الحلقة 5
عندي أني جتني كوثر وقعدنا نهدرزو نحاول بقدر الأمكان نغيرلها جوها وجت عندنا خوخة والجو جميل 💙
لين رن مؤيد بس تاليفوني كان ف المطبخ
ردت كوثر : هلا مؤيذ
مؤيد بإستغراب : اهلين مني معاي
كوثر : اني كوثر صاحبة شِفاء
مؤيد تعصب : اي وينها هي ؟
خشيت عليها : منو كوثر ؟
كوثر : اه مؤيد هدا
خذيت منها التاليفون بعدم الإهتمام ورديت : هلا حبيبي
مؤيد : اني كم مرة نقولك مادخليش حد بينا بدات البنات تاليفونيك نبيه قدامك مشغولة ماترديش عليا بس ماتخليش صحباتك يكلموني اهو نقولهالك الناس مافيهاش خير
اني : اني اصلاً مانندريش عليها انها ردت تاليفوني كان بعيد ، بعدين انتَ اعلاش معصب لـ درجة هادي
مؤيد : اوكِ اوكِ يا شِفاء توا نكلمك بعدين وصكر
أني أستغربت : كوثر شن قلتيلا
كوثر : ماقلت شيء رديت بس شن فيها يعني ديما نردو ع تاليفونات بعض
اني : اي بس شكلا مضايق من حاجة تعالي خشي نهدرزو توا نكلمه
كوثر : اعطيني رقمه اني نكلمه ونعتدر
اني بدهشة : شن تقولي كوثر ، الموضوع مايستاهل هدا كلـه
كوثر : اوكِ ع راحتك هي اني بنروح ماما من بكري ترن
اني : تمام سلام
طلعت كوثر وقعدت اني مستغربة من تصرفاتها ومؤيد اعلاش أنفعل هكِ !
لين قطع أفكاري صوت رِتاج وسُهيلة : هلا شن اخباركم نورتونا
رتاج : منور بيكم 💙
شهد : بلا رسميات انتي وياها خشو
سهيلة : مش رسميات هدا نوع من الإحترام الي مش خاطم عليك
شهد : صقع عليييك
خشينا داخـل وقعدنا نهدرزو وجونا مليح بس مؤيد كان شاغل بالي بكل ! نتصل ومايردش
—————
عند رِتاج كانت تهدرز والضحكة ماليـة وجهها لين رن تاليفونها وملامحها تغيرت !
اني : روجا خيرك لون وجهك تغير !
رِتاج : اه لالا شي هدا سامر خلي نرد علـيه
—-
عند سـامر كان يدور بدون هـدف كان يبي يلمحها حتى من بعيـد بس فكرت انها تعتبر فيه زي خوها متعبـاته ! وهو لما يدير حاجة في راسـه يجيبها يعني يجيبها !
قرر يمشيلها ويعترفلها
—
رِتاج : اهلين سامر
سامر خدي نفس وتكلـم بهدوء : رِتاج وينك في الحوش ؟
رِتاج : لا عند عمي فتحي اعلاش ؟
سامر : اوكِ نجيلك انزليلي لوطا تمام ؟ في موضوع ضروري لازم نهدرزو فيـه
رتاج : سامر انتَ شن تقول مانقدرش
سامر : هي سلام نوصل توا نرن عليك . وصكر بدون مايسمع ردها
خلوني نحكيلكم ع سـامر شويا " سـامر كان ياجبل ماتهـزك ريـح ، شخصيـة قويـة وكلمتها ماتولي أتنين والي يحطه في راسه يجيبه يعني يجيبـه ! ومش موضوعه البنات بـكل لكن رِتاج غيرت حيـاته ! الجبل الي كان مش قادر يهزه شيء هـزاته بنت 💙 مواصفـته مش أبيض ولا أسمـر عيـونه رماديـات وعنده غمـازة وحده كانت محفورة جنب لحيتـه 💙 وجسمـه عضـلات واعر وحـزار ويحرق الدنيا ع خاطر شخص يحبـه
وصل سامر ورن ع رتاج : انزلي
رتاج : سامر مانقدرش
سامر : رِتااااج كلمة وحـدة هي ! ماتنزليش بتشوفي كيف نتصـرف
رتاج خافت من نبرة صـوته الحادة : اهو نازلة بس مانعطلش راه
سامر صكر عليها
لبست رتاج وشاحها بتـوتر ونزلت
شفاته قاعد في السيارة لما لمحهـا قلبـه قعد يدق بسـرعة 😍
فتح الـروشن ورن عليه أيمن " تي وقتك هو" ورد
: ها شن تبي
أيمن : شن صار فيـك ؟
سامر : في شنو
أيمن : ضحك ضحكة هزوة عارفك ماشيلها على مني تكدب بالزبط
سامر توتر وبصوت عصبي : أيمن صكر ولا ورب العزة نجي نقلب الدنيا على راسك
أيمن : المشكلة ماتقـدرش دير شيء وانتَ ماعاها اتعب في روحك وخلاص هي أستمتع سلام وصكر
حط سامر تاليفونه ع الصامت وشبح لـ رتاج : اركبي
رتاج : انت شن تقول ياسامر ! انت زي خوي
سامر كره روحه من كلمتها وتعصب اكتر وبنبرة حادة : به مش اني زي خوك اركبي !
رتاج ركبت وماتكلمتش بكل كانت متوترة وفي نفس الوقت كانت واثـقة فيه لأن سامر كان معروف بأخلاقـه ! لكن الـراجل لما يحب مش حـ يقدر يتحكم في تصرفـاته
كان الطريق كله وهما ساكتين ورتاج مش عارفة وين واخدها سامر بس ساكتة وخلاص ليّـن وصلـو للمزرعة متعهم نزل سامر وفتحلها الباب
ورتاج بدت الأفكار السودة تلعب بيها
سامر : ماتخافيش مش حـ نديرلك شيء نبي نهدرز معاك في موضوع مصيري بالنسبة ليا ونبي مكان بروحنا
رتاج نزلت : اها اي به نسمع فيك
سامر قرب منها ولصقها في السيارة وقعد مركز في عيونها ودايب فيها : انتِ ليا ، ليا اني وبس ، ولو تنطبق السماء ع لوطا ماياخدك غيري يا رِتاج ، عيونك هادو مايشبعش بشوفتهم حد غيري
ومرر يده ع خدها ، خدودك مايلمساش حد غيري
ونزل ع فمها ، مش ح يبوسـه حد غيري ورب العـزة يارتاج
رِتاح قعد قلبها يدق بقوووة ومش فاهمة شن يقول سامر وكيف صار هكِ ؟ واعلاش تحس بشعور غريب: دفاته بكل قوة : انتَ مريض ولا واخد شيء ؟
سامر خبط يده ع السيارة : اي مريض ، مريض بيك حُبك احتل كل اجزاء قلبي. افهميي
رتاج : لا ! لا مستحيل انتَ زي خوي ياسامر شن تقول
سامر بنبرة حادة : معااش تقوليها زي خوي معاش تقوليها اني مش خووك اني نحببك وكنت نعيب في الحُب ونسيت أنَّ يلي عاب أبتلى ..
رتاج دمعو عيونها من الصـدمة : سامر وصلني للحوش
سامر زاد قرب منها أكثـر وطبع بوسـة مليانة حنية ع خـدها : ح يجي يـوم الي ح تكوني فيه ملكي ، بِرضاك ولا بغيـره 🖤 أنتِ ليا وربي يارتاج الوقت بدونك يهدّ حيل قلبي ويهلك حالي
رتاج خشت في بعضها كان قريب منها هلبا لين توترت
سامر فاق علي روحه : اركبي نوصلك
....
