🌙🌙
🍷 قصة للاصحاب الدوق الراقي و الارستقراطي مفعمة بالاحاسيس الانيقة ....قصتي من العصور الوسطى دات طابع اروبي محض ...
🍷 كتدور احداث هاد القصة في مدينة روما ....ملعب الفساد للأثرياء دوي الطبقات المرموقة ... بعضهم حصد الشهرة و المكانة...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كونتيس كاسبر دارسي 🎩
🌙رمضان كريم 🌙 🎩تزوجت زير نساء 🎩 🕴oumaima mega🕴 ❄6❄ جاكلين كانت كتشوف في الاب ديالها و ملامح الصدمة عليها فقدت حاسة السمع و هي كتشوف في باها كيلملم الشفاه ديالو بقا غير الصوت لي في الداخل ديالها كيهضر و كيقول ان هادشي ميمكنش واش هادا الاب ديالها لي دائما كان كيعلمها القيم الحميدة و يبعدها على الاوساط المسخة واش هو نفسو دابا لي كيقوليها انه عندو عشيقة و انها غادي يزوجها بواحد معروف عليه من اسياد الفساد حتى انها تجاوب و تدافع و تقول انها مبغاش هاد الزواج مقدراش شنو السبب لي غادي تعطيه ليه برفضها للزواج ... كتفات انها تحني عيونها كترفرف و قلبها كيخفق بشدة تفكرت حبيبها السري موريس حتى انها تقول انها كتبغيها غتعتابر خطيئة قدام الاب ديالها زارال تبسم : انا قراري انه يكون العرس ديالكم قريب (طلعات فيها عينيها الجميلة كتخللهم شعيرات دموية حمراء للحزنها كتشوف الاب لي طالما كيحميها باغي يتهنى منها شنو السبب علاش هاد العجلة للحظة حسات انها ثقيلة عليها ) شنو رئيك تشوفيه غدا او من بعدو حيت في اليوم الاحد غيكون زفافكم و عندك حياة كلها باش تعرفي عليه ...بدون ما تبين ضحكت باستهزاء كيفاش هو قرر مكانها كلشي و في الاخير خيرها انها تشوفو شنو هاد العبت بالحياة ديالها عينيها الانثوية حمرين هدرات بكبرياء : مكين لاش اكيد نتا شفتيه شنو فائدة انني نشوفو دابا كيف قلتي قدامي حياة كلها زرال متكي على الكرسي و ضحك : هههه كنت عارف ان بنتي مطيعة بزاف مي خاصكم تشوفو بعضكم جاكلين جالسة باستقامة كتحارب الدمعة و الشعور بداخلها كياكلها و صوتها مخنوق : معنديش هاد الرغبة مبغيتش نشوفو حتى ليزفاف لقررتيه ليا أ بابا ...شحال خرجات هاد كلمة بابا ثقيلة على لسانها كانه فعلا ماشي نفس الشخص لي كانت كتقوليه بابا زارال متبسم : كنحتارم الرغبة ديالك ا بنتي تفضلي جاكلين ناضت وقفت و ضامة يديها و منزلة عينيها للتحت : شنو كان غيوقع الى رفضت هاد الزواج ....تغيرت الملامح ديال زرال للملامح مخيفة رعبتها و خلات انظارها تنزل الارض و هي كترعد زارال بحدة : جاكلين كنظن انتهى النقاش كتعرفيني مكنبغيش لي يناقشني في قراراتي ... كانت كترجف امامو و هي مزيرة على الدات ديالها استأدنت بصوت خافت و دارت كتمشى بشوية كتحارب احساس الخيبة و الخدلان ...كانت من وراء الباب الام ديالها صوفيا كتسمع الامر كيقطر عليها فحال الجحيم على قلبها انها عاجزة و كتشوف ان مصير بنتها غيكون بنفس مصيرها و ربما تهيا غادي تبكي كل ليلة فحالها دارت بتعابير حزينة كتبعد ما أمكن على المكان مبغاتش تشوف نظرات بنتها لي غطلب منها النجدة و هي مغاديش تقدر تنقدها أصبحنا و اصبح الملك لله بداية من غرفة جاكلين هاد العدراء النقية لي مزارش النوم العيون ديالها الجميلة كانو الدموع على خدودها كونتيس كاسبر دارسي مجرد هاد الاسم خلى الكوابيس تزور احلام اليقضة ديالها و تمنعها من النوم دابا عاد عرفت علاش الام ديالها كانت دائمة البكاء اكيد هو فحال الاب ديالها غير الفرق ان الدوق اعمالو مخفية اما هي غتكون فضيحة في الجرائد ان زوجها غادي يخونها مستحيل تقبل بالامر و لكن شنو غادي دير كان البكاء هو الملاد ديالها الاخير حتى تفكرت موريس و الجامعة ديالها ...و هي تنوض توقف بسرعة و حالة عينيها بقوة و هي مزيرة على القبضة ديالها جاكلين كتشوف انعكاسها في المرايا : م م موريس خ خاصني نهضر معاه ....توجهات بسرعة للخزانتها باش تلبس الملابس ديالها
