قطعت على نفسي وعدا
بأن أنسى كل شي يتعلق بك
فكان اول ما نسيته قراري
.....
اغار اذا قيل لك صباح الخير
قبل ان تسمعيها مني ..انت لي
وجنتاك لي ..قلبك لي ..اسمك لي
أغار من كل شريك يشاطرني بك ..
فانا من يسرق من حياتك لحظات
واستاجر غيمه بوقت السحر
وارحل للقمر ..على جداره نقشت
أحبك ..حدود حبي الفضاء
اقفز في البحر شيدت لك مدينه غارقه
بنيتها ذهبا
العرش صنعته من جوهر
يا سيده الفاتنات
يا اجمل البيضاوات
زليجه بعينيك تسحر
وانا اصبحت لا اخشى
واصرخ في شوارع مدينتي
كفانا ذلك السر المستتر
احبك احبك يا اطيب الثمر
لقنت بلبلي اغنيه ...
ليلقيها على مسامعك
ويريح ناظريك بلونه الاخضر
قلت له قل لها
مساؤك عنبر ..يا عذوبه النهر
.....
احمد"كلمات اقراها باحد الكتب الموجوده على الرف
المليئ بالغبار ما ادري شوكت جانت اخر مرة قريت بيها كتاب ..ولكن ادري السبب الي خلاني ارجع اقرء
..اي هي ..دجله..حبها..هو الشي الي خلاني احاول
ابرد البركان الي داخلي وإحتاج هذا البركان ليبرد عدد كبير من الكتب ..
ابتلى بي كتابي منذ سقوط قلبي ببئر الحب
وها هو يسهر معي ولن يمل مني تركت الحبيبي
وعشقت كتابي
دجله:وبالكليه وبعد متفرغت من المحاضرات رحت على زواويتي المفضله من الكليه الى وهيه المكتبه جالسه على احد الكراسي واقره باحد الكتب
استاذ امجد:والصبح واني بالمكتبه ادور على كتاب
شفت دجله وجان منضرها وي الكتاب بقمه الهدوء
مردت اخرب هذا الهدوء عليها بس للاسف مكدرت اسيطر على رجليه وبخطوات هادئه جلست على كرسي بجانب دجله والي ضحكني حتى لمن كعدت يمها منتبهت عليه وضلت تغوص بعالمها الافتراضي وبدون اي مبالات للعالم الواقعي وحتاج خروجها من هذا العالم الخيالي كم همسه باسمها
..دجله ..دجله
دجله:هاا!! استاذ ..
استاذ امجد:شلونج دجله ؟
دجله:الحمدلله ..
استاذ امجد :شبيج ؟
دجله:مابيه شي
استاذ امجد :امس ملحكت اتعرف على عائلتج رحتي بسرعه ..حتى كان عندي رغبه اعرفج على عائلتي
دجله:مصار شي ..كلهه خير ..يعني اكيد جهالك حلوين ؟..
استاذ امجد :هههه..جهالي .. يعني اعتقد حلوين
دجله:ليش امهم مو حلوه ؟
استاذ امجد :لاء...امهم مثال حي للجمال..
دجله:يعني اكيد حلوين ..
استاذ امجد:اكيد..يعني لو ازوج اكيد يصير عندي جهال حلوين ..
دجله:😓شنو ؟يعني انتي مزوج لولاء
استاذ امجد :لاء ..قصدت بعائلتي امي وخواتي ..
دجله:ههه..صدك اني عبالي متزوج
استاذ امجد:وليش خسرتي وقت حتى تفكرين اذا جنت متزوج او لاء ..
دجله:ها..لاء اني مفكرت بس لحظه عبالي عندك عائله يعني زوجه واطفال
استاذ امجد :اتمنى يصير عندي زوجه واطفال
دجله :ان شاء الله يصير عندك ..ويتتحق الي تتمنى
استاذ امجد :دجله .. انتي الوحيدة الي تكدرين تحققيلي امنيتي .. دجله تتزوجيني
دجله :بهاي اللحظه تساقط على راسي شلال من الافكار واشخاص جانت تمر قرب ذاكرتي تطبع خطواتها على دماغي كثرتهم خلت راسي يدور وتفكيري يشتت..عائلتي .. الشرطي .. مشاعري
منو اختار ؟ آه من ذيج اللحظه بين نفسك وانفس متعلقه بيك شنو ممكن الانسان يختار ...
والشي الوحيد الي عرفته بذاك الوقت انو ملازم اتخذ اي قرار وكمت وتاركه استاذ امجد ودهشته من ردت فعلي وسؤاله الي يبحثله عن جواب وهو يصيح وراي بصوت عالي وبلهجه سريعه ..دجله .. دجله
الشي الوحيد الي فكرت بي هي ام احمد ..اي ومنو غيرها يكدر يوعيني وبعد طريق طويل مليئ بالتفكير بكل فرد حوالي وغض النظر عن مشاعر
وصلت لام احمد لوجها الي نرسم على بعض التجاعين الي يدل على السنين الطوال الي مرينا من يمها وحجيتلها كولشي ونصحتي هل مره اعوف كلشي وانطي مجال لنفسي تتحرر من هوس التفكير الي آني بي وكلتلي اتبع مشاعري واسمع صوت قلبي
...بس للاسف مجان قرارج صحيح هل مره يا ام احمد ريتج خليتيني اسمع نصايحج بدال صوت قلبي الغبي الي بالواقع مااله صوت غير النبض ...
وايام قليله حتى رديت الخبر لاستاذ امجد انو يجي يخطبني رسميا من احمد وصار وتمت الخطبه ..
وصار الي قلبي راده بس ليش لسه مراضيه
ليش القلب طماع شنو يريد بعد ...عفت كلشي احمد خواتي واختاريت مشاعري ..بس ليش احس شي ناقص
احمد :الف مبروك دجله ..
دجله :الله يبارك بيك ..يوم اللك
احمد :هه..لمن اجيتي لهذا المكان جنت شخص بدايت حياته جنتي اول بنت دخلت حياتي وطول هاي السنين واني اتخيلج زوجتي وشريكت حياتي
جنت مستعد اسوي كلشي علمودج دجله وحاليا اشوفج دتروحين من بين ايديه كالهباء المشور شلون تريديني اتزوج واضلم الانسانه الي حاتزوجها وهي بريئه .. بسبب حبي الج ...راح انتظرج لاخر نفس ..
انا بفراقك كقصيده لم تكتمل
هجرت شاعرها
بهجرانك امسيت كتابا مرميا
على منضدة في مدرسه المكفوفين
انقذني من الغبار
وريقاتي تختنق
بان :دجله شبيج ..
دجله :آه يا بان ..ولا شي ..اني مداحس بشي
بس مخنوكه ..
بان :استغفر الله دجله ..حرام الي دسوي بروحج
دجله :بدموع تنهمر مثل انبوب مي معطل ..
وكلام يدفعه الانفعال خارج شفايفي..
شنو الحرام .. شنو الحرام
صيري قويه ..لا ترخصين دموعج لتحنين ظهرج
لتشتكين من الجرح ..بحق ايمانج كافي
..اني انسانه ..انسانه
