. ﮼عيني،التـي،لا،تنام 💛
روايتـي هادي حا تكـون مُختلفـة ع رواياتـي الأولات ، روايـة خيـالية ممزوجـة بالـواقع الي عايشينـه !
" مُنـذ أنَ فارقتنـي عيني لا تنـام ، أنتَ من جعلت قلبي خريفـاً بعد ما كـان ربيـعاً .
"في ليـالي نوڤمبر المُمطرة " !💛
كنت مقعمـزة ف الجنـان ومعاي أختـي كُنا نهدرزو وكـل وحدة تقول همها وشن دارت اليـوم وشن صـار معـاهاً وطبعاً الهـذرزة ماتخلاش من القـرمة !
أسمـي شِفـاء وهلبا قالولي أسم ع مُسمى ! 💛
عمري 22 نقـرا قـانـون 💛 كـان حُلـم بابا من هو وصغيـر لكن في النهايـة اختار مجال تـاني !
محبـوبة العيلـة ومُستشـارة نفسية في نفس الوقت 😂🙋🏻♀️
عنـدي أختيـن ، شهـد 19 سنـة كلية الإقتصاد
سـوسن متـزوجة عمرها 29 مُهمتها الوحيدة تجيب فروخها ومعاش نشوفو وجهها 😂 مـرات نحس روحي جبتهم وناسيتهم
وعندي خـوي أسمـه نِضال عمره 33 متـزوج برضـو وكنتنـة تههبل 🙈 تُعتبر اختنا مش كنـة اكبر مني ب عامين وعندها ولـد عمره عامين
وخوي الصغير أسمه نـادر عمره 18 أخـر العنقـود مرات يناديني يا عشيري 😂لان قراب هلبا اني ويـاه كل اسراره عندي !
حالتنـا المـادية كويسـة الحمدلله ماما وبابا مرتاحين " ماما اسمها فوزيـة ، وبابا فتحي "
عيلتنا معروفـة بسمعتها الطيبـة وكنا معروفين بالجمال لأن تبارك الله كُلنا جميليين 🙈😌
ونمشو لعيلـة أعمـامي كُنا قراب من بعض هلبا
عمي الكبير أسمه كريم عنـده بنت وحـدة أسمها رتاج تقرا معاي او ولـد أسمه رامـي نديد خوي نـادر وزي الخـوت
نمشو لـ عمي الوسطـاني عنـده تلات بنـات زوز متزوجات مش حا يطلعو هلبا في الروايـة او التالتـة اسمها سُهيلة عمرها 25 💛
وعنـده زوز ولاد ، سامر وسهيل
سامر 27
سهيل 28
وعنـدي عمتي وحدة السم كلله عندها أسمها نجـاة
حا تتعرفـو ع الشخصـيات أكتـر من الروايـة
ونسيـت انقووللكم انَ اني مخطـوبة ليا تـلاتة سنين وعايشين قصـة حُب أسمه " مؤيذ" 💛💍
