استيقظت في احد الايام في غرفة مليئة بمريضات منهم من تتكلم الي الحائط و منهم من تكتب على الحاسوب الخاص بها و منهم من تقفز في كل مكان و منهم من تجلس في زاوية الغرفة واضعة يديها على اذنها و منهم من تغط في نوم عميق انتهيت من نظراتي لهن على دخول الممرض الخاص بي : ازيك النهاردة يا مريم ؟
مريم: كويسة
:بالعكس انتي شكلك مش كويسة خالص بتفكري في ايه يا مريم اوعي تكوني بتفكري في الي فات تاااني
مريم : لا متخافش انا بفكر في بكرة هيبقى عامل ازاي..... الا قولي يا حسن هو انت شايف اني مجنونة
حسن: ليه بتقولي كده بس يا مريم
مريم : لو سمحت رد عليا ع قد سؤالي
حسن : طبب خلاص متزعقيش كده... انتي يا ستي مش مجنونة
مريم: طيب...
سكت لاني عارفة انه بيكدب عليا او يمكن عشان شايفني مش زي الباقي او عشان متزعلش و اتعب الله اعلم ايه الي ف سره بقا
حسن: مريم تسمحيلي أسألك سؤال
مريم : اتفضل
حسن : هو انتي جيتي هنا ازاي او ايه الي جابك هنا بمعنى أصح
مريم:............
حسن: اسف لو سؤالي ضايقك بس انا حقيقي عايز اعرف اصل انا شايف انك في كامل قواك العقلية
مريم: هو الدكتور مشرحش ليك حالتي
حسن: شرح بس انا عايز اسمع منك انتي.... انتي عارفة ان كلام الدكاترة عامل زي الروشة الي بيكتبوها
مريم: ههههه ضحكتني والله يا حسن
حسن: يارب ع طول يا ست البنات
مريم: ربنا يخليك يا حسن..... بص يا سيدي حكايتي بدءت من ٥ سنين فاتوا كنت صغننة لسة مش فاهمة حاجة في الدنيا دي كانت أول مرة في حياتي اجرب يعني ايه حب......
محمود: حبيبتي وحشتيني اوووي طمنيني عليكي يا لوزة
مريم: انا كويسة يا قلب لوزة انت عامل ايه
محمود : مالك يا مريم في حاجة مزعلاكي
مريم : لا ليه بتقول كده
محمود : عشان مش من عوايدك كلمة كويسة دي
مريم: بصراحة....
محمود: ايوه قولي و قري و احكي ايه الي مضايقك
مريم : حاضر...... بصراحة انا اتخانقت مع البيست بتاعتي النهاردة
محمود: و بعدين
مريم: هي الي ضايقتني الأول و استفزتني خلتني اعملها بلوك
محمود: طب براحة كده قولي قالتلك ايه
مريم : دخلت و زعقتلي عشان انا مش بتكلم معاها زي الاول و اني مش بحكيلها ع كل حاجة...
محمود: مريم انتي بتعيطي
مريم : لا.....
محمود: كدابة انا مش عارفك يعني
مريم :.......
محمود: حبيبتي اهدي و امسحى دموعك انتي اكيد اتنرفزتي عليها بسرعة و مستنتيش تعقلي الموضوع بدماغك و اتصرفت بتسرع و انتي اصلا مش عايزة تبعدي عنها ف ياريت يا لوزة تمسحي دموعك و تروحي تصالحيها و تعالي بعدها كلميني ماشي
مريم: حاضر...... محمود
محمود: نعم
مريم: انا بحبك
محمود: و انا اكتر والله
قلفت معاه و روحت كلمتها و صالحتها و رجعت كلمته تاني و بعدها نمت فضلت على كده اسبوع اكلمه و احكيله ع كل حاجة سواء حلوة او وحشة
لحد ما جيه في يوم و.....
محمود : حبيبتي عندي ليكي مفاجئة
مريم: ايه هي يا قلبي
محمود: انا لاقيت شغل احسن من الي انا كنت بشتغله و ده هيساعدني اني ألم فلوس بسرعة و اقدر اخلص الشقة عشان اجي و اخطبك بقا
مريم : بجد يا قلبي
محمود: اه والله
مريم : طب ايه هو الشغل الجديد
محمود: هتعرفي بس مش دلؤتى لأنك دلؤتى وحشتيني اوووي و عايزة ارغي معاكي
مريم :ههههههههه طيب يا عم الرغاي قول
سكت و مرضيتش اضغط و ازن عشان ميزعلش لان زعله كان مهم عندي اووووى
محمود: و بس يا ستي و بعدها سبت محمد و روحت البيت عشان اكلمك يا موزتي
مريم :........
محمود: مريم انتي فين
مريم :.........
محمود: الو... الو
مريم :...........
محمود: طيب يا قلبي شكلك نمتي..... نوم العوافي يا حبيبتي و الصبح هطمن عليكي ان شاء الله
صحيت الصبح لاقيت رنات كتير من امي عشان اصحى بس انا مكنتش سمعتها لاني كنت عاملة الفون صامت ف طبعا اتهزقت بس ملقيتش اي رنة منه و راجعت تسجيل المكالمة بتاع بليل لاقيته قالي انه هيرن بس للاسف مرنش ف قولت يمكن انشغل ولا حاجة .... ارن انا. فضلت ارن ارن و مفيش رد.... خلص اليوم على كده و هو لا فتح ولا عبرني برنة و لا رسالة ع الفون اطريت اني اسكت و اصبر لحد ما دق اليوم الجديد و لاقيته بيرن
........................................
حسن: كملي انا سامعك سكتي ليه
مريم : كفاية يا حسن انا تعبت و عاوزة انام
حسن: خلاص ماشي بس بكرة لازم تكملي ايه الي حصل ماشي
مريم : حاضر
........................................
لو عجبكم البارت عرفوني عشان انزل التاني ❤️❤️
