عامر / اخذت البنت اللى قال انها بنت عمتى سافرنا ورحت لصديق جدى البادرى كان راجل عجوز وطيب معندوش اولاد وقبل ما احكى له اى حاجه قالى انه عارف وبعد يومين قالى ان جدى العمرى مات واخدنى عند جدتى تانى هناك جدتى قالت لى
### F. B.####
الجدة / تعالى يا عامر اقعد جنبى هنا هحكيلك حكايه عايزاك تفتكرها دايما وفى يوم هتفهم معناها
عامر / بس يا تيتا ليه مش نعيش معاكى هنا
الجده / لان علامك فى اسكندريه وهتيجى تزورنى كل اجازه ماشي
عامر / ماشي يا تيتا قولى بقى الحكايه
الجده/ زمان يا عامر كان جميع المخلوقات بتعيش مع بعض على الارض لكن كان فى مخلوقات شكلها وحش اوى ففى اساطير الماضى احد الملوك طلب من الملك الاول يرحم الانسان من رؤيتهم فستجاب الملك لطلبه وعشان هو ملك عادل زى ما خلى الانسان مش يشوف المخلوقات دى غير لما يسعى لرؤيتهم برده مش يشوف مخلقات تانيه زى الملايكه وغيرها ومرت السنين والناس نسيت ان فى مخلوقات غيرهم زى الجن والملايكه ونسيت اشكالهم بس المخلوقات دى عبارة عن امم بتعبد ربها فيها المؤمن وفيها الكافر فيها الصالح وفيها الطالح . ......... كان فى ملكه من المخلوقات دى بتحب الزراع وبتحب الاخضر كانت اينما تواجدت يتحول المكان الى روضه خضراء باشجار حتى الصحراء كانت بتنبت ببعض النباتات فى وسط رملتها الصفراء الملكه دى كان عندها بنات كتير احداهن حبت انسان واتجوزته وجابت منه بنت اول مولود ليهم اتكتب عليها متكبرش اكتر من 9سنوات اما باقى اولادهم كانوا طبعين باعمار الانسان بس القانون بيقول هيجى من احفادهم حد هيكون ملك لجميع المخلوقات ........ وفى نفس الفترة بنتها التانيه حبها ملك الظلام وخطفها للعالم السفلى و حبسها هناك وبعد ما الملكه فضلت تدور ودور وملكتش بنتها وعرفت انها اصبحت فى العالم السفلى مكنش فى ايديها الا انها تستنى الحفيد اللى هيكون ملك على المخلوقات عشان يرجع لها بنتها من ملك الظلام بس ملك الظلام كمان خطف بنتها الثانيه اللى كانت حامل من انسان اخر وده وجع قلب زوج الملكه اللى قرر يسافر ويدور ويحاول يرجع بناته اخد معاه بس ابنه الولد وساب باقى البنات اللى اتجوزوا برده من اناس لكن كانوا بيموتوا بعد اول مولود ليهم ويتبقى مع الملكه الموالدي اللى مش بتكبر عن 9 سنين استقر زوج الملكه بالقاهرة بحى من احياءها وكان قريب جدا من قبر اللى بيه الكتاب اللى بيربط بين عالم البشر وعالم مالك الظلام ورغم انه فهم ابنه كتير انه مش المقدر ليه محاربة ملك الظلام ابنه لما وجد الكتاب قرر يرجع اخواته البنتين حتى لو على حساب زوجته وحياته بس محطش فى دماغه انه ممكن يأذى ابنه الوحيد وحاول يخدع ملك الظلام لحد ما ينزل لمملكته ونفذ فعلا بعض من عهود الكتاب بس فى عهد بيأمره يقتل ابنه بابشع طريقه يعد ما يحرق امه امامه على ان تعود لهم الحياه بعد ما يستلم الكنوذ ساعتها اقتنع انه مش اد ملك الظلام وقرر يتخلص من الكتاب ويحافظ على ابنه بس ملك الظلام سحبه لمملكته لعدم تنفيذ العهد ومن يومها وهو بيتعذب زيه زى كل من خالف عهود ملك الظلام بس ابوه مقدرش يستحمل وحاول يرجع ابنه بس مقدرش لكن قدر يجيب بنت بنته وبعدها مات بعد ما هرب حفيده وحبس قدرات ملك الظلام فى شارع واحد بمساعدة ملكة الزراعه لحد ما يجى الحفيد اللى هيحرر بناتها ويجبر ملك الظلام على تبعيته ويحدد قدراته بعالمه السفلى فقط بس كده يا عامر عشان كده بنت عمتك هتعيش معايه لحد ما تكبر وتتجوز وتجيب ابن واول ما سن ابنك يوصل ل 9سنين هتيجى امه تعيش معايه سنه وبعدين ترجع تعيش معاكم تانى وتقول لابنك ان جت ليه اخت بس مريضه واول ما تخف هتيجى تعيش معاكوا وبعد 5سنين هتيجى تاخد بنت عمتك على انها بنتك وتفهم ابنك انه مسؤل عنها لحد ما يجى اليوم الموعود وونعرف اذا كان ابنك هو الحفيد المكتوب له محاربة ملك الظلام ولا لا .
#####End F. B. ####
وبعدين ادتنى كتاب قالت انه بتاع جدك امجد مكتوب عليه حكايتى اظن انك اخذته وبنصحك يا ابنى تقراه قبل ما تعمل حاجه او تقرر حاجه احنا لسه منعرفش اذا كنت انت الحفيد المكتب عليه يحاربه ولا لا ويابنى انا مقدرش انك تضيع منى ده انت وحيدى
