تزوجت زير نساء (قصة بالدارجة كاملة لاصحاب الدوق الراقي )

الاجزاء السابعة

🌙رمضان كريم 🌙
🎩تزوجت زير نساء 🎩
🕴oumaima mega🕴
❄32❄
جاكلين طلعت فيه عينيها : منعرف شكون اعتارض طريقي ا سنيور دابا ممكن ندخل الحمام
كاسبر هز فيها حاجب و بابتسامة جانبية : كتهضري فحالا انا حابسك
جاكلين نزلت حواجبها فيه : على فكرة ا سنيور نتا وقح بزاف
كاسبر : معنديش نية انني ندابز هاد الصباح
جاكلين بنرفزة : كنستأدن ....و تجاوزاتو و دخلت للحمام هو دار نصف دورة متبعها بالعين و رافع حاجبو ....و دار و تمشا خارج الغرفة
هي دخلات للداخل الحمام لي كان خشبي التصميم و كتخنزر
جاكلين : كنت كنتمنى ميكونش في هاد الصباح نشوف وجه واحد مقزز فحالو
في الصالة ديال الجلوس ....جالس السينيور كاسبر على الكنبة كيشرب الشاي بشكل انيق و هو لابس بنوار راقي و بالقرب من ريتشارد نسخة طبق الاصل منو و سارا حتى هي جالسة بشكل معتدل و كتحاور كاسبر
سارا : كتعرف بلي هادشي لا يجوز ا كاسبر نتا دابا وليتي انسان مسؤول وودعتي العزوبية ديالك واجب عليك تحضر للغدا
كاسبر كيشرب رشفة و رافع حاجبو و كيشوف فيها : واش هادشي مهم ؟
ريتشارد : اه كاسبر هادشي مهم بالنسبة ليهم
خادم المنزل دخل هاز في يدو بضع رسائل و منزل راسو : بعد الادن ديال سيادتكم (دارو عندو الاسياد ) سنيور كونتيس (كاسبر رفع حواجبو فيه و الفينجان في يدو ) جاوك بعض الرسائل من فرنسا
كاسبر بلا مبالاة : يمكن ليك تحطهم في المكتب ديالي
سارا دارا عندو : نرجعو الموضوع ديالنا
كاسبر ناض من المكان ديالو : من بعد اسنيورا دابا خاصني نمشي ...بلكاد سارا غادي تكلم و آسر النساء نزل بكل لباقة و هز ليد ديالها و قبلها ليها خلا الابتسامة تخلق في الوجه ديالها بالاكراه عليها
في الغرفة ديال الكونتيس ...خرجت جاكلين متأنقة كيف العادة ديالها ومكياجها مضيوط و ملامحها مجموعين كتبين على التعاسة ديالها و رافضة الضعف بالمرة و هي كترتادي القفازات ....عند ملتقى الطريق الممر كانت سيليا و احد الخادمات واقفين تما و كيترقبو المرور ديالها بمجرد الاقتراب و هي دور سيليا بابتسامة كتجبد في الحواجب ديالها : شفتي السينيور كاسبر البارح اكيد هو كان في الشقة ديالو المعهودة اكيد مع عشيقتو سينيورا جويليا
الخادمة كتبسم : ههه كتهضري على اساس السنيور عندو عشيقة وحدة هههه ...جاكلين بطئت الخطوات ديالها و نزلت حواجبها و كتمشى في الاتجاه ديالهم و كتسمع
سيليا : مسكينة بنت الدوق زارال حتى انها غنية و مسلماتش من العشيقات ديال زوجها
الخادمة كتطل بعينيها : ههه شخصيا كون كنت في مكانها منرضاش بهاد الوضع .... و بداو يتغامزو باش يمشيو من تما اما جاكلين كانت الانفاس ديالها كتقاتل بعضها للبعض و كطلع صدرها و كتنزلو نزلت حجبانها هادشي لي مبغاتش من الاول تسمع كلمات الشفقة هادي ... هزات راسها للفوق كتحارب كبريائها و تمشات بهدوء داخل هاد المنزل و في الادنين ديالها الكلام ديال الخدمتين و كتسمع صوت انفاسها و يديها كتوتر بيها و تمشات للداخل الصالة المعتادة و خطواتها سريعة و كلما كتقتارب و هي كتسمع حديث سارا الصخب
سارا كتهضر مع ريتشارد و هي واقفة : كظن انه رجع للشقة ديالو زواج ديالو مدازش عليه نهار
ريتشار كيرمقها بجدية : معرفتش هاد الامر و كيفما كنت كنقوليك كاسبر ميمكنش شي حد يمنعو على شنو كيدير .....جاكلين من وراء الجدار كانت واقفة وضامة يديها مطلعة حواجبها و عاضة الشفاه ديالها و هي كتشوف امامها بتعابير باكية و الداخل ديالها شاعلة فيه النار ...كلشي عارف بأمر الشقة الا هي وشنو غادي توقع من زوج فاسد غير شقة ثانية يقضي فيها رغباتو الجنسية القدرة
في المكتب ديال كاسبر ....كان مكتب منعزل قليلا و في العديد من الكتب و هو واقف منزل حواجبو و كيقلب في الرسائل لي جوه حتى وصل للرسالة ختمها ملكي من فرنسا المرسل كان كاتب نابليون بونابارت الخاص لي قاد ثورة فرنسا
كاسبر زاد حدة بتخنزير ديالو و طلق من يدو الرسائل و هز غير الرسالة الملكية