امي : افنان بتطلع زيها زي خواتكك ولا متى بتقعد داس عليها
وسيم:مش لازم تعرف انه نكونوا خوالها وانه هيا بنت عمتنا
اني من صدمه معاش قدرت نصبي طحت طول
وسيم وامي تلفتو لقوني طايحه جو يجرو امي :بنت سمعت كل شي سمعت
و سيم بخوف يضرب فيا ع خدي :افنان افنان
ايه نازله شبحت منظر جت تجري:اوفي خيرها
امي :جيبي ميه ولا عطر فيسع
ايه بهلع :ببب بببه مشت تجري جابتهن وجت
امي رشت الميه وسيم دارلي العطر شوي شوي وفتحت عيوني نشببح ف صوره مغبشه
وسيم قامني وحطني ع صالون
.
.
بعد ساعه
.
.
فتحت عيوني بشوي نلقى مكان فاضي قعمزت ونفكر ف ليش اني هنا وبعدها ادكرت كل شي يعني ما لقانيش صدفه يعني هذيما ضني خالي بس كيف وقعدت نستوعب يلي صار
وسيم جي قعمز حدايا ع صالون ويشبحلي
اني نبكي :ليش دسيت عليا اني شن درت تكذبوا عليا ؟
وسيم :كنتي حتعرفي ف يوم من الايام ونسبه ليش ما قلناش ليك هذي حمايه ليكك
اني نبكي :تحميني وانت كذبت عليا ؟
وسيم :هذا يلي صار وتو عرفتي
اني نبكي :نبي ماما وينك ي ماما
وسيم :امك هيا يلي وصتني عليكك وحكالها كل شي
اني :يعني ماما كانت ع تواصل معاكم ؟
وسيم :اي وكانت ديما توصي فيا عليك ولما عمتي توفت رجعنا لي ليبيا باش ناخدوك بس عمك رفض وصارت قصه وبسنبه لينا رجعنا لي اوكرانيا مع بوي وكنت نحلم ب أمك تقولي وين بنتي يلي وصيتك عليها هذي وصيتي ف يوم قررنا نرجعوا لي ليبيا بويا جاته سكته قلبيه وقعدنا وبعد شهرين رجعنا هنا وتو لينا فليبيا سنه وشوي ف يوم عابي بنمشي لي عمك شفت ولد عمك يكلم بالفون ويقول هربت مني وسمعت اسمك ف قعدت ندور عليك ولما اني مشيت حدا نهر فجاءه نشبح ف بنت طايحه قربت منك لقيتك مخبوطه ع راسك وفاقده الوعي خديتك لي المزرعه ولما فتشت شنطك طلعتي بنت عمتي وهذا يلي صار
اني قربت منه بحركه غير اراديه حضنته كنت محتاجه نحس بالامان حسيت روحي ضايعه من الكلام يلي سمعته
اما وسيم ف يبس ف مكان تجمد حس بدم جف افنان قاعده ف حضنه ولا هوا بدا يتهلوس بيها قعدت مده حاضنته وبعدها وخرت لما وعت ع روحها وجها احمر وعيونها حمر
ااني:ءءء اسفهه ونضت نجري
اما وسيم ف قعد ف مكانه مقعمز حس بشعوور غريببب وبعدها وعي ع روحه لقاها مهناكش صبى وطلع طول ولع سياره ومشي
اما اني ف ركبت لي دار بنات لقيت كل وحده مقعمزه يلي تكلم ويلي تقرى ويلي تتفرج مشيت قعمزت ف سريري كلهن لفن عليا
اني :كنتن تعلمن اني بنت عمتكن؟
بنات :لا والله ما نعلموا
حواء :لما سمعتها لين انجلطت
اني :يعني انتن بنات خال؟
ايه :اي سبحان الله تعرفي وربي تريخنالك وما حسيناك برانيه كأنه نعرفوك من زماان طلعتي بنت عمتي
حظنت حواء وايه ف نفس وقت :يعني انتن ريحه يلي عقبتلي من ماما
ساره حضنتنا :ايي 🥺
شوي وخشت امي
امي :اوفي
اني شبحتلها
امي :تعالي نبيكك
اني هزيت راسي ولحقتها
امي مسحت ع شعري :مدام عرفتي كلشي ف خلاص ما فيش شي اندس تمام؟
اني :يعني هذا سبب انك تبيني نقعد لاني بنت صبيتك؟
امي :اي ولانك بنت تنحبي اول ما شفتك والله حسيتك زي بناتي
اني هزيت راسي
امي :ومدام انك عرفتي كلشي تو نبيك زي قبل نبي كلمه امي تمام،
اني هزيت راسي بمعنى تمام
امي :هي بري شوفي قرايتكك وقولي لي ايه وقت ع موعد العشي
اني ؛تمام مشيت لي دار قلت لي ايه وايه ما تبيش دير بس بالغصب نزلت وهي تخبط واني قعمزت نقرى وعقلي مشوش معقوله هذا كله يصير معاي اني حماره تو ليش حضنته شن كنت نحس وقتها بس نكذب ع روحي كان قلت ما تريحتش ف حضنه ممكن لاني ما عمريش حسيت بشعور الاخ اخخ ي قلبي
ايه:هيا كان بتاكلن
اني :ما نبيش
ايه :انتِ خص نص انزلي
اني بملل نزلت ومشيت قعمزت ع طاوله
وبدينا ناكلو واني ما خاطريش بكل
اني :حمد لله
امي شبحت لي صونيتي :قعمزي ما كليتيش انتِ
اني :ما خاطريش ي امي
امي بنظره حاده :قعمزي وكولي ما تنوضيش الا وانتِ مكمله
قعمزت وقعدت ناكل فوق نفس كملت صبيت صليت العشي ورقدت يوم تاني مشينا المدرسه وكان وقت مرواح واني عندي سابعه بينما ساره روحت صبيت مع بنات نهدرزو شوي شوي ونراجي ف وسيم
فاطمه: افنان نبي نعرفك ع خويا وح تنصدمي لما تعرفيه من
اني بخوف :بس اني ما نقدرش
اني :بس ما نبيش اني
فاطمه تلفتت شبحاته رفعت يده وشايرتله بمعنى تعال
قُصي :السلام عليكم
اني تلفتت ونحس فرجليا مش حاملاتني من خوف لقيته استاذ قصي ! عطيتته بظهري
فاطمه :هيا اوفي نوعها حشوميه راه وضحكت
قُصي حك راسه :واضح عليها ونادى عليا واني بنتلفت نلقى قُصي ع وطى ووسيم فوقه يضرب فيه بنات يتعايطن
فاطمه تبكي واني حسيت رجليا معاش يقدرن يتحركن ونشوف لي وسيم كيف تور الهايج اني تشجعت وناديت وقلبي قريب ينزل لي بطني :وسيم
وسيم تلفتلي وكانن واضح عيونه مظلمات صبى شد يدي قريب يكسرها ويجر فيا وراه ركبني ف سياره واني خايفه وندعي ونستغفر ونشهد اما هو يجري ما يشبح لي شي وصلنا للحوش بنخش لحقني شدني من يدي ورفعني للمربوعه وسكر باب
وسيم بصوت عالي وعروقه بارزات:مننن الفرخ يلي واقف علييكك جاوبي
اني نبكي :والله ما نعرفه صاحبتي قتلي خويا جي وقف علينا واني عطيته بظهري اقسم بالله ما كلمته ولا نعرفهه
وسيمم بأعصاب :واقسم بالله وجلالة رحمان لو نعرفك مدايره شي هكي ولا هكي واقسم بالله ما نتردد ف قتلك
اني نبكي ونرعش قدمت نجري حضنته :والله ما نعرفه ولا نكلم فيه صدققني ورب محمد والله
وسيم كأنه جمره وطاحت ف ميه جمد ف مكانه وهدي دمه جف حس بروحه يحلم ولا انه افنان حاضنته ؟
اني وخرت ونمسح ف دموعي :معاش تتكرر
وسيم ساكت
اني شبحتله
وسيم فاق ع روحه بصوت هادي:ف جديد ما تطلعيش قدام باب اني نوقف قدامه ولما تشبحيني تجي فاهمه؟
اني استغربت وين مشو اعصابه هزيت راسي وطلع وسيبني طلعت مشيت لدار لقيت بنات يوتن ف روحهن اني بإستغراب وين بتمشوا؟
حواء:بنمشوا لي خالتي مريضه وتي روحك حتى انتِ
اني بنفي :لا لا بنقعد عندي امتحان
ايه :شوفي امي
اني مشيت دقيت عليها وقتلها انه عندي امتحان ف الاول قتلي لا بس بعدين اقتنعت
مشوا لي خالتهم قعدت بروحي اذكرت محمد اني وعدته ب كيكه كراميل خلطها وبديت ندير فيها حطيتها ف كوشه وطلعت سقيت العشب وخشيت قعمزت ع تلفزيون شوي وبعدها شميت الكيكه فاحت مشيت شفتها ع خشت محمد
محمد يشمشم :نشم ف ريحه زكيه من ذات العيون الخضراء
اني ضحكت :درتلك الكيكه يلي تحبها
محمد قدم وقرص خشمي :انتِ احسن وحده بعدي اني
اني ضحكت :ندير معاها نسكافي تشرب
محمد:يلي بيدير الخير ما يسألش
اني حطيت الحليب ووتيت الصفره وشوي وطلعت الكيكه وكان منظرها سمح محمد من وراي :تي محلاك محلاك
اني ضحكت
محمد:محلاك ي كيكه الكراميل
اني ضربته بالخفيف ع كتفه :خزي
محمد ضحك
ع خشت وسيم لقانا نضحكوا شبحلي طول :شن تجمع هذا
محمد :عمرك سمعت كيكه ادير ف كيكه
وسيم :ارزن ي عيل كبرت راهو
محمد :كان اكبر مني بتلات سنين مدايرلي روحك كبير
وسيم شقلب عيون وشبحلي، اني :تت تبي قهوه وكيكه
وسبم قدم جبد الكرسي وقعمز :اي
زدت طاسه وصبيتلهم وقسمت الكيكه وعطيت كل واحد طرف
محمد وفمه معبي :تي قسما بالله كيكه ادير ف كيكه تي شنو هذا ؟
اني ضحكت :صحه وشبحت لي وسيم لقيته ساكت
اني :ما عجباتكش كيكه
وسيم رفع حاجبه :باهيه كمبتدئ
اني سكتت وناض وسيم ومحمد قعد بس رجع وسيم ونادى عليه قعدت نغسل ف طواسي وطلعت لصاله لقيت وسيم شاد لابتوب ومحمد فونه
اني :تبو عشي نديرلكم
وسيم وعيونه ع لابتوب :عندك امتحان انتِ تو نجيب من مطعم
اني مشيت نقرى وبعدها لوحت الكتاب حاسه بملل كان بنات قاعدات راه حصلنا جو دق الباب وكان وسيم اني فتحت بدون ما نلبس وشاح
وسيم شبحلي ونزل عيونه :هاك كولي
ونزل طول اني بإستغراب خيره هذا
كليت منها وعقبة نيه طايره رجعت لي سرير ورقدت شوي هك ونحس ف دوشه نفتح عيوني نلقى بنات يهدرزن قعمزت :شنجو غادي؟
حواء:تي سكري فمك هذي عمله تعمليها
ايه:من قاله يناشبني دايرلي روحه راجل
ساره تضحك واني مشفاهمه شي :ع شن تحكوا انتن؟
حواء :تعاركت مع ولد خالي
ايه :ما حصلش كف بس قبل نبي نشلبخه ع شدوقه يلي يهزن
اني ضحكت :تحمليه ع خاطر شدوقه محلاه صغار وشدوقهم
ساره:كبير هذا م97
اني ضحكت :خيركم
حواء:من يوم يومها لا تحبه ولا يحبها والمشكله كل ما يتلاقو زي توم وجيري
ايه رمت الاوساده:مستفززز كلببب غير نشوفه مره تانيه نوريه
حواءفونها يضرب لقاته حبيبها "نعرفكم عليه موسى م95 يقرى معاها هوا بالاصل مفروض متخرج بس موقف وبعد تلات سنين رجع جدد قيده كيف تعرفوا هذي حواء ما خبرتنيش ويلي نعرفه قلته ليكم"
حواء بصوت هادي:ايوه حبيبي
موسى :نعلي اني من صوت هذا بتهبليني انتِ
حواء ضحكت بصوت واطي
موسى غير نبرة صوته :حبيبي
حواء :نعم؟
موسى :بكرى بنجيب اهلي بيش يعطوا فيك كلمه
حواء بتوتر ممزوج بفرح :جدد😶❤
موسى :معاش فيها خلاص لينا سنتين واني صابر نبيكك جنبي
حواء بخجل :تمام تو نقول لي ماما
موسى :نحبكك
حواء :نموتفيكك
ايه بصوت عالي :ي احني وخلاص
اني وساره ضحكنا وحواء تفنص فينا
ايه :حب ما قدرته الحب ما قدرته وتتني وساره تصفق واني نضحك وحواء تفنص بعد كملت حواء مكالمتها ناضت تجري ورا ايه وايه تهرب
حواء داهشه:عفريته ما قدرتكك
ايه طلعت لسانها
حواء: اني بنمشي نخبر ماما ونجي مش مشكله متحشمه كيف بنحكيلها
ايه : قوليلها كلشي يالحب قوليلها ع علاقة ااحب التي دامت سنتان من الرزاله ي قليله الادب اخس
حواء :انتِ تنصحي ولا تعزري فيا ي كلبه وطلعت مشت دقت ع امي وخشتلها لقتها تصلي
امي :خيرك ي حويوه
حواء :نبيك ف موضوع
امي بإستغراب شنو؟
حواء بتوتر :بكرى بيجوا ناس
امي:طيب فيه بيجيبهم واني من زمان نخمم
حواء بصدمه:كنتي تعرفي؟
امي :مالا لا معقوله ما نعرفش بنتي شن ادير كلشي عندي بيه علم وزدت فرحت لانه طلع راجل وجاب اهله وما ضحكش علييكك "وفتحت يديها لي حواء جت حواء وحضنتها وباست راسها "
امي :خلاص قوليلهم يتفضلوا بس مش كان جي خلاص بنسألو عليه زين ايوهه
حواء : صدقيني ي ماما مش ح يدموه بالعكس تو ترفعي راسك بيا لاني عرفت نختار شخص الصح
امي طبطبت ع كتف حواء:ان شاء الله خلاص امشي قوليله يتفضل جري
حواء :اي اي "طلعت وهيا قلبها يرقص واخيرا " خشت علينا ف دار تنط احني ؟؟
حواء :ماما وافقت ي بناتت
ايه وساره واني قدمنا وخبرتنا ع حوار يلي صار صار واحني فاتحين فمنا ونسمعوا ف حواء بعدها حواء اتصلت بحبيبها وخبراته وفرحانه بعدها سكرت وكل وحده قعمزت ف سريرها ورقدت
.
.
ف صباح يوم تالي
نضت خشيت حمام يلي تنوض تسبقه🤣 توضيت وطلعت نوضت ساره ومشيت صليت ولبست ونزلت بندير فطور ع خشت امي
امي :صباح خير
اني صباح النور
امي :هي نساعدك نحطوا ع طاوله وساعدتني
امي :بري كلمي واحد من الاولاد يوصلكم
اني :تمام مشيت دقيت ع محمد لا اجابه مشيت لي دار وسيم لقيتها مردوده خشيت وناديت عليه بصوت هادي فتح عيونه وشبحلي اني : صباح الخير ، نوض باش توصلنا
وسيم :اطلعي تو نلحقك
اني طلعت ونزلت وجت ساؤه تفطر وبعدها نزل وسيم
وسيم :صباح خير ي امي
امي :صباح نور افطر ي وليدي
فطرنا وطلعنا ووصلنا وسيم شبحلي :زي ما قتلك امس !
اني ابتسمتله :تمام
خشينا للمدرسه تلاقيت مع فاطمه
اني :صباح الخير
فاطمه :من وين بيجي الخير
اني :خيركك تدوي من راس خشمك؟
فاطمه :خوك ضرب خويا كيف تبيني ندوي ي ماما
اني :حبيبتي قتلك من قبل مانبيش بس انتِ ما سمعتينش الغلط منك وتانيا هذا مش خويا
فاطمه: قتلك بيقولك كلمتين وبيمشي اني ما قتلك اطلعي معاه
اني مشيت وسيبتها بصراحه وقاحه يعد هك ما فيش واني ما نبيش مشاكل كسرت شر ومشيت قعمزت ف كرسي متاعي
مسره:صباح الخير
اني ابتسمت :صباح الفل
وقعدنا انهدرزو
.
.
عند وسيم مقعمز ف مكان شغل متاعه والباب ينفتح بدون ما يدق صاحبه
مُعين :اوووه ي برو شنجو
وسيم :قديش مره قتلك معاش تخش خشت الهمج هذي
مُعين :تي خيركك ي طيري خودها بروح رياضيه
وسيم قلب عيونه
نعرفكم ع مُعين هذا صديق وسيم من الطفوله عكس وسيم بزبط انسان فرفوش ودمه خفيف مواصفاته اسمر ومتوسط الطول وعريض عيونه واسعات وسود "
وسيم:جبت الملفات؟
مُعين :تي مالا شني ي برو مالا ننساهن
وسيم:وينهن ؟
مُعين :لحظه بس ، مشي جابهن وجي مدهوله :ف زوز لقيتهم يلعبو ا بعداد حياتهم
وسيم قلب الصفاحي :قول لي جماعه يشدوهم وينقلوهم للمزراعه بنلعبوا معاهم شوي
مُعين :تم تم
"طبعا ما حكيتلكمش ع نوع شغل وسيم يخدم ف تجاره سيارات وعنده معرض هذي خدمته النظيفه بنسبه لي شغله تاني ف كان بيع سلاح وبيع الممنوعات وجو هذا "
وسيم : اليوم بتجي بضاعه خلو عيونكم مفتوحه
مُعين : بدون ما توصي
وسيم شبح لي ساعه لقاه وقت صبى طول
مُعين بإستغراب :وين ي طير؟
وسيم :عندي مشوار نص ساعه ونجي
مُعين ضحك ع جنب
وسيم طلع
.
.
عندي اني مقعمزه حدا دار الغفير مدرسه شبه فاضيه شوي هك ولمحت وسيم كاين منظره خيال مشيتله نجري :وين طولت نحسابك نسيتني؟
وسيم :كنت ف خدمه
اني سكتت ركبت سياره وطول طريق ساكتين
وصلت نزلت وكبت درت روتين قبل ونزلت شفت لقيت امي وحواء يحوسن ويوتن وحواء فرحه مش سايعتها
اني :السلام عليمم
امي وحواء:وعليكم سلام
قعدت نساعد فيهم ورتبنا الحوس وواسينا الصاله
.
.
قديس ساعه 5:30
الباب يدق
امي :وحده منكن تفتح الباب ، ناضت ساره :تو اني نفتح
خشوا واستقبلناهم
ام موسى :وين عروستنا؟
امي :هي لحظه صبت وخشت تنادي ع حواء
حواء لابسه قفطان اسود قصير وطالقه شعرها ومديره لمسات خفيفه باينه تههبل
حواء بتوتر :كيف شكلي
امي :عيونها دمعن: مشاء الله تبارك رحمان
وحواء نزلت سلمت وام موسى جبتها هلبا وقعدو يهدرزو وبعدها سايرناهم للباب وروحو
فون حواء يضرب
حواء بصوت هادي:ايوه حبيبي
موسى :ي عيون حبيبك
حواء :شن صار شن قالت عمتي عليا
موسى:شوي ما هبلت عليك وعجبتيها هلباا
حواء :حي هيا مشاء الله عليها هدرازه وجوها سمح
.
.
واني كلمتني سجى وقعدنا نهدرزو نسمع ف صوت وراي نتلفت وو
.
.
يتبع
