الحلقة 7
مؤيـد : جيت بنعطيك هدا
وطلع مفتاح من جيبه
أني : مفتَاح شني هدا ؟
مؤيد : مفتاح حوشنا اني ويـاك اليوم طلعت النسخة التـانية ❤️ امتا ماتبي امشي شوفييه
كنت من الفـرحة ماقدرتش نعبـر بس حضنتـه ، حضنتـه حُضن طووييـلل " ريحة دخانك الممزوجة بصنتك المميزة خذولي قلبي "
مؤيد طبع بوسة ع خـدي كلهها حنيـة ❤️ وطـلع
مرر الـوقت وجي الليـل وعمامي جو يباركو
طلعت وسلمت عليهم
سـامر : مُبروك شِفاء ربي يهنيكم يا وخيتي ❤️
أني : الله يبارك فيـكك عقبال نشوفك عريس وغمزتلـه " اعتقد فهم قصدي " لأن أبتسم ع طـول
سُهيـل : حبيبتنا بتمشي قصددك
اني : قاعدة ع قلـوبكم
سهيل : مانقدروش بلاك أصلاً
كنا نهدرزو ونضحكو وسـامر في جو تاني 😅 عيونه ع رِتاج بس ومش راضي ينزلهـم لين تعقدت وناضت
شوي ولحقها سـامر
رتاج شبحاتـه وراه ارتبكت : سامر اعلاش تلحق فيا
سامر بصـوت هادي :قلبي رافض انه يبعد عليك قُولي ڪِيف الحل ؟
رِتـاج : اوكِ يا سَامر اني مقدرة الشـيء هدا بس أني والله نحبك زي خوي
سامر جبدها ولصقها ع الحيـط : بس مش بايـن هكِ ! قلبـك ينبض بسرعة لما نكون جنبـك ! عيونك يلمعـو ! ما تكابريـش
رِتاج تـوترت : سامر انتَ شن تبي مني ؟
سامر أبتسم : نبيك انتِي ! ڪُل يوم نحبك اكـتر , شن درتي فقلبي قُولي ؟
رِتاج : بس اني مش عارفة شُعوري
سامر مرر يده ع خدها بحنيـة : عادي تقوليلي شن تحسي واني نحللهالك ؟
رِتاج : به ابعد شوي باش نعرف نركز
سامر : لاء ! هكِ تركزي اكتـر
رتاج خدت نفس : مش عارفـة شن يصير معاي لما نلمحك قلبي يقعد يدق بسـرعة ، بس لما تمشي يرجعلي عقلي ونقـول لا هدا زي خوي !
سامر أبتسم : نبشـرك انكِ وقعتِي في حُبي "وأبتسم وبانت غمـازتـه "♥️
_______
عَند مؤيد كَان مقعمز مع صَحـابه
تَـامر : عيينا من حيـاة السنقـل نبو بنت ادفينا في ها الصقع
توفيق شبحله بطرف عيـنه : ارزن يا راا غطي ببطانية وريح روحك
مؤيد : خيرك توفيق جوك مش عاجبني ها اليومين
توفيق : مش عـارف وجبد دخانه من جيبه : ماعنديش ولاعـة ولعهولي
مؤيد : قول خيرك ؟
توفيق : شن بنقـولك اني طحت ع وجهي
تامر : وكان يقولي ارزن
توفيق : اني جاي من الباب مش من الروشن فيه فرق
تامر : شن قصـدك ؟
توفيق : مادور شي يا تامر
مؤيد : خلاص بـه فكوـنا من هي البنت ؟
توفيق تنهد : أخت شِفاء ، شهد! كنت ناوي نخطبها الخميس لكن شافتني مع بنت خالتي وفهمت غلـط
مؤيد : إياااه
تامر : به فهمها انها بنت خالتك
توفيق : المشكلة مش راضيـة تفهم
مؤيد : اوكِ خلي الموضوع عندي توا نكلم شِفاء
توفيق : وانتَ مش راضي تعترف
مؤيد خطر ع بالـه ملامح شِفاء البريئـة ! كيف تحبـه وتهتـم بيـه ، وكيف تنازلت عن هلبا أشياء ع خَاطـره ♥️ تنهد وخبط ع الطَاولـة : لو تقول حاجة يا توفيـق انسى صُحبتنا .
توفيق : حتى انا مش قـايل ريحلي اعصابـكك 😊
_________
تَاني يوم الصـبح نفس الروتيـن نضنا ومشينا للكليـة
خشينا اني ورِتاج : غريبة كوثر مش قبلنا
اني : اهو نتصل بيها نشوفهـا ورنيت عليها
كـوثر بصوت بكـاء : اهلا شِفاء
اني بدي قلبي يـرجف خفت عليها هي صاحبتي لاء مش صاحبتي هي أختي : كوثر حبيبتي اهدي وقوليلي شن في
كوثر : لازم نقولك يا شِفاء لازم نقولك يا صاحبتي!
أني قلبي بدي يدق بسرعة : قولي
كوثـر : بعدين لازم نتلاقو وتوا بنصكر وصكرت
اني شبحت لـ رتاج بإستغراب : خيرها هادي
خشيت اني ورِتاج حضرنا المُحاظرات بس بالي عند صاحبتي !💔
" طبعاً بالنسبـة لـ سوسن ف ولـت لِ حوشهـا وجوها تمام " ❤️
رِتاج بدت تفهـم ان حَتـى هي تحب سَـامر ❤️
