شمعه وبدأت البحث عن أجزاءي هنا وهناك ولا أزال البث حتى امحى من كل الصور ومن كل الذكريات
ثم اغطس في فراشي البارد واغوص في اعماق كوابيسي المخيفه
......
ضليت بالغرفه اسمع صوت خواتي وآدم يبجون ...اكللهم طلعوني بس محد مهتم ..ناس بلا رحمه ... ميعرفون شي عن حق اليتامه ولا كسر الخواطر...
حسن :فرحه ...فرحه ..سكتي لهذا ادم ...راسي راح يطك ع كد ما صوته عالي
فرحه :عسنه طك وتنفجر ...اللهي ...متعود ع دجله ميرضه يسكت عندي دخيلك طلعها
حسن :جيبي اودي الها
فرحه:وليش مطلعها هاا؟؟
حسن :استغفرالله ..شنو رأيج سكتين
دخلت ع الغرفة الي بيها دجله ..وشفتها تبجي ..
ليش تبجين هاا...الي يصير بيج فهو نتائج افعالج الي تسوينها بدون تفكير والله لو ما أحبج جاان قتلتج والنبي ...هاج آدم يبجي عليج ...
دجله:كاعدة ابجي ودخل حسن وبايدة ادم حيل فرحت لمن شفته خطيه اول محطيته بحظني سكت
حسن:هه..سكت والله
طلعت وقفلت الباب عليها جان اشوف فرحه ومسرة يم الغرفه
خير شكو؟؟
فرحه :نريد نام يم دجله
حسن:ههه ... شنو مشتهيات الحبسه ؟؟اكيد ما امنعجن دخلن حبايب
دجله:فرحه ..مسرة ..حضنتهن وضليت ابوس بيهن ..فرشنا ع الارض وحدة بصف الثانيه ونمنا وكعدنا ع صوت سيارة شرطه
دجله : ...إصاير؟!!
فرحه:خير ..اصاير ؟؟
دجله:والله مأدري الضاهر صوت سيارة شرطه
فرحه :لو مو حسن قافل الباب جان عرفنا إلسالفه
ابو حسن:الساعة سبعه ردنا نطلع للشغل جان اسمع صوت الباب دك طلعت حتى افتح الباب وتفاجئة انو الشرطه اجت ع بيتنا واخذتني ويا نفس المره الي جانت يمها دجله وخوانها ..
ام بان:لمن شفت عم البنات وسمعت قصتهن مكدرت اسكت وانسى الموضوع وكان شي لم يكن...وثاني يوم رحت للشرطه وبلغت عن عمهن ورحنا ع بيت عمهن اخذوا الشرطه ابو حسن ورحت اني ودجله وياهم والي كان بجانبنا لكينا البنات محبوسات بالغرفة وبالمركز ضلوا يسألون دجله اسأله ودجله حجت كول الي سوى عمها وياها فأطر يوقع تعهد انو ميتقرب ولا يزعج البنات ابدا من يوم ورايح ..واخذتهن يمي بالبيت .....
دجله :رجعنا من المركز لبيت خالتي ام بان واول مدخلت لكيت خواتي يبجن ...كولشي سويته حضنتهن حاولت اجمع الي بقى من عائلتي المشتته ....
بان :حبيبتي دجله ...انتي مؤمنه لتضوجين يعمري هذا الي ربنا كتبه عليج ...وعلى الله فليتوكل المؤمنون
دجله :والنعم بالله ..آآآه يا بان ..شكد افكر ..التفكير ديتعبني هوااي
-مر اسبوع واحنه بيت خالتي ام بان وبلشت أحس انو الحياة ممكن انو ترجع طبيعه لو تلاثين بالميه ..جانت ام بان تعاملنا بطريقه حيل طيبه ..وعلى الرغم من تقيدنا آني وخواتي بحركاتنا وبتصرفاتنا بس بكل مرة اكول مرة ثانيه ...مرة ساعة ....مر يوم .. حتى انسي روحي اكول الايام راح تخلينا ننسه ونتعود ع بعض...آآآآه
ام بان:كعدت البنات الصبح وحضرتلهن ريوك وره الريوك طلعت للسوق اشتري كم شي ناقص للبيت ركبت سيارة اجرة وصار ويانا حادث ورحنا للمستشفى جاانت اصابتي حيل خطيرة ورة ساعات اجت بان بنتي ودجله
بان:جنت كاعدة اتصفح بالموبايل ودجله تأكل آدم وفرحه ومسرة ع التلفزيون ..جان يدك الموبايل والرقم غريب
بان :دجله .. اتصل عليه رقم غريب
دجله:ردي بلكت شي مهم
بان :هاا...اي والله يمكن
رديت ع الاتصال جاان يطلع واحد يكلي امج سوت حادث وحالتها خطيرة وهسه احنه بالمستشفى هو كال هيج واني حيلي نهد ضليت صافنه معرفت شنو ممكن اسوي ..او شنو ممكن تسوي بنت عمرها 14سنه
دجله:بان ..بان ..جاوبيني خوفتيني
بان:دجله.....امي سوت حادث
دجله:شنو ؟؟ بان متاكدة
بان :دجله ..اريد اروح لامي
دجله:شلون نروح للمستشفى ؟!!
بان :مأدري ...اريد اروح اشوف امي
طلعت بان وتريد تروح للمستشفى طلعت وراها وأمنت فرحه ع خواني
دجله :بان ...تآنيني جايه وياج...
طلعت اني وبان اجرنا سياره ورحنا ع المستشفى واول مدخلنا المستشفى سألنا وحدة من الي تشتغل بالمستشفى عن المكان الي بي ام بان ..ودلتنا ع مكانها
بان :بصوت "ماما ..
ام بان:حبيبتي بان ..ديري بالج ع روحج ..احجي ولكلمه احس تاخذ حيلي قبل لتطلع ...دجله حبيبتي ...اعتبري بان وحدة من خواتج مثل متخافين ع خواتج خافي عليها ترة من بعدي بان مإلها احد ..وبعد متشاهدت التقطت نفسها الاخير ...وهنا صرخنا صرخت الحداد .....
.
..
