حسناء في قبضه ملك الجن

حسناء في قبضه ملك الجن 18

الحلقه الثامنه عشر من رؤايه حسناء في قبضه ملك الجن.
.........
شمهورش شاور بايده واختفي تماما
بعدها كده انا دعيت ربي كتير ان اخلص بقي من العذاب ده وافوق من الحصار
: مش عارفه نهاياتها ايه بس اكيد خير انشالله اكيد هكون احسن انا تعبت اوى
: بقاله كام يوم مش بيظهر خالص الحمدلله واضح ان دعايه استجاب
طول اليوم قاعده لوحدى طول الوقت وانا معا نفسي دايما بحب اتسلى في شغل البيت علشان مزهقش او احس بالغربه وانا في بلد عربي بره واهلى كلهم بمصر.
جوزى يرجع من الشغل ياكل وينام روتين كل يوم حياه ممله
: ابتدت تظهر حجات في البيت غريبه اوى حشرات شكلها غريب اصوات اغرب حجات كتير تدل على ان احنا مش ساكنين في البيت ده لوحدنا
: اول مره اكون في حيره كده من امرى انا بقيت تايهه محتاره تعبانه
مش عارفه اعمل ايه حتى معاملتى مع جوزى شبه منعدمه كاننا مش متجوزين عايشين كالغرباء
: اصبح عدم وجود شمهورش في حياتي يسبب لى مشاكل ووجوده ايضا يسبب لى تعب نفسي داخلى
معرفش غير انى في الحالتين انا مدمره
: هو بيعاقبنى بعدم وجوده بالمشاكل اللي بيسببهالى حواليا علشان اتقبله ومرفضش وجوده وانا مدمره بسببه مش عيزاه ومش عايزه اشوفه وفي نفس الوقت مش عايزه مشاكل
انا بخاف جدا من الحشرات كمان تظهرلى حشرات بالشكل ده ده كتير جدا كده
: دخلت اغسل وشى لانه واضح انه مرهق جدا وعنيا متعبه ببص في المرايه لقيت واحده تشبهنى بس مش انا شكلها يخوف لا دى مش انا جريت على اوضتى واتغطيت وبرتجف جوزى داخل ببص له لقيته اتنين شخصين جوزى بيقولى فيه ايه مالك ببص فيه ومتبلمه مش عارفه انطق
[كل حاجه غريبه ومريبه جوزى بيقولى انا طالع شغل بس واضح انك تعبانه افضل جمبك مروحش قلتله لا روح انا هنام انا كويسه قال ماشي ولبس وطلع الساعه التاسعه مساء هيرجع الصبح تقريبا طيب الحشرات دى اللي بشوفها هخلص منها ازاى الغريبه ان هو مش شايفها مش شايف حاجه حشرات بشكل جماجم صغير وحشرات سوده وهم ازرق اتصلت بيا امى تتطمن لقيتنى صوت متعب اوى قالتلى نقول مبروك ولا ايه انا قلتلها على ايه قالتلى من صوتك حامل
: قلتلها لا مصدعه شويه مش حامل ولا حاجه انا بس مرهقه شويه
[: امى قفلت منى بس انا مش عارفه هقضى الليله دى ازاى ليله تقيله اوى هتعدى عليا حاسه بخنقه هتموتنى فتحت التلفزيون يمكن اهدى فتحته وقعدت اتقفل لوحده اعمل ايه دلوقتي عرفت ان هو مش هيسبنى في حالى هيضايقنى هيخنقنى لغايه اما استسلم واطلبه لكن اللي هو عايزه مينفعش هو عايزنى ليه انا وهو مننفعش هو جن بشع وانا من الانس ومتزوجه لازم اقاوم للاخر بس هقاوم ايه بالظبط واانا حتى بعيده عن عباده الله مش قادره اققرب لربنا مش قادره افتح اواسمع او اقرا قران للاسف مسيطر عليا من كل حاجه ومانعنى اي حاجه وكانى دميه هو بيحركها
[: وقفت فجاءه وكسرت المرايه بتاعت الاوضه وبتكلم
بصوت عالى ومنهاره انت بتعمل معايا كده ليه انا بكرهك انا بكرهك
فجاءه ظهر قدامى ضوء نور شديد