محمد شبح لي عيوني :عيونك خضر ولا اني نتخايل حيعلمها نشبح ف حديقه اني
اني تحشمممتتت وحسيت روحي خلاص
وسيم "بعصبيه":محمدددد خلاص نم كول كول وانت ساكت وانت تبقبق زح
محمد :باه وانت ما فيكش جو نبصر معاها البنت مش صح ي افنان وغمزلي.
اني ساكته وخلاص
امي:افنان بتقعد معانا وبتحطها ف عيونكك زي خياتكك فاهم!
محمد :حاضرر
وكليناا وبعد كملنا كل واحد طلع ويلي خش رقد واني قعدت تساعد ف بنات ونبصرو حسيت روحي نعرفهن من زمان كملنا وطلعنا ف جنانهم كان ف درجيحه كبيره وزي جردينه قبالتها قعمزنا نهدرزو ونضحكوا لعند جت امي
امي:خشن ي بنات داخل صقع الجو كل وحده تخش سريرها
ساره:مزال ي ماما
امي:كلمه قلت اني ومشت
اني :هيا نخشوا
ايه:خلينا شوي
حواء :اني بنخش هي ي افنان تعالي داخل وخشينا ركبت فوق معاها وكل وحده رقدت ف فراشها بعدها البنات لحقنا وكل وحده رقدت واني قعدت نتقلب يمين يسار شي نوم حالف عليا اذكرت بابا وماما طلعت صورتهم وقعدت حاظنتها ونبكي خفت ينوضو طلعت نبي نقعد بروحي حقالله كنت نبكي ونشبح لي الصوره ونبكي ونمسح ف دموعي وندعي ليهم :ي رب اجعل قبر ابي وامي روضه من رياض الجننه لا حفره من حفر نار ي رب رقدت ونا نبكي
جي وسيم لقاني راقده ع وطى وضامه رجليا لي صدري من صقع وشاده صورت بابا وماما طبس قعد يشبحلي خدي صوره شاف صوره فيها شخصين بصوت واطي:الله يرحمك ي عمتي مشيتي وسبيتي ليا امانتك وبعدها شبحلي معاود قامني وحطني ع صالون وجاب غطاء وواساني ومشي لي داره نضت صبح راسي يوجع لاني رقدت واني نبكي لقيت روحي ع صالون استغربت! بس طنشت خشيت الحمام توضيت وصليت وغيرت حوايجي نبي نعرف ساعه شكلي نايضه بدري اذكرت انه ف صاله ف ساعه نزلت لقيتها 9وبنرد نركب نلقى وسيم نازل
اني :صباح الخير
وسيم شبحلي وكمل مشيه
اني بصوت واطي:ربي يشفيه
وسيم برملي:يشفي من؟
اني برمت وخفت حيعلما كيف سمعني سكتت
قرب مني وقعد بيناتنا درجتين :معاش تعاوديها
اني بخوف :ااامممببااهه هه
ورد نزل ركبت نجري نوضت بنات نوضن نوضن
حواء :واكك خيركك مزال بنرقد
اني:ليكن هلبا راقدات هيا وفتحت شباك وقعدت ندربك ونغني
ايه قهمزت عزقتلي الوساده هربت منها وضحكت
ايه :افنان نجي نعجنك تو
اني :باه تعالي هي
ايه :والله نجيك
اني :ههه واضح
ايه :ي كلبه ونطت من سرير وجتني تجري واني نهرب وهيا تجري وانا نهرب منها
ايه دهشت :لقنك زي العفريته ي خيا شن نشاط وسرعه هذي
اني :صع عليكك مش زيك ي دبدوبه
ايه ضحكت :باه هي خلي نخش حمام نصلي وننزلو نديرو شي يتكل
اني :اي والله اني جيعانه
ايه ركبت واني قعدت ف صاله نراحى فيها ناض محمد اني شفته طبست راسي طول محمد شافني جي شوري واني قعدت نرعش مع بعضي ي ماما
محمد بإبتسامه :صباح الخير للحلو
اني ونلكلك:ءءء صباح النور
محمد ضحك :خيرك خاشه بعضك كيف بتعيشي معانا واني خاشه بعضك وتلكلكي وترعشي
اني بخجل: اي انا هك ربي خالقني
محمد:ي نعليا نا ربي مبدع ف خلقك
ع خشت وسيم شافه طارتله جي شوره :خيركك ما وتيت روحك وانت مصبي زي عرصه
محمد :نبي نعودها علينا وهيا شي خاشه بعضها
وسيم شبحلي لقاني منزله راسي رد شبح لي محمد :وانت شندخلك فيها خليها ف حالها احني مش ف اوكرانيا راه اررزن
محمد نفخ :تي باهي باه وشبحلي وغمزلي ومشى
وسيم:فكينا من جو شين خليك ديما مع خواتي وامي وتبعدي ع محمد فاهمه
اني وجعتني يعني شن يحسابني حاطه عيني عليه ولا شن دموعي بينزلن شديتهن بسيف وصبيت نجري ركبت لي دار خيره معايا اني ف شن غلطت معاه شن بيني وبينه لو مجمل لاني قاعده ف حوشهم بنطلع وخلاص الواحد يقعد بكرامته مش يهينوا فيه جتني ايه :خيرك تبكي ي خيا شن في
اني :اتفكرن بابا وماما
ايه وجعتها خدت ضمتني واني نبكي وهيا اطبطب عليا لين هديت وتباعدت شدت وجهي وومسح ف دموعي :تو معقوله عيون زي عيونك يبكن!
اني ضحكت
ايه:عمري محلا ضحكاتها
اني :عيوني انتِ والله
ايه :هي ي بكايه تعالي اني جيعانه نبي نفطر وحصلت فيكك
اني :هههههه باهي باه تو وليت حصله
ايه شدتني من يدي :تغيرر هيا واسي وشاحك وانزلي نديرو فطور اني وياكك
اني ضحكت مشينا للمطبخ درنا الفطور وهيا تبصر وتنكت واني نضحك جو فيها والله بعدها وتينا طاوله ايه مشت تنوض ف امها واني مشيت نوض ف بنات
اني :هيا نوضن افطرن ساعه10
حواء وهي تغطي ف وجها :افنان امشي خير ما انوضلك
اني :انلااا نوضي
ونزلت جت امي وبعدها تلقطوا كلهم وقعدنا نفطروا
امي: ع من اليوم المطبخ
حواء :اني
امي خلاص ديري غدي
حواء :باه، مدام افنان بتعيش معانا معناها بتاخد يوم وقعدت ترقصلي ف حواجبها
اني:لا اني مش حنقعد بنقعد يومين حتى يهدى وضع وبنمشي
امي:وعلاش ي بنتي ف حد مضايقك ولا ما تبيش تقعدي معانا ؟
اني :لا والله مش هك بس مهما يكن نبيش نسببلكم مشاكل
وسيم يسمع وخلاص
امي:مشاكل شنو ي بنتي انتِ منا وفينا وزي بناتي
اني :وانتِ ف مقام ماما الله يرحمها ،بس مهما يكن اني هاربه من حوش عمي وانتِ اكيد تعرفي سبب واكيد يدورو عليا
امي:وين بتمشي وانتِ بنت وسمحه وما عندك حد
اني :عندي ربي وعندي صاحبتي تسكن مع بوها وخوها امها متوفيه حنمشي عندهم فتره وحنبدى خدمه وربي ما ينسى حد
امي:اني خيار واحد عندي وهوا انك بتقعدي عندنا وصاحبتك كل ما تستاحشيها تزوريها وتجيك ما عنديش مشكله
اني واطيت راسي:بسس.......
امي :تم الكلام
نظنا خشت حواء للمطبخ واحني انقسمنا كل بنت خدت شي تنظفه والحوش كبير مشاء الله ضمينا وقعدنا نهدرزو لين رن فون حواء شبحت لي شاشه قعدت تضحك ووجها انحمر كلنا شبحنا ليها
ساره :حبيب قلب مالا
حواء:اي وهيا متحشمه
حواء ردت وقعدت تدوي بشوي
حتنا نموتفيك......ي قلبي......حتى انت دير بالك ع روحك ......باي
ايه تعلق ع حواء:حتى انت دير بالك ع روحك قققققق
حواء :ي كلبه بطلي
اني ضحكت
حواء :افنان عمرك حبيتي
اني:شن معناها نحب اصلا
بنات شبحولي
ايه:حتنا زيك ما نعرفاش ولا عمري جربته
حواء :الحب احساس حلو تحسي بالامان وراحه مع من تحبي يكون يلي تحبيه مهتم بيكك ويحبك ويخاف عليك ويغار عليكك الحب شعور فداخلنا لما تحبن حتحسن بشي غريب داخلكن
ساره :كلام فاضي وكان جاك الفرخ يلي تكلمي فيه ي حيعليكك لو يعلم عليك وسيم ومحمد يقتلوك
حواء :يحبني واني متأكده بعدين اني ما درت لا حرام ولا عيب علاش حيقتلوني
ايه:انك تكلمي فيه من وراهم هذي بروحها ساد
اني :حواء فوتيه احسن ليك بيش ما تصيرش حساسيه بينك وبين اهلك
حواء :نحبفيه يبنات ما قدرتش نفوته حاولت واجد بس بدون فايده وحتى هوا متأكده يحبني ف فتره يلي سيبته ديما ورايا ويتصل ويحاول يوصل فيا
اني:ي رب يكون من نصيبكك ويطلع راجل معاك
حواء :ي رب .......حيعلمي نسيت الغدي ع نار ....وناضت تجري
احني ضحكنا وبعدها برمولي البنات
ايه:فيفي
اني :نعم
ايه :احكيلي قصتك امس ما قدرناش نسألوك تحشمنا
اني : قبل سنتين وقعدت نحكيلها .........وكل كلمه نقولها نبكي والبنات قعدن يبكن معايا
ايه جت حضنتني وتبكي واني بادلتها وخرت شوي
ايه:كيف تحملتي كل هذا ورا بعضه ي فيفي
اني :بالغصب عليا والله ما عندي حد ف دنيا
حواء وهي تبكي احني معاك وعيلتك
ساره:انتِ منا وفينا توا احني عيلتكك
اني :بس مرات تملواا مني او يصيرلكم مشاكل واني ما نبيش شي يصيرلكم
حواء:عينكك لا مشاكل ولا نملوا كيف نملو منك ي خيه وانتِ تتاكلي
اني ابتسمت وحضتنها قعدت نبكي وهيا تحضن فيا وتطب طب عليا وخرت
اني:شكرا ي بنات والله
ساره:حيحي تشكر فينا ع شنو ي كبدي
اني :لانكن سمعتوني وكنتن معاي زي الخوات
حواء :واحني شنو ي كبظي خواتكك مالا شنو
اني ضحكت :حويوه نبي فونك بنكلم صاحبتي لو ممكن
حواء :تمام هاك
اني خديته ونضت من مكاني وخديت الاذن وطلعت ف جنان وضربت ع رقم وقعد يرن ......
سجى:ايوه من معاي
اني بفرح :اني ي سجوو اني
سجى :اوفي ي قلبي وينككك وقعدت تبكيي
اني نبكي :هربت ولقيت ناس يساعدو فيا ي قلبي
سجى :كان تعلمي عمك ووفروخه يدورو عليكك بس علاش هربتي
اني :الكلب سالم حاول يعتدي عليا واني خديت ضربته ع راسه بمزهريه وهربت
سجى: حييييي ما صارلك شي ولا قوليلي
اني :لا لا هربت وبعدها لقاني وسيم طايحه حدا نهر وخداني
سجى:يروحي ومن وسيم
اني وحكيتلها القصه ...
سجى :ربي بعتلك ناس حلال ونقدك من الكلب بس شن بتقعدي عندهم
اني :قبل ما نبيش نقعد قلت يهدا وضع ونطلع
سجى : اي تعالي عندي نحطوك بعيونه وعارفه روحك انك منا وفينا
اني :خليها فتره لانه تو امي متمسكه وقتلي ما فيش مشي لأي مكان واني ما قدرتش نعارضها
سجى :باه كيف بنشوفك اني مستاحشتكك
اني :حتنا مستاحشتكك واقسم بالله
وسيم من وراي :من مستاحشه
اني برمت :ءءءءء
قرب مني وخدا الفون
وسيم :الو
سجى :اوفي وينكك
وسيم سكر عليها ومدلي الفون :من سمحلك تكلمي؟
اني:علاش ما نكلمش صاحبتي وبنكلمها
وسيم وهوا ضاغط ع سنونه :مدام انتِ هنا كل شي بإذني
اني بهزوه: عارفتك مش متقبل اني نقعد معاكم ما تخافش يومين ومعاش تشوف وجهي
وسيم قرب وعيونه مظلمات اني نوخر وهوا يقدم لعند لصقت ف الحيط :خشتك مش زي طلعتك مش حتكون ساهله ولو فكرتي حتى تفكير تهربي تشوفي وجهي تاني
اني بخوف :ت ت تمااام م مم
وخر ومشي اني حسيت ف انفاسي يتقطعن مش قادره نتنفس خيره معاي هكك معاش فهمت علاش متمسكين بيا يبوني نقعد بسيف ليش شن سبب شفقه !؟ مشيت لدار لقيت بنات يهدرزن عطيت حواء فونها سمعت ظهر يدن مشيت توضيت وصليت وقعدت نبكي نبكي وندعي ي رب ما لياش غيرك ي رب اني عبدك الضعيف هون عليا وكون معايا ي رب
امي :اوفي
اني مسحت دموعي وبرمتلها :نعم
امي قربت مني وقعمزت :خيرركك ي بنتي مش متريحه معانا
اني شاده شهقاتي :استغفر الله مش هكك بس مضايقه مستاحشه بابا وماما اني وحيده ف دنيا ما عنديش غيركم بعد ربي
امي : انتِ بنتي زيك زي بناتي والله ما في فرق بيناتكن وردي بالك تحسبي روحك برانيه انتِ منا وفينا
اني قربت وحضنتها وقعدت نبكي امي قعدت تطب طب عليا وتهدي فيا
اني وخرت وبست راسها :ربي ما يحرمني منككك
امي :ولا منكك المهم جيت بنقولك ع القرايا بتبدى بعد اسبوع انتِ كنتي تقري ولا
اني : اي كنت نقرى بس بعد توفوا اهلي مرت عمي قالت لي عمي بطلني يعني رايحه مني سنتين
امي :ومفروض كم انتِ
اني :اولى كليه بس مدام فاتتني عامين يعني تانيه علمي
اممي :ملفك قاعد ف مدرسه ولا خدوه
اني: ملفي قاعد معايا اني لما هربت خديت ورق كل شي يخصني اني ويخص اهلي
امي :تمام بنسجلك ف مدرسه ساره لانه ايه وحواء تو كليه
اني بفرح :قصدك بتقريني
امي :شن قلنا زيك زي بناتي ما فيش فرق
اني بست راسها:ربي يخليك لينا وما يحرمنا من طلتكك
امي ابتسمت :ههههه هي هي نوضي شوفي البنات
اني :حاضر
نضت نحيت مصليه ونزلت للبنات ف مطبخ لقيتهن يوتن ف صفره
اني :السلام عليكم
البنات وعليكم السلام
ايه :شمري يدك هي وساعدينا تحسابي روحك ضيفه ي كلبه
اني ضحكت :هي هي جيت وانتِ لسانك هك طوله
حولء:تحمليها وخلاص
اني :هذا يلي بيصير هههههه
وبدينا نحوسوا وتينا الطاوله خش محمد وخش وسيم اني قعمزت جي محمد قعمز جنبي وغمزلي ي رب صبرك هذا شكلها مش حيخليني ف حالي قعدنا ناكلوا حسيت بشي يضرب فيا ع رجلي شبحت شوي طلع محمد اوف شبحتله رقصلي حواجبه اني صبيت
امي :خيرك ما كليتي
اني ونتجنب ف نظرات محمد :شبعت
ايه :تبي تحافظ ع جسمها
اني سكتت وبرمت لاني اضايقت منا بكل مشيت للمطبخ نشطب يلي فيه شوي ولحقني محمد
محمد من ورا :بس بس ي حلو
اني برمت ووخرت :نن ننعم
محمد :خيرك نوضتي ضايقت القمر اني
اني :ءءءء لا بب ببس شبعت
محمد قرب مني واني نوخر لين حسيت ب رخامه متع دولاب
محمد :متأكده
اني بخوف :وخر ي محمد خيرك
محمد زاد قرب :وكان ما وخرتش
اني بنبكي :الله يربحك نوعدك ندير يلي تبيه بس وخر عيب عليكك
محمد زاد قرب :اي شي اممم عندي شي واجد معاك
اني :وخر انت بس ويلي تبيه يصير
محمد وخر وقعد يضحك :خيرك ي هبله خفتي مني ما تخافيش انتِ ف عيوني تو يلي تتبيه يكون عندك
اني :معاش تحتك بيا ما نبيش مشاكل اني
محمد :بتخليني نزعل راه علاش مش حاسبه روحك منا وفينا
اني :ممكن مزلت ما تعودتش
محمد قرب شوي وشبحلي وابتسملي :لازم تتعودي راه
اني :حاضر حاضر
وخر ومشي اني شاده قلبي ي رب قلبي بيطلع ممن الخووف
سقمت وشاحي وقعدت نحوس شوي وجت ساره
ساره: اليوم علي حواء مطبخ را جي دورك وهي تعالي نركبوا
اني :لا عادي نضمه
ساره:ما فيش حد بياخد دورك راه
اني بضحك :تمام تمام
قعدت نحوس بعدها جاوبو الصفره نغسل وننظف بخرت الحوش وطلعت ف جنان مع بناات هدرزنا وجت امي معانا وما فيش شي صار .......
بعدها سمعنا صوت من ورانا وووو
.
.
يتبع
