الحلقة 9 الجزء الثاني
لفت كٰوثر الورغان عليها وناضت طلعت من الغرفـة بس شهد شدتها من شـعرها : ويـن ماشيـا ؟ ولا صعب عليـك تواجهينا ! نسيتي قداش وقفت معاك شِفاء ؟ شِفاء عرسها بعد شهـر ، انتي رقـدتي في دار اختي ووسختيها بوساختـك ودفتهٰا ومشت لـ شِفاء
شِفاء الي دموعها ينـزلو بقوة
شهد شدتها من يدها : ماديريش هكِ في روحك ياوخيتتي 💔
أما سوسن ف كـانت واقفـة ع الحيط ومصـدومة ومش قادرة تنطق .
مـؤيد بخـوف : شِفاء لو تقدري تسمعيني اسمعيني بسس والله مانـقدر بـلاك
سوسن تجرأت ووقفت قـدام مؤيد ورفعت صبعها عليه : لـو في يـوم نلمحك قـدام أختي نمحيـك من الـوجود ، صدقني مايغريكـش المكيـاج واللبس الي اني فيـه لأن اخـواتي خط أحمـر 🚫 خليـك مع الرخـاص أختي هلبا عليـگـ . وطلـعت
كـلام سوسـن نزل ع مؤيد زي الصاعقـة .!
شهد فتحت باب السيارة وخلت شِفاء الي كانت جُثـة هامـدة ، خشت في صدمـة خلتها لا تتكلم ولا تتحـرك
سوسن وشهد مايعرفوش ايسوقـو ف قررو يتصلو ب سـامر
سوسن وهي تبكي : سامر وينك
سامر كان راقد ولما سمع صوت سوسن ناض بخلعة : وينك انتي ؟ خيررررك
سوسن : تعال قدام حوش شِفاء وتوا نقولك وصكرت
سـامر طلع بتـوتة وولع سيارته وطلع بسررعة او وصل للمكان الي هما فيه
نزل بسرعة : سوسن خيرك ؟ شن فيه تكلمو ماتحرقوليش اعصابي
وشبح شِفاء الي كانت في حالة صـدمة ! وشاف سيارة مؤيد ف الحوش
سامر بعصبيـة : مؤيد غلط في شِفاء يا سوسن ؟ تكلمو وحدة منكم ولا ورب العزة نحرق الحوش بالي فيه
شهـد : خانها مع كـوثر وشافناه بعيونا اهني !
سـامر ولعت فيـه النـار ! شِفاء كانت زي اختـه او أكثـر ومايتحمـل فيها شـيء .
سامر وعروق رقبته يبـانو : وينه ؟
شهد وهي ترجف : سلم وخيي خودنا نروحو شِفاء مش عاجبني حالها
سامر خبط ع السيارة : قلت ويننه ؟
شهد : ف الـحوش
سامر كصر البـاب وخش
ولما مؤيد سمع الصوت طلـع : تفضل شن فيه ؟
سامر : شن فيـه صار ، وجبـده من سوريتـه ونزل يضرب فيـه بقوة وبدون رحمـة ليـن بدي الدم ينزل من فمـه ناض من عليـه وقـال : الي يغلـط في وحدة من خـواتي هكِ يصير فيـه ! وأنتَ صدقني ماتجي راجـل يا عيـل ، حسابك قاعدة ماتصكـرش مش ح نخليك تتهنـى . وطـلع
ركب في سيارة شِفاء وصلهم للحوش ونزل معاهم
شهد نزلت وهي تساند في شِفاء الي كانت ماليهاش حيل توقف ووراها سوسـن الي كانت تبكي ع حال أختها ، أختهـا الي تحبها أكتر من أي شـيء
شهد فتحت الباب وركبت مع شفاء لـ غرفتها . وغطتها وقعدت معاها وسامر وسوسن لوطا
ماما بخوف : خيركم ، بنتي خيرها ؟ شن فيه
سامر تنهد وشبح لـ سوسن : اني طالع تـوا شوي تاني ونجي
طلع سامر وسوسن قالت كل شيء لـ امها وشن شافت 🔞❌
ماما أنهـارت : يارب صبـر بنتي وخود حقها !💔
نـادر كان واقف من بعيد ويسمـع ! ولعت فيـه النـار كان مايتحمل في شِفاء شـوكة .
بعـد مرور أسبـوع العيلـة كُلهم سمعو بالخبـر وكلهم زعلـو ونحرقو ع حـالة شِفاء ، أما شِفاء ف كانت في عَـالم تـاني ، كانت تصلي وتدعي ربي يـاخدها ويريحها من الوجـع الي هي فيـه . وجـع حُب عمـرها او خيـانة صاحبتها وفي حوشـها الي حلمت فيـه قبل عاميـن .
خلونا نرجعو شوي لما كان مؤيد يكلم في التاليفون
كان يكلم ف كـوثر
قبـل سنة تعرف ع كـوثر وبدي يخون في شفاء معاها بس كانت لحظة شهوة وقعدت العلاقة شهر ولما مؤيد أنسحب كـوثر انحرقت لأن تعلقت فيه ف قررت تاخد حقها منه وهدادته لو مايجيش للحوش ودير الي تبيـه ح تقول لِ شفاء ف هـو بكل غبـاء وحقـارة وافـق !
وتـدكرو ف توفيـق لما كان ينصح ف مؤيد ويقـوله أعترفلها وخليلها القـرار ، كان يقصد ع كـوثر .
خلونا نرجعـو للواقـع ! 🚫
يـوم الخميس في الليـل كانو العيلة ملتمـة لوطا وكلهم زعلانين ع شِفاء
ماما : شهد امشي شوفي شفاء واقنعيها تنزل
شهد ؛ حاضر
ركبت شهد لدار شِفاء لقتها راقدة
شهد مررت يدها ع خد شِفاء الي كانت مثلـجة : حبيبتي ، شِفائـي نوضي انزلي استحشنـاك واستحشنا ضحكتـك
بس الغريب شِفاء مافتحتش عيونها ولا كان فيه نفس
شهد خافت وبدت تعيط : شِفااااء ، لا وراس وخيتـي لااا ماديريش فيا هكِ وراس وخيتي ماتخليني
العيلة كلهم ركبـو لما سمعو عياط شهد وعـرفو ان شِفاء خلاص ماتت
شِفاء ماكدبتش لما قالت لـ مؤيد حياتي بلاك مانبيهاش ، ماكدبتش لما قالت نموت بـلاك
غـرفة شِفاء كانت مليـانة من بتاتهـا .
شِفـاء كانـت شجرة وكانَ العالم فأساً !🚫💔
العيـلة كلها خشت في حالـة صـدمة
أمها الي انهـارت ، شهد وسوسـن ، رتاج وسُهيلة
وحتـى الشبـاب
نِضال انسند ع الحيـط ويبكي بقـوة
نـادر الي كان يـدكر بكل تفاصيلـه مع شِفاء لما كانو يهدرزو ويضحكـو ولا عمرها زعلـت حـد " كـانت حقاً شِفاء زي أسمها " 💛
شهـد تبكي : ل مني نشكي همي يا وخيتـي !💔 امشيتي وخليتيني بـروحي ، كيف ح نقـدر نعيش بدون صـوتك وضحكتك في الحـوش !
البنات يهدو فيها وهُما بحد داتهم يبو من يهديهم
بـوها كان حـالة بروحهـا لأن فعـلاً أنكسر بمـوت شِفـاء !💔🚫
___________
بَعد مُرور تـلاتة سنيـن
رِتاج وسـامر تـزوجو وعندهم بنت سمـوها شِفاء !💙
وسـامر فعلاً كان راجـل عكس مـؤيد .
شهد أنخطبت لـ توفيـق وقريب بيهبل عليـها
شِفاء ماتت بس ماماتتش في قـلوب عيلتـها ، في كل وقـت كانت حاضرة ف قلـوبهم ....
The End !💙🔥
ردي بـالك من أقـرب النـاس ليـك وتوقعـي الخـونة من أي حـد ، والصـاحبة الحقانيـة مش الي تكون معرفتـك بيها من أيـام الأعدادي أو من سنيـن !
الصاحبـة الحقانيـة الي مُستحيل تلعب من ورا ضهـرك وتـخونك !
كلمـة صاحبتي واعـرة وماتنقـالش لـ أي حد ، زي كلمـة راجـل ماتنقـالش لـ عيـل !😶
سـامر ضحـى وصـان رِتاج وحترمها في غيابها قبل حضـورها عگـس مـؤيد الي كان يستنى في الفـرصة عشان يخـون !
هلبـا حاجات لازم تبعد عليها باش تشوفها واضحهه البُعـد مش ديما يأدينـا !🔥🚫
ماتخليـش حيـاتك شخـص ، لأن لـو غاب هدا الشخص حَ تغيبي !
وكيف ما قلـت قبل الحُب يبي رَاجـل !❌♥️
