اني صبيت نجري ونبكي خشيت دار وقعدت نبكي
ليش يعامل فيا هك؟ شن درتله ؟اني ف شنو غلطت معاه هوا يلي جاني ويهزبني !ليش معامله هذي! اسئلتي ما لقيتلهاش جواب !نقعد نبكي ع حظي؟ علاش فحياتي ما فرحت علاش فرحتي ناقصه!علاش لما نحساب دنيا بتضحكلي تطلع تضحك عليا!علاش كلشي محرومه منه !اني شن مدايره! علاش يصيرلي هك!
بعد بكاء طويل نحس ف ايه تهز فيا فتحت عيوني بتعب
ايه :خيرهن عيونكك منفوخات
اني :ممكن من كثر نوم
ايه بشك:اممم نوضي وقت ع مدرسه
اني بتعب :نحس فروحي مريضه مش حنمشي
ايه مست جبهتي لقت حرارتي عاديه:شن يوجع فيكك؟
اني :راسي بينفجر
ايه :خلاص تمام تريحي تو نقوللهم مريضه
اني اكتفيت بهز راسي وبس طلعت ايه قعدت ندكر ف امس وكيف وسيم حاول يضربني !وكيف هددني !كان وحش عيونه مظلمات ! قطع ع افكار صوت امي
امي قربت :خيرك ي اوفي شن يوجع فيك؟
اني :راسي شوي يوجع
امي مست جبهتي :حرارتك مش مرتفعه
اني :لا لا راسي وخلاص
امي خلت يدها ع جبهتي وقعدت تقرى عليا ف قرأن حسييت بررراحه لا توصف! ما نعلمش ع شي لين لقيت روحي راقده نضت ساعه3لقيت ساره بس قاعده قمت فوني لقيت رسايل ومكالمات فائته من قصي
"وينك اليوم"
"طمنيني عليك"
"مريضه؟"
"افنان ردي عليا "
"ما تخلينيش مشغول عليك"
كلمته رد طول عليا
قصي بلهفه:افنان
اني بصوت واطي :اهلين
قصي:خيرك غايبه اليوم فيك شي صايرلك شي احكي ؟
اني اذكرت يلي صار امس :لا لا مريضه بس
قصي :شن يوجع فيك ؟
اني :شكلي خديت برده
قصي :بعيد سو عليكك ي ريته فيا ولا فيكك
اني :بغيير سو
قصي :حالك تو كويس ؟
اني :اي الحمد لله
قعدنا نهدرزو كان مهتم بيا كان خايف عليا تمنيت لو وسيم زيه بس للاسف غيرلي جوي بكل حسسني اني نعرفه من زمان كان انسان دمه خفيف بجد
اني نمسح ف دموعي من ضحك: وبعدها شن صار
قصي :انزلطت وقعدت نلكلك ونقوله ي استاذ مش زي ما انت مفكر وهوا شي زي ثور قال لي زوز انفار يربطوني وعطوني فلقه نحساب روحي بنبدى مشلول ههههه
اني :هههههه طلعت متع عمايل ما يطلع منكك
قصي :هههههه ما شفتي شي
اني سمعت حس امي تنادي :قصي اني تو بنسكر نحكوا بعدين وما سمعتش رده سكرت طول
نضت من فراشي مشيت للحمام توضيت شفت روحي ع مرايه لقيت عيوني منفخات طلعت صليت ودعيت لي ماما وبابا كملت طبقت الصلايه وطلعت لقيت امي فالمطبخ
امي :شنو حالك تو احسن؟
اني :اي بارك فيك لما قريتي عليا حسيت براحه
امي ابتسمت
اني قعدت نساعد فيها ونهدرزو
خش محمد وايه :سلام عليكم
احني :وعليكم سلام
ايه :حالك باهي ي اوفي
اني هزيت راسي وشبحت لمحمد
محمد بإستغباء :قالولي مريضه
اني هزيت راسي
محمد:عين وطارت 😜 وطلع
قعدت نساعد ف امي وبعدها بنتغدو ما بيتش ننزل ما عنديش نيه نقابله بس تفاجئت لما قتلي ساره انه ما جاش نزلت كليت شوي وضميت مطبخ لانه عليا وركبت لقيت مسره مكلمتني عاودتلها
مسره :شبو القمر ما بين اليوم
اني :مريضه شوي
مسره :لا باس علمهم بنخبركك
اني :شنو؟
مسره:جي واحد سأل عليك
اني :منوو؟
مسره:والله ما نعلم
اني قلبي نخصني وخفت :ان شاء الله خير
مسره غيرت موضوع :عمهم حالك كويس تو
اني :الحمد لله
مسره :اكيد لما شفتي وسيم بريتي
اني :باهي باهه
مسره ضحكت :نبصر ي حبنا
اني :احكيلي شن خديتي ؟
مسره :يحنه .........
قعدنا وتحكيلي شن خدينا وشن فاتني سكرت منها
كلمت سجى
سجى :خير ي طير شن خطر عليكك ؟
اني :خيركك حامقه
سجى :بعد تكملي هدرزتك مع بنات خالك تذكريني فالاخير
اني :والله مش هككك معقوله تحمقي مني ع هدي عارفه غلاوتك فقلبي
سجى:نعاتب فيك لاني مستاحشتك والله قريب نجيكم كعابي
اني :حتنا باه تعالي بكرى شن رايك؟
