Usapang hindi pangkaraniwan
Usapang may ibang nilalaman
Ano nga ba ang relasyong namamagitan
Ang hirap kasi ng walang pinanghahawakan
Sulitin ang mga oras
Pagkat ito'y isang palabas
Palabas na magtatapos
Palabas na maaring malaos
Isang tanong at isang kasagutan
Kasagutang walang halong biruan 'di tulad ng ating nakasanayan
Ano ba talaga ang namamagitan
Sa samahan nating walang mapagsabihan
Seryosohan na ba ang ating usapan
O sadyang laro lamang na may katapusan
Larong may masasaktan
At larong kayang wasakin ang ating nararamdaman
Sabihin kung alin ang totoo't
Baka maseryoso ko ang 'yong mga biro
At mapunta tayo sa pagiging estranghero
Na wala nang pinapakitang anumang kibo.
11/29/19
