🌙🌙
🍷 قصة للاصحاب الدوق الراقي و الارستقراطي مفعمة بالاحاسيس الانيقة ....قصتي من العصور الوسطى دات طابع اروبي محض ...
🍷 كتدور احداث هاد القصة في مدينة روما ....ملعب الفساد للأثرياء دوي الطبقات المرموقة ... بعضهم حصد الشهرة و المكانة...
🌙رمضان كريم 🌙 🎩تزوجت زير نساء 🎩 🕴oumaima mega🕴 ❄37❄ تمشاو خارج داك الممر بشوية كيمرو بعد الاشخاص كيلقيو التحية بالرؤوس ديالهم بطريقة لبقة ...و جاكلين كتحول غير عينيها فيهم و بابتسامة لبقة ....و اتاجهو للمطعم ديال الطابق الفخم ....لي كان كل جوانب ديالو مفتوحة على البحر و الموائد مجهزة بطريقة انيقة و و كؤوس الخمر في كل الموائد و موسيقى السمفونية مطلوقة تما ...دخلو بهدوء المكان ...كانو بعض النبلاء تما كين لي واقف منهم و لي جالس خداو انظارهم لحظة دخولهم حيت هاد الايام كان زواجهم هو لي كيشغل الصحف ....جاكلين استنشقت الهواء بكل ثقة و حست بيد الكونتيس تحطت عليها دارت كتشوف البرود لي فيه ..توجه بيها لاحد الموائد نحى ليها الكرسي بلباقة و جلست جاكلين : شكرا ....و جلس كاسبر بالمقابل ديالها ...جا النادل و عطاهم قائمة الاكل ...كاسبر دار رجل على رجل كيشوف في قائمة الاكلات و جاكلين بنفس طريقة حتى وقع اختيارهم على طبقين مختلفين فحال شخصياتهم و طلبوه ...جاكلين بجلسة استقامية كتشوف في البحر و كتراقب الامواج ديالو بابتسامة خفيفة كاسبر صغر عينو كيرمقها بانظار جليدية : قليل فاش كضحكي ؟ جاكلين دارت عندو و هزات حجبانها : واش أنا ؟ كاسبر هز حاجب : كتهضري فحالا كين معانا واحد ثالت جاكلين بابتسامة بلاستيكية : كان بامكانك تجاوبني بلا هاد الاستهزاء في نظرك ا كونتيس شنو الحاجة لي غادي الضحكني و لا تخليني نبتاسم كاسبر كيهضر بيدو : اي حاجة من غير هاد الوجع لي كنشوفك بيه كل مرة جاكلين : هادا حيت تزوجت بيك نتا و بزز مني من الفوق زائد المعاملة ديالك فحالا نتا شريني ولا شي حاجة من مقتنياتك كاسبر متحرك فيه والو : و هادي الحقيقة عطيت للدوق زرال قطع من الدهب باش ناخدك نتي ادن كنتعتابر شريتك ....جاكلين استاقمتك في الجلسة ديالها و هي كتجبد في عينيها من الصدمة : ل لا ه هادشي ميمكنش بابا يكون دار هاكا ميمكنش يكون باعني كاسبر بلا مبالاة : متخفيش كان الثمن غالي شوية ....يلاه غادي تجاوبو و عينيها بداو يدمعو حتى كتشوف سينيورا جويليا كتمشى بابتسامة من مورا كاسبر و عينيها عليه ....و جات من موراه و حوطات يدها على العنق ديالو و ميلت راسها و باستو في خدو بلا اكتراث للجاكلين لي كانت مصدومة و مخرجة عينيها فيهم ...و كاسبر بنفسو كان مصدوم من الامر و تغيرت ملامح ديالو و هو كيشوف في جاكلين جويليا من بعدما طبعات في خدو احمر الشفاه بابتسامة : كاسبر ...يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
