هاهاهاااع
مقلب هادي جوري تتمهتك تبي تحمسكم انكخخخ
هي اسمعو توا عيوني بيتسكرو غدوة انوض ونكملكم 😊
صباح الورد 💜🌺
اللطافة ابتسامة وقلبٌ ابيض كاليمامة 🦢💕
لو خانوك تفكيتي منهم
ولو صانوك إياك تبتعدي عنهم 🌈
₩₩₩₩₩₩₩₩₩₩₩₩₩₩₩₩₩₩₩₩
المهم مشينا وخشينا اني مشيت نجري لقروبي
اني : صبااااح الخييير 😁
فرح : بسم الله الرحمان الرحيم بشويا صبح يا فتاح لعياطات 😩
اني : ونبي سكري عليا يور ماوت
ندى : وين جميلة
اني : قاعدة فطريق تمشي علي اقل من مهلها تقول بنزل ببجي
ندى:😂 شدخل
اني : تي اسكتي بالله امس حارقتلي دمي حصل عليا واحد عراقي يفترش ما فاهمة الا شبيج 😩
فرح : وقلتيلي راهو لعبت معاك 😂
اني : كلمتك مقفل وعندكش نت 😐
فرح : اااه سكرته لان كنت بنقرا ونسيته
اني : ااااح في حد ينسى تلفونه فلذة كبده
جميلة : باحخير 🙂
ندى : تي احني بنخشو وانتي قاعدة تتبخطري
جميلة : دخلكش بيا😐
اني : اااحححي واعرة
ندى : هلبا 😭
فرح : خشو هيا درهتولي كبدي
عند رحمة ...
رحمة : وااااك جواد كيف اندير
جواد : نظمي امورك شوفي فهد
رحمة : فهد مشي قال بيشوف لخدمة الي حصلها
جواد : وصاحباتك
رحمة : توا كلمت رقية قتلي وصلت بوها وصلها مش حتى بسيارتها نقوللها توليلي
جواد : خلاص روحي لحوش
رحمة : تي عندي محاضرة ونبي ..
جواد : رحممممة خلاص ره اني بروحي مخنوق متزيديش امي 😡
رحمة : خلاص مروحة ومشت بتولي الحوش قعدت تمشي لين سمعت سيارة وراها تلفتت لقت خالد وجنبه بنت
خالد : رحمة
رحمة : خ خالد
خالد : صباح لخير خيرك تمشي بروحك هكي فشارع شن معندكش جامعة
رحمة : عندي لاكن لسيارة وقفت وهكي مفيش من يرفعني
خالد : باهي اركبي اني نوصلك اهو اني ماشي للجامعة ورافع اختي فنفس الطريق نوصلك
رحمة : اااه لالا منقدرش
خالد : قلت اركبي
رحمة : لاكن ..
اخته : لا لاكن لاشي مفيهاش تعب اركبي علي خاطري
رحمة ابتسمت وجت ركبت : شكرا
خالد : عفوا
اخته: اني اسمي فاطِمة بالكسرة ره مش فاااطمة 😩
رحمة : تمام فاطِمة 😂
فاطِمة : انتي شن خاشة جامعة
رحمة : أسنان وانتي
فاطِمة: اني قانون أيها القاضي وجو😂
رحمة : 😂😂
رحمة : معليشي رحمة استحمليها شويا اهو قريب نوصلو 😩
رحمة : خيرها بلعكس جوها مليح 😂
فاطِمة: ووووه محلاك
رحمة : انتي احلا
فاطِمة: باه عندك خوت
خالد : وشبديري بخوتها 🤨
فاطِمة: قصدي خوات خوات☺️
رحمة : هههههههه عندي ايه وحدة اصغر مني
فاطِمة: صف كم
رحمة : شهادة تانوية وتحرق الدم الفرخة😩
فاطِمة: الله انديدتي 😃
خالد : ماهو انتو جيل اغبرررر 😒
رحمة : 😂 كيف انتي مش جامعة
فاطِمة: ايه اني اول سنة ماهو كاسبة سنة اني 😁
رحمة : اهاااا وبه انتي عندك خوات
فاطِمة: لا يا ريت
رحمة : علاش يا ريت تفكيتي من عادي نلبس هادي عادي ناخد هادي 😩
فاطِمة: لااا بلعكس خاطري فيه
رحمة : خلاص يا ستي تبي اي حاجة قوليلي دولابي كله ليك 😌
فاطِمة: ييييي تهبليييي 😍
خالد : تي دولابها معبي قريب يطربق 😩
رحمة : مهما كان الحاجة الي تبدا عند حد تاني ديما مليحة😂
فاطِمة: ايييه والله😂
خالد : هي انزلي رحمة
فاطِمة: باهي علاش موصلتنيش اني الاولى بعدين انتو جيتو هني مع بعض
خالد : مش لقطة تبدأ نازلة من سيارة ولد والله شن تبي الناس تدوي عليها
رحمة عجبها الكلام: شكرا بجد 💙
خالد : عفوا ❤
نزلت رحمة
فاطِمة: احمممم لصراحة تهبل البنت
خالد : ماهو نعرف كانهادا محكيتلكش
فاطِمة : خلاص قول لماما وكان قتلك لا خود بنت خالتك ومش عارفة شني اني نقنعها 😌
خالد : ايه ضروري تقبل 🤤
فاطِمة: خالد حلو الحب والا
خالد : يهبلللل🤤..
فاطِمة : اخخخ امتى بس🤤
خالد : شن شنييي وعطاها خبطة علي راسها قال شني امتى بس والله ما تتحشمي 😒
فاطِمة : والنبي سكر عليا فمك وهيا عييت وانت قصدك كل يوم تراجي فيها لين تمشي
خالد : اي يعني نطمن عليها
فاطِمة : سعد الناس 😩
خالد : سعد امك وبوك هي انزلي خلاص كملي علي رجليك معش فاضل هلبا
فاطمِة: خزييي ما جيت راجل☹ ونزلت
خالد : عليك حصلة😂😂
أنت تقرأ
حُلمي
Randomرواية كوميدية تحكي عن حلم بنت القصة هلبا فيها معاني وحاجات وتفكرو ان الاحداث فنهاية كتابتي اني بيتا نتمنى تنال اعجابكم..💚
