طلعت اني وايه نسمعوا ف عياط حواء انخلعنا مشينا نجرو لي حواء لقيناها تبكي
احني :خيرك؟
حواء تبكي بهستريه: ي نعلي حبيبي ي نعلي
اني بخوف :خيره موسى
حواء ع نفس الحاله:دار حادت وحالته خطيره
اني يبست ف مكاني وايه تهدي ف حواء وساره تبكي فجاءه حواء اطيح
احني بخلعه بدينا انتباوصوا
محمد جي مخلوع :خيركم وبعدها شبح لوطه لقي حواء مغمي عليها
محمد قرب :خيرها
ايه تبكي :قعدت تعيط وبعدها طاحت
محمد صبى لبسوها فيسععع
احني لبسناها ولبسنا زجي محمد قامها وطلع بيها محمد يجري واحني نبكوا جو ممرضين طول حطوها ع سرير وخشوا بيها
.
.
بعد ربع ساعه
.
.
طلع دكتور محمد قرب واحني قربنا
محمد :طمني ي دكتور
دكتور :المريضه جاها انهيار عصبي اثر صدمه حتقعد عندنا ساعتين تحت ملاحظه وبعدها تقدر اطلعها
محمد زفر براحه:الحمد لله بارك فيك
دكتور :الحمد لله ع سلامتها
محمد :نقدرو نخشولها؟
دكتور :لا لا خلوها تو تحت ملاحظه وبعدها نعطيك ورقه خروج
محمد :تمام
شوي هك وفون محمد يضرب
محمد رد :الو
وسيم:وينك ووين اابنات؟
محمد :حواء طاحت رفعناها مستشفى
وسيم بخوف :خيرها ؟وين انت اما مستشفى؟
محمد :مستشفى ........
وسيم سكر طول شوي ولقينا وسيم جاي
وسيم :وينها حواء؟
محمد :ف دار قالو بعد ساعتين نقدرو نطلعوها تو حاطينها تحت الملاحظه
وسيم :شن سبب؟
محمد :قال دكتور انهيار عصبي اثر صدمه اني بروحي ما فهمتش ويلي نسألها من فرخات ادير ف الحوله
وسيم:اكيد سمعت ب موسى مداير حادت
محمد :كيف وامتى؟
وسيم :امبدري قبل ساعه موسى كان مروح من طرابلس ويجري بيهرب من طانطه يخش ف سياره وخشت بعضها
محمد :حالته خطره شن صارله؟
وسيم :جاته ع راسه صارله نزيف بس الحمد لله قدرو يوقفوه وحالته مستقره
محمد :باهي حمد لله
وسيم سطت شوي وبعدها شبحلنا احني تلاثه:خلاص روح بيهن هذينا تو نقعد حداها حواء نكمل الورق ونروح بيها بعدين
محمد :شن وصلت البضاعه لي مكانها؟
وسيم :اي وصلت من ميناء وحطيناها ف االمقر
محمد :خلاص يعني ما عندك شي
وسيم :لا هانيه غير روح بيهن
.
.
روحنا مع محمد واحني نحاولوا نقنعوه انه يردنا بس كلمه وسيم من يقدر يكسرها حطنا فالحوش وطلع واحني قعدنا ناكلو ف روحنا نخممو ع حواء
اني كلمتني مسره يخشلي رقم غريب انتظار طنشته
اني :قريت زين بس ما جاوبتش جي صعب الامتحان
مسره :عندك حق كان اني نشبح وسيم كل يوم راه ناسيه دنيا وحافظه ملامحه وبسس 🥺
اني :وكك انتِ وين واني وينن ي اختي نحكيلك ع امتحان تحكيلي ع زق وسيم خيرك
مسره :زق عينك ولا نقولك احلا زق اشوفه فحياتي 🥺💘
اني عصبت :اني بنسكر وانتِ شادتيلي وسيم وسيم باي
مسره :نبصر خيركك ،شنو غرتي عليه ولا شنو؟
اني ضحكت :اني نغار ع من؟
مسره :ع وسيمي
اني زدت ضحكت :عيننك اخر واحد ممكن نفكر نغار عليه
بعدها رد رقم الغريب يتصل
اني :مسره اني بنصكر ف رقم يتصل بنشوفه ممكن امي
مسره :تمام
سكرت منها شوي واتصل تاني رقم
اني رديت
.......:الو !
اني :من معاي!؟
......:افنان ولا؟
اني :اي من انت ؟
قصي :اني قصي ي ام عيون خضر
اني :من وين حصلت رقمي
قصي :حصلته وخلاص
اني :ي استاذ اني شن قتلك ما نبيش نكلمك افهمني!
قصي:نو نو احني مش فمدرسه بيش تقوليلي استاذ
اني نفخت :باه شن تبي ي قصي!
قصي :خيرك ي افنان هك اني نبي نهدرز معاك بس
اني :اني ما نقدرش ي استاذ قصي
قصي :ي ستي اعطي فرصه وكان ما تريحتيش ليا تو نسيبك بس اعطي فرصه
اني بإستسلام :باه
قصي :شنجوكك وشن مدايره ؟
اني :بخير وانت
قصي :......
وقعدنا نهدرزو فاتت ساعه ونص وما حسيتش بيها ! اول مره نلاحظ انه انسان فرفوش ودمه خفيف وابصايري! ممكن لانه استاذ نظرتي حتكون طبيعيه حكالي ع عيلته واني لما سألني تهربت من موضوع وهوا فهم عليا كان انسان اسلوبه حلو وكويس وراقي ومره مره يطلق ف كلمه اتخليني نضحك
اني نهدرز معاه فجاءه نسمع ف صوت وسيم نسكر عليه ونحط فون تحت كتاب شوي وخش وسيم
وسيم:انزلي جبت وجبات من مطعم كولي
اني هزيت راسي
وسيم شبحلي فتره واني توترت وبعدها طلع
اني زفرت براحه "تدكرت كلامه ولا بالاصح تهديده انه لو انحرفت ع مسار حيصير كلام تاني نفضت الافكار هاذي من راسي وطلعت"
حواء ساكته ووجها شاحب
وايه ساكته وساره تاكل وخلاص اني شبحت لي محمد ووسيم وبعدها قعمزت شوي كليت والمكان هاذي بكل ما فيش صوت ليهم !
اني كسرت الهدوء وتكلمت:امي امتى بتروح ؟
ايه:قالت بكرى صبح تكون فالحوش
حواء صبت وتغديه فيدها دوب ما تمشي واني انصدت نيتي صبيت لميت المكان وركبت قعدت نهدرز مع بنات ونحاولوا نغيروا جو حواء بس شي ما فيش استجابه
.
.
#تسريع الاحداث
اليوم فات ممل بكل تاني يوم مشينا مدرسه وحاول قصي يحكي معاي بس اني رفضت وقتله لا وهوا احترم موضوع واما مسره ف كل مره تزيد تقوى صحبه بيناتنا
مسره تنفخ :اوووفف ملل شن هذا خيره اليوم طويلل هوا اني مليييتت الحصص يفوتن زي عام
اني :اي اليوم تحسيه طويل مشعارفه كيف عمهم شن عندنا بكرى قالو انشطه وهكك
مسره: اي اليوم بيمرو ع كل فصل وبيطعلوا المواهب يلي فالمدرسه ف تحدي حيكون بين مدرستنا ومدرسه تانيه
اني :اها
مسره:لو في طبخ بنخش
اني :باه كويس
مسره :وانتٍ
اني ضحكت :خيرني اني؟
مسره :حس فصوتكك حلوو بكلل عنددكك نغمه ف نهايه
اني :هههههه عنجد نوقف ع مسرح ونغنيلهم
مسره :اي غنيلهم عايشه حاله حب معك وخداني
اني :هههههه ع طول هذا يلي كان ينقص
مسره :بيجيك وسيم بيروح بيكك اليوم؟
اني "كل ما تسألني ع وسيم تركب فيا نار ليش مشعارفه"! خيره
مسره :لا شي بس نبي نعرف بنشوف راجلي ولا كان اني بدالك نطيحه
اني ضحكت :وسيم اخر راجل ممكن ناخده بعيدا ع أنه مساعدني وهك جميله فوق راسي بس عقلييته وتصرفاته وكلامهه بكلللل
مسره:هذا نوع يلي نحبهع
اني :ربي يشفي😐
روحت لقيت امي مروحه سلمت عليها وقعمزنا نسمعوا فيها شن تحكيلنا ع طرابلس وحوش خالتها
ايه :واكك خاطري نمشيلها طرابلس ونشوف خالتك ي ماما
امي :قالت بتجي بتزورنا ف شهر جاي وين حواء؟
ايه :حواء ف دار
امي :خيرها ؟
ساره :موسى مداير حادت قاعده تربط من تو
احني كلنا ضحكنا
امي : تو نمشي ونشوفها
مشت امي لي حواء دقت عليها وخشت
حواء تمسح ف دموعها تبي تشوف موسى بس مش عارفه كيف بتوصل فيه!
امي :حمد لله ع سلامته
حواء ونبرة صوتها كأنها شاده دمعتها :الله يسبمك
امي :شنو طمنيني شن قالو ليه؟
حواء :مشعارفه نتصل بيه ما ردش ونتصل بأخته برضو ما ردتش خايفه تكون حالته خطيرهه
امي :لا لا تو بعدين نقول لي محمد يرفعني ونطمنك
حواء :خليني نمشي نشوفهه
امي :لا لا عيب شن يقولو علينا عيالك وبعدين خوتك مش حيرضوا خلاص اني نمشي ونسأل عليه ونستحمدلهم
حواء :باه
امي مسحت ع شعر حواء :هي نوضي لامتى بتقعدي زي المرا يلي مرابطه ع راجلها ههههه زي ما قالت ساره عليكك
حواء ببتسامه:ساره وتعليق بعيد سو عليه راجلي
امي ضربتها بالخفيف ع كتفها :معاش ف حشمه بنات اخر زمان والله
حواء ضحكت
.
.
عند وسيم كان مقعمز ف مكتب متاعه ويشوف فملفات ويخش مُعين بإندفاع :اوووو ي عشيري توينكك توحشتكك
وسيم :هذا مشيت اسبوع لتونس توحشتني مالا لما بتمشي لي تركيا كيف؟
مُعين :لا لا فتركيا رجلي ع رجلكك مافي كلام 🤣
وسيم :غير خلي يجي وقتها ساهل المهم شن صار ف تونس اتفقت مع جماعه يلي غادي؟
مُعين :اي وقالو انه شهر 12تكون واتي كلشي بتكون ع طريق البحر مش ع طريق البر واتفقت مع جماعتنا يلي فميناء بيش يستلموها بدون ما حد يشكك
وسيم :ميه ميهه ان شاء الله يمشي ع خير وشن صار ف موضوع استرصاد سيارات ؟
مُعين :لازم كم ورقه تبي توقيع عليها من شركه يلي فتركيا يلي متفقين معاها هنا ما يصير شي
وسيم :اني عندي مواضيع واجد هنا بتمشي انت وحسن لي تركيا بس خليها شهر جاي
مُعين :حسن هذا يلي فطرابلس مش متريحله بكل كيف دخلتنا معانا
وسيم :حسن يفهم فجو هذا ،هذا علاش نبوه معانا عنده خبره فأتفقيات
مُعين :يصير خير
وسيم :بنروح اني شوي بنشوف العيله ونجي
مُعين : غريبه بتروح من تو بدري ولاا.. "غمزله"
وسيم :ولا شنو ي تيس؟
مُعين :تي يلي ف بالي بالك واضحه
وسيم :فبالي بنمشي نشوف العيله وبنجي وانت ألهى ف روحك خيرلك
مُعين ضحك :وسيم العاشق الولهان
وسيم بعصبيه :شن تقول انت ؟تي انت وين واني وين؟
مُعين كمل كلامه:شن رايك نسموا قصه حبكم ب العاشق الولهان وو #الاميره_المنبوذه
وسيم:الاميره مدامها عندي ف مش منبوذه :)وطلع
مُعين بصوت عالي :نشوفوك عريس ي غالي
.
.
ساعه 8:15م
ايه وساره يتعاركن ع من يغسل الماعين
واني نهدرز مع سجى وتحكيلي ع موقف يلي صارلها واني نضحك من جدي
سجى معصبه :تضحكيي تضحكيييي اي اي زيدي بالله
اني نمسح ف دموعي :ووهههعلياا مش قصدي هك بس ونرجع نضحك
سجى رقتلها زادت :تي نقولك قدام الكليه كامله يتمرجل علياا حطني ف مووقف محرججج الكلب بنقتله بكرى
اني شاده ضحكتي : غلط منك كيف ما قتلتيشي من اول ما دارلك هكك🤣
سجى :قبل بنركب فوقه ونوريه زنباع وين ينباعع بس مدايره روحي دور القطه البريئه ولانه موقف قدام طلبه كان بروحنا راه قتلته ودفنته وما حد يعلم عليه
اني ضحكت :وبعدين تولي المتعدي مش محاميه🤣🤣
سجى:اصلا اني كان ف كليه للاجرام وانوع تعذيب وقتل راه خشيتلها
اني ضحكتت :ووووككعلياا وين كلامك قبل اني بترفع قضيه ع حقوق المراءه ف مجتمع ووووو شي واجد انتِ بتخشي ف قضيه لكن انتِ المجني عليك🤣🤣
سجى ضحكت :تخايلي انتِ تحكمي عليا وتضربي بالمطرقه حكمت المحكمه على المجرمه سجى بالشنق حتى الموت
اني تغيرت نبره صوتي وخففتت :بعيد سو عليككك ربي يطولي ف عمرك من عندي غيرك اني ؟
سجى:تي ببصاره ي هبله وانتِ قلبتيها نكد
اني :مافيش بصاره مع موت وخنقتني العبره
سجى :خلاص وعد اني حنكون معاك رجل ع رجل ومش حنسيبك
اني :ان شاء الله ي سوجي
هدرزنا شوي وبعدها سكرت عليها قعدت ف درجاحه مقعمزه شوي ونحس ف شخص قعمز جنبي
اني تلفتت وشبحتله كان شعره مبعثر وجاي ضي القمر ع وجهه كان منظره خيال سرحت فيه معقوله هوا سمح من قريب لهدرجهه ؟ شبحتله لقيته يشبحلي وبعدها رفع يده مررها ع لحيته !لوهله حسيت يلي جنبي مش انسان عادي حسيت بشي غريب ف عيونه !
وسيم بيفتح موضوع:خيرك بروحكك هنا؟
نضت من سرحاني ع صوته لما تكلم واطيت راسي :كنت نكلم ف سجى
وسيم ابتسملي ! اني بديت نتخايل فيه ولا وسيم جنبي واخرى ابتسملي !رفعت يدي بحركه لا إراديه مسيت خده !اي وسيم مش خيال ويبتسملي!فقت ع روحي لما حسيت وسيم توتر وصبى
اني صبيت :ااس سسفه وو وربي مش قصدي
وسيم وخر شعره ع وراه بتوتر :ءءء حصل خير خشي ص صققع هنا ومشي
اني وقفت ف مكاني خيرني هبلت ولا كيف معقوله توصل بيا درجه اني نمس خده اني وين كنت لما درت هكك قصدي كيف ندير حركه زي هدي ؟معقوله كلام مسره مزبوط؟ لا لا مستحيل ! ممكن يلي صار قبل وتو وشعوري كان لانه ساعدني ولانه ولد خالي وردة فعلي طبيعيه خويا هذا! "حسيت راسي بينفجر من الافكار ومن الشي يلي نتخايل فيه " خشيت للحوش ركبت فوق لقيت دار وسيم مردوده ! زعما نمشي ونعتدرله ؟اني ما كانش قصدي !حركتي لا إراديه !تو بيصدقني؟ ولا بيقول هذي ترقع ف الموضوع!؟ فتت الموضوع وخشيت لدار لقيت حواء فرحانه ودموعها ف عينها موسى وعي وحالته كويسه واما ايه شاده فونها ومبتسمه! وساره تقرى قعمزت ع سريري بنرقد تقلبت ما هناش نوم لمحت فوني ضوى قمته لقيته قصي !اححح ي قصي ولاخلاص شن يلي خلاني نرد عليه واني فحياتي ما درت هك ولا كلمت اخرى كنت نخاف من رجاله وبخاصتا لما سالم حاول اكثر من يعتدي عليا ومعامله عمي ههه عمي! كأني جاريه عاملني ! يلا ربي يسامحه ويحس بندم لاني فالاخير بنت خوه !ووسيم اي وسيم!هوا ليش مولي سمح ؟ ولا اني نتخايل؟ وسيم ابتسملي؟ معقوله! ي ربي راسسسي من الافكار هاذي بيتفجر اني نفكر فيك ي وسيم ليش؟ اطلع من راسي! تقلبت ع صفه تانيه نوم حالف ما يجيني قمت فون لقيت رسايل من قصي ع فايبر
"اهلا"
"ام عيون خضر"
"وينكك"
"شغلتيني"
رديت عليه "تاعبه شوي تصبح ع خير "
رد"وانتِ بخير تغطي زين "
طلعت من دردشه خشيت ع وسيم لقيته نشط الان ! ركبت فيا نار زعما ف من يكلم! اكيد يهدرز مع حبيبته ! وين وين ي افنان وبن مشي تفكيرك هذا وسيم راه اوعي!
فجاءه واني نفكر ف افكار سوده هاذي نشبح ف "يكتب الان"
قعمزت شوي ما طاح فوني مني! وعيت ع روحي ع رساله وسيم
"شن عندك نايضه لتو ارقدي"
اني "نوم طاير "
وسيم"كان تحولي الفون وتقري معوذات يصير منك"
"بنعد لتلاته نلقاك متصل يصير كلام تاني"
اني ف خاطري شن الكلب هذا شن واجعه ولا يبينيش نشوفه امتى بيكمل هدرزه العشاق متع الكلاب
سكرت نت قعدت نتقلب ما جانيش نوم نضت نزلت بنشرب ميه
شوي وحسيت بحركهت تلفتت لقيت محمد وراي
محمد :ي حلو
اني ابتسمت :اهلين
محمد قرب :ياحلو
اني وخرت :خيركك
محمد زاد قرب :ي حلو
اني خفت غمضت عيوني شوي ما صار شي! فتحت عيوني لقيت محمد مطلع الكيكه ياكل فيها ضحكت من جدي
محمد شبحلي :خيركك تو تنوضيهم
اني :هههه شي شي كول صحه
محمد :تبي منها سمحه بكل
اني :لا لا
محمد :جايب فيلم ديري فوشار
اني عيوني قلوب صارو :فيلم؟
محمد:اي لكن انتِ ما فيش حضر معايا
اني كشرت:علاش!
محمد :مزلتي صغيره تومعاش يجيك نوم
اني :لا لا كبيره اني غير ونبي خليني
محمد حركه يفكر :امممم اممممك مشعارف نخليك ولا امممم باه ديري فوشار قبل
اني بفرحه :تم تم
مشي محمد بيخدم فيلم واني ندير ف فوشار
مصبيه ندير فيه شوي نلتفت نشبح وسيم وراي
قدم وهوا حامق وسيم:قداش مره نقولك وشاح ع شعركك قداش مره ما تفهميش انتِ ؟
اني نفك ف يدي :يدي توجع
وسيم :شعرك معاش نبيه بلا حجاب
اني نفك ف يدي ونبكي :خلاص حول
وسيم سيبني :اخر اندار ليك مره تانيه بيصير كلام تاني
اني نبكي :انت مدام ما تبينيش علاش جبتني لهنا؟
وسيم :معاش تعلي صوتكك وخشي داخل
اني زدت نبكي:مااانيش خاشه انت خيركك تعامل فيا هكك كأني مرض ؟ علاش كان ما تبينيش نطلع ومعاش تشوف وجهي
وسيم قرب وشدني :ما تقوليش بتطلعي ورب محمد لو نلقاك هاربه ما نرحمك مدام انتِ هنا كل شي يكون تحت اذني
اني نبكي جي ممحمد انخلع
محمد :سيبها البنت مش هكك ي راجل
وسيم دف محمد : ما دخلكش اطلع منها
محمد :مش هكك عمتي وصاتك ي راجل تعوذب من شيطان وسيبها ما دارتلك شي البنت
وسيم طلقني واني طحت قعدت نعيط
محمد قرب مني وسيم بعياط :ما تقربش منها ي محمد رد باللك
محمد بإستغراب :خيرك انت؟
اني صبيت نجري ونبكي خشيت دار وقعدت نبكي
ليش يعامل فيا هك؟ شن درتله ؟اني ف شنو غلطت معاه هوا يلي جاني ويهزبني !ليش معامله هذي! .
.
.
.
#يتبع
