حسناء في قبضه ملك الجن

الفصل الواحد والثلاثون
حسناء في قبضه ملك الجن
..................
شيماء: فتحت عنيها لقيت شمهورش جمبها ولقيت نفسها في مكان غريب مش بيتها.
شيماء للمره الاوله حست انها مرعوبه من شمهورش ومش قادره تزعق معاه او تشتمه ذي مبتعمل كالعاده وفي نفس الوقت فقدت الامل انها هتشفي لان فادى قالها ان لو راحت معاه مش هيقدر يساعدها لازم متروحش معاه
شمهورش: نورتى مكانك.
شيماء: انا فين.
شمهورش: انتى في بيتك.
شيماء: بيتى.
شمهورش: ايوه بصى حواليك ده بيتنا.
شيماء: فين ابنى.
شمهورش: ابنك مع ابوه دلوقتي اطمنى جوزك رجع من السفر تحبي تشوفي فتح حاجه بايده كده شبه المرايه ووراها ان جوزها شايل ابنه وبيكلم اهلها في التلفون واهله وبيقولهم ان شيماء هربت وهو رجع البيت ملقهاش وهو راجع بابنه القاهره لان هو دور عليها كتير اوى وفقد الامل هيرجع ابنه ويرجع تانى يسافر بس لازم يسافر عشان مينفعش الولد هو مش عارف يهتم بيه وبعدين هو بقالها فتره مختفيه بس هو كان مخبي عليهم علي امل ان يلاقيها.
شيماء: قامت وقفت حست بتقل في جسمها تقيل اوى بصت علي بطنها كبيره لدرجه تخوف بتتكلم بزعيق انا هنا من امتى انا بقالي قد ايه نايمه
شمهورش: بقالك 8شهور ثمانيه شهور نايمه هنا.
شيماء: 8شهور انت بتقول ايه عملتها ازاى دى انت بتكدب صح انا بحلم صح اكيد ده كابوس مش حقيقي انا هصحا دلوقتي
شمهورش: بصى حواليكى كده ايه هتتمنى اكتر من كده انتى عايشه في جنه اي حاجه انتى هتطلبيها انا هجبهالك فورا.
شيماء: تبص حواليها فعلا شبه الخيال
قاعده في مكان اسطوري يشبه القصور الفخمه نايمه في غرفه كبيره جدا واسعه جدا كلها ومكانه فخم فوق الخيال كله انوار الحجات دى مشافتهاش الا في التلفزيون او كمان مشفتهاش الا في خيالها
شيماء:بصت فيه هو قاعد فوق كرسي كبير مرصع من الدهب قاعده قعده ملوك قالت له  كل ده وهم كل مش دايم كل ده هيزول دلوقتي.
شمهورش: ايه اللي هيخليه يزول.
شيماء: اللي انت فيه ده خيال هيروح منك في اي وقت ربنا اقوى منك كل اللي بتعمله ده من عند ربنا ربنا قادر علي كل شي.
شمهورش: بلاش تتكلمى وتجادلى في حجات انتى في غنا عنها ارتاحى دلوقتي  نامى انتى هتولدى بكره وليا عهد المملكه دى كلها بصى من الشباك كده.
شيماء: تحط ايدها علي بطنها ايه هولد بكره تبص فيه بخضه.
شمهورش: قام وقف مسك شيماء من ايدها وخدها نحو الشرفه شوفي بنفسك.
شيماء: شافت تحت خيال اكتر واكتر ناس كتير اوى عالم تحت حراس مكان كلهم اشكالهم غريبه ومخيفه ومنوعه اشكال مريبه الطويل والقصير الاسمر والقرد اللي شكله غوريلا واللي علي هيئه انسان ونص حيوان شافت حجات اول مره تشوفها بس مكان خيال برضه حديقه اسطوريه واسعه ناس بتشتغل فيها بعنايه بيزوقوا فيها ويحرسوها
شيماء: ايه كل ده.
شمهورش: كل ده هيكون تحت ايد وتحت اوامر ابنى اللي في بطنك هو هيخرج يحكم كل ده فاهمه عشان كده انا جبتك هنا من 8شهور وحافظت عليكى شايفه اللي طايره فوق دى.
بصت كده لقيت واحده قاعده فوق حاجه طايره شبه المرجيحه لاهيا في الارض ولا في السماء بس قاعده فوق حاجه شبه السجاده متعلقه بيها فوق بتراقب الناس اللي تحت طايره كده بمزاجها.
شمهورش: شايفه دى بنت عمى دى انا كنت اقدر اتجوزها واجيب منها 100جن ويحكموا هنا من بعدى انا اخترتك انتى حبيتك انتى..
شيماء: انا هخرج من هنا امتى.
شمهورش: انا مش هرد عليكي انا اللي هخرج واسيبلك المكان كله.
شيماء: اتفق معاك اتفاق اولد بكره وخد ابنك وسيبنى في حالي بقا رجعنى لحياتى.
شمهورش: ميردش عليها ويسيبها ويخرج يتقفل وراه الباب.
شيماء: عرفت انه اتعصب ولما بيتعصب بينسحب شيماء حست انها مش قادره توقف وبطنها اتقل من جسمها قعدت علي طرف السرير.
دخلوا عليها اربعه من بنات الجن شكلهم غريب معاهم اكل كتير شايلينه حطوه قدامها اكل من اشهى وافخم الاكل ومعاهم واحده من الانس ماشيه قدامها وطت دماغها في الارض وقالت لشيماء تطلبي حاجه تانيه سياده الملكه.
شيماء: بصت فيهم باستغراب بصت في البنت استنى.
كانوا هيمشوا حطوا الاكل وهيمشوا شيماء استنى.
البنت بصت وراها تانى ووقفت.
اما الاربعه حطوا الاكل وطلعوا
شيماء: تتكلم انتى انسيه بنى ادمه ذينا