عَيني التـي لا تنَام 💙
الحَلقة 4
أني بأهتمام : قولي نسمع فيك
شهـد : أني تعرفت ع واحد معاي ف الكُلية و..
اني : ياعينـي قلبي كان حاسس والله ومن وراي ياكلبة
شهد : يعني مازعلتيش اني درت عَلاقة ؟
أني : شوفي يا شهـد انتي اختي ونخاف اعليك اكتر من نفسي ، حتى انتِ من حقك تحبي وتنحبي بس ردي بالك يا شهد الرجالـة مافيهمش خير راه ، أهم شيء تكـوني عارفتيـه شني ويجي يخطبك يدير خطوة رسميـة اعلاش جاي من الـروشن !
شهد : هئحم هو قَال جاي يوم الخميس
اني : الله 💙 حق ؟؟
شهد : المشكلة مش اهني ، المشكلة ان اليـوم لقيته مع وحـدة
اني عدلت تقعميزتي : ايـواه هـدا الـمُهم .
شهد : نقـوله ؟
أني : ابعتيلـه رسالة اي وطبعاً ح تنهي علاقتك بيه نهائياً اعلاش ؟ لأن الي خَان مرة حا يخـون الف مرة 😊💙 وبرضو ماتحكميش عليـه خلي نشوفو ردت فعله
شهد : اي تمام
اني : اي و.... " سمعت صـوت سوسن تناديني "
اني : ننزل انشوف المُصيبة التانية 😂
شهد : ربي يعـاون 😂
لفيت وشـاحي كويس ونزلت : نعـم سوسن ؟
يوسف : شِفاء لو سمحتي لحظـة
أني مشيت وقعمزت بحدا سوسن : تفضل
يـوسف : اكيد عرفتي بالي صـار
أني : أي عرفت وانتَ تقريباً عرفت خطئك
يوسف : اي عرفتـه واني جاي اهني نبيها ترجعلي واعتدرت منها هلبـا وعارف اني جرحتها بس كانت ردت فعل مني لأني معصب
أني : شوف يا يوسف أنتَ معزتك زي خوي وأكتـر ، بس انتَ اكيد عارف معزة اختي سوسن ، صَدقني ان هي تحملت هلبا ع خَاطرك والي تتحمله البنت من مشاكل وهموم وضرب وسب مافيش راجل منكم يتحملـه راه ، بس مدامك ندمان ف اني مانشوفش ان فيه مشكلة ترجعو لكن في النهاية قرارها هي
يوسف : هي قالت لا ومصكرة راسها اني كلمتك نبيك تقنعيها لانها تسمع منـك !
سوسن : شِفاء ماتحاوليش معـاي
اني شبحت لـ يوسف : توا نقنعها ماتخافش هي تحبك وأبتسمت
يوسف أبتسملي : تم عارفك تهنـي 💙 وطـلع
أني : سوسو هو واضـح يحبك ، ولو مايحبكش مايجيش لـ هني ويعتدر منـك ، لو دارها اللقطة هادي صدقني اني نمشي نجيبك
سوسن : مش عارفة يا شوشو
اني غمزتلها : خودي راحتك ف الزعل وتغلي عليه مش رخيصة انتي 😌💙
سوسن حضنتني
وجت ماما : ها يابنات شن صار معاكم ؟
أني : بأدن الله خير يا ماما
شهد نزلت : ماما جيعانة
ماما : اهو شويا بس ويطيب الغدا
نادر وبابا خشو : السلام عليكم
احني : وعليكم السلام
بابا : بنتي شِفاء مش عندك جامع ؟
اني : اي يابابا نتغدا ونطـلع
جي نادر قعمز بحداي : شن جوك ياعشيري
اني : مليح بكل يارا شن جوك انتَ
شهد : اهو بدو في البرادة
نـادر : موتي بقهرتـك
شهد طلعت لسانها
ماما : مرات نحس اني جايبة مهابيل
نادر : داك الشبل من داك الأسد
بابا ضحك : واللهِ الا قصفك ماعندك ماتقولي
ماما : عجباتك عاد
ضحكنا كلنا وخشينا للكوجينة وتينا الغدا تغديت ع السريع وطلعت للجامع وكنت قريب نختم الحمدلله 💙
—————-
عند رِتاج كانت مقعمزة ف الجنان مع رامي يهدرزو
رِتاج : رامي انتَ شن تبي تخش في الجامعة ؟
رامي : اني نبي نخش في الحيـط عيت منها القراية
رتاج ضحكت : خلاص اخر سنة عاد ف الثانويـة
رامي : اي تعبتني وربي
جي بوهم قعمز بحداهم : شن تهدرزو
رامي : قالتلي شن تبي تخش في الجامعة قلتلها نبي نخش في الحيط
بوها ضحك : مهبول انتَ ، رتاج شن صار في قرايتك بنتي ؟
رتاج : اهو ماشيا يا بوي مش سهل ومش صعب
بوها ؛ ربي يوفقك يارب
رامي : واني اعلاش ماتدعيليش 🙂
رِتاج : تغار منييي
رامي : تي نغار شني انتي لكبيدة والله 💙
بوها : ربي يوفقكم الزوز ويخليكم ليا
———
عَند مؤيد كان مع صحابـه في القهوة كا المعتاد يهدرزو
توفيق : تخيل يارجل وربي ندفنك 😂
مؤيد : المشكلة انك ماتقدرش 😂
تامر : مشيت للكلية اليوم انتَ يا مؤيد
مؤيد : اي مشيت لِ شفاء من قالك
تامر : أيمن قالي تلاقيت معاه في الباب
مؤيد : ااا اي اي ادكرت لقيته ع الباب ، ياراجل فرحان بسيارتـه كأنه اول مرة يركب سيارة
توفيق : المستغني بعد فقر يا خوي
__________
عند سُهيـلة : لالا ياماما ماتحطيهاش هكِ بتنحرق
أمها : لا يا سهيلة اني ديما اندير فيها هكِ ومايصيرلها في شيء
سامر خش عليهم : شن اديرو
سهيلة : كيكة
سامر : احلفيي
سهيلة : وربي
سامر : نحبكم الززح
سهيل خش : شن اديرو
سهيلة : جيت وجابك ربي جيبلنا خضرة
سهيل : واني ديما حاصل فيكم شن جابني مانيش عارف
سهيلة : هي وراس خوي
سهيل : اعلاش ماقلتيش لـ سامر
سهيلة : سامر سيارته خداها صاحبه توا
سهيل : صار لقيت عـدر ياكلب تي سيارته برا
سامر : الله يفضحك كيف مافضحتني
__________
عَند أني رنت عليا كوثر وكانت تبكي ! :خيرك شن في ؟
كوثـر : مانعرفش مضايقـة بابا قاعد يضرب في ماما
اني : لا حول إلا بالله تعاليلي اليوم به
كوثر : اي به توا نشوف
اني : مش تشوفي بتجيني ، مالقيتيش من يجيبك نجيك اني
كوثر : اوكِ توا نرن عليك وصكرت
شهد وهي حاطة يدها ع خدها : خيرها ؟
اني : كالعـادة ! بوها
شهد : نستغرب اني من بوها
اني : ماتستغربيش فيه هلبا ناس هكِ بعدين كيف مايقولو عرب زمان " الأب الي يربي مش الي يجيب"
شهد : اي والله اصدقتي فيها
اني : يلا ربي يهدي ، وانتي كمليلي قصتك شن صار معاك ؟
شهد بتأفئف : قال بنت خالتـه وصكر ع وجهي قالي مش واثـقة في ووووو
اني : عندك اسمها ؟
شهد : اي عندي أسماء الـ...
اني : اها اي نعرفها البنية كويسة راه وامها لقبها الـ ...
شهد : اي حتى هو لقب أمه الـ..
اني : معناها مايكدبش !
شهد : مرات علاقة هو وياها شن لو بنت خالته يعني
اني : شهد طلعي من راسك ها تخيلات مدام حاي يخبطك ، لو يحبها كان خطبها
شهد : توا نشوفو
___________
عند سامر كان مع جماعتـه
سامر : نبيكم في خدمة
محمد : الروح فـداك
سامر : شويا بس ندير تاليفون ونكملكم الموضوع
رتاج ردت : اهلا
سامر دق قلبـه بقوة : اا اهلين رِتاج اني سامر
رتاج : اي رقمك مسجل عندي كيف حالك ؟
سامر : بخير وانتِ ؟
رتاج : الحمدلله تمام
سامر : نبي اسم الولد بالكامل !
رتاج بخوف : يا سامر باللهي عليك مادخلش في روحك بمشاكل انتَ في غنى عنها
سامر : ماليكش علاقة انتي نتصافو !
رتاج : سامرر
سامر : رِتاااج ، ماتخافيش نبيه ف كلمتين بس
رتاج : سالـم الـ .&
سامر : اوكِ سلام وصكر عليها :
محمد : تم الموضوع عندي
أيمن : تبيه اليوم ولا ؟
سامر : اي
بعد مرور شويا من الوقت
خش سامر لقي سالم مضروب ومكتف
سالم : اطلقني وخلينا راجل لـ راجل
سامر رفع حاجبه : خلينا نقولو راجـل لـ عيل ، والنتيجة مش لمصلحتك !
سالم : صدقني انتَ ماتعرفش مع منو حاصل ، حا ندفنك وانت حي ، وندبحك بدون قبلة ، ليا سنة نجري وراها مش حتاخدها انتَ في يومين
سامر : صرصري ! جرب حظـك وخليني نشوفك قدامها وأبتسم إبتسامة ثقة وطلع وخلاهم يضربو فيه
