تزوجت زير نساء (قصة بالدارجة كاملة لاصحاب الدوق الراقي )

الثالت عشر

🌙رمضان كريم 🌙
🎩تزوجت زير نساء 🎩
🕴oumaima mega🕴
❄61❄
صوفيا خلات جاكلين بين احضان النوم مغمضة عينيها و خرجت و سدت الباب عليها و دارت عند الخدم : إياكم و شي واحد بزعجها ...كانو حانيين رؤوسهم و كيمتاثلو لأوامر ديالها ... و هي نزلت للاسفل و كتفكر غير في رد ديال زرال على وجود بنتها هنا
من بعد ساعات من هاد الحدث ...كان الظلام بدا يكتاسح سماء روما ...كان الدوق زرال جالس على الفوطوي و رجل على رجل و حداه صوفيا غير سمع بوجود جاكلين ناض وقف و الغضب على وجهو : كيفاااااش شنو كتقولي نتييي علاش جات لهنا
صوفيا ناضت واقفت كتحاول تدافع على بنتها : معرفتش و لكن نتا ماشفتيش الحالة ديالها فاش جات للهنا و جات كتبكي
زرال وجهو غاضب بزاف : هادي اكيد باغا تخلينا سيرة على كل لسان انا مغنسمح بهادشي دابا غادي طلعي و تسوليها علاش جات للهنا المنزل ديالها مبقاش هو هادا خاصها تعرف انها راها كونتيسة دابا
في الغرفة ديال جاكلين ...خرجت هاد الاخيرة من الحمام و لابسة بينوار ديال الفوطة و شعرها مبلل بالما و حتى وجهها خدا الراحة ديالو كانت كتمشى و هي كتنشف شعر ديالها حتى دخلات عندها صوفيا
صوفيا تبسمت ليها : جاكلين حبيبة فقتي ؟
جاكلين تبسمت ليها براحة و حركت ليها تمشات صوفيا عندها و شدات ليها من اليد ديالها
صوفيا : واش فيك الجوع ...حركت ليها جاكلين راسها بالنفي ...عاد جراتها صوفيا و جلستها فوق السرير ديالها
صوفيا شادة ليها من يدها : حبيبة دابا عاودي ليا كلشي باباك لتحت و مافرحانش بالمجيء ديالك
جاكلين تنهدت و شافت فيها باريحية و بكل ثقة : شنو غادي نقولك ا ماما (و خدات يديها عندها و بدات كتحول عينيها بطريقة غير مريحة و زاحت بعينيها بعيد ) للاسف زواج بيني و بين كاسبر هو باطل
صوفيا باستغراب : كيفااش ؟
جاكلين دارت كتشوف فيها و كتمثل في تعابير الوجه ديالها البراءة : نتي الام ديالي و معنديش علاش نخبي عليك انا لحد الآن باقا  امممم باقا عدراء
صوفيا كانت كترقب شنو غادي تقول و هي تشهق بالنسبة ليهم عدراء بمعنى الزواج غير كامل في القانون و الدين شهقت كتشوف فيها : كيفاش هادشي
جاكلين ناضت وقفت و هي ضامة يديها و كتعض شفايفها كأنها كتدبر مكيدة : شنو غادي نقوليك اماما ليالي و انا كنعس بالقرب منو و لكن بدون جدوى و بشوية بشوية كنكتاشف انه.... (و دارت عندها و عاضة الشفاه ديالها )
صوفيا كتسمع ليها بعناية : انه شنووو ؟!
جاكلين طلعت عينيها : بلي مكيحس بحتى انجداب لحتى بنت و علاقاتو النسائية هي غير شائعات
صوفيا ناضت وقفت كتشهق : هادشي مستحيل ميمكنش
جاكلين حنات راسها بأسى : الدليل انني مزال عدراء
صوفيا مباشرة ربطت الامر بالرجولة : هادشي ميمكنش يتسكت عليه لا في القانون لا في الدين ....دارت بسرعة كتمشى خارجا و جاكلين طلعت عينيها في الباب و طلعت راسها : هادا لي غادي يتجرأ يلعب بالسمعة ديالي قبل ما نمشي نعطي للكونتيس هدية صغيرة ...و زيرت على يديها بعصبية تامة🌙رمضان كريم 🌙
🎩تزوجت زير نساء 🎩
🕴oumaima mega🕴
❄62❄
نزلت صوفيا بسرعة للعند الدوق زرال لي جالس على الفوطوي كيشرب في الفنجان و معصب حتى نزلات عندو صوفيا
صوفيا : بعد الادن منك ا زرال هادا هو الرجل لي اختاريتي للبنتك
زرال دار عندها : شنو هاد الهدرة لغير المحترمة لي كتخاطبيني بيها
صوفيا جلست بالقرب منو و كتهدر معاه بحدة : جيت نخبرك برجولة زوج بنتك جاكلين للهاد اللحظة هي عدراء (زرال تغيرت تعابير ديالو و نزل حجبانو ) كيفما كتسمع ازرال بنتنا زواجها باطل منو و بقات صابرة للهاد اللحظة عاد جات باش تخبرنا شنو نوع الرجل لي عطيتيه بنتك
زرال دور راسو مستغرب : و لكن انا كنعرف الكونتيس و علاقاتو مزيان
صوفيا : نبشرك ان هادوك علاقات زائفة و غير اشاعات بنتك قالت انه مكينجادب لحتى شي امرءة
زرال دار شاف فيها : شنو هاد العبث
صوفيا : هاديي الحقيقة كنظن ان جاكلين عنات مع هاد اارجل
زرال ناض وقف : انا ميمكنش ليا نسمح بهادشي خاصنا نتأكدو من الامر الى طلع بصح غادي نهيو هاد الزواج
صوفيا ناضت مأيداه : في الاصل غادي يكون باطل
زرال : انا غادي نطلع عند جاكلين ... تمشا بسرعة طالع عند الكونتيسة
جاكلين كانت مرتدية الملابس ديالها و كتدير غير قفزاتها الانيقة حتى سمعات طرقات مهدبة
جاكلين طلعت راسها بهدوء : تفضل ...كان الطارق باها كانت غادي تخونها ثقتها بنفسها فاش شافتو و حاولات تبقى على هدوءها تقدر هاد الخطة تنجح ليها انها تفتري على رجولة كاسبر ...دخل زرال كيرمقها بنظرات غير مفسرة ...و هي ناضت بسرعة تغطي على الرعشة ديالها و بدات كتبكي و هي في احضانو ...زرال حوط يدو عليها و منزل حجبانو كيفكر في هادشي
جاكلين : هيء هيء حاولت نصبر ولكن هادشي فوق الطاقة ديالي كنعتادر منك بزاف هيء هيء
زرال بدا كيطبطب عليها بهدوء : تهدني انا غادي نحل الامر غدا غادي نمشيو عند الطبيب لخاص بالعائلة و نشوفو هادشي
جاكلين طلعت فيه راسها و كتبكي : هيء اكيد نتا مغاديش تيقني
زرال كيمسح ليها في وجهها : طبعا كنتيقك و لكن هاد الامر مكيتسكتش عليه الى كان الامر هاكا انا لي غادي نتكلف رسميا بهاد القضية و غادي نحولها المحكمة
جاكلين غمضت عينيها و كملت بكاءها لاسطناعي و حطات راسها على صدرو تبسمات و لكن قلبها بدا كيرمي خفقات الالم الطفيف
أصبحنا و اصبح الملك لله
أمام المنزل ديال الدوق زرال كانت العربة الخاصة مركونة و جاهزة خرج منها كل من زرال و صوفيا لي شادة من جاكلين بليباسهم الراقي الكلاسيكي ...طلعو في العربة بهدوء تام ...كانت جاكلين منزلة راسها و عينيها كلها كتشعل بالثقة هاد النوع من الاناث كيتعتابر الاخطر و كيحدرو من اللعب معاهم
زرال شاد على يدو و مزير على سنانو بدا كيشكك في الرجولة ديال زوج بنتو و صوفيا كانت كتشوف امامها و كتنهد ...مسافة طريق و وصلو لأحد العيادات الخاصة بطبيب التابع للعائلة ....نزل زرال بكل رزانة و نزلت زوجتو الجميلة و معاها جاكلين و دخلو للثما دقائق معدودة و كانو في داخل مكتب الطبيب لي ناض احتراما للنبيل و كيسلم
الطبيب : كنرحب بيك في عيادة ديالي المتواضعة ....زرال جلس رجل فوق رجل بغرور : كنشكرك ...جاكلين جلست باستقامة تامة و بالقرب منها صوفيا
الطبيب جلس في المكتب ديالو كيتملقو : كل الخير ؟
زرال : بعد الادن ديالك انا غادي نرفع دعوة قضائية لابطال زواج ديال بنتي من الكونتيس
الطبيب هجر الابتسامة امام : نعام
زرال : المطلوب منك هو انك غادي تكتب تقرير شامل على عدرية الابنة ديالي باش نقدمو للمحكمة و كنحضرك نلقا هاد الاخبار عند الصحافة
الطبيب كان مصدوم بشكل كلي : لا لا طبعا ا دوق زرال سنيورا تفضلي معايا انا غادي نادي على طبيبة تكلف الامر ...ناضت جاكلين بهدوء و ناض معاها الطبيب كيتكلف بالامر ...و بقا زرال و صوفيا تما و انساحب كل من طبيب و جاكلين من المكتب🌙رمضان كريم 🌙
🎩تزوجت زير نساء 🎩
🕴oumaima mega🕴
❄63❄
تمشات جاكلين الغرفة الطبيبة لجانبية و كعادتها كتخاطب نفسها و الخجل مسيطر عليها : تهدني اجاكلين نتي كتلعبي بالورقة الرابحة في القريب غادي نولي حرة كيفما كنت و ديك الساع يستمتع بجويليا ديالو و لكن قبل هادشي يتحاسب شوية و يحس غير بشوية لي كنت كنحس بيه و انا كنتهان في كل مرة و هو مع العشيقات ديالو ....دخلت لغرفة الطبية طلبو منها الممرضات ترتدي و حد اللباس خاص و الطبيب مشا عند الطبيبة يكلمها على الحالة ...دخلات جاكلين للغرفة ضيقة و غيرت الملابس ديالها لملابس طبية فضفاضة ...و خرجات طلعت فوق السرير و الخجل واضح فعينيها و الطبيبة كتملي عليها شنو تدير فرقت رجليها ليها و جاكلين كتشوف غير الفوق بخجل و عاضة الشفاه ديالها ....دقائق معدودة و كان الملف الطبي في اليد ديال زارال ...لي قلب في الاوراق و تأكد من طبيب انها عدراء نقية تماما
زرال كان كيشوف في الطبيب : واش موقع حتى احتكاك
الطبيب حرك راسو بالنفي : حتى حاجة السينيورا باقا فحال كأي بنت ماشي متزوجة
زرال زير على القبضة ديالو و كيهدر بين سنانو : زير نساء قال ...تعصب و ناض و وقف و ناضت صوفيا بسرعة مشات تخرج جاكلين من الغرفة
صوفيا : واش كلشي مزيان
جاكلين حركات ليها راسها بالايجاب : ااه اماما
زرال و في يدو الملف عليه الختم الطبي : سيرو نتوما للمنزل انا غادي نتكلف بالامر شخصيا ....صوفيا احتاضنت بنتها عندها ...و جاكلين دارت نصف ابتسامة و تنهدت صدقا انها تعجبات بالسينيور في هاد الاونة الاخيرة و لكن هادشي مغيمنعش انها تسمح ليه يدعس على كرامتها بهاد الشكل
في ليالي الانس لي كاتكون بين العاشقين ....كان الدخول الحتمي ديال الكونتيس كاسبر للمنزل ديالو و هو في غاية الغضب الشديد كانت الباخرة متأخرة بيوم و عاد وصل ...و دابا الوقت ديال الحساب جميع الهدوء ديالو تكسر وهو كيغلي منعسش ليومين متابعين بسبابها دخل بطريقة غير مهدبة : فيين جاكليين ؟ ....قالها بنبرة شديدة الحدة في الوجه ديال الخادمة سيليا
سيليا كتشوف في عينو الجمرية من تحت القبعة بخوف : م م معرفتش
سارا كتمشى بسرعة و تخوف : كاسبر شنو واقع ؟
كاسبر طلع فيها عينو باحمرارهم : فين هي جاكلييين ؟؟
سارا خرجات عينيها فيه : فيييين جاكلييييين ؟
ريتشارد كيتمشى بشوية و في يدو البيبة : شنو واقع ؟
كاسبر من الصدمة ديال الام ديالو عرف انها مارجعتش هنا حط احتمال ديال الدوق زرال استدار بدون مايكلم اي احد حتى وقفو المدبر ديال المنزل : سينيور جات رسالة خصيصا ليك من المحكمة و المرسول واقف كيتسنى الختم ديال السيادة ديالكم
وقف كاسبر للحظة و نزل حواجبو و دار عندو باستفهام : فين الرسالة ؟
الخادم : تفضل ....قدم ليه رسيالة مختوم عليها الطابع ديال المحكمة فتحها بسرعة تقدمت سارا لعندو و كدا ريتشارد حتى كيفتحها و فتح معاه عينو " كان طلب بإبطال الزواج ...نظرا ان الزواج غير كامل ...و الزوجة تقدمت بهاد الطلب لانها مزال عدراء " ....الامر كولو كيحوم حول التشكيك في رجولتو ...سارا من بعد ما قراتها شهقت و دار يدها على فمها و ريتشارد كانت الصدمة اقوى عليه و شاف في كاسبر لي كانت القبعة على عينو و هو كيكمش في الرسالة ببطء و كيتخللو يدو بعد العروق البارزة ....يتبع🌙رمضان كريم 🌙
🎩تزوجت زير نساء 🎩
🕴oumaima mega🕴
❄64❄
نطق مابين سنانو و بطريق متوحشة : جاكلييين
سارا دارت يدها على فمها و هي كتشوف في ولدها واش هادشي لي كتفكر فيه صحيح و يلاه غادي تهدر وهو يحط ريتشارد يدو فوق كتفها ...اما كاسبر اعتزل للخروج جمع الرسالة في يدو و كمل الخطوات ديالو للداخل المنزل بدون مينطق أي حرف و يدو عاصرة الرسالة
في المنزل ديال دوق زرال كانت جاكلين جالسة في لفوطوي ديال الغرفة الجلوس و كتنهد مرتاحة وخا عندها تخوف في قلبها من الجلسة ديال المحكمة و لكن على أي هي دابا مطمأنة غادي تنتهي كوابسها و غادي ترجع اعتبارها بابطال الزواج ...جات صوفيا جلست بالقرب منها و كدوز يدها على الشعر ديالها بشوية
صوفيا : حبيبة واش كلشي مزيان
جاكلين تبسمت ليها : في افضل الاحوال ايام معدودة و غادي نولي حرة
صوفيا تنهدت : اكييد اللوم كولو على زرال لي خلاك بين يدين هاد الشخص لي كنخجل نقول عليه رجل ...جاكلين حنات عينيها للاسفل و كتحرك راسها بالايجاب و عندها فضول تعرف رد فعل ديال كاسبر او بالاحرى الوجه ديالو من بعد هاد الخبر ...ماكيهمش دابا الاهم هو انها في المنزل ديال الاب ديالها
أصبحنا و أصبح الملك لله
في المكتب الخاص بزرال ...كان جالس هاد الاخير برجل فوق رجل و كيشرب القهوة ديال بهدوء و كيفتح الساعة ديالو الدهبية و كيشوف الوقت حتى تفتح الباب بهدوء ...و دخل كاسبر بطولو و عرضو بنية رجل جداب ...وجهو كيخلو من أي ملامح عينو كيتخللها القليل من الدم و العصبية كتبان من يدو المعصورة و العروقة لي غادي يخرجو منها
زرال دار لعندو : زيارة مفاجئة هادي ا كونتيس تفضل
كاسبر بدون رد جلس قدامو و رجل على رجل و حواجبو جمعهم بطريقة عنيفة : فيين جاكلين ؟
زرال حط لفينجان قدامو : وصلاتك الدعوة القضائية
كاسبر شبك يدو و العين ديالو في عين زرال : هي باقا في الدمة ديالي معندكش لحق انك تاخدها من عندي
زرال رجع باللور : كنعتادر و لكن هاد الزواج باطل اسينيور كان خاصني نتأكد مزيان قبل ما نختار زوج بنتي
كاسبر جمع يدو على شكل قبضة و هو كيحس بالاهانة و كيهدر مابين سنانو : لحد الآن انا مزال ماهرستش حاجز الاحترام ا سنيور من الافضل ليك تعطيني جاكلين
زرال : انا مكنتهددش اكونتيس و زواجك باطل من بنتي غادي تشوفها في المحكمة
كاسبر رجع للبرودة ديالو : هادا اخر كلام عندك
زرال هز القهوة ديالو : المحكمة لي غادي تحدد هادشي (وقف الكونتيس كيشوف فيه انظارو صعبة التفسير و استدار للخارج و طلق زرال كلماتو المستهزئة بالهمس ) زير نساء قال؟ ....سمعها و كمل طريقو بدون ما يلتف من وراه اكتفى بالانسحاب و الغضب الداخلي🌙رمضان كريم 🌙
🎩تزوجت زير نساء 🎩
🕴oumaima mega🕴
❄65❄
يوم المحكمة .... كان الجو بارد في روما و الشتا كتصب بلاما تحبس و كانت المحكمة مكتضة قليلا و لكن حتى هي كتميز بالفوارق الاجتماعية جلسات الطبقة الفقيرة دنيئة و مزداحمة ...و جلسات الطبقات النبيلة معزولة و سرية تماما ....في احد القاعات ديال هاد المحكمة المختصة بالطبقات ...كانت فيها كراسي محدودة و انيقة باللون الرمادي و قدامهم مكتب كبيير فيه ثلات قضاة اشكالهم جدية ...دخل الدوق زرال كيتمشى بالعكاز ديالو و رأسو مرفوع عاليا و حداه شاب طويل هاز مجموعة من الوثائق هو المحامي الخاص بزرال و من موراه جاكلين كتمشى و كدور عينيها يمين و شمال و قلبها كيخفق عندها تخوف شديد من المواجهة و حداها صوفيا شادة منها ... جلس بهدوء امام القاضي و بقا المحامي واقف كيجهز الوثائق ديالو ....دقائق معدودة و تفتح باب قاعة المحكمة و دخل كاسبر وجهو مافيه حتى شي تعبير خطواتو كتسمع في ارجاء المكان و بالقرب منو رجل كيمثل المحامي ديالو عاد ريتشارد و سارا كيتمشاو من وراه ....جاكلين منين سمعات الصوت ديالو رفضت الرفض التام انها تدور من موراها حيت غينتهي بيها المطاف بالخوف عضت شفايفها و مزيرة على راسها ...زرال غير بنص عين كيشوف و بطريقة متكبرة ...كاسبر دار نصف نظرة باردة للجكلين و جلس من بعدها على الكرسي و دار رجل على رجل
القاضي و هو كيفتاتح الجلسة بطرقات هادئة  : غنفتاتحو الجلسة ديال طلب ابطال الزواج لي تقدمت بيها الكونتيسة جاكلين ضد الكونتيس كاسبر ...كاسبر تنهد و هز يدو كيفتح بيها بضع الصدفات لي في عنقو ...و جاكلين كتشوف قدامها و قلبها كيرتعش
محامي زرال رفع راسو : نعم سينيور القاضي هي جلسة طلبتها الموكلة ديالي ضد زوجها و لي كتقول فيها انها باغا تبطل هاد الزواج لأنه مكاملش و الدليل على ان موكلتي عدراء ....الكونتيس عض الشفاه ديالو السفلية و دور وجها للجهة اخرى و كيزيد يفتح الازرار ...جاكلين رفعت راسها مع القليل من الخجل حيت الامر مخجل و كتحول غير عينيها ....تقدم المحامي لعند القاضي و في اليد ديالو تقرير على امر عدريتها ...القاضي شد التقرير الطبي ... و عطاه لي حداه كيكمل الجلسة ديالو
القاضي 2 : تقرير كيتبث ان السينيورا جاكلين هي فعلا عدراء ....صوفيا و ريتشارد شافو في بعضهم و دارو شافو في كاسبر لي كانت القدم ديالو كتحرك في الارض بشكل متوازي مع الانامل ديالو كانه كيحسب الدقائق ديال هاد الجلسة المملة و عينو الزجاجية كتكسر بالغضب الشديد
القاضي 1 : بيما اننا طلعنا على الملف الطبي و لقينا ان السينيورا جاكلين عدراء فهادا دليل كافي كيعطينا الحق بابطال الزواج (دار عند المحامي الخاص بكاسبر ) عندك شي تدخل
المحامي ديال كاسبر كيهضر بكل ثقة : هادشي كولو افتراء ا سيد القاضي شكون قال هاد السجل الطبي ماشي مزور موكلي كيرفض هاد الطلب و كيطلب من المحكمة ديالكم تخلي سنيورا تخضع للطبيب من عند السيدة ديالكم و شكرا
المحامي لخاص بزرال : هادا ملف طبي من عند طبيب معروف و عليه الختم ديالو .... كانو المحامين هما لسان ديال هاد نبلاء و البقية كلشي جالس في هدوء كانهم في سينيما ... و من بعد مدة قصيرة هضر للقاضي
القاضي 1 : غتأجل لجلسة للبعد غدا و طلب السينيور كاسبر حق خاصو يطبق و الطبيب غيكون من عند المحكمة ....زرال دار كيشوف في كاسبر و مخنزر فيه و جاكلين بعيونها كترمقو جانبيا شنو باغي يصنع هاد الاخير ...و كاسبر جالس بدون تعبير الغموض طاغي عليه و على الشخصية ديالو