ما نعلم ع شي ليين فتحت عيوني بشوي لقيت روحي ف دار تلفتت وشفته! اي اي هو مشعارفه علاش هك ابتسمت قام راسه وشبحلي
وسيم صبى :حالك تمام تحسي بشي؟
اني نشبحله وخلاص كنت نشوف لعيونهه كان واضح عليه انه خايف علياا برغم انه صح هزبني وهك بس تغير كلشي هوا مُنقدي مهما صار ما نقدرش نكرهه
وسيم قرب مني وحسيته انه خايف علياا حط يده ع شعري وحسيت يده ترعش
وسيم:افنان ردي ؟
اني شفت لي عيونه يلي لونهن زي البحر! هزيت راسي
وسيم ابتسملي :خوفتيني علييكك!
اني تكلمت بصعوبه:شكرا
وسيم:افنان مهما صار ومهما حيصير اني حنقعد جنبكك وحنحافظ علييكك صدقيني
اني ابتسمتت وحسيت براحه من كللامه حسيت انه معاي سند ف دنياا
شوي وخش محمد
محمد ببصاره :اوووه ماريندا متعنا الحمدلله ع سلامتكك
اني :الله يسلمكك
محمد :ها شني بتروحي ولا عجبك جو مستشفى بلا هزايب وسيم ؟
شفت لي وسيم وضحكت :لا بنروحح
محمد:دكتور كتبلك خروج
اني بنقعمز جي وسيم ساعدني وعطاني وشاح نغطي راسي طلعت من دار نشوف ف واحد لما شافني واطى عيونهه
مُعين وهو مطبس راسه :الحمد لله ع سلامتكك
شبحت لي وسيم هزلي راسه بإبتسامه
اني :الله يسلمكك
دارولي خروج وطلعت ركبني وسيم ف سياره :مش معطل بنشوف مُعين ونجيك
اني هزيت راسي مشى وقف مع مُعين ومحمد مشي نشوفله كيف يهدرز كان ملامحه بارده ولما يدوي يحركك ف إيديه
.
.
وسيم :خلاص انت ارفعه لي الكوخ نروح ب أفنان ونجيكك
مُعين :تمام تو نقول لي شباب عمهم اني ف ليل مرات نطلع للخمس الجماعه يلي غادي يبوني
وسيم :خلي يربطوه كويس وحطله كم حارس بيش ما يهربش
مُعين :ميه ميه هي ي طيري برا للكبيده تراجي وغمزله
وسيم :قلب عيونه :انت وين وانا وين ؟ ومشي وسيبه
مُعين ضحكك :والله الا جو كلا هو
.
نشوف ف وسيم جاي لسياره
وسيم :شن تحسي كويسه؟
اني :اي الحمد لله
ولع سياره وطلع طول طريق واحني ساكتين بعدها سيب طريق الحوش ومشي لطريق تانيه
اني بإستغراب :الحوش فوتناه
وسيم :عارف بنمشوا لي مكان تاني مش معطلين
اني بفضول :وين ماشيين
وسيم :تو تعرفي
اني سكتت قعدنا طول طريق هدوء بعدها وقف بينا ع مطعم نزل خدي انصاف وركب وكمل الطريق وصلنا للبحر
وسيم شبحلي :انزلي
اني :باه
نزلت من سياره ووسيم فتح الكوفن طلع منه زي الفرشه مشعارفه عمهم فتحها وحط الانصاف وقعمزنا
قعدت نشبح للبحر ورد بيا شريط قبل 4سنين
مفتاح ( اب افنان ):افنااانن راكك تخشي داخل تغرقي
اني : هوا شوي بس مش مقدمه هلباااا
عائشه (ام افنان ) كان تخليها ف حالها البنت قاعده ع شط
مفتاح :تو يصيرلها شي وهيا ما تعرفش تعوم ي افنان تعاالي يبننتي
اني :يبابا والله ما خشيت داخل اهو قدامكم
مفتاح :غير تعالي لبوكك تعالي ، وفتح ايديه
اني شديت يده :بابا تعال معايا باهي
مفتاح :لا لا فكيني
عائشه :امشي معاها ع الاقل ما تقعدش تنادي خلق ربي كله يشبحلنا
مفتاح :كل واحد لاهي ف حاله تحسابيهم غير لاهيين بينا ي مراه
مفتاح :هي هاتي يدكك وتعالي
.
.
اني قاطع تفكيري صوت وسيم تلفتله
وسيم :وين مشيتي ؟
اني نززلت مني دمعه :اذكرت حاجه
وسيم قرب مني ومسح دمعتي :ما تفكريش ف شي تمام ؟
شبحت لعيونهه كانوا يشبهوا البحر يلي قدامي حسيته قرب عليا ونفسه ع وجهي غمضت عيوني
وسيم بعد بتوتر :الماكله بتبرد ما تبيش تاكلي؟
اني فتحت عيوني حسيت انه قلبي يدق بالقوة :ءءء لا ما عنديش نييهه
وسيم :لازم تاكلي شوفي شكلكك موليه صفرا
اني سكتت
وسيم فتح الكيس ومدلي نص شاورما وعطانيي عصير عنب
اني خديته منه وكليت ما نبيش نعانده
اني شبحت لي وسيم هوا طيب من داخل بس من برا علاش كأنه قاسي ؟
اني :وسيم
وسيم تلفت
اني :شن صار ف سالم ؟
وسيم تغيرن ملامحه :علاش تسألي؟
اني : لانه ما ندكرش الا ف صوت رصاص وبعدها معاش ندكر شي
وسيم :ما ماتش
اني :ما نبيكش تقتل حد بسببي راه لانه حرام قتل نفس مهما كان
وسيم :ومن قالك بنقتله ؟لهدي درجه تشوفي فيا مجرم ؟
اني مسكت يده وابتسمت :بلعكس نشوف فيك مُنقدي بس فنفس الوقت ما نبيكش تقتل حد ما يستاهلش انك اتعب روحك وتقعد ف رقبتكك فهمتني ؟ يكفي انه تسلمه لشرطه
وسيم : وحتنا مهما يصير مستحيل نقتل حد الا يلي يقرب ع حاجتي !
اني بعدم فهم :يعني مش حتقتله صح؟
وسيم :لا لا ، هي نوضي بنردكك للحوش امي من بدري وهيا ع نار مشغوله علييكك
اني صبيت :اوكك
