ودعت والدتها و هدءت بتفكر فيما ستفعله انتظرت مجيئ الليل و وقت تبديل الممرضات وردياتهن و همت بأرتداء ملابسها و الذهاب استطاعت عبور القسم الخاص بالمرضي النفسي و عندما اقتربت من الباب الأمامي لاحظت جارتها في الغرفة تقف أمامه و تنظر من الزجاج
مريم: انتي بتعملي ايه هنا يا ريم
ريم: شايفة المطر حلو ازاي يا مريم
قربت و وقفت جنبها و لاحظت فعلا انها بتمطر
مريم: حلو يا ريم بس هو انتي ليه واقفة هنا برده
ريم: مستنية
مريم : مستنية مين
ريم: مستنية اختي اصل النهاردة عيد ميلادها هي قالتلي انها هتيجي عشان احتفل معاها بيه
مريم: طب ينفع تستنيها جو في سريك و متقوليش لحد انك شوفتيني
ريم: ليه انتي راحة فين
مريم : رايحة اجيب ليها هدية عيد ميلادها عشان احتفل معاكم ينفع ولا هتقوليلي لا
ريم : لا ينفع ينفع انا هروح اوضتي اهوه خلي بالك من نفسك
سبتها و خرجت و مشيت لو مكنتش قولتلها كده مكنتش هتسبني اخرج...... خرجت مش عارفة هروح فين ولا هعمل ايه روحت بعيد عن المستشفى و فضلت ماشية تحت المطر لحد ما لاقيت كوشك صغير طلبت من الراجل تليفون اعمل مكالمة
و كتبت رقم حسن و بدءت ارن
........................................
مروان : ما تتنيل ترد على ام التليفون يا حسن دماغي مش ناقصة
حسن: يلا يالا من هنا و متقلش أدبك انا اصلا معرفش رقم مين ده
........................................
مريم: رد بقا رد
حسن: الو
مريم: الحمد لله انك رديت
حسن: مين حضرتك
مريم: انا مريم يا حسن
حسن: انتي جبتي رقمي منين
مريم : مش مهم المهم دلؤتى اني عايزة اشوفك
حسن: مريم هو انتي فين بالظبط
مريم: مش عارفة الدنيا مضلمة و مش شايفة حاجة
حسن: نهااار اسود انتي خرجتي من المستشفى امتى
مريم: هتفضل تسأل كتير كده و مش هتقولي اجيلك فين
حسن: لا لا خلاص هقول اسألي الي اداكي التليفون على شارع********
مريم : حاضر
......
مريم :اتفضل يا حج ... لو سمحت يا حج ممكن توصفلي ازاي اروح شارع******
الحج: بصي يا بنتي انتي هتفضلي ماشية طوالي لحد ما هتوصلي لمحطة اتوبيسات من هناك اركبي أتوبيس رقم ٢١٣ و انزلي الاخر
مريم : شكرا اووي اووي ربنا يحفظك يارب
حاولت أمد على قد ما اقدر عشان متبلش اكتر من كده لان المطرة كانت شديدة اووي و فعلا لاقيت محطة الاتوبيسات و لاقيت مجموعة من الناس قعدين مستنين فسألت : لو سمحتم انا عايزة اركب الاتوبيس رقم ٢١٣
احد الجالسين: اقعدي استنى معانا هو شوية و جاي
و فعلا بعد خمس دقايق جيه الاتوبيس و ركبت و تقدروا تقولوا ان الاتوبيس احد ساعة الا ربع على ما وصلت للآخر نزلت و بدءت الف و اسأل بس محدش بيدلني و انا ماشية بسأل الناس واحد جيه عدا من جنبي و خبطني خبطة من شدتها اترميت ع الارض و لما الناس قوموني بحط ايدي في جيبي عشان انا فاهمة الحركات دي كويس و حصل الي كنت متوقعاه فعلا و الفلوس اتسرقت ف جريت وراه و فضلت اقول حرامي بس محدش بيساعدني ليه معرفش فضل قدامي لحد ما عدي مفترق طرق و على حظي انا جيت و انا بعدي لاقيت نور عالي ضرب في وشي طبعا مكنتش عارفة احدد ايه الي قدامي بسبب النور ده و بسبب المطر بس حسست بأيد شدتني من على الطريق لما فتحت عيني و بشوف مين الي شدني كده لاقيته هو
حسن: الله يخربيت جنانك انتي كنتي هتموتي نفسك ليه تاني
مريم و عيونها اتمليت دموع : انا مكنتش هموت نفسي انا كنت عايزة فلوسي بس مش اكتر
حسن: انا اسف بجد... خلاص خلاص متعيطيش عشان خاطري
مريم : أنت وحشتني اووي يا حسن انا اسفة على اي مشكلة سببتهالك
بصراحة متحتحتش من حضنه لاني حسيت بشعور كنت بدور عليه حسيت بالأمان و انا في حضنه
حسن: طب ينفع نمشي عشان انتي كده هتاخدي دور برد محترم
مريم: ينفع
........................................
الدكتور : يا اية.... انتي يا بت
اية: نعم يا دكتور انا اهوه
الدكتور: امسكي ده الكشف بتاع المريضات الي هنا هتعدي على كل واحدة و الي تشوفيها تعلمي انها موجودة حاجة زي الغياب كده فاهمة
اية: فاهمة يا دكتور
فضلت ماشية لحد ما وصلت للاوضة الي فيها ريم و الي المفروض ان مريم معاها بس هي لاقيت ريم بس ف طبعاً ك ممرضة مبتدءة جريت على الدكتور
اية: يا دكتور يا دكتور
الدكتور: في ايه يا آية
اية: المريضة مريم مش موجودة
الدكتور : يعني ايه مش موجودة
........................................
"قد أكون مررت بالكثير لكني اقسم لك اني احتاجك
