الحلقة 6
طلع سامر بسيارته ودرس جنب حوشنا وقبل ما تنزل رِتاج شدلها يدها : نوعـدك توكني ليـا واني لو نعطي وعـد حَ نفـده ولو ع قطع رقبتي
رتاج : سامر ماديرليش مشاكل بالله عليك ، انت زي خوي اني أسفة بس مانعتبرش فيك اكتر من هكِ مانبيش نجرحلك مشـاعرك بس والله حبي ليك زي حُب خوي
سامر شبح لـ روشـن : عَ راحتـك ، وشبحلها : تحبني ولا تكرهني ! حَ تكوني ليا 😊
رِتاج نزلت وكانت خايفة مووت طقت ع الباب وفتحتلها ماما : شن طلعك يا رتاج ?
رتاج بتوتر : اه لا كنت اهني اضايقت شويا فوق
ماما بعدم تصديق : خشي يا بنتي صقع عليك
ركبت رِتاج فوق وهي ترجف ووجها اصفر
أني بخوف : رِتاج وينك قلبنا اعليك الدنيا ونرن اعليك ماترديش
رِتاج انتبهت لـ تاليفونها : اها اي اسفة كان صامت
شهد : رتاج قولي وين كنتي متنا خوف عليك
رِتاج : كنت عند سامر
سهيلة بصدمة : كيف كنتي عند سامر ؟ سامر مني ؟ خوييي ؟
رِتاج هزت راسها
سهيلة : فهمينا يا رتاج
أني : بشويا ع البنت ، روجا احكي بشويا ومن البدايـة
رتاج جت حضنتني وبدت تبكي
سهيلة شهقت : ماتقوليش غلط معاك لالا خوي مستحيل يديرها
رتاج بعدت عليا : لا ما غلطش معاي لكن مشينا للمزرعة واعترفلي أنه يحبني وقالي ح ناخدك غصباً عنك
شهد : مصح خليقتك مفروض تفرحي مش تبكي يحبك واحد زي سامر من زيك انتي
سهيلة : روجا اعلاش هدا كله اصلاً اني كنت حاسة لان واضح من عيونه كيف يشبحلك
رتاج : انتو اعلاش ماتفهموش اعليا سامر زي خوي مانقدرش نشوفه حاجة تانيـة بككل 😭
شهد : خلاص يا بكايـة 😒 اني سامر هدا قريب نمشي نتقدمله بروحي وانتي جاتك النعمة تحت رجليك وترفسي فيها
سهيلة : الحق مش ح نعلق لان شهد كفت ووفت
أني : رتاج بجـديات في هدا الوقت صعب تلقي الراجل الي يحبك من قلبـه ويصونـك 💙 وسامر بجديات الكل يشهـد أنه حنين وأخلاقه عاليـة بس برضو القـرار حَ يرجع ليك وانتي فكري كويس
رتاج تمسح في دموعها : المشكلة ان هو خلاص حسم الموضوع ماقاليش فكري قالي ح تكوني ليا برضاك ولا بغيره
سهيلة : احيي خوي رومنسي بسلامته 😭❤️❤️
شهد : رتاج شن رايك نبدلو ونعطيك الي عندي لا يهش لا ينش
اني ضحكت : لا فعلاً سامر ياما يطلع مننه 😂 بس عجبني الحق
رتاج : اني مش عارفة انتو معاي ولا معاه
كُلنا : معاااه 😂
————-
عند مؤيـد مع صحابـه : خايف بكل لو عرفت شن حـ دير بس ، شِفاء رقيقة وعلى سبله تنهار
توفيق بدون مايشبحله : أنتَ لما درت هكِ كنت عارف ان الشيء هدا ح يصير
مؤيد : اي بس أني ندمان
توفيق يدخن : الـندم ماليشي فايدة
مؤيد : أنتَ مفروض توقف معاي مش عليا
توفيق عفس ع دخانه : نوقف معاك لما تكون مع الصـح أما هكِ سامحني فيها
مؤيد حط يده ع لحيته : شن اندير به
توفيق : بِكل بساطة بري دمتك وأعترف بكل شيء وهي ليها القرار بعدين
مؤيد بصدمة : لا مستحيل انتَ عارف لو نقوللها مش ح تكمل معاي واني مانقدرش منغيرها
توفيق : الي غلط يتحمل
مؤيد شبحله بغل : تمام منور
أما تامر فكان يتفرج بس
________
تـاني يوم الصبـح عندي أني وتيت روحي انا وشهد ورتاج بنمشو مع بعض للكليـة طلعنا وصل بابا شهد لكليتها ونزلنا اني ورتاج لكليتنا
جتنا كوثر تجري وحضنتني : هلا حبي شن جوك
اني : تمااام وانتي ؟ ماتوقعكتش تجي قلت اكيد تعبانة من الي صار
كوثر : حاولت نتأقلم وخلاص شن بديري هي
رتاج : ربي يكون معاك ياوخيتي
كوثر ابتسمت : ان شاءالله ياقلبي ❤️
خشينا للمحاظرة الأولى وكان الدكتور طرف بمعنى الكلمـة وكوثر بسلامتها عيونها قلوب 🤣🔥
رتاج تحمحم من بعيد : كوثر اهدي سلم اوخيتي
اني كتمت ضحكتي
الدكتور أشر علينا : انتِ وياها لو سمحتي برا
كوثر : من عيوني يادكتور غير أطلب بس
الدكتور أنحرج : توا نتفاهم معاك بعدين
أني طلعت وكنت ميتة ضحك : حي عليك شن درتي فينا
كوثر : تدكري ف أيامات الأعدادية لما عاكست ولد جيرانكم 😂
اني : عليك اياام 😂❤️
رتاج : اعقلي يا كووثر 😂
شوي ورن تاليفوني وكان مؤيد رديت بفرح : هلا حبيبي
مؤيد : أهلين حبيبتي ، فاضية اليوم ؟ ♥️
اني : حتى لو مش فاضيـة نفضـالك ياروحي ، خير ان شاءالله ؟
مؤيد : بنحددو العـرس الحوش واتـي حتى من دار النـوم ركبتها 🌸
أني كانت الفرحة مش سايعتني " وقلبي يحبك كأنك أكتر من شخص ، ويشوف فيك كأنك كل هـ العالم "
واخيـراً بيكون حلالي ، ويكون ليا وبسس ، مؤيد الحب الوحيد في حيـاتي ، منغيره نضيـع ، حياتي بلاه والله مانبيها ♥️
المهم روحنا وكنت طايرة من الفرحة معاي كوثر وبنات العيلة كلهم معاي ، ونوتـو لان مندر واهله بيجو يحددو العرس ويعطو المهر وهكِ 🙈
لبست قفطـان حني طويل وفيه فتحـة من جهة اليمين ♥️ المكياج كان خفيف بكل
ماما : الله يبارك عليك يابنيتي 😍
شهد عيونها دمعو : قصدك حتى انتِ بتمشي وتخليني 😭
رتاج قرصتها : بطلي لان بنبكي حتى اني
قعمزت مـع اهله ومر الوقت حددو العرس بعد شهر وجا هو وطلب يشوفني 😍
مشيت طقيت وخشيت كان معاه بابا ونـادر ونضال ولما جيت طلعو
مؤيد ناض سلم عليا بالخد : اهلين بملاكي ♥️
اني ابتسمت : استحشتك مووت
مؤيد شدلي خدودي : ماتخلينيش نغلط خليهم بعد شهر وغمزلي ، جيت بنعطيك هدا
وطلع مفتاح من جيبه
