كن مع الله ..إذا أخذ منك مالم تتوقع ضياعه
فسوف يعطيك مالم تملكه يوما 💖💖💖💕
.....
(يستفزونك ليخرجوا أسوء ما فيك ثم يقولون ..هاذا أنت.. لا يا عزيزي هاذا ليس أنا هذا ماتريده أنت)
دجله"مبادئ مختلفه وطريقه كلام مختلفه وشخصيات مختلفه هذا الي عرفته بعد اللقاء الاول المشؤوم وي شخص مستفز خله اصابعي بكل ما عدها من قوه وحرارة تفرغ غضبها وتطبع بصماتها وتاكد وجودها على خده الابيض الي يغطي نصه لحيه كثيفه سوده وبعدها نتقلت بسرعه لداخل الكليه واني امشي بطريق مستقيم محسيت شفت شي جديد لان طول الطريق وآني احس الشي الوحيد الي شفته هي الاحداث الي صارت وي هذا الشخص ..منو ممكن يكون ؟وشنو يكدر يسوي ؟اسئله هوااي ترن باجزاء جمجمتي ...ولشويه صار الشي الي متوقعت يصير ابدا على الرغم من كل الي توقعته ..نفس الشخص دخل المحاضرة وهو يتقدم.. عبر المكان الي اني كاعدة بي وبكل جزء من الثانيه تزيد مخاوفي وهو يتقدم ع الستيج(المنصه) ..معقوله هو استاذ ..لاء يمكن عنده شي بذاك المكان لاء معتقد هو استاذ ..لسه صغير ممبين علي استاذ ..لاء ...
وحتى اتاكد وارضي نفسي سألت بنت كاعده بصفي ..سألتها عن الشخص الي واكف ع الستيج وكان جوابها شي مقنع بس مرضيت اصدقها كلتلي وبكل برود اي هذا دكتور امجد ...ومن المكان الي هو واقف علي بكل ثقه وهاي المجاميع الكبيرة داخل حدود المكان الي احنه بي تهابه وتقدره واقف بكل شموخ ويباوع عليه ومثل ديكلي ...عرفتي هسه اني منو؟...وحتى عيوني تخلص من هذا الخوف توجهت بنظرها للارض ...المكان الي مابي ذيج النظره المتسلطه ...وبألف يا الله خلصت المحاضره بخير وسلام ...
بان :أهو إنت ..
مصطفى :ههه..لهلدرجه تكرهيني ؟..
بان :...أستغفر الله
مصطفى:شفتي شكد آني فايدج ..كلما تشوفيني تستغفرين
بان:روح من خلقتي لا ارتكب بيك جريمه ...وأرد سيأتي ألي مسحتهن ..
مصطفى :هه..اموت على ايدج ..بعد شرايد من الدنيا
بان:مصطفى ..إلمن تريد توصل هاا!! لهنا وكافي
مصطفى :بان ...أدري على مود خواتج رافضتني ..بس اني منتضرج من سنه وراح انتضرج لاخر سنه بحياتي ..
بان :😑تحبني؟
مصطفى:هاي الكلمه قليله حيل بحق حبي إلج ...
وما أريد افرض عليج شي .. بس صدكي ماراح تلكين واحد يحبج بكدي
بان:الايام تمشي ..وهي تثبت كل شي ..ولو مقسومين البعض اكيد راح نصير لبعض ...
يلا اني رايحه .
مصطفى :أن شاء الله ..على راحتج
بان :هلو دجله ..شبيج ضايجه؟
دجله:لاء ماكو شي
بان:😊 اني يومي يجنن
دجله:عسى كل ايامج حلوه
فرحه:مو على بعضج دجله شبيج؟!
دجله:صدكي ماكو شي ..كلمه كلتها حتى اجنب التفسير المتعب والاسئله الي متخلص من اكثر تنين يحجن على مستوى الناس الي تحيط بيه مرات صعوبه الشرح تجبرنا على السكوت ..تجبرنا نحتفض باشياء ضروري نتناقش عليها فعسى ولعل نلكالها حل بس الوقت يكون يداهمنا ..يربكنا ..فنحاول نسحب انفسنا من الموضوع ونتحمل مسؤوليه كل الي يصير بعد هيج ..
فرحه :اكلج دجله..اليوم بالمعهد ولد مشال عينه ..بس يباوع عليه
دجله:شنو؟؟مو اطلع عينه من مكانها
فرحه :شنو هل عقليه الدمويه ..شسوين قابل تسدين عين الي يباوع ..ههه
دجله"اروح لشغلي احسن بهواي من كعدتي بمجن ..غثيتني ..وفرحه النه كعده ثانيه
طلعت من البيت متوجها على مكان شغلي وطول الطريق القصير الي مشيتا واني افكر بسالفه فرحه ..خفت عليها تمنيت لو هنا لسا صغار ..الامنيه الي بحياتي معتقد اتمناها او ارجع بذاكرتي بيها ..هسه صرت اتمناها ...وبعد كم عباره عتاب وجهتها للوقت وللظروف وللقدر خلص شغل رجليه والي شتغل بهل وقت اديه حتى اتخذت اصابعي شكلها الكروي تقريبا ودكت على الباب بضربات ناعمه وبس عتزلت ايدي لساني الي اشتغل الي بدة يسلم على احمد الي فتحلي الباب
احمد:تفضلي دجله ..امي منتضرتج بالمعمل
دجله:دخلت وشفت اكثر وجه يخليني ابتسم وجه ام احمد ..السلام عليكم
ام احمد:وعليكم السلام حبيبتي ..
دجله :كعدت على الكرسي الي مغطيته الماكينه جزئيا وبلشت اخيط ونتبادل الكلام اني وام احمد ..سألتني على الكليه ...بس هنا الوضع يختلف ام احمد ..مااكدر اضم عليها شي ..واكو سبب ثاني يخليني احجيلهه كل الي يصير وياي انو هي تفهمني ودائما تلكه حلول مناسبه وحجيتلها كل الي صار من استفزاز الاستاذ الى نتائج تسرعي ..وبعد محجيتلها انطتني كميه مالها حدود من الامل والنصائح والايات الكريمه المقنعه الي هدئت بيها نفسي..بكل مره تصيرين بيها ضحيه غضبج فاعرفي انج تسممين نفسج بنفسج عباره اثرت بيه والي اخجلني من نفسي قصه عن افعى هاجمت منشار فلتفت حول المشار بقوة حتى تقطعت الافعى اجزاء واكيد ماتت ..مرات نعتقد انو ردودنه يمكن تريحنا وتجرح المقابل مثل مجرحنى بس بنفس الوقت احنه دنجرح انفسنا ...فلازم بهيج اوقات نستغفر الله مو بس بالقول حتى بالفعل ونعرض عن سوء فهمهم لموضوع معين ....
💖تفاعلك يشجعني .. والقصه متعوب عليها لهيج لتنسون الفوت 💖وكلولي شلونها القصه حلوة لو لاء ؟💖
