..............
دجلة:دخلنا للبيت جان تتلكانا بان وع عيونها نظرات صدمه واستغراب واحسها هي وامها عدهن هوااي اسأله النا... اخذت بان آدم ونيمته بالغرفة ومسرة نامت ع رجليه ...وضلت ام بان تسألني شلون طلعت بهذا الليل والسبب الي خلاني اطلع من بيت عمي ..وسولفتلها كولشي صار ويايا بالتفصيل ..احجي وابجي وام بان وبان يبجن وياي ..ابد مو سهل بت عمرها 14 سنه تطلع بنص الليل وياها بنات وطفل ابد مو سهل جنت احاول ابين قويه حتى ميخافون في حين آني جنت خايفه اكثر منها ... نمنه ونامت مسره وفرحه وآدم على يميني وبان ع يساري نمت والدمعه بعيني واني افكر شنو الي حيصير ويانا بالايام الجايه معقول نضل بهذا التشتت ...زين شحيصير لمن عمي يلكانه ..شنو ممكن يسوي بيه وبخواتي ...نمت والافكار تنزل عليه مثل خرز السبحه المقطوعه .... اسأله الايام كفيله بالاجابه عليها ...نمت وكعدت ع صوت ام بان
ام بان :يلا حبايبي كعدوا ...الريوك جاهز
دجله :كعدت وكعدت خواتي غسلنا وكعدنا ع الريوك
-دجلة:صباح الخير خاله...ليش تعبتي نفسج ..جان كعدنا احنا وحضرنا ريوك
ام بان :صباح العافيه حبيبتي ...لا شلون اكعدج وانتي خطار عزيز عليه ...
ضلينا نتبادل مثل هذا الكلام لحد مسألتني ام بان:يمه دجله شنو ناويه تسوين ؟؟اكيد عمامج افتقدوجن وهم يدورون عليجن هسه ...
دجله:صحيح كلامج خاله ...بس كولشي اعرفه ما راح ارجع إلذاك البيت ابدا
بان :دجله ..ضلي انتي وخوانج يمنا ..وانتي تدرين اني وامي عايشين وحدنا
ام بان :اي والله يمه دجله ...
دجله:مشكورة .. خاله بس اني مأريد ادخلج بمشاكل انتي في غنى عنها
فرحه :دجله ...شنو يعني ..شحيسولنا عمامي بس يلكونا ...معقول يعذبونا
دجله:ماأريد اسمع مثل هذا الحجي مرة ثانيه
...محد يلمس شعرة من راس وحدة منج وارحمه ..لتخافين حبيبتي اني هنا ..
ام بان:وانتي يا امي لسا صغيرة وتردين تتحملين هذي المسؤوليه وحدج
دجله:والله يا خاله ذني الشهرين كبرني هوااي
بان:صديقت دجله من الاول ابتدائي عايشه اني وامي وابوي والي اخو واحد لحد ما ابوها هدة اخوها سياره مسروقه وبعتاب اخوها الابوها ..اخوها قتل ابوها بالخطا وانحكم مأبد ...ومن ذاك اليوم وهي وامها عايشات وحدهن بالبيت ...مواصفاتها "طولها متوسط والجسم متناسق وحلو وحيل طيبه
دجله :تريكنا وبعد مكملنا غسلنا المواعين وبهل الاثناء كعدت مسرة وآدم فسويت ريوك لمسرة وريكتها وهم غيرت لآدم ورضعتا ممه .. وما نسمع غير الباب ندك حيل ...
ام بان:يا الله ....باوعت ع دجله وهي باوعت عليه وع وجهه ملامح الخوف طلعت فتحت الباب --منو؟؟
ابو حسن:فتحن الباب لا اكسرها
ام بان :شرايد ...وانت منو حتى تكسرها
ابو حسن:اني عم البنات فتحي الباب كتلج
ام بان :فتحت الباب ..واول مفتحت الباب عمها دفع الباب بقوة ودخل ع البيت ودخل ضرب دجله راجدي طاحت ع الارض من قوته ..وطلعها هي وخواتها وركبهن بالسيارة بس اني مكدرة اسوي شي غير ابجي واتوسل بي يعتقهن لان ابنه مسيطر ع حركتي
دجله :وصلنا ع البيت وع طول الطريق عمي يضرب بيه ويكلي كلام يسطر ...وصلنا للبيت
دجله:ليش دورتوا علينا ها؟؟من حبكم الزايد لو تردون خدامات وجتكم من الله ع الله ....اكرهكم ...والله اكرهكم بس لو ابوي هنا وعرفكم حدودكم ما اهيس اله حسن ضربني راجدي وضل يجر بيه ع الغرفة
فرحه:لك انتة شتريد اسوي؟؟عيفها ..والله حرام عليك .
حسن :حرمت عليج عيشتج ...هي ام المصايب ..تضل بالغرفه حالها حال...جريت نفس استغفر الله ...اذا اهلج معرفو يدبوجن فاحنه نعيد تربايجن من جديد ...خزيتنه الله يخزيجن
دجله :اني بالغرفه ...واسمع حجي حسن وي خواتي تمنيت الارض تبلعني تمنيت اموت ولا اسمع الي سمعته ....ضليت اتوسل بيهم يفتحون الباب خاصه واخوي آدم بعده صغير ومحد يعرف يهتم بي غيري
..........
