هذهي قصتي الجديده جعلتها بالهجه العراقيه لكي تصل لهم بمفرداتهم ..قصه جعلتها حول كل المشاعر التي قد تراود الانسان ..قصه بعد قرأتها سوف تتعلم الصبر وألايمان والتغلب على المحن .
أتمنى أن تغير في حياتكم وتعود عليكم بالمنفعه ..
أتمنى لكم قرائه ممتعه .
........................................................................
دجلة:بعد وفاة امي وابوي وموت زوجه ابوي وهي دتطلك بابنها رحنا اني واخوتي واخوي الرضيع الي رفضوا خواله يتحملون مسؤوليته ومسؤوليت اخته مثل مرفضوا خوالي يتحملون مسؤوليتي ومسؤوليه اختي لبيت عمي ومن ذاك اليوم واني صرت ام واب لخواني حتى نسيت حزني وجرحي ع موت اهلي ...بسبب الاحداث الي جانت دتصير وياي وحدة وره الثانيه
عمي ابو حسن :دجلة...دجلة
دجلة:آمر عمي ..رايد شي
ابو حسن :تعالي بابا كعدي يمي
دجلة:دخلت للغرفة وكعدت يم عمي مثل مكالي جاان بالغرفة مرت عمي وابن عمي حسن الي هو الولد الوحيد الهم
ابو حسن :بنتي دجله بعد وفات اهللج انتي وخوانج راح تضلون جوة عيني
دجله:الله يرحمهم
ابو حسن :الله يرحمهم ...وانتي وخوانج يحبيبتي ضالين هنا ..وانتي الله يحفظج صرتي جبيرة والي حأحجي راح تستوعبي ...اسمعي حبيبتي شنو رايج تتزوجين حسن ..وهم خوانج يضلون جوة عينج ...والله ليعلم يبابا شكد داتعب حتى اوفرلكم الي محتاجينا
دجله:عمي يحجي واني الدمعة تغرغر بعيني ..احس الكل ديستغلنا ....ممحتاجين شي عمي .... غير مكان نام بي ممحتاجين شي ...واني لسا صغيرة وحسن ماأتخيله غير اخوي ...واذا مثكلين عليك عمي اني اشتغل واصرف ع روحي وع خواني ..كلام احجي بداخلي مو بلساني ..آه لو يسمعوا ..
دجله:طلعت من الغرفة ابجي وما ادري شنو اسوي ...خفت يزوجوني ايا غصب ..خايفه ع اخوي آدم وعلى خواتي البنات وعلى مستقبلهم ماأكدر افرط بي ..طلعت من الغرفة وكعدت بالحديقة ابجي حتى محد يشوفني ..وبس شفت فرحه اختي مسحت ادموعي ..لان مأريدها تشوفني ابجي اني الامل الوحيد الي بقالهم ماأريد انكسر كدامهم
فرحه:دجلة ..إصاير خير ؟؟شنو هذا الصايح؟ عمي ليش صاحلج ؟
دجله:فرحه خل نهرب.....
فرحه:شنو؟؟شدتكولين ..انتي تعرفين مجتمعنا وتردين نهرب وين نروح مثلا ..ما صفالنا غير هل مكان...دجله...خوفتيني إصار حتى اخذتي هاذا القرار
دجله:عمي يريد يزوجني حسن...
فرحه:بصوت"شنو؟؟شلون يجرأ يحجي بهل موضوع ولسا تراب اهلي منشف ... كوله من حسن اكيد هو الي يحشي كلام براس عمي اني اله
دجله:فرحه..الي تسوي اي فايدة مابي إسمعي كلامي
فرحه:لازمن يعرفون حدودهم ..ديستغلونه ....
دجله:محد يرحم احد بهذا اليوم ...تدرين فرحه- حتى الي يسوي خير اخاف منه لان يريد شي بالمقابل
فرحه:دجلة...شوكت نشرد ها؟؟اذا تردين اليوم نشرد هم عادي
دجله:الموضوع مو بهذي السهوله...
دجله:اني الاخت الاكبر نجحت من الثاني متوسط ع الثالث مواصفاتي :بيضه الطول متوسط والجسم متناسق ...شخصيتي قويه ...
فرحة :اختي اصغر مني بتلث سنين مواصفاتها "بيضة الطول متوسط ورشيقه شعري كرلي "حبايه وحيل طيبه
ومسرة:هي اختي من ابوي عمرها خمس سنوات سمرة وعيونها كبار وجوز فاتح ..وحلوة
وادم :اخوي الرضيع من ابوي وحلو
دجله:بعد ما حجيت الموضوع لفرحه ردت فعلها شجعتني وخلتني افكر بالموضوع بالاكثر وقررت التجا لصديقتي بان ..وبليله من اليالي اخذت اخوي وخواتي ورحنا ع بيت صديقتي جان بيت عمي بنفس المنطقة الي بيها بيتنا يعني بيت اهلي وبيت صديقتي قريب ع بيت اهلي ...دكيت الباب
ام بان:اسم الله منو الي يجي بهل وقت ؟؟
بان :ماما اطلعي افتحي الباب خل نشوف
ام بان:دكت الباب بنص الليل خفت حيل ..يعني منو يجينا بهذا الوقت ..منو؟؟
دجلة :بصوت ناصي"هاي اني دجلة صديقه بان
ام بان:لمن اسمعت دجله حيل خفت واني ادري انو اهلها توفوا وهي واخوانها عد عمامها ...المهم ركضت فتحت الباب
جان اشوفها تبجي وياها اخوها لافته بطانيه وشايلتا وخواتها منظرهم يكطع الكلب ...اسم الله عليكم يمه ..صاير وياكم يروحي ...ادخلي حبيبتي دخلي
كملوا القصه واوعدكم راح تحبوها 💖
