قعدنا نهدرزو واني نسمع ف صوت وراي ونتلفت ونيبس ف مكاني ونسكر
وسيم:ف من تكلمي
اني :ءء صااحبتي
وسيم:صاحبتك تكلمي فيها ف ليل كلميها ف نهار ف ليل معاش تكلميها
اني :ب بباه
وسيم شبحلي : قداش مره قتلك معاش تقابليني بلا حجاب
اني نزلت راسي : انت تجي فجاءه نقعد لابسه حجاب طول وقت
وسيم تلفت:معاش تقعدي بلا حجاب قدامي اني ومحمد ومشي
اني "يجي لعندي ويقولي البسي حجاب مريض"ومشيت
.
.
.
بعد اسبوع نحكيلكم شن صار هذا ي حنه امي خبرت وسيم ومحمد ع موسى وهما سألو عليه ولقوه ولد ناس وعيلته محترمه ووافقوا والعرس بعد تلات شهور بما انه موسى عنده شقه واتيه عباره ع تشطيبات واما ايه و ساره ما عندهنش شي جديد يقرن وخلاص واما حواء عايشه احلى ايام مع حبيبها نقصد خطيبها ههههه واما امي ف مشت لي طرابلس هيا واختها عندها بتمشي تزور خالتها تسكن ف طرابلس واما محمد تعرف ع بنت ف كليه ويحبفيها واما اني ووسيم علاقتنا تحسنت شوي ب تغاطي انه مرات يهزب فيا ع ابسط حاجه بس ف نفس وقت مهتم بيا واما شخصيته وكلامه بارد معايا مزال موجود ف يوم واني مقعمزه ف صاله خش وسيم ناداني
اني تلفتت :نعم
وسيم مدلي كيس :هاك
اني بإستغراب:شن هذا وخديت فتحته لقيته فون😍 اني قعدت نضحك وفرحانه شبحتله:هذا ليا
وسيم :اي ليكك
اني قربت منه شوي وشبحتله :شكراا
وسيم : سجلت رقمي كلمي صاحبتك هذيكك وما تعطيشي لاي شخص رقمك ونسمعك هك ولا هك بيصير كلام تاني وتو نفتحلك وتس وما تفتحيش برنامج الا وتاخدي اذني فاهمه؟
اني هزيت راسي : شن خطرلك تجيبلي تعبت روحك
وسيم : بيش تكلمي بيه لانه صاحبتك ما فيش مشي ليها🙂
اني قرنت حواجبي: علاش ما نمشيلهاش
وسيم :كلمه وحده هي
اني :باه
وسيم برم ومشي ناديته تلفتلي :نعم؟
اني :ما نعرفش نستعمله
وسيم :ما عندكش فون قبل؟
اني :لا
وسيم :باه الحقيني ف دار ومشي
اني شوي هك ولحقته دقيت سمعت صوته خشيت وقربت منه
وسيم :قعمزي ،قعمزت جنبه وقعد يعلم فيا كيف نستعمله
وسيم :خلاص هذا هوا وكان ما عرفتيش شي قوليلي
اني وشبحت لي عيونه وابتسمتله :تمام
وسيم توتر :ءءءء خلاص اا اطلععي
اني صبيت :تمام شكرا وطلعت
وسيم قعد يمسح ف وجهه ويتنفس
اني طلعت فرحانه انتن تو تقولن انها حاجه تافهه ف الاخير مش حاجه كبيره بس اني نختلف بنت انحرمت من اهلي واني صغيره وانحرمت من الحياه والحمد لله ربي استجاب لي دعائي وبعتلي وسيم وعيلته خلوني ما نحسش ب نقص كانوا مهتمين بيا
.
.
#تاني يوم مشيت للمدرسه تجنبت فاطمه خوفا من مشاكل ولقيت مسره صح اصغر مني بس عقلها اكبر من عمرها ف يوم عندنا حصه فاضيه وكانت حصه رابعه ويجي استاذ قصي اني خفت بصراحه واني طبعي خوافه وقعدت نتخايل ف حاجات بيصيرن برغم انه ما دواليش بس عيونه فيا درت الحوله كل ما نكسر عيني نلقاه يشبح جهتي تجنبت نظراته وقعدت نهدرز مع مسره بظرف اني مزلت ما تريحتش ف الفصل وتأقلمت مع بنات رن جرس بنطلع اني ومسره يوقفني استاذ قصي
استاذ قصي :افنان
اني وقفت مكاني بعدها تلفتت :نعم ؟
استاذ قصي:نبيك شوي،شبح لي مسره بمعنى امشي
استاذ قصي :خيرك واقفه غادي نبيك ف كلام وبعدها امشي
اني شبحتله بنظره وبعدها قدمت شوي وقلبي نحسفيه بيطيح فبطني
(نعرفكم ع استاذ قصي م 93 مدرس ف الانقليزي مواصفاته عيونه متوسطات خرش قمحاوي لحيته مرسومه ومتوسط الطول وعريض كان سمح بنكذب عليكم كان شين بس كان بين عيوني وسيم ونظراته لما يعصب )
اني بتوتر :تفضل
قصي :اكيد مستغربه علاش نبيك ولا؟ يومها كنت نبي نحكي مععاك بس خوك شافنا وفهم غلط واني نيتي نظيفه نبي نتع.....
اني قاطعته:ي استاذ اني ما نقدرش نتعرف ولا ما نبيش بالاحرى لاني مش جو هذا اني انسانه ف حالي وما نبيش مشاكل
قصي :خليني نكمل كلامي ممكن صح سببتلك مشكله مع خوك بس ما كانتش نيتي هكك صدقيني
اني :ولد خالي ي استاذ قصي
قصي بإستغراب:من ولد خالك؟
اني :يلي يومها جي وشافك
قصي :علاش يجي هو يروح بيكك
اني سكتت :ما نبيش نحكي فالموضوع!
قصي بحزن :يعني ما تبيش تسمعي شن بنقولك!
اني :لو سمحت ي استاذ كنت واضحه معاك وفهمتك اني ما نبيش ننتعررف
قصي خدي بنينه وورقه وكتب رقمه ومده ليا :تفضلي رقمي وعندك اي شي تبيه ولا غيرتي رايكك اتصلي
اني :ي استاذ لو سمحت افهمني!
قصي : خليه عندك انتِ ما تعلميش ع وقت ومدلي ورققه
اني قعدت فتره صراع بين قلبي وعقلي بعدها خديتها وطلعت لقيت مسره واقفه تراجي فيا اني قربت منها
مسره :شن يبي منك استاذ قصي
اني : يومها فاطمه قتلي خويا يبي يحكي معاك واني رفضت بس ما دورتنيش وشايرتله وهوا جي يبي يحكيلي واني نتجنب فيه جي وسيم وشافني معاه يحسابني نهدرزله بدا فيه وبعدها هزبني ولا يلي صدمني تاني يوم جي بس اكتشفت انه يقري فمدرسه واني مشملاحظه
مسره :قصتكك مطولها وانتِ شرحتيلي كل صغيره وكبيره 🤣
اني ضربتها بالخفيف :الحق مش فيك الحق فيا نشكيلك
مسره :ههههه نبصر معاك ي حبي والله عندك حق بس بصراحه استاذ قصي طريف ننصحك ما اضيعيشي
اني :لا لا مستحيل وبعدين تبي وسيم يقتلني
مسره :لا لا انتِ قصي واني وسيم ووككعليااا اسم على مسمى ي ناس بالله كيف مزلتي ما متيش من جماله صدق من سماه وسيم
اني :اي وكان تشوفيه وهوا يهزب فيكك ويعيط ف وجهكك تو تو تموتي صحح
مسره :راضيه نموت بين ايديه😍
اني:ههههه كلبه
مسره :وربي وسيم ي ناس اسم ع مسمى انتِ خودي قصي واني وسيمي 😍
اني :واو وين وصلتي ف احلامكك االورديه
مسره:جبنا بيبي سميناه جميل😍🤣🤣
اني ضحكت :هبله والله
فاتن الحصص وروحت اني وساره لقيت ايه تتعارك مع حواء ع الغدي ركبت غيرت حوايجي ونزلت وقعدت نسمع فيهم
ايه :بري ي كلبه موسى
حواء :بري مهزبه ما يسكرلك فمك الا احمد
ايه :نجي نخربشلك وجهكك رااهه
حواء :اني بنمشي نكلم ختشبي اصلا استاحشتك (تدوي بدلع ومشت وهيا تتمخطر وعاطيه ايه بظهرها)ايه خدت قلعت شبيب متاعها وتلوحه ع حواء تجي ع راسها حواء تقلب وجها يجيها شبشب تاني ع وجها 🤣🤣 حواء بعيااط :تعععاالي جاي ، وقعدت تتعارك مع ايه ويريش ف بعضهن واحني نحزوا فيها
اني بعصبيه :سااااااددد انتتِ ويااااهااااا
حواء وايه شبحولي اني كملت:من بدري تتعاركن ع حاجه تافهه ساد تو اني نديره العشي وانتم تخمموا ع العشي من القايله
ايه بِغَلْ:علييها هييااا شن كان انخطبت فوقها ريشه ع اساس اول وحده تنخطب ولا شي ادير زيها زينا مدام مزالت ف حوش
حواء :سبت اني درته ي ماما العشي عليييك انتِ اليوووم ،وبيبدن اني عيطت مره تانيه:تو اني انديره العشي غير خلي نتغدوا
ايه قلبت زومتها وحواء طرمت شواربها وطلعن من مطبخ
ساره شبحتلي :حتى امي ما تقدرهن لما يبدن ف اكشن طلعتي قويه ي بنتي🤣🤣🤣😐
اني :راسي يوجع فياا وزادوونييي
ايه جابتتلي فوني :يضرب فونك
اني خديته:الو سوجي شنجووك
سجى :كاان ماا اتصلللت ككنهاااذاا ما تتصلي تشوفي فيا ليل نهار ولا شنوو
اني ضحكت :لا وربي ي عمري بس تو روحت من مدرسه
سجى :لا ي طالبة العلم انتِ
اني :صقع عليكك بنحكيلك
سجى:لا لا تعاليلي مرايفه علييككك موووت اقسم بالله
اني :ما نقدرش
سجى :علاش ؟
اني:وسيم ما يبينيش نطلع
سجى :وسيم وسيم وسيم هذا يلي شادتيه ي همي من يييكون هوا بيش يحكم فيكك هككك مش قاري فيكك فاااتحه ي ماما
اني :باه تعالي انتِ
سجى :نعرفش حوشكم
اني قعدت نقوللها ع نعته
سجى:خلاص كان ما عرفتش مكان نتصل بيكك عارفتيني حماارره ف الوصف ي كبدي
اني :تمام
سكرت منها مشيت لي امي قتلها انه سجى بتجي وهك وقتلي تمام مشيت لي دار غيرت حوايجي مشيت خديت توضيت وقريت قرأن ع بابا وماما طلعت صورتهم وقعدت نشبحلهم كنت شبهه ماما واااجد كانت ماما شعرها لونه احمر وعيونها خضر وبيضه واما بابا كان عيونه سود وشعره اسود وطويل كان بابا يبان صغيرر واجد ما تعطيشي عمره45تعطيه اقل هك بدايه التلاتينات شبحتلهم ونبكي وكأني نعاتب فيهم ليش سيبوني؟ ما فيش اعتراض ع حكم ربي بس حاررره لولا وسيم وعيلته راه اني ف شارع ولا الله اعلم وين مكاني
ايه :اوفي
اني مسحتت دمووعي :نعمم؟
ايه قربت :تبكي؟
اني مسحت دموعي بنفي :لا لا
ايه :عيونك حمر من شنو مالا ؟نعرفك مستاحشه امك وبوك بس ما فيش اعتراض ع قدر ربي هك كاتب وبعدين ربي صح خدي اهلك بس ربي عوضك بينا ربي ما ينسى حد !
اني نبكي: ايه انتِ مش فاهمتيني اني بنت لا ام ولا اب ولا خوو عمي خلاني معاه كله ع شان كلام ناس وع شان يغم ع ورثه بابا وانتم يجي يوم وتملوا مني
ايه بدت تبكي :ومن قالك مش فاهمتكك حتنا فقدت بابا واستاحشته بس ربي هك كاتبب لازم نرضوا بالواقع
اني مسحت دموعي وصبيت سلبت مصليه وحطيت المصحف وشبحت لي ايه :هي نطلعوا لجردينه
ايه :اغسلي وجهكك قبل تعرفي حتى وانتِ تبكي تهبلي😍🤣
اني :وانت قشطه بالعسل🥰
طلعت اني وايه وبعدها نسمع ف حواء تعيطط بصوت عالي انخلعنا وووو
.
.
#يتبع👣
