. ﮼عيني،التـي،لا،تنام 💛
الحَـلقة التــانيــة 🙋🏻♀️👌🏻
فـي الصـبح نضنـا ع شبشب الحمـام من نبع الحنـان !
ماما : نوضي أنتِي ويـاها اليوم جمعـة نمشو لحوش جـدكم
سوسن : باهي يا ماما خيرك من الصبح
ماما : اشي ع القليلة الأدب كيف تـرد على امها
أني : ماما امشي توا نلحقوك
ماما : لا اني عارفة لو نطـلع تكملوها نـوم هي سلم بناتي
شهد: ايـواه هكِ الواحد ينـوض مرتاح مش تنوضينا ع شبشب الحمام
ماما : اسكتي ولا نحدفك بيه تاني
شهد ناضت : لا خلاص سكتت هي نايضة
طلعت ماما وشهد واني كنت قاعدة ف مكاني نكلم ف مؤيـد لين ما تطلع شهد من الحمام
اني : حبيبي شن حالك اليـوم ؟
مؤيد : بخير بعد ماسمعت صـوتك 💛! وين اليوم نايضة بكـري
أني : شن قصـدك يعني اني مانوضش بكري قبل ولا شني
مؤيد : اهو بدينـا ، شن قلت اني حبيبي استغربت بس
اني : اها اي اي ! ماشين لحوش جدي اليـوم
مؤيد : واللهيِ ؟ واني كنت نفكر نجيك اليوم استحشتك
اني : مرة تانية حبيبي حتى اني استحشتك موت والله
ع خشة شهد : انتي ديري حل لـ عمرك مش كل مانخش نسمع ياروحي ويا حبيبي قريب نموتو من الجفاف نمشي انمص الليم ولا شني
اني ضحكت : ربي يرزقك ب شخص احسن حتى من مؤيد بحبحي هي 😂
سوسن : ربي يسمع منك يا حننة 🤤😂
مؤيد بثقـة : بس مافيش أحسن مني ع فكـرة
اني : عارفـة عارفٌة♥️😂
____________
وتينا ارواحنـا وكان بابا يستنا فينا في السيارة ونضال ومرته قدامنا
مرتـه اسمها خيرية لكن احني نادولها خوخة
نضال شبحلي : ترا اشبحيلي جاي
اني كنت اندرق في وجهي : شن في ؟
نضال : شفاء امسحي الي ع وجهك هي
اني : نضال وراسك هما خطوتين
نضال فنص : شفااء كلمة هيا
اني نزلت واني مضايقة ونسب فيه في داخلي 😂
مسحت المكياج وطلعت
نضال : ايواه هكِ مليح
اني قلبت اعيوني
نضال : يعطيك فقصة فيهم توا نوريك عليها
خوخة : خلاص يا نضال خيرك اعليها
اني : قوليله يا خوخة
نضال : شن قوليله هادي تحسابيني طرطور كان قالت حاجة حاضر ؟
خوخة ابتسمت : مش انتَ حبيبي ❤️
نضال : حاضر يا عيوني تمام
وضحكنا كلـنا
وبعد ساعة وصلنا لـ حوش جدي كانو كلهم واصلين وطبعاً احني ديما اخر من يوصل 🙂
رتاج حضنتني : الله قداش مستاحشتاك يابنت 🥺
اني : لييك اكترر والله اضعااف
حوش جدي كان دافـي ! كنت مقعمزة بينهم ومركزة في صوت ضحكاتهم الي مالي الحـوش ، حناي وهي تحكي في حياتها زمـان ! الله قـداش كانو مرتاحيـن ! 💛 كنت مـركزة ف عيونها الي فيهم حنيـة الدنيا
الصغـار كيف يلعبو بحداهَا ، رِتاج وهي تبصر عليها
شهـد وهي تناشب في رامي ، سُهيلة الي واحلـة ف الكُوجينة ، سوسن الي تبي من يتبرع ويشدلها صغارها
لين قاطعني صـوت شهد : وين سرحانة يا بنتي
اني انتبهتلها : كنت نخمم في حاجة
رتاج : والي هي ؟
سُهيلة تعيط من الكوجينة : تعالو معايييي
ماما : امشو معاها ساعدوها
نضنا كلنا ومشينالها
اني : شن تبييي
سهيلة : لا والله شن نبي ؟ سلامتك ياروحي قعمزي ارتاحي بس وفنصت اعيونها : تعالو معاااي
شهد : باهي باهي وانتي تعيطي
رتاج : خلاص انتو خليكم اهني اني نمشي اندير دورة في الحوش
اني : لا اعلاش اتعبي في روحك انتي اقعدي اهني الحوش اعليا
سهيلة : لا يا فالحة انتي وياها بتقعدو معاي !
كملنا حوسة الكوجينة ومشت شوي ضحك وشوي عـراك
وجبنا العـالة وكملت حناي القصـة وكلنا كنا منسجمين لين جي الليل
جو سامر وسهيـل ورامي ونادر وقعمزنا كلنا ناكلو ف سامينسا ونهدرزو
سهيل : شن رايـكم نلعبو كارطـة " كات دبلو كات "
اني : الله مليح خاطري فيها
رتاج : حتى اني بنلعب
سهيلة : حتى اني
رامي : حتى اني
اما شهد ف اختارت المُشاهدة من بعيد
نادر : اني مانقدرش توا بنطلع شوي ونجي
سهيل : تم توا هكِ احني ستـة أني وسُهيلة رتاج وسامر ورامي مع شفاء .
درنا دايـرة كبيرة وكل اتنين اتفقو ع حركـة
اني قلت لـ رامي لما نشرب المية معناها تميتهم قول كات وعارفاته غبي ومش ح يركز لكن الله غالب 😂🤦🏻♀️
بدينـا ف اللعب واني كملت الوراقي متعي وبديت نشرب ف المية قريب كملتها الطاسـة وهو مش معاي اصلاً
لين شكت رتاج وقالت قص
اني نضت : ياغبي قريب بطني انتفخت من الميـة وانتَ في عالم تاني
سهيلة تضحك : عنجد غبييي 😂
سهيـل أبتسم : على فكرة شروط راه الـي يخسر ح نشرطو عليه
اني : غير طلعولي رامي بس هو نعرف ح يودينا ف داهييية
رامي ضحك : خلاص يا شوشو اخر مرة 😂❤️
وبدينا نلعبو تـاني
رتاج كانت قريب اتكمل لكن سـامر مهبببول يديرلها ف حركات يبي يضيعها باش تقول كات وهو مش مكمل اصلاً
رتاج : لحظة يا جماعة الخير ركزو اهني ، اهووا "وأشرت عليه " متعبني وربي مانعرفش نقول كات ولا نسكر فمي
سامر : لالا ردي بالك تقولي كات والله ماكملت
سهيل : به يا سامر فكنا من برادتك
سامر : به يراجل شن درت اني
شوي وبدي سامر يدير حركات تاني
ورتاج انفلقت من الضحك و سهيلة قالت قص
ناض سامر : ياحمارة مش تشبحي فيا عيوني قريب يطلعو وانتِ تضحكِ
رتاج وهي ميتة ضحك : منين نندري عليك اني نحسابك تبصر
كمللنا اللعبة والنتيجة ان سامر ورتاج خسرو
سهيل : شن رايكم نشرطو علليهم يقعدو في دار جدي ونسكرو عليهم الضي خمس دقايق " جدي ميت ورتاج مستحيل تقعد في غرفته "
اني : بس رتاج تخاف
سهيل : لا توا معاها سامر عادي
سهيلة : هي تمام
أشرطنا عليهم ورتاج رفضت في البداية بعدين وافقت اما سامر ف مداير روحه باتمان 😂😭🖤
خشو لدار صكرنا الضي والباب بالمفتاح
رتاج : حي يا سامر نحس في واحد وراي
سامر : هدا اني يا حولـة
احني كنا ورا الباب نسمعو فيهم ونضحكو بعدين قررنا نديرولهم جو بدينا نطلعو ف أصـوات ونخبطو ع الخفيف
سامر : اللهم اسكنهم في مساكنهم يارب
رتاج : سامر وينك باللهِ عليك
سامر : قدامك تعالي
رتاج شدت في يده وهو يبي يخوفها
سامر : مش قتلك تعالي وينك
رتاج خافت : لا شديت فيك
سامر : وين شديتي فيا ماشد فيا حد
وعمتكم رتاج تبدا تعيط 😂😂😭
سامر انفلق من الضحك : تعالي ياهبلة تعالي نبصر عليك اني معاك
رتاج حست بشعور غريب لكن ماركزتش شوي وفتحنا الباب ماخلت كلمة ولا حيوان ولا سبة الا وقالتها
مرر الـوقت وجي نادر معانا وقعمزنا كلنا مع بعض نتفرجو في فيلم
رن تاليفوني " حَـلالـي " ♥️ تعرفو شعـور امتا يدق قلبكم فجئـة ! شُعـور مُختلف وحلـو
رديت : هلا حبيبي
مؤيـد : وينك مختفية اليوم تي خفت عليك بكل راه
اني : أسفة ياروحي بس كنت لاهيـة مَع البنات توا كيف فضيت
مؤيد تنهد ؛ خفت بكل عليك
اني : ياروحي انتَ مرة تانيـة توا نبعتلك رسَالة ان لاهيـة باش ماينشغلش بَـالك 💛
مُـؤيد : تمام ، شن درتي اليوم احكيلي
اني قعدت نحكيلـه ع تفَاصيـل يوميّ وهو مُنسجم
اني : وين مشيت ؟
مؤيد : انركز في جمال صوتك اكثر مما انركز في شـن تحكيلـيي 🖤
اني أبتسمت " محلاه شُعور الإهتمام من الشخص الصح " 🖤
قعدنا نهدرزو للفجر بعدين صكـرنا .
تـاني يوم الصّبـح !.
