حسناء في قبضه ملك الجن

حسناء في قبضه ملك الجن الفصل الاول

.....
من رؤايه حسناء في قبضه ملك الجن..
بقلم ام ريماس صلاح
..................
اعرفكم بنفسي انا اسمى شيماء عندى 23سنه
هحكيلكم حكايتى اللي بدات من خمس سنين للنهارده
من لما كان عندى17سنه لدلوقتى ومعاناتى
............
قضيت طفولتى اجمل مايمكن كنت كل حاجه بتمناها بلقيها
ولانى جيت لااهلى بعد سنين طويله فكانت كل طلباتى اوامر مدلعه كده ذي مبيقولوا.
بعد خمس سنين وصل اخويا يوسف.
وبعد يوسف باربع سنين وصلت اختى ايه وكده امى خلاص مجابتش اولاد بعدنا وكلنا جينا بعد فضل ربنا بالعمليات والعلاج الكتير والدوخه على الدكاتره فعلشان كده امى بتخاف علينا من الهواء الطاير.
..........
انا من طبيعتى بحب الهدواء وده بيخلينى اهرب من الدوشه علطول واقعد في اي حته واسرح مع نفسي وافكر تفكير خيالى ساعات افكر انى سافرت بره واتجوزت فارس احلامى وعايشه سعيده وساعات افكر انى غنيه وعايشه في قصر وومملكه امى علطول بتقولى يابنتى عيشى عيشه اهلك رغم ان اهلى مستواهم حلو يعنى مش فقرا ولا حاجه.
......
حتى في المدرسه كنت مليش الا صديقه واحده بحس انى مش بعرف اتعامل مع اللى حوالي لانى طيبه ذياده عن الزوم ولخمه بصراحه وخجوله جدا فبتجنب اللى حواليا احسن.
........
امى كتير بتدور عليا بتلاقينى في كل حته ساعات تلقينى قاعده بكلم الفراخ ساعات تلاقينى في الزرع بره ببص للفراشات والعصافير وساعات تلاقينى قاعده فوق السطح وبغنى وساعات كتير قافله اوضتى وقاعده بعمل اي حاجه بسمع التلفزيون بقرا كتاب المهم انى بحب كتير اقعد مع نفسي لدرجه ان امى بتقولى انتى مش طبيعيه.
امى اسمها ايمان امى وابويا اسمه عزت وهما سنهم الاتنين في الخمسينات مش صغيرين لان ذي مقلت لكم جابونا بعد سنين طويله.
.............
في مره من الليالى اشتريت هدوم جديده اختى كانت عند خالتى هيا بتحب تروح دايما تقعد عند بنات خالتى بالاسبوع لان هيا بتقول عليا انى ممله ومش بتكلم معاها كتير.
اشتريت هدوم وانا قاعده وقافله اوضتى.
فكرت انى اقوم اقيسها والبس الهدوم.
انا كان عمرى 17سنه ذي مقلت لكم انى هحكى من خمس سنين للنهارده.
جسمى كان حلو واللي يشوفنى كان يدنى 25سنه لدرجه ان فيه ستات بتقولى معقول انتى مش متجوزه.
لدرجه ان صديقات امى وجارتها كانوا بيقولولها ان جسم بنتك سابق سنها كده وبيفور بسرعه وامى كانت بتخاف عليا من عيونهم وكانت بتجبرنى البس لبس واسع علطول وتشتريلى لبس واسع وتخلينى البسه بالعافيه بس انا نزلت النهارده واشتريت حاجه كده ديقه وتشبه القميص مش عارفه ايه خلانى اعمل كده بس حسيت انى نفسي البسها او يمكن اول مكنا بنشترى انا وامى عجبنى القميص ده وغفلت امى واشتريته وخبيته كان قميص لونه بمبي فاتح وكان للركبه ومن فوق الصدر مفتوح شويه.
بصيت من طرف الباب لقيت مفيش صوت واضح ان بابا وماما ويوسف كل واحد دخل على اوضته ونام حلو اوى اقفل الباب بقي من جوه واقيس القميص لبست القميص كان هايل فيا جميل هياكل من جسمى حته ذى مبيقولوا وقفت بتاع نص ساعة وانا قدام المرايه معجبه بنفسي ابص لنفسى من وراء ومن قدام كانى لابسه القميص استعرض نفسى لنفسي.
................
سمعت صوت حد او بيتهايالى صوت تقيل بيقولى ذي القمر كان صوت خشن ومرعب انا بتاكد ان سمعت صوت ولا لا
بس انا محطتش في بالي لالا انا بيتهايالى طبعا انا في الاوضه لوحدى مين هيكلمنى مثلا.
اقلع القميص بقي وانام كفايه كده..
نمت حلمت ان