خديت تلفوني جيت بنكلم جميلة بنحكيلها كالعادة بس جميلة حتى هي معارضة ع فكرة الطيران وهي بروحها تحطم فيا بس يالله اكيد تحساب هادا لمصلحتي فتحت يوتيوب وكتبت تحفيز الذات للنجاح وقعدت نتفرج ورجعت معنوياتي 😊
وفليل..
جواد فتح الباب : جوري
اني: ها
جواد: نبيك فموضوع
اني: بالححححققققق واخيرا حد امعبرني ويبي يحكيلي موضوع 😁
جواد: تي سكري فمك واسمعي 😂
اني : ها سكتت 😊
جواد : نبيك فموضوع الطيران
اني : خيره الطيران يا همي😩
جواد: اني رافض
اني : صدقني مش انت بس الكللل رافض
جواد : باهي خلاص فوتيه
اني : بس اني مش رافضة 😊
جواد: بس مادام عائلتك وناسك كلهم رافضين لازم ترفضي
اني : عائلتي وناسي لما بنكبر مش هما الي بيسعدوني انتو كل واحد بيمشي في حاله ويتجوز وماما وبابا مهنيين علي بعض صاحباتي يتجوزو والكل فالنهاية بينسى جوري الي حلمها قعد فقلبها هادا حلمي اني مادام اني مش رافضة محدش ليه علاقة 🌚
جواد: بس جوري افهمي الطيران في كلية وحدة واغلبية الي يتخرجو منها ميشغلوش فيهم فليبيا يعني بتطري تسافري تقري برا
اني : وبه
جواد: انتي مش حتقدري تمشي بروحك ضروري معاك حد منا واني منقدرش عندي جامعتي وقرايتي
اني: ومنقال انت نبي فهد
جواد: فههههههههددددد هبلتي فهد راااافض ومسكرهااا بكل
اني: 😂😂😂
جواد: خيرك تضحكي
اني : انت متفهمش انقولك من واني شبر ونص هذا حلمي يعني مخططة لليبرأ وين اطيح تعال نوريك فتحت تلفوني عالصور ووريته كيف اندور فسكن اني مدورة فاهم البلدان ومحصلة اسعار خيالية وهادا زاد من صدمة جواد 😊
جواد: ووووف اني بنمشي نرقد
اني : مرقد 😂
جواد: والا نقولك تعالي نتفرجو ع فيلم جبت اناابيل الجزء الثالث 😊
اني : خشييييي واخيرا جبت حاجة رعب مش تجيني تهز بافلام ديزني 😂
جواد: تبي تسكتي والا نجيبلك متع توم وجيري 😂
اني : لا الحمد الله شايفاته لايف واني البطلة😂😂
جواد: باهي تحركي ديري سبول واني جايب بطاطا فدولاب المطبخ
اني : ييييييي تهبللل وكبشت فوق ضهره وقتله انشاء الله تقبر قلبي يارب 😂😂
جواد: يا بقرة انزلي ضهري مش ناقص 😂
اني : 😂😂😂
جواد: ولي مقوصة قومي من ضهري 😂😂
اني: الااااا عجبني الجو من فوق بروودة😂😂😂
جواد مشي يجري بيا وسطرب في الدروج لي عييي واخيرا وصل المطبخ
اني : يااااوووه عليييا نزلني يا هميييي اسفة خلاااص نبي ننزل هي 😭
جواد: من لا يحتمل الصعاب دوما يؤثر الانسحاب " من اغنية رسوم السراب 😂"
اني : وواااك معفن حسيت روحي تقول راكبة فراري بعجلات بس😂😂
جواد : باهي تحركي ديري السبول الساعة 2 والفيلم مش ناقص رعب 😂
اني : باهي باه😂😂
تفرجنا ومشت ليلا ما تتمناها فعدوك عاد انابيل حتى هي 😂
تاني يوم بعد المدرسة
اني مشيت دوشت وبدلت ونزلت : هي اني طالعة ره بسلامة😊
ماما: غر علي وين 😩
بابا: وين طالعة مغير لا تشاوري لا تقولي وين
اني : وين يعني بنمشي لجميلة
ماما: اااه به وسلميلي ع نجية والا انقولك راجي انبدل ونجي معاك ☺️
اني : ورس رويسك يا حاجة اني نبي نمشي طيارة خلوها الجلسات النسائية بروحكم يالله سلام نحبكم اموااه امواه وطلعت نجري قبل لا تعلق كانهادا نقعد للعصر واني نبي نلحق علي غداهم حتى هوا تطييب نجية😂😂😅
واني فطريق علي رجليا لقيت بنت ووراها ولد يعاكس فيها وهي مش معبراته المسكين 😂مشيت ورا البنت
اني : صباح التفاح وين نشوفك نرتاح 😉
البنت وقفت وتلفتتلي وقعدت تشبحلي بصدمة 😳
اني تلفتت للولد المسكين : يااروووحي وجعتني شوف ليك نص الطريق تجري وراها واني من التفاح تلفتتلي معليشي الدنيا نصيبات وانتي سامحيني معجبتينيش وكان تبيني تعاليلي بالحلال يالله سلام وبرضو مشيت نجري ومنسمع غر في الولد المسكين يضحك😂😂😂
أنت تقرأ
حُلمي
Randomرواية كوميدية تحكي عن حلم بنت القصة هلبا فيها معاني وحاجات وتفكرو ان الاحداث فنهاية كتابتي اني بيتا نتمنى تنال اعجابكم..💚
