حسناء في قبضه ملك الجن

الفصل الخامس عشر.
من حسناء في قبضه ملك الجن
.................
بعد زواجى بحوالى تلات شهور وانا دايما قاعده لوحدى وجوزى في الشغل ياما بره ياما نايم من كتر القعده لوحدى بقيت احب اقعد لوحدى بقيت برتاح في الوحده حتى فكره انى اقول انزل مصر او اشوف امى واخواتى ابتدت تتلاشى
ابتدا الشغف والاشتياق لعائله يختفى تماما.
..........
شيمون مظهرش من اخر مره اهانته بالقران وعرفته ان هو اضعف من كلام ربنا.
بس جوايا رغبه انى اشوفه لان لما كان بيظهر وفي المناقشه معايا كان بيقول خبرين تلاته كده من غير ميقصد حجات انا معرفهاش سواء عن حياتى او عن اهلى غير كده كان بيتحملنى مهما اقول في حقه.
............
وانا وفى البيت بحس ان فيه حجات بتمشى في الصاله
بس مفيش حد غيري حاجه وقعت في المطبخ مرايه الحمام اتكسرت لوحدها طقطقه في السقف كل ده وانا مش بركز بقول ده عادى ممكن يكون هواء ممكن يكون بيتهايالى كده يعنى.
.............
مره من المرات كنت نايمه حلمت بشمهورش.
انا وهو في كهف مظلم تقرييا كان تحت الارض.
وللاسف دى كانت رؤايا مش حلم عادى او عابر كانت حقيقي.
روحى كانت هيا حاضره معاه اما جسدي كان نايم او غايب عن الوعى.
نزلنا كهف مظلم تحت الارض فيه اضاءه خفيفه اوى.
شمهورش سالنى انتى مش خايفه.
الغريب مش كل ده الغريب كان ردى عليه.
قلتله لا مش خايفه طالما انا معاك.
تخيلوا واحده بالليل تحت الارض مع عفريت شبح مخيف ضخم كله شعر مخالب شكله بشع للغايه ومش خايفه
هتقولوا قلب ايه ده بس كانت دى الحقيقه  اتارى قلبي وروحى كان هو مسيطر عليهم انا كنت تحت سيطره رهيبه منه على عقلي الباطنى.
..........
دخلنا الكهف ده فيه اضاءه خفيفه قلتله انت جايينى هنا ليه
قالي جايب اعرفك على عائلتى.
دخلنا لقيت ناس في قمه البشاعه.
ناس براس حيوانات ناس كتير اوى وناس على شكل قطط
وشفت بلاوى هحكيها بالتفصيل
*******""""""""

حسناء الحلقه الجايه هتكون صعبه عليا انا مش عليكم لان فيها كل اسرار عالم الجن السفلى ودى مغامره كبيره اوى لان هما مش بيحبوا حد يطلع على تفاصيلهم الخاصه.
مين منتظرها ربنا يستر 😳😳