ام مريم : عايزة بنتي يا دكتور ازاي دي بقا بتاعتك اتصرف
الدكتور: صبرك بس عليا انا مش عارف اوصل لأول الخيط عشان اوصلها
ام مريم : بنتي لو مرجعتش اعتبر نفسك في الحبس من دلؤتى
و خرجت و سابته متعصب و متنرفز و مش عارف يعمل ايه
.....................................................................................
مروان : الو
مريم : ايوه مين معايا
مروان: انا مروان صاحب حسن
مريم : و أنت عايز ايه مني و جبت رقمي منين
مروان: واحدة واحدة على نفسك انا جايب رقمك من تليفون حسن و كلمتك عشان متفضليش في الشارع لوحدك عشان مينفعش ان بنت زيك تمشي لوحدها في الشارع كتير
مريم : ربنا يخليك بس انا مش صغيرة
مروان: صغيرة مش صغيرة هتسمعي الكلام انا هديكي عنوان اختي تروحي تقعدي معاها لحد ما تشوفي حل اكتبي عندك********
مريم : انت فاكر نفسك مين عشان تكملني بالشكل ده اصلا
مروان : والله بقا انا معرفش انا ابقى مين بس انا خايف عليكي بس عايزة تروحي روحي مش عايزة براحتك و على فكرة انا عارف انك هتروحي
مريم: الو الو....
قفل السكة في وشي هو فاكر نفسه مين؟ بس هل انا هروح فعلا للعنوان ده انا هكتبه احطياتي
.............................................................................
حسن: خلصت مكالمتك ياض
مروان: اه خلصت و أنت عملت النسكافيه
حسن : طبعا و طالع ايه مقولكش
مروان: بقيت شيف نسكافيه اهوه يالا
حسن: طب اشرب و أنت ساكت
مروان: بقولك يا حسن هو انت ليه سبت البنت دي تمشي
حسن: عادي انا مش ابوها عشان امسك فيها و بعدين انت عارف ان نورة لو عرفت هتزعل و انا ما صدقت نتصالح
مروان: طيب ليه مقولتش ليها انك متنيل خاطب
حسن: جرا ايه يالا هو انت هتعلمني اتعامل معاها ازاي و بعدين في الأول و في الاخر دي واحدة مجنونة من مستشفى المجانين
مروان: ماشي يا صاحبي يا رجولة بس على الاقل كنت اتصلت بالمستشفى تيجي تأخذها بدل ماهي بتلف في الشارع
حسن : دي مش مشكلتي يا مروان
مروان : طيب يا حسن انا ماشي
حسن: و النسكافيه
مروان : مش عايزه اشرب الكوبايتين لوحدك ولا اقولك كلم نورة تيجي تشربه معاك
حسن: براحتك يا عم انا مش هتحايل عليك
................................................................................
أية : دكتور انا عندي فكرة ممكن اقولها هتساعدك في موضوع البنت دي
الدكتور: انتي بتعملي ايه هنا اصلا انا مطلبتكيش يا أية لما اطلبك ابقى تعالى
أية: بس يا دكتور
الدكتور: من غير بس اتفضلي يالا
خرجت أية و هي على آخرها منه و قررت تتصل بمدير المستشفى لأنها شايفة ان الي بيحصل ده ميصحش و ان حرام ام مريم تفضل راحة جاية و ان ده هيبوظ سمعت المستشفى
أية : الو دكتور صلاح معايا
دكتور صلاح : ايوه مين
أية : انا اسمي أية حضرتك بشتغل ممرضة في المستشفي بتاعت حضرتك و كان عندي شكوة بخصوص الدكتور الي شغال هنا
" دكتور صلاح هو راجل كبير في السن و ده يدل على خبرته كان عمره ٦٥ سنة و كان راجل متفاهم جدا و بيسمع من كله على عكس الدكتور المتخصص بعلاج مريم"
دكتور صلاح : اتفضلي انا سامعك
أية: لا مش هينفع في التليفون الموضوع كبير و لازم حضرتك تعرفه و تتصرف فيه
دكتور صلاح: خلاص استنيني عند كافيه ***** كمان ساعة
أية : تمام يا فندم
و قفلت معاه الخط ع كده
بعد مرور ساعة
أية: هو اتأخر كده ليه مش بحب اقعد في الأماكن دي لوحدي كتير
دكتور صلاح: انا اسف على التأخير
أية: حضرتك دكتور صلاح
دكتور صلاح : اه قوليلي بقا تشربي ايه
أية: ربنا يخليك بس انا مش عايزة حاجة
دكتور صلاح: لا هتشربي و بعدين انا المدير اسمعي الكلام
ابتسمت و قالت: هشرب قهوة
دكتور صلاح: خلاص اتنين قهوة لو سمحت... ها بقا ايه المشكلة الي حصلت المرة دي
أية: المرة دي؟!
..........................................................................
