أنا لست أنا
عندما صادفني الحب
بشباكه المتينه
في مرآتي لا أرى ملامحي
وصوتي ..لم يعد صوتي
تكونت نسخه منك
كانك أنت من تشبهني ..
.......
دجله :ويوم وره يوم وعلاقتي وي امجد من سيئ لاسوء ..وبصراحه مجان اكو مبرر واضح يخليني اطلب منا ننفصل .. صراخ، وعتاب، وجدال،برودي ولامبالات حتى تصرفاته الي جانت تخنكني
..مجانت تنطيني الحق باني انفصل عنه ..
وبينما اني بالكليه جالسه بالمكتبه واحد من الاف الكتب الي ملت الرفوف حتى ضاقت المسافه بين كتاب والثاني ..اجه امجد
امجد:أهلا ..دجله..جنت متاكد راح الكاج هنا ..
دجله :اهلا..
امجد:دجله..شنو رأيج بعد الكليه نروح لبيتنه؟
دجله:هاا؟!! بس بعد الكليه عندي شغ....
امجد:لتكملين دجله .. يعني الشغل اهم من حياتنا
..وانتي لازم تفرغين نفسج شويه لهذا الموضوع
مابقى شي لزواجنا ..
دجله:صح كلامك .. بس اكول احسن لو تاجل الموضوع لباجر على الاقل اضبط اموري
امجد:دجله..خابري على بان خلي تروح يم خواتج
دجله:مو علىخواتي بس الشغل..
امجد:امرج غريب يا دجله .. تره انتي طالبه بكليه الهندسه وزوجج دكتور جامعي ..وانتي تشتغلين خياطه ..رجاءا..اتركي هذا الشغل
دجله:كلام مستفز .. يتكلمه وهو اصلا ممقتنع بي
خله عيوني تحمر وسنوني تحد بعضها ..
يعني انت تدري اني طالبه ..واحتاج مصروف للكليه وللبيت ولعائلتي .. بله اذا تركتا شلون نعيش اني وخواتي
امجد:نصي صوتج ..
دجله : أخر تحذير الك امجد..لتتحكم بحياتي ابدا..فاهم
امجد:دجله..اني زوجج وما بيها شي اذا اساعدج
دجله:آه .. شلون نتزوج وانته تفكر بيه بهذي الطريقه
،شلون اعيش وياك وانته تتعاله عليه
امجد :دجله ..
دجله:مشيت والدموع تحررت من قضبان جفوني
مثل ميتحرر السجين بعد مكان محكوم علي عشر سنوات وبمعجزة طلع باشهر قليله ...هذا التشبه جان تشبيه دقيق لمجرى دموعي ولعيوني المسكيه الي
اوشكت على الجفاف من كثر الدموع الي جانت تستهلكهن كل يوم .. احزان هواي ،دموع هواي
مشاكل تأبا ان تنتهي ..هذي حياتي بالوصف المختصر ...
-يوم عن يوم يزيد اهمالي لامجد .قل كلامي ويا جدا
حتى مصرنا نحجي على موضوع الزواج ..وبعد ايام
صار الاهمال عامل مشترك بيني وبين امجد ..وكان سيد علاقتنا الي دمرها اللامبالى تدرجا من اعظم الامور الى ابسطها ..واجه اليوم الي عترفلي بي امجد ..انو ميريد يكمل حياته وياي ..اي.. عترفلي
وكلي منكدر نكمل بهذي الطريقه ..كلي مااكدر اتحمل طريقه تفكيرج ولا حياتج .. جان يحجي وياي بطريقه لطيفه ويتنهد بين كلمه والثانيه خوفا على مشاعري ..او جان معتقد اني راح انهار لمن اسمع هذا الكلام ..انما جنت اعرف انو هذا الي راح يصير
اي صحيح امجد ..نهرت ..وبجيت وحسيت بالفشل
لمن جنت كل يوم اشوفك وي بنت خطبتها واني بعدني خطيبتك ..
وانتهت علاقتي بامجد وكان هذا الموقف اخر موقف يجمعني بي بالقصه ..
.....
قل صبري بإنتظار عودتك
مات الحب
بسيف اهمالك لي
نفذ شوقي للقياك
لم أعد أحلم بعينيك
.....
