#الاميره_المنبوذه_ماقبل الاخير
.
.
ميتشا
.
.
ف ليل كلهم رقدو الا اني مزلت مسكرهه راسي نبي نروح مش قادره نقعد ولا دقيقه هنا مش طايقه روحي !طلعت مشيت لي داره ومصره نروح !بنروح يعني بنروح خشيت لداره كانت الاضاءه خافته ومكيف والع وريحته !اهه ع ريحته عالقه فيها قدمت ع زيانه شفت عطور بخيت بعطر كانت صنته حلووه بكلل غمضت عيوني حسيت بيد تمس ف خدي ! بخلعه تلفتت شفته اييي وشفت عيونه! بحر يلي نغرق فيه
وسيم بصوت هادي :شن اديري هنا فالوقت هذا؟
اني كنت مرتبكه من قربه :نن نبي ننرووح
وسيم زاد قدم :وليش تبي تروحي؟
اني وخرت :ءءء نبي نقعد مع خوتي خلاص
وسيم قرب واني وخرت لين وصلت ف الحيط حاصرني بيديه :امممم ما ليكش اسبوع تعرفتي عليهم وخلاص بتروحي
اني بتوتر :ءءءء عاادي انت امتى عرفتك
وسيم حط صبععه ع خدي واني حسيت بروحي خلاص معاش عرفت خيره قلبي يدق بالقوهه !
وسيم يحرك ف صبعه ع خدي : مش مهم تعرفيني المهم اني نعرفكك
اني :وخرر شوي باه
وسيم حط يده ع شعري :وليش؟ مش متريحه ؟
اني سكتت غمضت عيوني ومعاش عرفت شن ندير خيرني ضعفت ؟
وسيم بصوت هادي :افتحي عيونك خلي نشوف جنه
اني وعيوني مغمضات :وخرر ي وسيم شن ادير انت
وسيم :قولي اسمي تاني
اني بضعف :وسيمم وخر
وسيم كان ف عالم تاني ويطبع بوسه
اما اني ف كنت ف حاله صدمه بس ماقدرتش نوقفه!
اما وسيم دامت البوسه لمده دقايق ووخر حط جبينه ع جبيني
وسيم مغمض عيونه:نحبكك ياافنان
اني مزلت فحاله صدمه بس حسيت بشعور حلوو بس وعيت ع روحي لما اذكرت انه نادني باسم وحده تانيه ودفيته
اني ودموعي ينزلو :تحبني! وانت امس تنادي عليا بس غيري ! اني مش لعبةة عندكك اني انسانه وقبل كلشي اني قريبتكك اني وصية عمتكك !
وسيم يمسح ف دموعي وشد وجهي بين ايديه :معاش تبكي ونوعدك نخبركك كلشي تمام!
اني :شن بتخبرني!بتكذب علياا!
وسيم بصوتت هادي يخوف شد ع وجهي :قلت بنخبركك كلشيي معاش تقولي بتكذب !
اني :قبل كذبت عليا ودسيت عليا شي واجد ما خبرتنيش بيه تو بتخبرني واني تبيني نصدقكك!
وسيم بنبرهه تخوف :لازم تصدقي
اما اني ف خفت وقعدت سرحانه فعيونه!
وسيم نزل يديه : بكرى تو نرفعكك لاهلك تو خشي ارقدي
اني :بس....
وسيم قرب :كلمه وحده خلاص !
اني طلعت من دار ةقلبي يدق خيركك يقلبي اهدى نزلت شربت ميه ونحس فروحي نار مزلت ولما ندكر بوسه نزيد نسخن علاش ما وقفتاش !كيف ندير هك اني ! ركبت لدار وما جانيش نوم
.
.
اما عند وسيم قعد فتره يستوعب شن دار! وشن قال! هوا باسها واعترفلها بحبه! اذكر عمته وانها وصاته عليها ! كيف يدير هك! خش للحمام (حشاكم) وقعد تحت شرشاره وهوا قاعد يفكر! طلع من حمام ورقد ع سرير وهوا مخطط انه ح يقعد قد كلمته لي عمته ويحافظ عليها ! وانه حيحاول يعفس ع قلبهه ولو ما قدرش حيكون ف كلام تاني
.
.
تاني يوم
اني ما قدرتش نرقد كل شوي ندكر يلي صار امس صبيت نوضت ساره وخشيت للحمام قعدت نشبح لروحي وندكر ونضحك زي المهبوله وقفت ضحك كيف بنقابله ! طلعت من حمام حشاكم غيرت حوايجي وصليت ونزلت لقيت امي
اني :صباح خير
امي :صباح نور وين كلبه سارهه
اني :عارفتيها خميره نومم
امي :انتِ رقدتي
اني :اي غفيت
محمد جي :صباح الخير والسرور
امي :صباح نور
محمد شبحلي :كيفحاله الحلو
اني مع ابتسامه (بجد محمد انسان فرفوش وديما جوهه حلووو):الحمد لله
محمد :وجهك اصفر كولي نبيكك ف موضوعناا
ع خشت وسيم :صباح الخير
اني حاولت نتجاهل وجوده اول ما سمعت صوته اذكرت امس ولعت فيا نار :نسسيتت تعرف
محمد :عاد كيف قداش ليا داويلك
امي :شن هوا الموضوع اامهم
محمد مع كحه :هئحم ولدك بيكمل نص دينه
وسيم قام عيونه:كيف؟
محمد :واضحه بنتزوج والعروس واتيه
اني مع ضحكه :من قال اموافقه مزال وانت مستعجل
وسيم صبى بعصبيه :شن تدوو ع صبح نم؟
محمد مستغرب :خيركك تبينيش نتزوج ولا تبيني نقعد زيك ع وحده وراحت ؟
وسيم بعصبيهه :نمم اسكتت عارف شن اطلع من فمك انت؟
امي :خيركم اسكتو
محمد حامق :ولدك من بعد الاء سكر ع سيرة الزواج وما باش ينساها لكن انه ما يخلينيش نتزوج هذا موضوع تاني
وسيم شد محمد:معاش تدوي اسمهاا فاهم بنت ماتت وسكرنا سيره وكنك ع زواج اتزوج بس افنان فوتها
اني بخوف :خخخ خخلاص انت مش فاهم
محمد بستغراب دفه :من قالك افنان بكلل افنان اختي يمريض خايف عليها تمام وامانه عندكك تمام لكن انك تكون مريض والخوف زايد مش باهي اني زيي خوها وزي ما خايف عليها نخافف عليها
وسيم ارتخي :كيف
امي :اسكتوو وسكرو سيرهه ومحمد من بنت ونمشو نخطبوها
محمد :ي امي ف بنت عاجبتني وقلت لافنان لانها صاحبتها وافنان مزال ما سألتش البنت وهذا الموضوع ليا ايام داويلها وهيا تنسى ما تدويلهاش
وسيم شافلي :هيا كان بتمشي مش سواقك وين امها فرخه ساره
اني : بب ببااهه تو ناديها
طلع محمد شافلي وشايرلي براسه
اني :نعم!
محمد:ف شي بينك وبين وسيم ؟
اني بتوتر :ءءء لا واالله
محمد :باه امشي قبل لا يجي
ف سياره
وسيم "خير فيتكك ي اني! امس شن قلنا ؟ تي مشقادر نم خلاص افنان طلعها من راسك! !"وخر وقعد يمسح ع شعرهه
اني ركبت ع ساكت
وسيم شافلي :وين ساره؟
اني :ما تبيش تمشي
وسيمم ولع سيارته وساكت
اما اني كل مره نسرق نظرهه منه كنت نشوف لي لحيته نبي نمسها !
وسيم شافلي نحيت عيوني طول :خيرك تشوفيلي ؟
اني "انسان بارد مستفزز ع اساس امس نسي شن دار !"
اني :نبي نقولك انه بنرجع لي خوتي مش معقوله مخليني عندك؟
وسيم ضحك ع جنب :تمام تو لما تروحي من مدرسه نحطك غادي مدام تبي تقعدي تغيشي عند خوتك
اني بصوت واطي :قققققققققققققق هممم
وسيم :من الهم؟
اني :شي وقلبت وجهي قصدي وامس والكلام يلي قاله ليا؟توقعته يقولي اقعدي ما تمشيش ! نبيك جنبي ! كنت نتمنى نسمع هكك بس من منو من وسيم؟ الانسان البارد !
وصلني قدام مدرسه فتحت باب وقربعته بقوتتهه
وسيم نزل شبااكك :حسابكك بعدين
مشيت لقيت مسره قدام الباب
اني :صباح خير
مسره :صباح نور
اني حسيتها مهبيه!: خيرك؟صايرلك شي!
مسره :ءء لا لا بس مولت ناعسه
اني بشك :امم باهيي :قريتي ف الامتحان ؟
مسره :لا
اني :هذا وين عرفت صايرتلك حاجه احكيي
مسرهه شبحتليي فتره ودموعها يتجمعوا حضنتني!
اني بصدمه وخوف :خيرك بسم الله عليك؟
مسره :بويا طلق امي 💔
اني بثدمه :ءءء كيف صار فهميني
مسره تمسح ف دموعها :انسي
اني بحزم:احكي صاحبات حني؟
مسره :امي لما حملت بيا فرحتت هلباا برغم انه بويا كان هاملها وقالت ممكن تتصلح الامور لما نجي ع دنيا بس لما كبرت بطن امي ف شهرها سابع معاش قدرت الوجع ف مشو للمستشفى ودخلوها للعمليات وقدرو يطلعوني بسلامه وحطوني ف حضانه بس امي! تعبت هلباا ف اضطرو ينحو رحم لانه كان رحمها ضعيف من بدايه وبويا كان يبيني ولد وبدي يضرب ف امي برغم انها مريضه ومش ذنبهاا وكانت نفسيتها مدمره لانه معاش تقدر تجيب تاني!
كانت تربي فيا وتصرف عليا اما بويا كان مش مدورنا بكلل وعايش حياته بطول والعرض وكان لما يجي للحوش يضرب امي ما يخليها ع شن تتكى وبعد سنين وايام امس يجيب مرته تانيه يلي كنا ما نعلموش عليها ولما امي تشجعت شوي وقتله الحوش باسم بنتي ضربها طريحه ورمي عليها يمين الطلاق وردت تبكي ع كل كلمه قالتها قلبي يتقطع !معقوله ف ابهات هك؟لهدرجه ما عندهمش رحمه !
اما اني جبتها لحضني لين هدت رفعتها غسلت وجها وخشينا للفصل كنت مصدومه من قصتها معقولهه بننت زي هذي تحملت
ف وقت الاستراحه
اني :مسرره
مسره:نعم
اني دموعي تجمعو :ليش احني من دون ناس كلهم؟
مسره:الله غالب ربي هكك كاتب ما باليد حيله
اني :تعرفي حتنا فقدت بويا وامي وكنت نعيش مع عمي ومرته وولاده كأني شغاله
مسره : بس انتِ ربي عوضك عندك وسيم وعندك خوتك تو
اني :صح بس مش كيف
مسره حضنتني وقعدنا نبكو كل وحدهه همها اكبر من تانيه !
وقت مرواح جي وسيم روح بيا طول طريق واني بالي مع مسررههه
وسيم شافلي :خيررك؟
اني شادهه دموعي :ولا شيء
وسيم :كمل وهوا ساكت اما اني فقعدت سارحه !تفكرت اهلي يلي فقدتهم ويلي صار معايا وبعدها ادكرت كلام مسره انه ربي عوضني بيه! شفتلهه ودموعي قعدو ينزلو
وسيم بخوف درس ع جنب :احكيلي خيرك؟ ف حد مضايقك؟
اني :ليش اني تو مع بويا وامي!؟ليش حياتي هكك؟
وسيم :كيف
اني زادو دموعي :كنت نتمنى اني جنب اهلي ي ريتني متت معاهم
وسيم شد يديا :واني لمن بتسيبيني؟
اني شفت لعيونه:معاك اهلكك شن بدير بياا زدتك هم وانت حاصل بيا تو
وسيم ضغظ ع يدي :تعرفي حاجه اني انسان محظوظ تعرفي علاش؟ لانه ربي بعتك ليا مستحيل تكوني هم بالعكس انتِ يلي بيكك عيونيي تفتحو لدنياا معاش تقولي هكي تمام
اني :يعني اني شنو؟
وسيم قرب ومسح دموعي :انتِ بنتي تو ويلي يقرب منها بنحرقه ويلي بيزعلها بنردله ضعف اضعاف زعلكك!
انيي دموعي نزلو :يعني انت شنو؟
وسيم:يعني وسيم يحبكك
اني سكتت
وسيم :تحبيني؟!
اني شفتله فترهه وكنت مركزهه ع عيونه ع بحرر يلي فيهن هل اني حنضعف ونغرق ؟
وسيم :قوليها؟
اني فكيت يديا :ءءء امتى بتردني لحوشنا
وسيم وجعاته ولع سياره طول للحوش:وتي دبشك نراجي فيك
اني نزلت بدون ولا كلمه
ساره :اهلييننن
اني :اهلا راجيناك وبعدها ادكرت انه عندك سادسه🤣
سارهه :ضحكت باهي تعالي تغدي
اني :بنمشي للحوش
ساره :قصدك خلاص
اني :لا عاد فكينا اكيد بنجوكم
ركبت وتيت دبشي ونزلت سلمت عليهم وطلعت
ركبت سيارهه حاولت نشبحلاش ولع سيارهه واحني ساكتين
رن رن
اني :الو
سجى:ويين يكلبهه ع اساس بتجيني
اني ضحكتت :حتنا استاحشتك
سجى :نبي نشوفكك دبريلي
اني :تو نقول لي بوبي يرفعني ليك نبيكك ف موضوع اصلا
سجى:شن هوا الموضوع
اني :تتلاقو ونخبرك
وسيم بدون ما يشبحلي :تجيك هياا انتِ ما تمشيش
اني :وليش؟
وسيم :كلمه وحده ما تتمشيش
اني :قاري فاتحتي باش تقولي ما تمشيش؟
وسيم بعصبيه :ام لسانك معاش اطوليه
اني :ليش ما نمشيش ها؟اعطيني سبب
وسيم :عندها خو هيا تبيك تجيكك
اني :قصدكك ع خالد؟
وسيم شبحلي بنظرهه شوي ما شخيت :مزال تقولي اسمه يصير كلام تاني وجلاله الرحمن
اني خفت :بس
وسيم ضرب الدومان بعياط :كلمههه وحدهههه ترقيششش ضغططيييي ننمممم خيررررلللككك
اني قعدت نبكي
وسيم :خلاص خلااصصصص نم ليش ترقي ضعظ وبعدها تبكيلي اسكتييي
حطني قدام الباب
وسيم :افنان ما تزعليش مني اني خايف علييكك نبيش حد يشوفكك افهميها
اني شفتله :نكرهك
وطلعت نجري
اما وسيم قعدت كلمه تردد ف وذنه!ليش؟هوا يحبها!خايف عليها!ما يبيش حد يشوفها يخاف تحب غيرهه!تكون لغيره!ليش؟
اني نزلت دقيت ع باب فتحتلي وسن حضنتها وهيا بادلتني
وسن :يكلبه وين قريب تلات ايام عندهم ما شبعناش منك
اني :بإذن الله بقعد هنا خلاص🥺
وسن :خشي
اني خشيت سلمت ع فوزيه وركبت فوق اني ووسن
وسن :ايي احكيلي
اني :ع شنو
وسن :شن درتي عندهم
اني قعدنا نهدرز لعند اذن العصر نضنا صلينا ونزلنا لوطه لجناان ع خشت ايوب
ايوب :اووووو االحلو جانا
اني قربت منه وحضنته وهوا بادلني بس اني طولت كنت خايفه يطلع سراب وانه كله حلم وخرت وشافلي
ايوب :خيركك ف حد مضايقك؟
اني :لا لا
ايوب :خيركك قولي وسيم قالك شي؟
اني :لا
ايوب خيركك ادوي مالا؟
اني :شي استاحشتكك بس
ايوب بثقه عارفكم ما تقدروش تعيشو من غيري
وسن :ننننننن تحساب روحك اكسجين مالا
ايوب :تي حولي خير ما نضربك
اني كلمت سجى وجتني ف حوش مشعارفه علاش ما عاندتاش ؟
اني :وهذا هو الموضوع؟ شن رايك
سجى بنظره هذي🥺:ققصدي هوا قال هك؟
اني :تي شن كنت نحكيلك اني
سجى :مشعارفه
اني :هيا واني وليت دايه ام زكي 🙂😂
سجى ضحكت
اني :انتِ فكري زين
سجى :تمام بس نبي نكلمه باش نفهم طبعه ووو هذا زواج
اني :كنك ع موضوع هذا ساهل هوا نكلمه قدامك وشوفيه
سجى:لا لا مش حنطلب رقم تو ياخد فكره غلط
اني :اححح علينا
سجى :انتِ فهميه بطريقه خليه هوا يكلمني الاول
اني :تمام
قعدنا نهدرزو ووسن تهدرز معانا
سجى :اييهه خالد يتصل بنطلع اني
اني :تمام خلي نوصلك
سقدت سجى لعند باب وخشيت
فوزيه : مدام انتِ بتقعدي خلاص لازم تحوسي زيك زي وسن
اني :اكيد زي ما تبي
فوزيه :تعرفي اطيبي؟
اني :اي
فوزيه :من علمك وانتَ لا عندك ام لا عندك خالات؟
اني وجعتني سكتت
وسن :خلاص اهم شي تعرف اطيب مش مهم من علمها
فوزيه ناضت
وسن جتني :ما دوريش امي ي اوفي تمام؟ هيا هك طبعها حتى معانا
اني هزيت راسي
وفاتن ايام واني بديت اامتحانات وعقلي مشوش يرفع فيا ايوب ويروح بيا وسيم من هذاك اليوم معاش ريته هل اني قسيت عليه؟ولا كلمني واني كنت نطمن عليه من البنات وخلال الفتره هذي وسن انخطبت وتوتي لعرسها واني معاها لحظه بلحظه وسجى ومحمد يحكو مع بعض وحبو بعض برغم اختلافهم ع بعض بس عارفين انهم مكملين لبعض
.
.
بعد مرور شهرين
كنت بنهبل من هذاك اليوم واني ما شفتاش وسمعت انه مسافر سافر بدون ما يسلم عليا ! كان بالي مشغول عليه ونطمن عليه من بنات حاولت نوصل فيه بس كنت متحشمه واصلا وحتى لو كلمته شن بنقوله؟ قرب عرس حواء مزال عليه اسبوعين واني نمشيلهم غادي نساعد فيهم وكانت حواء بطير من فىحه بس فنفس وقت متوترهه اما ايه ف اعترفلها معاذ بحبه وكانت فرحانه انها لقت نصها تاني اما سارهه ف قاعده ع حالها ومحمد قاعد يبني يبي يخطب سجى وما يبيش يتقدم لين يكون عنده حوش مشيت للمحل اني وسن رفعنا ايوب شريت قفطان اول ما شفته واني عيوني قلوب ♥️ لونه اسود وضابط ع جسم فيه فتحه من فخد ومن ورا رقم سبعه مع خيوط واكتافه نازلات كان جميل وبسيطط خديته وخديت معاه كعب لونه احمر وشريت بدله تانيه ووسن شرت قفطان قصير لونه وردي هاديي ضابط من فوق ومبوج من تحت كان فيه ورد بلون الازرق الغامق حلو بكل طلعنا
ايوب:كانت وحده صارو زوز ي ربي فلستو بيااا ي ربي
اني مع نظره هذي🥺 :نردوهلك ف عرسك
وسن :من تبي يشريلي مالا نشحت من جار ولا كيف
ايوب :اوفي وراسك علميها الاسلوب
وسن :ريت ريت قصدك اني بلا اسلوب
ايوب :طالع زرده
اني :خلاص ياسر ي جماعه
اني :حطني ف حوش خالي
ايوب :بالك تروحي معانا وبكرى تجيهم خير
اني :ما نقدرش نسيبهم
ايوب لف بيا ورفعني غادي حطيت دبشي ف دولاب واسيته وطلعت نولت لقيت خالاتهم ب كناينهم ب بنات بصغارهم هذا كله ومزال ما بداش كأنه عرس
قعدت مع بنات يهدرزن واني بسارحهه بعيد
ايه:اوفي خيرك؟
اني :ما في شي
صبريه (بنت خالتهم):بلكي عارفه انه مش مكانها
خلود (اخت صبريه):ههههه ارفعيها لمكانه بري شوفي للمطبخ وانتِ مقعمزه حدانا
اني ساكته قصدي شن حسهم قالو؟
ايه بإنفعال :والله الحوش حوشها والبراني عارف روحه ي بنات خالتي مع غمزه
صبريه و خلود سكتن : ما توقعناها منك ي ايه معقوله؟
ايه :يلي مش عاجبه الباب يفوت جمل وانتن مشاء الله زوز ناقات
اني حسيتها بتصير عركه:ويه خلاص بنات يبصرن
ايه تلفتتلي :لا ما يبصرنش مدام ف حوشنا يحترمن نفسهن
صبريه وخلود ناضن
ريمان :احسن ما درتيلهن مسحتي ع كبدي
ايه شافتلي:اوفي ممكن لانك ع نيتك ما تعلميش بس هذينا كلبات ويلي قلته ليهن صح ف صح وانتِ اختي ويلي يغلط فيك ي ويله
شفتلها وحضنتها بجد تحسيهن قطعه منكك♥️
قعمزنا نهدرزو لين حشت ساره داهشه ونسمعو ا ف عياط
اني بخلعه :شن في
ساره :وسيم روحح
اني حسيت روحي ف حلم
اني طلعت نجري نبي نتأكد بعيوني شفته يحضن ف امي ويبوس ع راسها دموعي تجمعو
كان متغير لحيته كابره وشعره طاول زادن من حلاوته🧿
مشيت ركبت حدا داره
راجيته لين سمعت صوته يكح واسيت روحي ودرت روحي فايته (مزلت نكابر😂) وقف لما شفته شافلي
اني :الحمد لله ع سلامتك ومديت يدي
شافلي بنظره ما فهمتهاش نظره غامضه
وسيم :الله يسلمك
وفات من جنبي قعدت يدي من صدمه ممدوده ونشوفلها
لين سمعته سكر باب دار
هوا تجاهلني؟ما سلمش حتى عليا ؟كرهني؟
مشيت دقيت ع باب ما فتحش زدت بالقوه ندق
وسيم فتح باب :تفضلي؟
اني بصدمه:وسيم!
وسيم:تبي شي؟
اني عيوني تعبو دموع :وسيم؟
وسيم:لو بتقعدي مصبيه هك وخلاص بنتريح اني وسكر الباب
قعدت مصبيه صدمههه مستحيل يكون وسيم!
خشيت توضيت وصليت ركعتين لله قعدت نشكي لي ربي اني عبدك ضعيف ي ربي ما لياش غيرك! كنت واثقه ومؤمنه انه ربي مش حيسيبني لو سيبوني كلهم🧡
حسيت براحه نزلت قعدت نساعد فيهم ونطبقو ف مناديل وكل وحده تخدم
.
.يوم الرمي صبح كنت لابسه طرحه عاديه سروال جيشي وبلوزه كتافها طايحات مخربشه بزيلي ع بيج قمت شعري كعكهه فوق ونزلت خصلات قداش ليا ما حضرت عرس ولا واسيت روحي! من كان عمري 13سنه ما مشيت لعرس لدرجه ممكن نسيت حتى شن عاداتنا شفت لروحي ع مرايا برغم بساطه شكلي بس بجد عجبتني روحي حطيت زبده كاكاو ع فمي بس ونزلت اما حواء لابشه الردي البودري طالعه تهبل بيه وفرحه باينه ع وجهاا♥️
شوي ونسمعو ف صوت تبيب برا عرفنا انه جابو الرمي
جابو الدبش ومن عاداتنا وتقاليدنا نقعدو رافعين حاحات ونورو فيهم لناس من ملابس مكياج دهب وحتى الكسوه وحواء ماتحبش الحنه ف مش حيديرو حنه وبنديرو حفله🥺
تاني يوم كانت الحفله كل وحده شارقه حواء مشت للكوافير هيا وايه ويلي جايبه كوافيرر للحوش ويلي روحت توتي فروحها مشيت توضيت ولبست القفطان يلي شريته ودرت كعكه ع خشت ساره :مشاء الله عيني ما اضركك يبنت 🥺
اني تحشمت
ساره :راك تقولي بضمي شعرك
اني :ما عمريش طلقته!
ساره تعالي تعالي غير لامتى بنقعد نعلم ونوري فبك
فتحت شعري ومشطاته ليه شفته زايد طاول
ساره مشاء الله كيف تتعاملي معاه
اني :تعودت
مشتلي عليه شوي بالمكوى زاد تنعم وطول لانه انفرد وشافت لوجهي
ساره :اممم انتِ بيضه مشاء الله لين طاير زواقك
اني ضحكت :اسمه نمش يبنتي
ساره :عمهم بنديرلك ايلاينر وروج دمي وخلاص
اني :شن اينالاير؟
ساره :ايلاينر يبنتي
اني :شن هو؟
ساره :غمضي عينك بس
غمضت عيني ورسمتلي ودرت مسكرا ودارتلي روج دمي
ساره :اقسم بالله لوحه فنيه🥺🧡
اني شفت لروحي بأمانه حسيت روحي جميله فحياتي ما درت مكياج ولا اهتميت بنفسي ولا نشوف لروحي زين زي اي بنت من عمري بس لحظه هذي شفت روحي سمحه
ساره :ديريلي فير لشعري من تحت
اني :باه حست عليها ومشت تلبس اما لني لبست كعب وطلعت وقفت ع باب
اني :ايوه
وسن :وينك اني برا ما عرفتش ما وين نخش
اني :هي نازلتلك
نمشي بالكعب زي معاقه اول مره نلبسه 😂
نزلت ليها وسلمت
وسن : يربي طالعه تهبلي
اني :حتى انتِ
اني :تعالي قعمزي هنا ف خيمه بينما جيت بنشوف امي
طلعت للمطبخ
اني :امي
امي :ان شاء الله نفرح بيك
خديجه (مرت خالهم):بنتكم هذي تبارك رحمن
امي :سلمك
خديجه :مخطوبه البنت والله البنت عجبتني ونبيها لي بشير ولدي
اني ساكته ونقول من وين طلعتلي
امي :لا لا مش مخطوبه يلي فيه خير ربي يكتبه
خديجه :خلاص بعد العرس نجو
اني ساكته قصدي وين رايي؟ شن اني سلعه متلا؟ طلعت من حداهم مشيت للخيمه كانو طاولات كبار وزينه وملبسين طاولات وكراسي ع لون وردي وجايبين كوشه العروس (طبعا احني مصراته قليل ونادر نديرو ف صالات اكثر اعراسنا ف حوش )
قعمزت جنب وسن قعدنا نهدرزو وكانت تحكيلي واني مش معاها
وسن :يتهنى
اني :من؟
وسن :يللي واخد عقلكك
اني :ما في شي يختي
وسن :فكنا من كذب شفتك حاطه صورته خلفيه
اني ساكته
وسن :تحبيه؟
اني :نحبه بس؟
وسن :حيعلمهه اختي مكبده تبي صراحه لاقنه طرف شفته واني خاشه لابس زبون
اني :حقا
وسن :وربي زي ما نحكيلك
