الحلقة 8
طلعت من المُحاظرة اني ورتاج
اني : زعما خيرها كـوثر
رتاج : مش عارفة كلميها
اني رنيت عليها : كوثر كيف طلعت من المحاظرة وينك نجيكك
كوثر بتردد : لا مش اليوم لأن مشغولـة شويا ، واصلاً الموضوع مش مهم هلبا توا نتلاقو ونهدزو
اني : خيرك هكِ كوثر من بكري وبالي عندك انتي متأكدة مافيش شيء؟؟
كوثر : اي ياقلبي
اني : اوك سلام
رتاج بإهتمام : خيرها شن قالت ؟؟؟
اني : قالت لما نتلاقو نهدرزو مش موضوع مهم
رتاج : اياااه ، هادي صاحبتك وراها شيء شكلله 😅🙋🏻♀️
أني بإستغراب : شن قصـدك ؟
رِتاج : فوتي هي نروحو
أني : شن صار فيك انتِي وسامر
رتاج ضحكت وعيونها لمعو
اني : اشييييه لا لازم نهدرزو 🙈🔥
رِتاج : شن رايـك نمشو للمـزرعة غدوا نباتو كُلنا
اني : اكيد مش حـ نقـول لا ، هي خلي نروحو ونقترحو عليهم
روحت للحوش ورِتاج وصلتها لحـوشهم
أني حضنت ماما : السلام عليكم
ماما : وعليكم السلام بنيتي 💙 كيف كان يومك اليّوم
أني : والله الحمدلله تعب شوي كـا العـادة ، شهـد ويين ؟ قاعدة ماروحتش ؟
ماما : مشالها سهيل
وطـق الباب مشت ماما فتحت وكانت سوسن
ماما : زارتنا البـركة وحضنت صغار سوسن 💙
أني : اكيد عندك وين بتمشي🙂
سوسن : ايي ساعة وجايـة بس
أني : سبحان الله ديما سـاعة
سوسن : خيرررك عاااد
اني : ياوخيتي صغارك متعبيين
ماما : تحشمي شِفاء هادي اختتك
اني : خلاص به حسستوني بتأنيب الضمير ، هي امشي وماتعطليش
سوسن باستني : تمام يا احلى اخت 💙💙🙈
طلعت سوسن وتلاقت مع شهد
شهد : هلااا ، غريييبة وين صغارك مش معاك
سوسن ضحكت : حسيتك فرحتي 😂🙈، لكن صغاري عندكم داخل
شهد : ووووووه
سوسن : على راسك
شهد : ياربي شن درت تحتك
سوسن : شن مش مدايرة ، ياما فلايـط
شهد : اي والله صدقتي
سوسن ضحكت : شوي ونجي
شهد : تمام ، سلام
خشت شهـد داخل لقت ماما ادير ف كسكسي واني نساعد فيها
شهد : هاااي
أني : اهللين وينك متأخرة اليوم
شهد حطت شنطتها ع الطاولة : هدا هو قعدت مع البنات شويا ، وينهم فروخها
أني : من قالك ؟
شهد : تلاقيت معاها برا !
أني : هههههه اي فوق لهيتهم ب الألعـاب
شهد : هو ماشاءالله حوشنا بدي محل مُستلزمات الطفل كل شيء متـوفر 😂🔥
أني ضحكت : يلاا معللش 😂 ان شاءالله ماتجيبلناش التالت قبل ما نتزوج
شهد : لا يا سمحة واني ؟
أني : مصكرة راسك عاد ماتبيش تصدقيه
وخشت علينا خوخـة هي ولدها أسمه " يوسف"
شهد : حي خوخة استحشتك 🥺💙
خوخة : أني أكتر والله ، قلت خلي نتغذر مع بعض اليوم 💙
أني : احسسن مادرتي والله ، وشبحت لـ يوسف وحضنته : ياوخيتي سلممه استحشته
شهد : يهبببل هدا ، هادوكا زي البط يجرو وخلاص
خوخة ضحكت : صغار سوسن اهني ؟
شهد : اي يا حنة فوق
الصغار بدو يلعبو مع بعض واحني في الكـوجينة
لين طاب الكسكسي ودرنا سـلايط وحطينا ع الطـاولة وجي نضال مع نادر وبابا وقعمزنا كلنا
أني : يا عيلـة شن رايكم نمشو للمزرعة نباتو غدوا ؟
بابا : اني ماعنديش مشكلـة غدوا فـاضي
نِضال شبح لـ خوخة : شن رايك نمشو ؟
خوخة : اي عادي نغيرو جو
ماما : واني ماعنديش راي ولا شني
شهد : ماه نعرفوك بتقولي لا ، هي ماما بلاهي عليك
ماما : باهي توا نشوف
