عزيزي السيد قلبي:💖
بلغني إنك قد اصبت بخيبة أمل مؤخرا وإنك تتألم وتتظاهر بالعكس ..
عليك ان تكون أكثر صلابه وتعتاد على هذا الامر وأن لا يكسرك هذا الضعف ..💔💔
دمت سالما..
.......
كعدت بمكاني الي خصصه الي القدر وكدامي مكينه تصممت حتى تطبع عليها بصماتي ..حتى تسجل نجاحاتي والاوقات الي افشل بيها ...
كعدت وبديت اشتغل ع حسب متطلب مني ام احمد استمريت وموكفت ولا اخذت استراحه ..حتى اكمل كل الشغل الي المفروض اسوي ..وخاصه واني عرفت من خلال نقاشي وي وحده من النسوان الي جانت بالمعمل انو الي دتطيني ايا ام احمد هواااي اكثر من شغلي... وميجوز هذا المبلغ الكبير يكون اجر عمل مثل الخياطه ....
ام احمد:حبيبتي دجله ..تكدرين توكفين شغل تكدرين ترجعين للبيت ..من الصبح وانتي تشتغلين اكيد هسه تعبتي
دجله:بس ردت اكمل الي بايدي ...!
ام احمد:كفيتي وفيتي حبيبتي..وهاي يوميتج
دجله:شكرا...بس مو هواي
ام احمد:لا ي عمري هذا جزاء تعبج ...اني مسويت شي ...بس انتظري كم لحظه ع ما اصيح احمد يردج للبيت
دجله:لا عادي...صدكي ماكو داعي ..اصلا البيت قريب
ام احمد:اعرف ..بس اني ميطمأن قلبي اله لمن اعرف انو وصلتي للبيت بأمان ...
دجله:ههه .. صاحت لابنها احمد وطلعنا اني ويا ..شكد احمد شخص الحرارة تطلع من عيونه وطول الطريق وهوه يعذب باصابعه وهو حابسهن بقبضه ايده جنت منتظره يحرر هذي الاصابع المسكينه بس للاسف انتظاري وصل مرحلت الياس وكثرة تركيزي ع معصم ايده خله عيوني دور ع اشياء اكثر حريه اكثر حركه اقل شدة وتوتر... واخيرا نطقت وطلبت منه نروح ع محل حتى اشتري كم شي ناقص بالبيت واني ادري البيت فارغ وناقص هوااي اشياء نطقت وستعملت مبدأ الثلاث ثواني ..انو لازم احجي خلال تلث ثواني وبعدها اذا محجيت اكون خسرانه واني المسؤوله عن خسارتي بس الحمدلله فزت ونطقت وبصراحه الموضوع جان اسهل من هيج بهوااي بحيت بدون ميناقشني غيرنا اتجاهنا ورحنا ع محل وشتريت مناك كولشي لازم اشتري لخواتي ولاخوي آدم...كل يوم يغار من الي قبله ويقلده بادق التفاصيل ع هذا الاساس مشت ايام حياتي..الي تغير هو هيئة بيتنا ..صار بي اثاث يعني صار بيت طبيعي بي الاشياء الي لازم تكون بكل بيت ...وهذا صار بفضل رب العالمين سبحانه وتعالى ..وبفضل ام احمد ...الي ساعدتتي بكل خطوة خطيتها ومره الايام وعدد قليل من الاشهر وصار لازم يداومن خواتي بالمدرسه والعراقيل جانت هوااي ..
دجله "المفروض نسجل مسرة بالمدرسه السنه ..
بان"صح والله ..الايام نستنا اكو ورانا مدارس .... نستنا انو احنا لسا طالبات مدرسه
دجله"الي صار صار ...وكلشي يصير لحكمه احنه منعرفها ... وخلينا منشغل وقتنا بالتفكير باشياء أكبر من عقولنا المحدوده ... ان شاء الله باقرب وقت نسجلجن كولجن بالمدرسه
بان:وانتي؟!!
دجله:شلون ادرس؟!! ..والشغل
بان:شنو!!؟بس اني ماأقبل تنبنا سعادتنا ع دعاستج
دجله:رجاءا بان غلقي الموضوع .. يمكن الله كاتبلي مستقبل افضل بمكان غير المدرسه .. واذا الله سهل علينه اكمل بغير وقت بس هسه مراح اكدر اكمل ...تفهمني رجاءا ..
فرحه:دجله😳
دجله:لتشغلن بالجن بهل موضوع سعادتي بسعادتجن ...احجي عن السعادة وبداخلي كم من الحزن والدموع يكون محيط ...دراستي مستقبلي احلامي حياتي امنياتي الي تمنيتها وكتبتها بجدران ذاكرتي معقول انساها وتروح ،تروح كهباءا منشورا ..
وين الي جان يسألني عن هدفي بالمستقبل وابقى ساعات طول احجيله عن اهدافي مو هدف واحد آسفه..ع الوقت الي اخذته منك على كلام مإله اي وجود او حقيقه ورحت باليوم الي ورى ع الشغل واني ضايجه..ع الواقع الي نفرض عليه .
احمد:دجله خير بيج شي؟
دجله :شكرا ع السؤال لتشغل بالك
ام احمد:حبايبي عدهم مواضيع مشتركه
احمد:يمكن ..بس اعتقد شراكتج احسن من شراكتي لو سمحتي عادي تسألين دجله شبيها ..السؤال الي سألته اياها ومرضت جاوب علي ..
ام احمد:خير ي عمري شبيج.؟
دجله:هه ..لا ماكو شي
ام احمد:تكدرين تحجين حبيتي ...أمني .
دجله :صدكي ماكو شي ...بس ردت احجي وياج بموضوع ..عادي باجر استأذن ساعتين من الشغل بسبيل اسجل مسرة وانقل خواتي ع المدرسه الجديدة..
ام احمد:اكيد ي روحي ...واني اخذجن للمدرسه ونسوي الي كلتي علي ...
دجله:لاء اني مأكمل ..بس خواتي ..
احمد:شنو؟!!اي قرار هذا الي اتخذتي يا دجله ..لتصححين الخطا بخطا اكبر منه
دجله:صدك ما اكدر.. غير الشغل ..منو يضل وي آدم إذا حتى اني اداوم
ام احمد:لا ييأس من رحمه الله الى القوم الكافرين وانتي مؤمنه وتأمنين انو الله مع كل شخص وهو الي حيرزقج وحيسهل امورج لتبالين بكل هاي الاشياء وراح داومين حالج حال خواتج وإجورج توصلج نفس مأهيه ..انتي وبان دوامج يتعاقب وي دوام مسرة وفرحه وهيج تتناوبن ع رعايه آدم
احمد:صحيح كلام امي ...وهذا الي لازم يصير
دجله:آسفه ..بس والشغل ..اني ما اقبل اخذ فلوس منج خاله بلا شغل
ام احمد:اذا انتي مصره ع هذا الشي اشتغلي وادرس بنفس الوقت ..ادري شي متعب بس احسن متضيعين مستقبلج
دجله:ها...
ام احمد:لازم نتعب ونضحي واهم شي نصبر .. حتى نجاوز كل هذا العراقيل والاختبارات الي وجدنا رب العالمين ع مودها وهذا ابدا مو الوقت الي لازم تستسلمين بي للظروف،، انتي الي صرتي ام حنونه واب مسؤول لتلث بنات وطفل رضيع تكدرين تتخطين هذا الحاجز الفاصل بينج وبين حريتج
......
