما مستفز وحيوان كيف بنكمل اليومين هاذو حيي قالي ارقدي كان يخش عليا واني راقده وهوا براني ما نعرفاش!'
وسيم:هي نكلم فيك وانتِ زيك زي يلي مقعمزه عليه
اني 'صبيت لقيت اني ع كرسي استفزززنييي ووااكك مشيت وسكرت باب عليا بالمفتاح '
وسيم 'زي صغار '
اني خديت رقدت ع فراشي ونتقلب ونتقلب ما جانيش نوم فكرت ف اهلي يلي سيبوني واني صغيره ونذكر سبب موتهم بابا الله يرحمه تعارك مع ماما طلبت طلاق ومع الاسف لما بابا بيشيلها لي حوش اهلها دارو حادت وماتوا! قعدت نبككييي علاش ي ربي بكيت بقهر لين لين خادني نوم نضت ع صوت اذان فجر نضت فتحت باب ونسيت اني بلا حجاب بنخش الحمام نسمع صوته نيبس ف مكاني!
وسيم:شن عندك نايضه تو؟
اني :نزلت راسي بنصلي فجر
وسيم : باه البسي خرقه ع راسكك هكك تقابليني!
اني خشيت حمام ما رديتش عليه توضيت ومشيت بنصلي وقفت قعدت نقول كيف قبله مشيت نسأل فيه دقيت مرتين تلات ما ردش خبطت بالقوي فتح الباب
وسيم:خيرككك؟
اني :كيف القبله ما عرفتش!
وسيم :باه مشي قدامي واني وراه صبى قعد يحك ف راسه منظره بكلل :ءءءءتقريبا هكك
اني 'باستغرب'خيركك ما تصليش مالا؟
وسيم:ءءء لا نصلي بس نسيت قبله بعدها شاير بيده القدام قالي هك القبله
اني :اوك اطلع بنصلي
طلع قعدت نضحك وخلاصص
.
.
.
.
#اليوم تاني🙂
.
.
......:وينها بنت الكلب وين مشت
......:تسأل فيا من جدك انت قتلك من الاول فوتها
.......:والله ماني فايتها لين ناخد يلي نبيه
........:كان يعلم عليك بوك انكك كنت تبي تعتدي عليها حيقتلها
سالم:اني نحبها نحبها تعرف معنى نحبها!
محسن:تحبها علاش كنت تبي تغتصبها زح
سالم:تمي قتلها نبيها قتلي مستحيل وباتي نفس شي ف قلت نغتصبها بيش يزوجوني ليها بالغصب بس هربت مني
محسن :نم عارفها ما تحبكش انت واكيد زادت كرهاتك تو
سالم:تحبني تكرهني بترجعلي بندورها وبنشدها شعرها وندير يلي نبيه فاهم
محسن :دير رايك تو احني باتي ما يعلمش ع حقيقه كان يعرف حي علينا
سالم'ضحككك بصوت عالي"هههههههههه ع اساس يعامل فيها كويس ولا يحبها كله طمع فيها
محسن :وانت شنو طمع ولا تحبها
سالم :الزوز بس نسبه حب اكبر
محسن :خلي ندورو عليها نوض
.
.
.
.
اني مقعمزه حاسه بالملل فتحت روشن شفت منظر طبيعه حلو بكل بعدها صبيت ع مرايا شفت شكلي كيف موليه وجهي شاحب عيوني ذابلات وضعيفه بكلل سرحت شعري الطويل يوصل لتحت الظهر لونه احمر مسيت وجهي اصفر عيوني الخضر ذابلات شفت لي جسمي ضعيف وع رقبتي اثار الحقير سالم مسحت بقوه نمسح نمسح متقززه واني سارحه بعيد خش وسيم وشبحلي ويبس ف مكانه فقت ع روحي وشبحتله وصبيت اني 'بارتباك' خييررررككك مممااادددقيتت قبببل لاااتخشش
وسيم 'ومزال منصدم 'حوشي وبنخش وين ما نبي
اني "تلبكت "يشبحلي بنظرات ما يبشرنش بالخير ي رب استرني كان يديرلي شي هذا " باه تو نطلع اليوم عارفه اني عبئ عليكك وخطر عليك لو يلقوك معاي
وسيم :وين بتمشي تو وبعدين اني ما نخافش من حد وانتِ ما تعرفينيش طلوع لا لعند نلقى حل ليك
اني "بخوف "كككيف حل لياا
وسيم:مش حنسلمك لي عمك تخافيش
اني "قل خوفي "ممالا ششنن بديرلي حل
وسيم :واضح نشوفلك عيله ولا حد يتزوجك
اني "بصدمه زوااج":اني مسسستحيل نزوجج فاهم مستحيلللل
وسيم:تبي تقعدي هنا واني محرم عليك؟
اني :شن قصدك؟
وسيم:بنزوجكك
اني "بعياط"ابدا
وسيم "بهزوه"وعلاش ولا عندك حبيب
اني :ما نبيش نزوج اني!
وسيم"ضحك بصوت عالي":انتِ لا عندك اهل ولا عندك عمام ولا عندك خوال شن هوا الحل قبل بنستر عليك لكن شكله حبيب قلب ما تبيش غيره
اني"قعدت نبكي كلامه حقير بكلل "
وسيم "بارتباك"هي انتِ بلاش بكي
اني:عندك حق اني منبوده ما عندي حد
وسيم:ما عندكش خوال؟
اني:جدودي ميتين ماما راس بنت الله يرحمها وعندها خو بس برا البلاد ولما اتصل بيه عمي قاله ما عنديش بنت اخت وطبعا عندي عم واحد وعمه ماتت
وسيم:خالك يلي برا علاش ما يبيكش؟
اني:مشعارفه بس ممكن لانه ما يبيش يتحمل مصاريفي
وسسيم:بكررى بنرفعك لي اهلي
اني"باستغراب:اهلك!
وسيم:اي ما تسمعيش انتِ
اني:بيقبلو بيا !
.
.
.
وسيم:بنحكيلهم قصتك لين نلقى حل ليك
اني:عندك خوات
وسيم :بكرى نرفعك وتشوفي
اني "بفرح"اوك
طلع وسيبني....
قعمزت هوا صح عصبي ومستفز بس بداخله انسان طيب وصادق ي رب كون معاي ما عندي غيرك يرب
.
.
.
#اليوم تالي
.
.
نضت حاسه بإيجابيه ونشاط لبست وشاح وطلعت الحوش هادي خشيت حمام توضيت وصليت ولبست الفلينيه المحتشمه وضميت الحوش ودرت الفطور انفتح الباب الحوش طلع وسيم منظره خيال مساوي شعره الاسود ولحيته اني سرحت فيه بدون ما نحس لين
وسيم:فيه شي وجهي؟
اني "فقت تحشمممت "ءءء لا لا
قعمز وبدى يفطر وقال:حكيت لي امي عليك قالتلي جيبها
اني "بفرح ممزوج بخوف"قبلتني
وسيم:اي وتي شنطك باش نرفعك
اني سكتت
ضميت مطبخ خشيت لي دار حطيت دبش ف شنطه الظهر وطلعت
وسيم:البسي عبايه
رجعت لبست عبايه وطلعت
طول الطريق واني خايفه زعما امه كيف وخواته عنده خوت ي رب كون معايا ما نعلم ع شي لين قالي هي انزلي نزلت الحوش كأنه قصر فتحت فمي قتله هذا حوشكم
وسيم"بهزوه"لا حوش جار
اني سكتت
خشيت معاه واني راسي لوطه نادي ع امه جت مراه كأنها اخته مش امه
امه:فتحت يديها زوز وضمتني انصدمت حسيت بشي غريببب!
بادلتها الحضن حسيت براحه بعدت عليا وتقولي تبارك الرحمن مشاء الله
اني "تحشمت واطيت راسي"سلمك
امه"فاطمه":اسمك افنان ي بنتي
اني:اي
امه نادت ع بنات :تعالن نزلن تلات بنات ورا بعضهن
ايه:حيعلمها هذي من
حواء:انتِ اجنبيه
ساره:what's your name?
اني ضحكت:اني افنان
حواء :اول مره نشوف بنت بجمالك يألبي
اني:عيونك الحلوات
وسيم "كح":ارفعوها معاكم وروها مكانها
ايه شدتني من يدي :هي تعالي
مشيت معاهن كانن اكثر من طيبات وضحوكات وجوهن فوق الخيال
حواء :اكبر وحده فيهن م 99 جميله ونقشها ع الاسود عيونها كبار سود وشعرها اسود وبيضه وطويله كانت جميله وطيوبه
ايه :م2001عيونها زي وسيم عسليات وحادات وبشرتها برونزيه وقصيره
ساره:م2004كانت حنطوشه بكل وشعرها طويل ولونه قهوي وعيونها قهويات وبيضه زي تلج كيوت بكل
هدرزنا ف بدايه كنت متحشمه بس بعدين تعودت ع وضع وهدرزنا وضحكنا
.
.
عند وسيم وامه
امه:خبرتها
وسيم :لا
امه:شن تراجي
وسيم:خلي تتعود وانتِ خبريها
امه:تبارك رحمان زي امها جميله كانت
وسيم ماردش
.
.
.
ع العشي نادت علينا ام وسيم نزلنا واحني ناكلو
امه: كولي ي افنان
اني:والله شبعت
حواء:تبي تحافظي ع جسمك
اني تحشمت لانه قدام وسيم:ءء لا لا بس اني هك ماكلتي والله عطيك صحه ي خويله
امه:قوليلي امي زي بناتي انتِ تو منا وفينا
اني"بفرح ممزوج بخجل":حاضر
ما نعلمو ع شي لين يخش واحد وهوا يغني اني واطيت راسي طول
.....:او العائله مجتمعه قرب باس راس ام وسيم ربي يخليك ي نبع الحنان
فاطمه:وين كنت ي محمد
محمد ومزال ما لاحظش وجودي :مع جماعه
وسيم :قعمز قعمز
محمد بيقعمز ويشبحلي :من هذي
فاطمه :افنان سلمي ع ......وسكتت
اني بخجل رفعت راسي جت عيني ف عين محمد واطيتهن
محمد:اني نتخايل ولا هيا تحشمت
وسيم:محمد كول وانت ساكت
محمد:تي باهي يراجل وانت ما فيكش جو
محمد:اسمك افنان اسمك جميل
اني تحشمت ورفعت راسي:شكرا
محمد شبح لي عيوني :عيونك خضر ولا اني نتخايل حيعلمها نشبح ف جنه من عيونك
اني تحشمممتتت وحسيت روحي خلاص
وسيم "بعصبيه":محمدددد خلاص نم كول كول وانت ساكت.......
يتبعع....
يلي بياخدها يحتفظ ب حقوق نشر!
