أعيدي لي ماكان لي
إرجعي لي قلبي الذي قطفته يداك
إرجعي الروح لجسدي البائس
أعيدي ماوهبتك من نفسي
ناشدتك فاجبتيني
الهبه لا تعاد
.......
مصطفى:خير بان ..
بان:والله يا مصطفى خايفه على دجله ..
مصطفى :بصراحه ..حتى اني مرتاحيت لوضعها اليوم .. يعني حسيتها ضايجه
بان:آه..اليوم اجتها حاله هستيريا من الحزن ..عادي
اروح كم يوم يمها ..
مصطفى :اكيد بان ..عادي
استاذ امجد:صباح الخير دجله ....
دجله :صباح الخير
استاذ امجد:اليوم اني اوصلج للكليه ..
دجله :ماكو داعي شكرا ... وبعدين لازم اوصل خواني على مدارسهم ..
استاذ امجد :يي..نسيت .. يلا اني نوصلهم بطريقنا
دجله:خوش
وبعد موصل امجد مسرة وادم للمدرسه وفرحه
للمعهد رحنا للكليه والطريق انتها بكلام يوجها الي ومجان عليه اله اجاوبه باجابات مختصرت ..
متقنعا بس تخلي يغير الموضوع
دجله :امجد ... لتمر عليه بعد.. اني عليه هوااي اشياء لازم اسويها قبل لاجي للكليه
امجد:هه..شتردين بعد مو وصلتهم للمدرسه ..
شنو الزاعجج
دجله :مزاعجني شي .. بس شوف شلون اخرتك
امجد:لتفكرين باشياء متخصج .. وبدال متمنعيني
سوي خط لخواتج يوصله مو احسن
دجله :هه.. وفتحت باب السيارة وطلعت
امجد:دجله ..دجله
دجله :وطول النهار و كلما يحصل امجد فرصه حتى يصرخ بوجهي ويعاتبني مجان يقصر ..
بعد منتهي الدوام..
دجله:اروح وياك امجد مجايبه سيارتي
امجد:....اركبي
دجله:وخواتي
امجد :اي اكيد ..معندي شي غيرهن
دجله :......كلام هوااي كاله امجد تغاظيت السمع عن بعضه وبعضه جبرني اجاوب بطريقه عنيفه .........
كل تصرفاته زعجتني ..ولمن وصلنا شفنا احمد فدخلن خواتي للبيت واني وامجد سلمنا علي
امجد:هلا احمد شلونك ؟
دجله:اهلا احمد
احمد :الحمدلله ..
امجد:لفيت اصابعي حول ايد دجله ..يلا حبيبتي
خلي احمد يرتاح ..وانتي مناويه تضيفيني
دجله:بهمس ..امجد ..اترك ايدي
احمد:تمنيت منولدت بيوم ..تمنيت متعرفت او حبيت دجله.. منظر ام شظيه ..بيني وبين العضلات المدورة لوجهي صار حرب ..اني احاول اتلافا النظر وهيه تضع عيوني بصورة عموديه امام ايدينهم المتشابكه ..شفت شي ابد ملايكات ادينهم البعض
ابد..بس اني لمن مسكت ايدها جانت ايدي مناسبه ايدها اكثر...آه من ضعف سيطر عليه ومخله امامي خيار اله استسلم للقدر ..
اتركم على راحتكم ..
دجله:اترك ايدي امجد ..ولتعيدها بعد ..تفهم الي اكوله لو لاء
امجد:انتي خطيبتي .. وادري ليش ضجتي ..بس راح اسوي نفسي ماعرف
دجله :هه..اولا اني خطيبتك مو زوجتك ..
وثانيه اني واثقه من نفسي ومن تصرفاتي ..
فاعلم الي دتكوله ميهمني ..
امجد:اني رايح بس النه حجي ثاني
بان: دجله ..حبيبتي..
دجله:بان ..حبيبتي ..منشوكت اهنا
مسره:بان راح تبقى يمنا هواي
دجله:ها؟!!خير بان خو ماكو شي
بان:ههه..لاء ماكو شي خير ان شاء الله ..اخذت اجازة
من الدوام عشر تيام كلت ابقى تلث تيام يمجن
دجله:وليش اخذتي اجازة
بان :😊..غير حامل ..
دجله :ههه😊يعمري .. الله يفرح قلبج مثل مفرحتي قلبي ...
فرحه:الله ..😊الف مبروك بان
مسره:راح يصير عدنا طفل
بان:كافي خجلتوني ..
ادم :واني اصير خال
بان:ههه..اي تصير خال صغيرون
دجله :وبعد لحظات من السعادة الي ملت البيت ..
وشغلت كل زاويه بي ..رحت لام احمد وتممت شغلي وطول فترت وجودي هناك ونظراتي تبحث عن احمد ..بس خيال اله ..يلا ابسط من هيج ..اريد اسمع صوته ...وللاسف متحقق اي من طموحياتي البسيطه ورجعت للبيت بعد مصار اصبع الساعه الطويل على النصف الاسفل من الساعه وبجانبه الاصبع الاقصر مثل اصابع العجوز الساحره وكلما اباوع على الوقت احسه يشمت بيه ..يكلي وهو مبتسم اني امضي وانتي تنتظرين شي بقوتي الخارقه خليتا يمضي.. مثل المحارب المهزوم رجعت فاقده للامل
...
كل ما أعرف عن الكذب تلك الابتسامه المزيفه
التي اضعها على شفتي امام باب المنزل بعد توديع احزاني
...
دخلت للبيت وقضينا وقت جميل..سوينا كل مراسيم المتعه من اكلات وسوالف واجواء جانت ليله حيل حلوة ابدا متمنيتها تنتهي ..وكلمعتاد لكل بدايه نهايه
..وانتهت الليله السحريه وبده نهار جديد ..وكنت منتظره جرعه من الروتين كالعاده ..انما اليوم قرر يكون مختلف ..لمن طلعت من البيت شفت احمد
دجله:احمد ..احمد
احمد:
حديثك معي
كمزمار صوفي متمرس يطربني بصوته العميق
يبعد صخب الحياه عن راسي
تستكين دقات قلبي
وتتشبث عيناي بقمر السماء
بتضاريسه الرماديه أراك
وبهجراني لك
كاني كسرت مزمار السعاده" وكسرت أنا معه
..
احمد:قل الهواء وكاد يتلاشه عند سماع صوتك ..
فما سيحدث لي ان رأيتك ..قولي لي ..
اهذا حب ام عذاب صيني من العصور الوسطى ..
..
احمد:بنظرات معجب خجول قلتلها..صباح الخير دجله..
دجله:صباح الخير ..مستعجل ؟
احمد:لاء..آه يا دجله من شفتج كنتي شغلي الشاغل
دائما انتي جنتي الشي الي يشغلني ..دائما جنتي بالنسبه الي استثمار بملاين الدولارات،منحه دراسيه،
قبول جامعي،شهاده نجاح ..آه لو اقدر احرر الكلام الي بداخلي واوصله لمسامعج ..احتمال تغيرين رأيج وجهت حياتج ..بس حبي الج اكبر من ان افرض رأي عليج ..احبج واريدج تعيشين حياتج نفس متردين ..
آدم:يلا دجله تاخرنا
دجله:انتظر شويه جايه..احمد
احمد:يلا دجله ..لازم تروحين اهتمي بنفسج ..
دجله:شبيك احمد؟😖
احمد:هه..ليش احجيلج وادري مراح تفهميني ..
ولا راح تحلين مشكلتي ..دجله اني تعبان ..مااكدر اتكلم ..احس حتى الكلام ياخذ طاقتي ...
استغفر الله ..يلا دجله وراج كليه روحي
دجله:كل هاي الهفه حتى التقي باحمد واحجي وياي تاليها محجيت شي كل الطاقه الي رحتله بيها نفذت ورديت للسياره بخطوات تنازع الهلاك ..بخطوات مرئيه كلشي جان اسرع من خطواتي الهوة خطوات احمد وسيارته الي نطلقت مثل مثل الشعالات الناريه
حتى دموعي جانت اسرع من خطواتي ..
انما عقلي المسكين استمر بايصال الايعازات لرجليه حتى تمكنت واخيرا من الوصول للسياره إركبتها واني امسح بدموعي حتى مينكشف امري ..
حتى انجوا من اسئله خواني انما منجيت ..ادموعي جانن اعمق من كونهن مرن على خدي.. لا ..هنه تركن اثر ..دموعي نمسكن بالجرم المشهود ..
