"وصل مروان لحسن و اتخض لما لاقي الباب مفتوح دخل براحة و بدء ينده حسن حسن بس ابتسم لما شافه نايم بس معرفش مين الي معاه بس لما قرب عرف"
مروان: حسن... حسن اصحى
حسن: ها ها ايه انا صاحي
مروان: ممكن تفهمني ايه ده
حسن : طيب تعال بعيد عنها طيب عشان متصحاش
مروان : ها بقا قولي ايه الي حصل
حسن : انا عرفت ان نورة خانتني و سبتها و رميت الدبلة في وشها و انا ماشي لاقيت مريم و كانت تعبانة جدا و بكلمها لاقيتها وقعت من طولها ف شلتها و جبتها على هنا صحيت و انا بكلمك و جالها حالة زي الانهيار كانت عمالة تقولي انت رجعتني المستشفى تاني ليه و كانت عمالة تشد المحاليل من ايديها ف انا هديتها شوية لحد ما تليفونها رن.....
"حسن كان بيحكي لمروان و مروان بيستمع بزهول و كانت في عينه نظرة حزن على الحال الي مريم وصلتله و لما جات سيرة محمود و الي عمله الحزن ده اتحول لغضب كان فعلا مدايق عشانها بس الي هون عليه أن زميل عمره رجع كلمه تاني"
............................................................................
محمود: انا اتقفل في وشي السكة
محمد : تستاهل عشان انت بجد طلعت عينيها معاك
محمود : بس دي عايشة حياتها و مفرقش معاها الكلام الي قولته لها
محمد: مش عارف ليه مش متأكد من الكلام ده.
............................................................................
دكتور صلاح : هنعمل ايه دلؤتى مامتها عمالة ترن على المستشفى
ثناء: هو الواد مروان اتأخر كده ليه؟
حسام : هرن عليه
....
مروان : الو
حسام: انت فين يا ابني اختك قلقانة عليك
مروان : عند حسن لسة
حسام: طيب مش هتيجي ولا ايه احنا لسة معرفناش مكان البنت فين
مروان: اطمنوا هي معايا
حسام : ايه ازاي
مروان : ده موضوع طويل هحكيلك عليه بعدين
حسام: طيب هتعملوا ايه
مروان: ابعتلي الدكتور صلاح عشان ترجع لأهلها
حسام: خلاص ماشي
" دخل حسام و لاقاهم كلهم قاعدين يفكروا و خصوصا مراته"
حسام : خلاص مفيش داعي للتفكير ده كله
ثناء: تقصد ايه
حسام : مريم مع مروان
دكتور صلاح: ازاي و من امتى؟
حسام : من امتى دي معرفش بس هو قالي اديلك العنوان تروحله على هناك
..................................................................................
حسن: ليه قولتلهم انها هنا
مروان : انت عارف انها محتاجة العلاج و محتاجة انها ترجع المستشفى عشان تعيش حياتها بجد ولا انت عايزاها كده على طول
حسن: لا مش عايزها كده انت عندك حق
مروان : تمام هما جاين في السكة
" حسن معرفش ماله في اللحظة دي مكنش عايزها تبعد عن نظره بس قرر انه يسبها ترجع المستشفى بس هيخلي تليفونها معاه عشان ميحصلهاش حاجة تاني و وصل دكتور صلاح و أية و دخلوا مع مروان"
دكتور صلاح : انت تاني
حسن: ايوه انا و عارف هتقول ايه بس اقسم لك بالله هي مكنتش معايا لما جيتلي اول مرة
أية: امال هي جات هنا ازاي
حسن : دي حكاية مروان هيبقى يحكيهالك
" شالها حسن و نزل معاهم على العربية و وصلوا المستشفى و اتصلوا بمامتها و طمنوها و قالت إنها جاية و بعدها خرج دكتور صلاح و أية و مروان من الأوضة و حسن قعد فيها شوية "
حسن: انا اسف على كل كلمة قولتها زعلتك متزعليش مني
" جيه يقوم و يسبها مسكت ايده و قالتله انا مش زعلانة منك و عمري ما هزعل منك راح راجع تاني جنبها و ضمها ليه و قالها متهربيش تاني هما هنا عايزين يساعدوكي ماشي قالتله ماشي و خرج و سابها بعده كده "
مروان : غبت ليه
حسن: صحيت
"دخلت مامتها و الدكتور و أية عشان يطمنوا عليها بس مروان خرج مع حسن "
مروان : مالك يا حسن فيك حاجة مش طبيعية
حسن: انا كويس بس محتاج اريح شوية انا هروح انت هتعمل ايه
مروان: انا هجيب شوية حاجات و هفوت عليك بليل
حسن: خلاص ماشي خلي بالك من نفسك
مروان : تمام و انت كمان
" ساب مروان حسن و راح دخل على محل سوبر ماركت و جاب كام شكولاتاية و رجع تاني على المستشفى و لما دخل لاقي دكتور صلاح بيمر بنفسه على المرضى و بيتكلم معاهم و أية بترد على الاتصالات الي بتيجي و لما وصل لأوضة مريم دخل لاقي مامتها قاعدة بتكلمها و هي مش عايزة ترد "
مروان: احم
ام مريم : ايوه يا ابني اتفضل
مروان : اهلا بيكي يا طنط انا مروان صاحب حسن اخو ثناء الي مريم كانت قعدت عندها فترة
ام مريم : لا على مهلك عليا يا ابني انا مش فاهمة حاجة و هي مش راضية تحكيلي حاجة
مروان : طيب ينفع اديها حاجة
ام مريم : اه طبعا اتفضل
مروان: بصي يا مريم انا جبتلك ايه
"و طلع شنطة الشكولاتات الي اول ما شافتها فرحت و قالتله شكرا اووي مامتها استغربت انه عرف انها بتحب الشكولاتة ف طلبت منه انها تكلمه على انفراد بعيد عن مريم و وافق و سألته هو عرف منين انها بتحب الشكولاتة قالها انه عارف ان اي بنت بتحب الشكولاتة و حكالها الي حصل بالتفصيل"
..............................................................................
شهاب : ايه يا ابني انت كويس
رامي : لا مش كويس دايخ اووي
شهاب : طيب ده كويس عشان تنسى همك
رامي : حاسس اني بموت الله يخربيتك
شهاب : بعد الشر يالا
رامي : كلم ابويا قوله يجي ياخدني
شهاب : طيب على كيفك بس ريح شوية على ما اكلمه
" خرج شهاب و ساب رامي و بدل ما يرن على ابوه رن علي البت بتاعته و طنش صاحبه و رامي مش دريان بحاجة"
.................................................................................
دكتور صلاح : كده المرضى كلهم تمام
أية: ايو كلهم تمام
دكتور صلاح : الواد رامي بقاله يومين غايب مش عارف حاجة عنه
أية : طيب ما تكلمه يا دكتور يمكن يكون محتاجاك
" في الوقت ده تليفون المستشفى رن "
أية : بعد اذنك يا دكتور هرد على التليفون
دكتور صلاح : ماشي اتفضلي
" مشيت ايه و مكملتش خمس دقايق و رجعت جري لاوضة الدكتور صلاح و على وشها علامات الرعب و الخوف"
أية : الحق يا دكتور
دكتور صلاح : في ايه يا بنتي
أية: ابنك اتنقل المستشفى في العناية المركزة
دكتور صلاح : ايه
....................................................................................
اسفة حبايبي لو البارت قصير و اسفة على التأخير بس ظروف والله 💔 دعواتكم
