حُلمي

21

اني أحبك لليوم، للغَد ، لليوم الذي لا يعد 🔗

الشخص الذي اختارك من وسط الزحام يختلف كثيرا عن الذي لم يجد غيرك في طريقه ،

الجميع يظنها صديقتي، وانا أظنها الجميع 🗝"

لكل حزين...
أعتذر لك نيابة عن ذلك الأحمق الذي انتزع منك جمال ابتسامتك...والآن ابتسم فضلا!🌺

قلت ابتسمو..😁😂

₩₩₩₩₩₩₩₩₩₩₩₩₩₩₩₩₩₩₩₩

بعد شهر وصلنا ليوم سعادة رحمة وفهد يوم العرس..

اني لبست قفطان ازرق ملكي بالفضي قصير ومنفوخ وخليت شعري مفتوح ودرت نفخة بسيطة طبعا نفس اللون اني وجميلة ومروة : جووواااد ياعنجد العراس تعالى بسرعة نمشو لاختك فالمزين ترااجيي يااكللبب
جواد كان لابس البدلة ومحلق : هي اركبي يا نفاااخة فهد يجبد من جيها وانتي من جيهة ييحررم عليك لعرااس يا جووري ارركبي
اني : وووووه نسيت الكاامييرا استنا
جواد : ياااابااطل عليك ياجوادد قاعد تراجيي زي لكلب السايب
اني جيت : هيي بسرعة
مشينا وخشيت ع رحمة فالمزين كانت آية من الجمال عمري ما شفتها هكي بفستان الابيض كانت عبارة عن جماالل
اني حضنتها : تتهببلييي ياخراا🥺💜
رحمة: جدييات قنينة المكياج مش هلبا
اني : لالا وربي هلبا حلوة هي بسرعة تعالي نلبسك كابك بسرعة خل نمشو الصالة نبي ناخدلك صور قبل المصورة
رحمة : تمام هي ولبست كابها وانتلقنا وهيجنا فطريق بتسطريب جواد وصياحي وغناي😂
وصلنا نزلت وصورتها وخليتها الحفلة ومشيت مع فهد اني وماما وخالتي نجية شدت حفلة رحمة شويا😂
وصلنا وفهد بيخش بياخد ولاء طبعا ولاء كانت ابداع جمييلة وبسيطة فرقتها وهدئها ولطافتها وغمازاتها كانت عبارة عن فل خش فهد ببدلته ونظرته كانت الفرحة باينة طريقة فعيونه حسيت روحي طايرة من الفرح بس لانه فرحان خديناها وطلعنا متجهين للرحمة خشينا دخلنا ولاء فالدار ورحمة بيخشلها خالد طبعا يصورو قاعدين وطبعا اني وجميلة ومروة وندي وفرح ورنه وفاطِمة وحتى من فتون الي عرفني عليها جواد عزمتها قالبينها هياجة ورقص 😂
شويا وخشو رحمة وخالد وطلعو وخشت ولاء وفهد
(طبعا حني درناها لقطة بنجيبوها لعروسة من حفلتها يعني زي دخول بس ابكر لان ولاء معندهمش هلبا معازيم وحفلتهم صغيرة هلبا وقررنا منبوش انديرو محضر اريح وفلوس المحضر بيسافرو بيهم شهر لعسل )وخلاص العرسان بيمشو وقفت بنودعهم حضنت رحمة واني عارفة انها بتخليلي فراغ كبير شبحتلها
اني : بنستاحشك ودمعت 🥺
رحمة تبكي : وربي حتى اني هلبا 😭
اني : اسس خلاص بتلبزي مكياجك لمشكلة اني لمفروض نبكي الدور الاماعين والحمام كله عليا 😂
رحمة ضحكت: مصحك 😂
ومشت حظنها جواد : والله كنت نحب نحرقلك دمك
رحمة : بنستاحش هبالك انت وجوري🥺
فهد : مبرووك مبروك كبرتي يابنت
رحمة : مبروك حتى انت مشينا فيوم واحد
ومشت لماما حضنتها وصار فيها الفياضانات حتى من خالتي نجية تبكي واني قاعدة غر نفك فيهم مشت رحمة مع خالد وبيبدو حياتهم مع بعض وهكي تكون كملت سعادة رحمة وخالد والكمال لله الشعور بالايمان↖️😂
فهد بيطلع هوا وولاء
جواد حظنه: مبروك يا غالي مش تلهالي فمرتك وتفوتنا
فهد : تالي يعرفكم يستريح فحياته😂
اني حضنته ومتكلمتش قعدت حاضناته عارفة لو بنتكلم بنبكي
فهد : ااااه والله اكثر وحدة بنستاحشك باسلي ايدي قاملي راسي نعرفك قوية ومتحبيش الدموع
اني : من بيهزبني ويعطيني ع راسي 🥺
فهد : كان علي هكي كل يوم عندك نهزبك 😂
اني : لالا مالا شد مرتك😂
حظن ماما بكت شويا ومشو ولاء وفهد مش يكملو بقية قصتهم مع بعض ❤
جواد : اااخ ياوخيتي قعدنا غر حني ياكببديي اني
اني : رسمي تقول ام زكي معنسين
ماما : ياااووه عليا اني قعدولي غر لمهبلة
جواد : اي والله يامو رح تشوفي النون ووجع العيون فجرتنا
اني: غر تعالى ناخدلك صور قنينات تلخبط بيهم لبنات
جواد : اي هي
تمت الحفلة روح بينا عبدو حني لبنات وطبعا نقيت علي بو ندى وبو فرح لين وافقو ان يباتو فسيارة مع عبدو اني وجميلة ومروة وندى وفرح ومعانا رنه وفتحلنا اغاني هييجناا ووصلنا الحوش نزلنا كلنا واني كيف خاشة شدلي عبدو ايدي تلفتله
عبدو : تهبلي طالعة ❤
اني : توين شفتني من العباية
عبدو : انتي ديما تهبلي
اني توترت: ااا بنخ بنخش وخشيت نجري
عبدو : ااخخ بهدلتيني
ضمينا شويا ومشينا لبنات للدار بنبدو سهريتنا 😂
فتحنا لايف " بث" وغنينا ورقصنا وقعدنا نهدرزو وناضو مروة وفرح بيجيبولنا حاجة ناكلوها
مروة : فرحح
فرح : انعم
مروة : عبدو قالي انه يحب جوري
فرح : كداااابببة وعلاش مقلتيليش
مروة : غر اسمعي ضروري ليوم انديرولها لقطة بالك تفيق علي عمرها
فرح : اي اي تو نفتحولها الموضوع غر خفي روحك
وتولنا وكلينا وقعدنا نهدرزو
ندى : الله اككثثر يوم هيجت فيه
اني واني شادة تليفوني ونهدرز مع عبدو الي كان يسأل فيا علي ان خالتي نجية بتبات حتى غدوة او لا (طبعا عبدو كان يقدر يخش لامه بس يتحجج!) : اي وربيي يهبللل ليوم وباهي الي خلوكم اماليكم
فرح : اييي يابنت عندك قدرة في الاقناع فضيعة
اني😌😌
مروة : هحمم جوري فمن تكلمي
اني : هادا عبدو
فرح غمزت لمروة : اهااا
اني : خيرك!
مروة : وعشني تهدرزو؟
اني : نهدرزو ع كيف عملية تنقيع الكعك فالشاهي
فرح : امممم
اني : تخييركم سألني لو بتروحو غدوة او لا
مروة : وعلاش مسألش ماما
جميلة : اي رسمي
اني : منعرفش بالك امك راقدة
فرح : او بالك حاجة تانية 😉
اني : زي شني يعني
مروة : مثلا يكون عبدو طاح
ندى : شن دخل كان طاح يكلم جوري ينوض ينفض حوايجه بلا تسحنين
فرح : ندى انتي بيلة ؟
هل انتي بيلة ؟
تققصدد طاح حبها يعني
ندى : اااه😂😂😂😂
اني تفكرت هلبا مواقف بينة فهادي اللحظة بس بطريقة سريعة قلت فداخلي شن هادا الغباء مستحيل : اخرطي
جميلة : تخيلوو عبدو مستحيل
فرح نخصت مروة بهمس : تشديي عليا اختك 😭
مروة : وعلااش مستحيل
اني : سكروها السيرة معش لقيتو ع شني تهدرزو تعرفو شن خاطري
ندى : شني
اني : خاطري اندير كيكة
فرح : رسمي الدوا جيبولي الزئبق حرارتها شيطت
اني : هي انوضو انديرو😃😂
مروة : ضعنا
جميلة : تصدقو جت نيتي هي نووضوو
ندى : تهياا حووسة العرس بروحها سادة
اني : تغرر نوضوو انديرووها بالكاكاو تهبل😂
فرح : تغري فينا بالكاكاو؟
اني : يب غر هياا جو والله
مروة :ديما ضررروووريي لما بتديري حاجة ضروري وقتها غلطط 😭
اني😭😂😂😂

نضنا وطيبنا وهيجنا لين عينا وطلعت كيكة امببببددعة تحدفي بيها ليهودي يستسلم رقدنا ومع ال12 نوضونا فطرنا وبدلنا وقعدنا لعيلة نهدرزو مع بعض 💛

عند جواد كان فخدمته اتصلت بيه فتون..
جواد : الو
فتون : اهلااا شنجوك
جواد : ملييح شجوك انتي
فتون : تماام تقدر تجيني؟
جواد : خييرك
فتون : تو نحكيلك نبيك تجي بس
جواد بخوف: تمام جايك هي
استأذن جواد وطلع بخوف لحوش فتون وصل لحوشها كلمها نزلتله
فتون كان منظرها جداً تسخف كانت مضروبة عينها منفوخة وايديها كلهم علامات فمها مفتوح ورجلها تعكز عليها مش قادرة حتى تمشي بمجد ماوصلت فجواد طاحت فحظنه وقعدت تبكي وتبكي
جواد : ااهديي اهديي ويمسحلها فراسها
فتون : سااعددنيي اني عييت بيقتلوني ع ايديهم
جواد : منهما اهدي وقعمزها وبدت تحكيله بين شهقاتها ودموعها
فتون اني امس فلحفلة مش قتلك مقلتلهمش وهربت زي لعادة واني كنت لابسة قفطان مرت بوي خنبته لان معنديش يعني بعد ماوصلتني انت ركبت وخشيت شافتني مرت بوي لابسة قفطانها قعدت تضرب فيا جاها بوي قتله تسب فيا وقعدت تحكيله فحاجات اني مدرتهاش وربي ااااهه مكنتش نحساب بنقعد عايشة قعدو يضربو فيا شووف شوف ايديا شمرتله كمها كانت مسلوخة ايدها جواد حضنهاا وعيونه دمعو مقبلش فيها
جواد بعصبيية: ورببب العززةة نااخدللك حققك وربيي
فتون : كييف فهمنيي جواد متخليينيش باهي معنديش غيرك
جواد : نوضي معاي
فتون : علي وين
جواد : خلااص انتي معش ليك عيشة فهادا لحوش
فتون : وين بنمشي اني كيف بادية فالشغل معنديش حق حتى دار
جواد : اني قتلك كلمة
فتون : به استناني نمشي نجيب فلوسي وحجاتي
جواد : بسسررعة
فتون ركبت جابت كل الي يلزمها ومشت مع جواد

اما حوشنا فخلاص تغدينا والي هناك ناضو يروحو حتى فرح وندى قعدو غر خالتي نجية ومروة وجميلة واحني مكسدين يطق لباب
اني مشيت فتحت
اني : هييي فتوون شن صارلك
فتون : جت حظنتني
اني : خييرك شن في
جواد : خليها تخش توا قبل
خشينا وكلهم مصدومين فمنظر فتون
ماما : بسم الله يابنتي شن صارلك
اني مشيت جبتلها امية وعطيتها تشرب
جواد : امي فتون فعيونكم بنمشي نكلم بوي جوري منوصيكش
اني : تمام
طلع جواد واني وجميلة ركبنا فتون لدارنا
اني : فتونتي نعطيك حوايج دوشي وبدلي وبتحكيلي ره
فتون : حااضر وخدت لحوايج وخشت ادوش

جواد : الو يابوي انت فالقهوة؟
بابا : اي خير شنفي
جواد : اني بنجيك تو نحكيلك
شويا ووصل