. ﮼عيني،التـي،لا،تنام 💛
الحلقة 3
تـاني يوم الصـبح كان فيـه مطر خفيف ، صوت ضحكتنا معبيـة الحُـوش ، إيـد حناييّ الـدافيـة💛
تَفاصيل نتمنى مانفقـدها ! .
خشينـا كُلنا للكـوجينة درنا فطـور وعَالة شاهي .
فطورنا مكانش زي أغلب النـاس ، نوتيلا وكريب وشكلاطـة باش انصورو ونزلـو ، فطورنا كـان بسيط زي أي فطـور بس الضحكـة مفارقتش الصفـرة 🖤
مرر الـوقت وجي الليل وروحنـا بعـد يوم طويـل من التعـب والهدرزة
رقـدنا طـول
تَاني يوم الصبح نضت ع صـوت " مَيار بنت سوسن " وهي تنقـز ع سريري : خالتو
اني : حبيبتي اركحي تعبانة
ميار هزت راسها بمعنى لا
اني : بطلي يافرخة
شهد : ميار يافرخة اطلعي برا
ميار : ماما قالتلي نوضيهم
اني : وينها ماما ؟
ميار : تحت تبكي
اني نقزت : شنيي ومشيت نجري ووراي شهد
سلمت عليها وقعمزت : خيرك ؟ شن في
سوسن وعيونها الي مليـانة دموع ! كان واضح الكسرة ف عيونها : "يُـوسف زوجها " امس ضربني
اني حطيت يدي ع فمي من قوة الصـدمة
شهد : الله يكسر ايديـه اني قتلك الراجل هدا ماينفعش
اني بإهتمام : استني يا شهـد ، سوسو احكيلي بالتفصيل
سوسن مسحت دموعها بطرف كمها : أمس لما روحت ف الليل كان معصب هلبا من الشغل بعدين بديت نزن عليه ع قصة الحوش فوق اهله ضربني كف وطلع من الحوش كله مني اني
أني : مش منـك ! اعلاش ديما المراء هي السبب اعلاش ديما هي الي تتحمل الضرب والإهانة ، مش منك انتِ ، أهلـه مايعاملوش فيك كويس ومش محترمنيك يعني اكيد بتطلبي حوش بروحك صدقني لو هُما في مكانا مش ح يتحملو دقيقـة ، شوفي يا سوسو أهديلي شويا وردي بالك ترجعيله ولا تردي عليه خليه هوا ايجيلك لـ هني ويعتدر منك ولو مجاش معَ الف سـلامة
سوسن : مانبيش نخرب بيتي
شهد : صكري فمك ولا نجي نخربلك وجهك كلام شِفاء صح
ماما : شوفي يابنتي ، ديري الي يريحك احني معـاك لـ نهاية طريقـك ولي تشوفيه صح ديريه
سوسن أبتسمت : ربي مايحرمنيش منـكم يارب 💙
شهد : لالا استني ارجعي توووا تووا ، قصدك صغارك اليوم بيباتو ووووووه
___
عَند رِتـاج كانت في سيـارتها قضت مشوارها وبتروح لكن عارضتها سيارة كانت بتموت من الخـوف وقفت سيارتها وقعدت فيها تحاول تاخد تاليفونها تتصل بأي حـد
الـولد الي عارض طريقها طلبها من سنة وهي رفضت ف من هـداكا اليوم وهو يتعرضلها
نزل وخبط ع الروشن : انزلي ولا نكسره عليك
من خوفها نزلت وعيونها تعبو دموع
جبدها من يدها ولصقها في السيارة : غدوا جاي نطلبك تـاني ولو ماتوافقيش ندفنك اهني
سـامر كان واقف وراه خبط ع كتفه بشويا : من الي بتدفنه ؟
تلفت الـولد ليـه : من انتَ وشن تبي
سامر : تعال نوريك شن نبي ، جبده من سوريته ورماه بكل قوته ع الأرض
الولد وقف من صدمته وجبد السكين من جيبه
سامر أنتبه لـ سكين لكن قـدر يشده من ايديه الي فيها الموس ويلويها ورا ظهره ومن شدة الألم حدف السكين
سـامر وهو قارن حواجبه وعروقه يبانو : لو نلمحك لمحة بس ندفنـك ورب العـزة
الـولد : اطلقني بس اطلقني مش ح تشوف وجهي تاني
سامر : محلاك لو نشوفك تـاني وناض من عليـه
ناض يجري بكل قوته يبي يهرب بأي طريقـة
سامر مشي يجري لـ رتاج : دارلك حاجـة
رتاج هزت راسها بالنفي : خفت بكل
سامر : تخافي واني عايش ؟
رتاج حست نفس الأحساس لما كانت معاه في حوش جدها بس حاولت تستبعد كل الأفكار الي تجيها
سامر حس أنها حست بس حاول يتحكم في مشاعره ومدلها كلينكس : هاك امسحكي دموعك
خدت منه الكلينكس ويديها يرجفو
سـامر : رتاج من هدا ؟ تعرفيه ؟
رتاج : هدا السنة الي فاتت تقدملي واني رفضته ومن هداكا اليوم يلحق فيا أسمه " سالم "
سامر بعصبية : اها واعلاش ماقلتيش ؟
رِتاج : شن بنقولك ؟
سامر : أنسي تعالي لـ سيارتي سيارتك تتوا نجيبها
ناضت رتاج وركبت سيارته ودموعها ينزلو بدون صوت
نزل سامر وجابلها كيس معبي شكلاطة وعصير : نعرفك تحبي الشكلاطة كولي
رتاج تحشمت : والله مافي داعي الي درته امبكري ساد شكراً
سامر : يابنتي ماتشكرينيش صحتين كولي
رتاج : لا والله مانقدر يا سامر هدا كله بجديات صحيت
سامر ابتسم وبانت غمازته الي محفورة ع لحيته : ع خاطر شكلاطة درتي هدا كله ياسي توا ناكلها اني خليك انتِ وغمزلها
وصل سـامر رِتاج وماطمنش عليها لين خشت للحـوش 💙
—
نَمشو لِ شِفاء 💙 " كانتْ شِفاءً حَقاً " 💙
سـوسن كانت راقدة بحدانَا اني وشهـد وصغارها يلعبو بحـدانا ونهدرزو لين جتني مُكالمة من " حَلالي " 💙
نضت خشيت لَ دراي ورديت : هلا حبيبي
مُؤيـد : ها ياروحي شن اخبارك
اني : كويسة الحمدلله
مؤيد : لا مش كويسـة صوتك يقول غير هكِ
أني : مضايقة شويا
مؤيد : من الي ضايقك قوليلي بس ! صدقيني نمحيه !
أني ابتسمت : ربيِ مايحرمني منـكك ، بس شويا هكِ توا يتغير
مؤيد حس ان الموضوع عائلي ف محبش يضايقها : اوكِ اني أتصلت نسألك لو تبي شيء لأن عندي شغل توا
اني : لا سلامتك ياروحي ربي معاك 💙
مؤيد : ماتزعليش روحك بس ! هي باي
صكرت من مؤيد واني فرحانـة كيف يحبني ويخاف عليا ! 💙 قطع تفكيري صوت مسج لـ تاليفوني
من " حلالي " فيها : قدام احزانك اني نضعف .
دمـعو عيـوني وحسيت روحي مش ف هدا العَالم " يانَـاس هُو الحب هكِ ولا أني الي حبيت راجل " ?
————-
عَند يوسف كَان ندمـان ع الـي داره بس مرات النـدم مايفيدش ولا يغيـر ! لأن بِبساطة البني أدم لازم يتحكم في تصرفـاته .
عَند سَامر كـان في دوامـاة مابين يعـترف أو يستنى !
خايف من درة فعلهـا ؛ بس قرر أنَ حَ يدير كُل شيء باش تحبـهه .
تَاني يوم الصـبح بدلنا للكـلية وخدانا بابا
وكنت لابسـة خفيف وصقـع كيف خشيت للكلية كلمني مُؤيد
أني : صباح الخير 💙
مؤيد : صَباح النور ياروحي شن اخبارك مشيتي للكلية ؟
اني : اي كيف خشيت بس بنتجمد لابسة خفيف
مؤيد : ربي يهديك بس حتى انتِ اوكِ سكري شويا
صكرت منه خشيت للكلية لقيت رِتاج مع كَوثر الأنتيم متعي من ايام الأعدادي
سلمت عليهم
كوثر : غير شوفيها بس كيف تمشي
رتاج : فيفي عبدو
أني ضحكت : خلاص يابنات اتحشمو
كوثر. : بالله فكينا منك انتِ
رتاج : حي هدا مش مؤيد ؟
اني تلفتت وانصدمت ! : اي مؤيد استني نشوفه
مشيت سلمت عليه وكنت مستاحشاته مُـوت 💙
: استحشتـك ، هكِ يومي حا يكون حلـو
مؤيد : طبعاً حا يكون حلو غير البسي كبوط بس
اني تفاجئت : شن هدا ؟
مؤيد : مش قلتي صقعانـة البسي هي وخودي نسكافي وفنص فيا تفنيصة متـع اخر مرة ديريها
دمـوعو عيـونّي وحسيت بِشعور حـلو ومُريـح 💙 حسيت أنَ الـدنيا كلهـا مَفتوحة قَدامي ، حسيت للحظـة أني مالكـة الدنيـا 💙
حضنتـه وماهتميتش لـ ناس كنت نبي بس نموت في حضنـهه 💙 حيـاتي بلاه مانبيهاش .
مؤيد : حبيبي بنروح اني راه هي
أني : تعال سلم ع كـوثر ورِتـاج
مؤيد : لا فكيني
أني : غير هي تعَال
سـلم مؤيد ع كـوثر ورِتاج وهدرزنا شويا وروح
جت وقت مُحاضرتنا حضرناها فهمت من الدكتور وسجلت المُهم وطلعت وكـان عندي جامع بعدها
روحت للـحوش القيـت سوسن مع يـوسف
أني بدون أي إهتمام : السّلام عليكم
يوسف : وعليكم السلام شِفاء كيف حالك
اني : بخير ، نستأدن منكم وركبت لـ داري لقيت شهـد مع الـصغار
اني : اي وشن جابـه هدا ؟
شهـد : جايي بِكل وقـاحة وطبعاً اختك الخفيفة بتردلـه
اني فنصت فيها : ماتدويش هكِ قدام الصغـار ، وين مَامَا ؟
شهد وهي شادك تاليفونها : عند الجيران
اني : اها وخيرك انتِ
شهد : لا شيء اعصابي محروقـة ع سوسن بس
اني : شهـد !! عيني ف عينـكك
شهد شبحتلي : اوكِ فيه بس مانبيش تزعلي مني
أني : ادوي شن في ؟ حيرتيني
💙 " أستنـوني في الحلقـة الـرابعـة " 💙
