تزوجت زير نساء (قصة بالدارجة كاملة لاصحاب الدوق الراقي )

الجزء التاسع

🌙رمضان كريم 🌙
🎩تزوجت زير نساء 🎩
🕴oumaima mega🕴
❄41 ❄
كاسبر رفع الحاجب ديالو هو كيحيد في الملابس ديالو : شنو بغيتيني ندير مثلا
جاكلين كتجمع على راسها و مؤخرتها كتألمها من الضربة ديالو و كترمقو بكره وقلبها كيضرب : كنظن انك نسيتي الاتفاق ديالنا ا كونتيس انا مستحيل نخليك تقيسني
كاسبر هاز فيها حاجب و ضحك ببطئ : هه تفكيرك منحرف اسنيورا (و رجع التعبير ديالو لجدي من بعد ولا عاري من الفوق و هي حولت عينيها بعيد و كتنفخ و كتفش مرضياش بكلماتو)  من الافضل تبداي تجهزي راسك للحفل ليلي ... دار بشوية عليه و خليها مزيرة على الاسنان ديالها بالعصبية و مدورة وجهها ماشي من الادب تشوف رجل عاري
بعد مرور بضع لحظات كان كاسبر بكوستيم انيق و منزل حجبانو كيتمشى بالدهاب و الاياب في الجناح ديالو و كينتظر سيادتها تخرج ... و كاسبر البارد منزل حجبانو كيعاني لاول مرة من انتظار الخروج ديال الزوجة ديالو
جاكلين كترتدي اخر سنسلة بحبات اللؤلؤ و كتشوف في المرآة ديالها و علامات الحدة في وجهها : كنتمنى منتشوهش في هاد الحفل كيف وقع في الصباح بسبابو انا فيا الموت ديال الجوع (كترد انفاسها لمتضاربة و نزلت عينيها بحزن ) من نهار تزوجت بزز مني وليت كندير كلشي بزز مني في المرة لولة مرفضتش كيفاش خاصني نرفض نمشي للحفل
كاسبر بفقدان صبر : جاكلييين
جاكلين يقضت من السبات ديالها و ناضت بهدوء و دارت الباب كتشوف فيه بغضب : ثواني و غادي نخرج ...كاسبر نزل راسو و هو منزل حواجبو حتى تفتح الباب عليه و دور راسو في اتجاه ديالو و عاد خرجات جاكلين الجميلة بحلة كلها اناقة و عينيها لتحت و كطلع النفس و كتنزلها ...كاسبر كيعكسها بعينو و بدا كيقرب ليها بهدوء ...حتى وقف امامها مباشرة و هز يدو و شد الدقن ديالها و طلع ليها وجهها و حلات عينيها فيه انفاسها الساخنة في يدو
جاكلين : شنوو ؟!
كاسبر كيشوف فيه ببرودة : ضحكيي
جاكلين عقدت حجبانها : معنديش رغبة واش حتى هي اجباري ...كتشوف عينيه مكيثبتوش في عينيها كيتحولو لانحاء لجسم ديالها و نزلها للفم ديالها جاكلين خرجات عينيها فيه
كاسبر رجع عينو في عينها : من الافضل ليك تبتاسمي ليا دابا
جاكلين كتمقت النظر في وجهو الوسيم : كنعتادر ولكن انني نشوفك وجهك كل نهار مكيخلينيش هادشي حتى نفكر انني نضحك ....كليماتها مغيرت في هدوئو والو من غير انه طلع الابهم ديالو و خلاها تبتاسم بالغصب ....كانت انظارها ليه غريبة كريهة و هو كيجبرها حتى على الابتسام ...هو يطلق من وجهها وشدها من خصرها و زاح بالانظار ديالو بعيد و خلا الانفاس ديالها كتطلع و تنزل و نزلت عينيها للارض
جاكلين كتهضر من تحتها : كنترجاك ا سينيور لنك متعاودش هاد الحركات ... حول غير عينو بشكل نصفي للعندها و اكتفى بانه يمشي للامام و هي في يدو
في صالة كبيرة في هاد السفينة الضخمة ...مفرشة ببساط احمر و الموائد كثيرة و قهقهات الاغنياء كتعالى منهم رجال بلباس انيق و نساء كيلمعو بالحلي و كيضحكو ... حتى نزلو الزوج ديالنا كونتيس و الكونتيسة من الدرج كيتمشاو بهدوء ...جاكلين كانت بوجه اعتيادي في الاصل كتكره هاد نوع من الحفلات اما كاسبر فلا تعبير خاشي يد في جيبو و اليد الثانية في الخصر ديالها