🌙🌙
🍷 قصة للاصحاب الدوق الراقي و الارستقراطي مفعمة بالاحاسيس الانيقة ....قصتي من العصور الوسطى دات طابع اروبي محض ...
🍷 كتدور احداث هاد القصة في مدينة روما ....ملعب الفساد للأثرياء دوي الطبقات المرموقة ... بعضهم حصد الشهرة و المكانة...
🌙رمضان كريم 🌙 🎩تزوجت زير نساء 🎩 🕴oumaima mega🕴 ❄26❄ اقتاربت ديك الانثى المثيرة و بابتسامة عريضة من الكونتيس بدون اكتراث للجاكلين لي في يدو ....اقترابت منو و هي متأهبة انها تبوسو من الوجه ديالو كيفما معتادة ...جاكلين جبدات عينيها فيها ....بينما الكونتيس جامد كيشوف فيها قبل ما توصل للعندو و قفها بيدو لي هاز فيها كأس النبيد و رجعها ادراجها و تبسم ليها : جويليا شنو أخبارك ... كانت الصدمة على ملامح جويليا و هي تعرضت للصد طبعا هو متزوج حديثا و الانظار عليه و الصحف موجدة اقلامها باش تكتب عليه ...شنو غادي يكون موقفو هو قرب الزوجة ديالو و كيقبل العشيقة ديالو السابقة بحميمية جاكلين مخرجة عيينها في جويليا ااه هي السينيورا نفسها لي كانت كثيرة الشبهات مع الكونتيس و جميع الصحف كانت كتحدث على علاقتها بيه ...و الكونتيسة ديالنا كانت كتقرا هاد الاسمين بشكل دائم مرتابطين ببعض كانو دائما هو الرجل الجداب و هي المثيرة جويليا من بعد ديك الصدمة ديال الصد عاود فتحت ابتسامتها و قلبها كيغلي من الداخل الدمعة في عينها كتخفيها : اووو ههه كاسبر كونتيس ببرود كيشوف فيها بدون ملامح : سنيورا جويليا كنتمنى تكوني بخير جويليا رفعت حواجبها و عينيها في عينو : ءءء؟ انا مزيان جاكلين كانت الطرف الزائد بيناتهم فحال الدخيلة و هي كتشوف النظرات لي بيناتهم المسألة مسألة كبرياء ليها بدات كتحارب غرورها و انوثتها تلمست من وجود هاد الجويليا المثيرة...اصدقاءهم كانو مكتافيين بالمشاهدة و الشرب جوليا دورات عينيها للجاكلين رمقتها بنظرات المنافسة انها هي افضل منها و الابتسامة على فمها : أكييد نتي هي السنيورا جاكلين قصدي الكونتيسة السرية (مدات يدها ليها للمصافحة ) كنقدم ليك نفسي انا جويليا اكيد سمعتي عليا ...كاسبر كان فحال الصخرة حيد اليد ديالو من خصر جاكلين و دار يد في الجيب ديالو و بكل وقاحة رفع النبيد كيشرب فيه ...بينما المجمع كان متوثر بهاد الشأن جاكلين تبسمت بكل ثقة و مدات ليها اليد ديالها : مشرفين كنعتادر مكنعرفكش ...كان هادا غير الرد ديال الكرامة ديالها جويليا لي تبسمت ليها : غرييب كنظن انك مكتقرايش الصحف (و دورات راسها كتشوف في كاسبر ) هههه صراحة اللوم كيوقع على كاسبر انه معطاكش معلومات على شكون انا ...حيد النبيد من فمو و هو كيشوف في جويليا بدون اي تعبير مسبق جاكلين تبسمت بغضب انها كتحكي بالاسم ديال زوجها بحميمية ماشي غيرة منها لا و انما كبرياء ديال ابنة الدوق : مكنظنش ان عندنا وقت انا و كاسبر باش نحكيو على الناس يلاه كنتعرفو على بعضياتنا ...و شافت في كاسبر بابتسامة ...كاسبر دار مطلع فيها حاجبو باستغراب و على فمو دار ابتسامة جانبية راق ليه الرد ديالها ...جويليا نزلات الابتسامة و عينيها على جاكلين كتحس انها خدات مكانها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
