تزوجت زير نساء (قصة بالدارجة كاملة لاصحاب الدوق الراقي )

السابع عشر

🌙رمضان كريم 🌙
🎩تزوجت زير نساء 🎩
🕴oumaima mega🕴
❄83❄
في المنزل ديال الكونتيس كانت العشية بدا تطيح ....سارا كتمشي و كتجي بتوثر و ضامة يديها للعندها بتوثر : علاااش تأخرت بهاد الشكل بديت كنخاف من الصباح مجاتش كنخاف تكون هربت مرة اخرى
في المخفر ديال الشرطة ....المفتش كان جالسة و قدامو جويليا : الكونتيسة تكلفت بكلشي و طلبت انك متكونيش هنا ...جويليا حركت راسها بالايجاب و هي كتمسح الدموع ديالها : اكييد اهم حاجة نخرج من هنا
المفتش : تماما هي كلفتني شخصيا بهادشي العربة غتكون كتسنانا على برا و هي لي غادي تديك للمنزل ديالك غادي تهزي شنو كيخصك و غادي نديك مباشرة للمحطة ديال القطار
جويليا بصوت مخنوق : شنو الكونتيسة مكتيقش فيا
المفتش ضحك : هههه تفضلي قبل ما نغير رئيي و نعارض كلام الكونتيسة
جويليا عينيها ولاو جواهر بدموع و حركت ليه راسها بالايجاب و ناضت وقفت و استدارت خارجة و ناض هو وقف معاها غادي يتمشى معاها من بعدما تلقى توصية خاصة من جاكلين
نرجعو للموريس ...لي كان من وراء الحائط وهو هاز في اليد ديالو جاكلين مغمى عليها ....جاو احد الرجال بالبسة مهتراأة الظاهر انهم رجال العصابة لي دخل معاهم موريس باش يساعدوه يسترجع حبيبتو غطاوها بوشاح و مشا هزها للجيهة المعاكسة في وحد العربة سوداء طلعو و حطوها في الداخل ديالها و طلع حداها موريس وهو محتاضنها عندو و علامات الخوف ظاهرة على وجهو و لكن اهم حاجة دابا هي في اليد ديالو
العربة وصلات جويليا للمنزل ديالها ....دخلات هاد الاخيرة كتشوف في المنزل ديالها و كتودعو شكون هاد النبيل لي غادي يرضى يدوز حياتو في السجن جاكلين لعبتها مع الشرطة ...مشات و جمعت المقتنيات ديالها و الملابس ديالها باش تستاعد انها تخرج من هنا ....الخادمة سيليا لابسة رداء مغطي على راسها و كتقتارب من المنزل ديال جويليا ....و كتشوف امامها عربة الشرطة و المفتش خارج و كيدخن و كينتاظر فيها ....كانو بعض الناس كيهضرو بالقرب منها
الرجل 1 : هاديك السينيورا جويليا
الرجل 2 : تماما الشرطة جات للعندها في الصباح و خداوها للمخفر و دابا رجعوها معرفتش شنو من بعد ....سيليا واقفة و كتسمع و كتشوف قدامها و ترتاعش و جبدات عينيها فاش شاقت جويليا خارجة و مهبطة راسها الارض و الشرطة خارجين هازين الحقائب دياليها ... بدا الدعر كيتخلل في النفس ديالها و هي لي كانت كتعامل معاها بشكل شخصي بزاف شنو السبب لي خلاها تشد واش الكونتيس عرف انهم تأمرو على زوجة ديالو ولا قالت جويليا انها هي لجسوسة ديالها مغاديش يغفر ليها لكونتيس وغادي يحبسها حياتها كاملةمن وراء القضبان ...هادي كلها اسئلة كانت في المخ ديال سيليا و هي واقفة و الصدمة شداها يعني تقدر حتى هي التورط في الامر و ينتهي بيها المطاف فحال جويليا بدات كترتاعش و دارت و مشات كتجريي هاربة للطريق مجهول من غير الطريق ديال المنزل للكونتيس باش تنقد راسها ...في بعد الاحيان الخوف ديالنا كيكون هو سبب الفشل ديالنا ...هي على يقين و عندها احساس داخلي ان مسألة الطلاق متداخلة مع امر الشرطة ....جويليا ركبت في العربة و بالقرب منها المفتش و هي كتشوف في الشرفة و متكية عليها و كتنزل الدموع كتودع روما و كتودع لياليها مع الكونتيس فعلا بغاتو من قلبها الخالص و بغات تكون الزوجة ديالو
المفتش : القطار ديالك غينطلق من هنا ربع ساعة تقضلي تدكرة ديالك ...خداتها منو بدون حرف اخر من الاحسن تمشي بعيد و تبدا حياة جديد هنا كلشي عرف بالسمعة ديالها الخيبة عاد زائد الشرطة لي هزاتها قدام الاعين ماشي بعيد يكون الخبر ديالها في الجرائد دابا مكيهمش هادشي لي كيهم ان كلشي انتهى و تسدلت الستارا على القصة ديال الحب ديالها
في المنزل ديال الكونتيس ... كان السائق امام الكونتيس في الصالة الداخلية و كانت كتواجد كل من سارا و ريتشارد
السائق حاني راسو قدام الاسياد : من بعدها طلبت مني السينيورا انني نبقا و هي تمشي تشري شي حاجة و مرجعتش
كاسبر كان واضح على الوجه ديالو الغضب الشديد العروق ديالو كتنباثق من المكان ديالها و عينو كتحول للجمرة من الحمم : هادشييي كولو وقع و انا معنديييش عليه خبار
سارا : انا لي سمحت ليهاا تخرج و انا عطيتها الفلوس
كاسبر رجع الشعر ديالو اللور كتأكد ليه الشكوك ديالو و كيهضر مابين الاسنان ديالو : مستحيل مستحيل ديرها مرة اخرى مستحييييييل تهرب ...دار كينفس غضبو في مزهرية اثرية باهضة الثمن هرسها و هو كيتنفس الجحيم
ريتشارد : كاسبر تهدن انا غاديي نمشي نشوف واش هي عند الدوق زرال
كاسبر دار عند السائق و شير ليه و كيخرج الهضرة بشكل مضغوط : نتاا تبعنيييي ... و مشا كيتمشى خارج المنزل و هو في قمة الغضب ديالو
سارا ضامة يديها : كنتمنى ماتكونش وقعت ليها شي حاجة
ريتشارد بجدية : انا غادي نمشي نشوف واش هي عند الدوق
سارا حركت ليه راسها بااه🌙رمضان كريم 🌙
🎩تزوجت زير نساء 🎩
🕴oumaima mega🕴
❄84❄
في ضواحي روما و في الاحياء الفقيرة منها المضلمة كانو بينايات الداخل ديالهم فحال شي مستنقعات موسخة و معفنة و مضيقة ....في احد للغرف ديال هاد البينايات كان فيها سرير مهتري و اواني مشتتة في الارض ....كانت غرفة خاصة بموريس ...لي كان منزل جاكلين على السرير ديالها و هي ناعسة و هو نازل لمستواها و كيشوف فيها و الملامح ديالها كيتغيرو و بدات كتفيق و كتفتح عينيها بشوية و كتاضح ليها اارؤية و كتشوف موريس امامها و جبدات عينيها و ناضت جلست و هي كتشوف راسها في هاد المكان : شنوو كندير انا هنا ؟
موريس ناض وقف بابتسامة : تهدني انا لي جبتك هنا باش نمشيو بجوج
جاكلين طلعت حواجبها برأفة و كتحرك راسها بالنفي : لا لا انا مابغيت نمشي لحتى بلاصة انا خاصني نرجع دابا للدار اكيد زوجي كيقلب عليا ...و ناضت وقفت على رجليها
موريس شدها من كتافها : جاكلين تهدني انا غادي نخرجك من هنا و غادي نمشيو بعيد و حتى حد ماغدي يلقانا كنواعدك
جاكلين حيدت ليه : انااا مابغيتش انا بغيت نبقا مع زوجي هو القدر ديالي و خاصني نمشي للعندو و نتا خاصك تنسى كلشي و تعيش حياتك ...و دارت شافت في الباب و بغات تخرج ...موريس شدها من الدراع ديالها و رجعها للعندو و كيخرج فيها عينو : جاكليين نتي غادي تبقاي معايا و حنا غادي نمشيو من هنا
جاكلين حيدت يديها منو : طلق منييي انا بغيت نرجع للمنزل ديالييي مغاديش نبقااا هنااا و من الافضل ليك متبانش قدام كاسبر حيت يقدر يدير ليك شي حاجة ...دارت بغات تخرج فحالها و هو يشدها بالقوة و هزها من الخصر ديالها و هي بدات كتفرك ليه برجليها و كتغوت : مورييييس موريييس طلقنييي مورييس ...حطها على السرير و هو كينهج و هي كتشوف فيه برأفة
موريس : سمحيليا و لكن مضطر ندير هاكا ....و رما عليها البخاخ على وجهها من جديد باش تفقد الوعي ديالها
كاسبر كان في المخفر ديال الشرطة و معاه بعض من الرجال ديالو من بعد ما عاود ليه السائق ان السينيورا كانت في المنزل ديال جويليا و من بعدها جات المخفر من بعدما لقاو القبض على جويليا لاسباب مكيعرفهاش السائق
دخل كاسبر للهاد المخفر مباشرة عند المفتش لي ناض و صافحو من بعد عرفو انه الكونتيس دارسي بنفسو
المفتش بابتسامة : اهلا كونتيس دارسي تفضل
كاسبر و هو عاقد الحجبان ديالو : ماجيتش باش نجلس من بعدما خرجت جاكلين من هنا مبقاش ليها الاثر واش عند جويليا علاقة بهادشي ....كان كيفرق الجملة و كيضغط على كل كلمة بوحدها
المفتش واقف و نزل حجبانو و بدا كيعاود ليه كلشي من البداية لحتى لنهاية فاش كان حريص يطلع جويليا للقطار و تمشي بعيد تحت طلب الكونتيسة
كاسبر باستغراب : علاش غادي دير شي حاجة فحال هادي فففف جاكلين ...زاح بأنظارو بعيد و هو كيعتاصر ...و تطلقو باوامرو دوريات الشرطة باش تبحث عليها🌙رمضان كريم 🌙
🎩تزوجت زير نساء 🎩
🕴oumaima mega🕴
❄85❄
وصل للمنتصف ليل ....و موريس كيشوف في جاكلين و فجأة تطرق الباب عليه حتى قفز ز و ناض بحدر للباب فتحو شوية باش يشوف شكون
موريس تنهد براحة : سلفيستر دخل ... دخل سيلفيستر شاب من العصابة لي انخرط فيها موريس مؤخرا وحتى هو الملابس ديالو متواضعة و هو كيضحك شاف الكونتيسة غلى السرير فحال شي ملاك جميل نزل الابتسامة ديالو بالصدمة : شنو هاد الجمال بحق السماء
موريس وقف قدامو بعصبية : من الافضل ليك تجمع عينك عليها
سيلفستر : هههه تهدن تهدن جبت ليك تداكر ديال القطار نتا والكونتيسة هههه ...و عطاه تداكر
موريس خطف تداكر من يدو : سيلفستر بلاما تستفزني
سيلفيستر : هههه على اي البوس قالك غادي تمشي للتما من بعد باش ترجع و يعطيك المهمات ديالك
موريس : اكيد غير نمشي تما و نخليها توانس مع المكان تما و نرجع
سيلفيستر شاف فيها و هو يوسع الابتسامة ديالو و رجع شاف فيه : هههه اول مرة كنشوف وحدة من النبلاء على اي متنساش غدا في الصباح بكري تكون في المحطة ديال القطار
موريس : اكيد يمكن ليك تخرج
في المنزل ديال الكونتيس ....كان جالس هاد الاخير و مشبك يدو و كيشوف في الفراغ
ريتشارد كيشوف في كاسبر : انا مشيت حتى لبيت ديال الدوق و لكن مكانش ليها اثر خليتو حتى هو كيبحث في هاد المسألة
سارا كتفكر و كتشوف في كاسبر مشات جلست حداه : كاسبر كنظن انني عرفت علاش هي مشات عند جويليا (كاسبر دار عندها بسرعة كيشوف فيها و نزل حواجبو فيها ) انا لبارح كنت كنهضر معاها و قالت ان عندك عشيقات بزاف و انا نصحتها باش تحيد اية وحدة من طريقها و كنظن هي بدات بجويليا لدرجة انها بعدتها من هنا هادشي كيعني انها كتبغيك بزاف و باغا تحافظ على زواجها ادن هي ماشي هربت كيفما كنظنو ....كاسبر استقام في الجلسة و هو منزل الحواجب ديالو و ناض بسرعة من مكانو باش يخرج يبحث عليها ....حيت تطرحو احتمالات سيئة في البال ديالو تقدر تكون في شي مستشفى او انها تعرضت للحادث او اية حاجة ....اهم حاجة هو انه خاصو يلقاها و بأي ثمن كان
أصبحنا و اصبح الملك لله
تفجرات الجرائد المدينة كلها باختفاء زوجة الكونتيس جاكلين دارسي و حطو مقالات كيوصفوها فيها و مبلغ باهض و مغري للكل من يلقاها ...لي كيقرا هاد الخبر كيفتح فمو في المبلغ ....الشرطة كتاسحت جميع المستشفيات و المحطات كيبحثو عليها بلا توقف ....و الاب ديالها من جيهة اخرى عندو نية يفجر المدينة و يقلب تحت الارض على الابنة ديالو الوحيدة جاكلين
في الغرفة ديال موريس ....كانت الجريدة بين يديه من بعدما جابها ليه سيلفيستر
موريس مخرج عينو : هادشي ماشي لمصلاحتنا
سيلفيستر كيشوف فيه : خاصك تخرج دابا و تمشي للمحطة ديال القطار
موريس شاف فيه و الخوف تملكو : و لكن انا عطيتها جرعة اخرى من المنوم هاد الصباح خاصها ربع ساعة عاد تفيق
سيلفيستر : فيقها بالما انا غادي نشوف ليك العربة ديالنا على برا ....حرك ليه موريس راسو ...و دار عند جاكلين لي كانت منومة و نيفها حمر بقوة المنوم لي استنشقاتو ...جاب بعض الما و بدات كتفتح عينيها و كتسدهم و راسها ثقيل عليها
موريس كيطبطب على الخدود ديالها : جاكلين حبيبتي جاكلين حلي عينيك
جاكلين كتفتحهم و كتسدهم و لسانها ثقيل عليها : ر رجعني لعند ك كاسبر ...موريس تنهد و ناض و نوضها على رجلها و هو شاد من الخصر ديالها و هي مرخية تماما و عينيها كيتقالو و هو شادها و كيمشيها للخارج الغرفة🌙رمضان كريم 🌙
🎩تزوجت زير نساء 🎩
🕴oumaima mega🕴
❄86❄
في المخفر ديال الشرطة كان واقف الكونتيس قدامو و كيدخن الميروانا بشدة الغضب لي هو فيه عينيه شديدة الحمرة بسباب عدم النوم و تدخين المتوالي و حداه المفتش و بعض من الرجال ديالو
المفتش : قلبنا جميع المستشفيات هي ماشي تما
كاسبر كينفت الدخان و كيشوف في نقطة واحدة : الحاجة الوحيدة لي انا كنخاف منها انها تكون وقعت ليها شي حاجة او هي دابا خارج روما
المفتش : حنا نلقاوها اكييد
موريس طلع للعربة و هو معنق جاكلين لي مزال دايخة تحت تأثير المنوم غطا ليها وجهها بشبكة و هو كيشوف فيها
موريس : ماتخفيش شي سوايع و غادي نكون في خارج روما
جاكلين كانو يديها ثقال عليها و كلشي ثقيل عليها و بدات كتبكي : هيء هيء مابغيتش نمشي هيء هيء رجعنيي عندو هيء هيء
موريس عنقها عندو : شششش انا عارفك خايفة و مباغاهش كديري هاكا حيت خايفة انا عارفك
جاكلين في احضانو وكتبكي و كتحل عينيها و تسدهم ....سيلفيستر كان واقف حتى مشات العربة وهو يخرج الجريدة من تحت الملابس ديالو و فتح عينو وهو كيقرا في المبلغ و وسع الابتسامة ديالو : سمحليا ا موريس و لكن المبلغ يستاهل انني نضحي بك هههههه ...دارو تحت الملابس ديالو و مشا يجريي بسرعة للبيت للكونتيس
في غضون دقائق قليلة ... العربة ديال الكونتيس وقفت امام المنزل ديالو و خرج كاسبر البارد تعابير وجههو كسرتها الحيرة و الغضب على الغياب ديالها نزل بهدوء كيتمشى ....حتى كيسمع بخطوات شي حد كتجري في الاتجاه ديالو حبسوه رجال ديالو وهو دار فيه نص دورة
سيلفيستر هاز في يدو الجريدة : سينيور سينيور اناااا لقيت الكونتيسة لقيتها
كاسبر دار عندو بسرعة و نزل حواجبو : طلقووووه ...امتاثلو للاوامر ديالو ....سيلفيستر جاي عندو فحال الكلب في الحضرة ديالو و هو رافع راسو و الحدة كتخرج من فمو وعينو كترقب للجواب : هضر دغيا فين لقيتي زوجة ديالي؟
سيلفيستر : و المكافأة ؟
كاسبر : غتاخدها انا عند الوعد ديالي
سيلفيستر : انا شفت السينيورا كان خاطفها شي حد كيقولو عليه موريس هو ساكن معايا في نفس البناية و شفت معاه الكونتيسة و تبعتهم و هو دابا في المحطة ديال القطار انا نعطيك الشكل ديالو و الموصفات ديالو بالضبط و لكن من بعد المكافأة
كاسبر : طلعوه للعربة ....سيليفيستر مافهم والو حتى طلعوه لعربة و طلع بالقرب منو الكونتيس