حُلمي

18

رحلة الألف ميل تبدأ بخطوة 🌱"!

نحن قوم نحب الحياة..
ماالذي فعلناه لتحمل كتوفنا الهموم والتوابيت فقط؟!🥀

بالحلال يتزوج اربعة
تبيه بالحرام يكلمك بروحك
طبيعية انتي ؟

اليوم يوم عيد ميلاد شخص منعرفوشي هي كلنا قولوله كل عام وانت بخير😂🎉

هي نقولو بسم الله وعطوني ضحكة ترا باللهي😂

  ₩₩₩₩₩₩₩₩₩₩₩₩₩₩₩₩₩₩₩₩

وصلنا وكنا اني وجميلة ومروة وجواد وعبدو وبابا وعمو رضوان وخالتي نجية والباقيين بيلحقو بدت نجية توتي في الغدي وحني نساعدو فيها تغدينا وجواد وعبدو خشو بيعومو وحني بعدين قلنا لما تجي رحمة وقعدنا نتفرجو عليهم وهما يعيمو..
جميلة : جووواااد  تليفونك يشرين
جواد : خليييه
اني : تو نرد
جواد : تتييي خللييه قلت
اني : من هي سوستي ااعييي مزييتة اكييد
جواد : ياا حماارة وطلع من الحوض وجاني قلتتت خلي امه
اني : باااهيي وووه هادا كله ع خاطر سوستي لا كاتينتي اااههههعععع🤣🤣😂😂
مروة : سخيفة😂😂😂😂
جواد : مركك😂
عبدو : جووووريي
اني : هااا
عبدو : جيبي تليفوني صورينا
اني : تحسااب روحك تامر حسني ولا العضلات المفتولات
عبدو : هادو كلهم مش عاجبينك
اني: نفاخ عالفاضي وين هوا
عبدو : هوني عالكرسي
اني خديته: شن الرمز
عبدو: صوري من برا كاميرا عادية مش ضروري
اني : مالا مش مصورة نبي سناب😂
عبدو: ااففف هاتي نفتح
اني : مبردك يديك مبلولات
عبدو : تو نطلع ولا هاتي اهو من هني
اني نزلتله : هاك
عبدو : باعدي عيونك
اني : جوو مفرخ هلبا
عبدو : مدخلكش
اني لفتت وجهي: عيل وربي😂
عبدو فتحه ونسي مدارش تم
اني قمت التليفون لقيت الرمز مكتوب ..
لحظة!!!!
الرمز كان "جوري"
ليش؟
اسمي رمز تليفونه علاش يمكن محدش متوقعه ..
عبدو : هييي وين سرحتي هيا
اني : ها هيا هي صورته وخدينا سلفي جماعية❤
ودرنا شوية فيديوات 😂
طلعو الولاد وخشينا عمنا بعد ما جت رحمة
ومع الساعة 8 ليل بدو فشواء شوينا وقعدنا نهدرزو
بابا : اااه والله ماشاء الله الشواء
عمي رضوان : حتى هي تتبيلت نجية
بابا : لاااا شني عاد حتى تطييب مرتي قنين😌
ماما : اي تكلم باللهي احكيلهم😂
عمي رضوان : ساامحونا سامحونا😂
جواد : ايواا كله الا تطيب سوسو( ع ماما سعاد😂)
اني نخصته: انت غر خليك فسوستك😂
جواد : حيوانة 😂
نجية: شن رايكم نباتو غدوة الصبح نروحو
ماما : اي والله فكرة مازال خاطرنا
عمي رضوان : هي شني نزيدو
بابا : اي عادي لاكن مش تبو حوايج تباتو بيهم
ماما : اني مخليا فدولاب شويا
نجية : خلاص ناخدو من بعض
عبدو : تي خشييي
جميلة : الله ع الجوو
اني : تعالو نلعبو شوط اونو
مروة : هي
جواد : تعالو نطلعو برا خير جنب الحوض
عبدو : اي هي نوضو فهد شني تجي
فهد : اني بنرقد
اني : نكدد رحمة شني
رحمة : انيي طاايبة من العومان بنرقد( كدب بتكلم خالد)😂
مروة : به تعالو نفس الشلة سبحان الله 🤦‍♀️
طلعنا وبدينا نلعبو وبعدين الي هناك ينسحب ويرقد
مشت جميلة وعبدو وجواد قعدت اني ومروة
قعمزنا ونشبحو للحوض وامبيلات
مروة : 😂😂😂
اني : خيرك تضحكي 😂
مروة : مشعارفة😂
اني : سكرانات😂
مروة : زي البومات
اني : مش مقررة ترقدي؟
مروة : لا وانتِ
اني : لا ...😂😂
مروة : ماشية صح👍😂
اني : هي نعومو
مروة : تخيليي
اني: جديات ندوي ره
مروة : بلا هبال
اني : غر نوضي هي
مروة : جوورييي عاارفااتك بتهبليني معااك فوتي😭
اني : تي غر هياا نحصلو جو وربي 😂
مروة : مجنونة وربي وبدلنا حوايجنا وخشينا عمنا لين جت الساعة 3 حصلنا جو مش طبيعي😂
طلعنا دوشنا ولبسنا توتنا مروة اول ما حطت راسها ع المخدة رقدت اما اني وأعوذ بالله من كلمة اني 😂مجانيش النوم نضت وطلعت وقعدت نلود شويا ونحس فصوت وراي نتلفت ونلقى عبدو من الخلعة عييطت عبدو حط ايده ع فمي وهمسلي: سككرريي فمك يا حمااارة 😂
اني نفنص: ااااخ قريب قتلتني قلبي قريب وقف يا يخراااااا نحساب الا عزرائيل
عبدو : زي بعض
اني:😂
عبدو : شديري؟وخيرا مش لابسة وشاحك؟ وخيرا شعرك مبلول ؟
اني: زيد سؤال تاني
عبدو : غر هيا😂
اني : شن اندير ندهور وخيرا مش لابسة وشاحي لان منحسابش عزرائيل بيجيني وخيرا شعري مبلول لان كنت نعوم اني ومروة
عبدو : كدااااابببة
اني : والله 😂
عبدو : نهااركمم وحق ربي مجانين
اني : يب🙂
عبدو : اافففف
اني : انت مش كنت راقد
عبدو : اي ونضت
اني : متفهك
عبدو : جوري صقع عليك هكي ع فكرة
اني : عادي
عبدو : لين تمرضي وبعدين عادي
اني : عبدو ساعدني
عبدو : خير شن في 
اني : محمد
عبدو : خييره ولد الكللبب
اني حكيتله شن صار بالتفصيل
عبدو : كلام وخلاص هوا ميحبكش اصلا
اني : نعرف واني هادا علاش منبيشي اني خلااصص كاارهاااتته بس هوا لباين مش حيخليني فحالي
عبدو : والله لو يقرب منك نقطعه (طبعا عبدو تحمس وجوري مش فاهمة علاش )
اني : عبدو
عبدو قلبه يطق: نعم
اني : شكرا 💜
عبدو: علي شني
اني شبحتله فعيونه : مش عارفة بس انت تريح فيا هلبا بجديات شكرا
عبدو قرر يقوللها: جوري اني نح ..
اني : نعرف بتقولي هذا واجبي واني زي خوك واشبح شني
عبدو تحطم من الداخل: اااا اي اسمعي تكلمتي مع بوك
اني : ع شني
عبدو : ع الطيران
اني : افف لا
عبدو : وشن تستني
اني : مش عارفة خايفاته يرفض
عبدو : لو بيرفض كان من قبل يقولك خليك جوري الي نعرفها الشخصية القوية
اني : يعني امتى نقوله
عبدو : من غدوة احكي معاه وقوليله يبعتك مع فهد
اني : فهد رافض
عبدو : اني نقنعه
اني : عبدو هادي مش اني جاية بنبات عندكم هادا مستقبل فهد لو رفض يمشي معاي مفيش حل
عبدو : جواد
اني : جواد قرايته وصحابه كلهم هني وبدات الفترة هادي جواد مش ناقص
عبدو : علاش خيره ؟
اني : شي المهم يبي ينسى حب قديم
عبدو : بالعكس السفر احسن حاجة تنسيه
اني : مشعارفة بس لو كلفني كل حياتي الطيران حنخشه
عبدو: ايوا ديما نبيك هكي هي ساد نوضي ارقدي
اني نتاوب : مناا..منبيش
عبدو : 😂😂تي نوضي وانتِ تتاوبي
اني : باهي وانت😂
عبدو : اهو نايض هي
ومشينا وكل واحد خش رقد

وفتحت عيوني ع صوت بكي جميلة جنبي
جميلة كانت تتفرج ع صور وليد ومحاداتهم
نضت وحضنتها هي زادت خشت فحضني
جميلة تبكي وتشهق : كيف بنعيش من غيره تعلقت بيه
اني : ياااروحي انتِ ميستاهلكش ميستاهلش روحك هادي
جميلة : كلامه وتسهويكه تعودت عليه تعودت وربي يومي ميكملش من غيره 😭
اني : بس توا ضروري تتعودي ان جمال يومك يكمل لما هوا مش موجود فيه هوا وجع راس تفكيتي منه
جميلة : كيف ننسى الذكريات الي بينا كيف ننساها 😭
اني : لما تتفكري كيف سيبك كيف سيبك بسهولة سيبيه بسهولة جميلة اشبحيلي
جميلة ناضت من حضني وشبحتلي
اني شديت ايديها : انتِ قوية فااهمة قوية الي يكرهك تكرهيه الي داره فيك مش ساهل انتِ اختي منقدرش نخليك هكي ضروووريي تعرفي انك قوية اشغلي نفسك باي شي توا انزلك العاب فتليفونك العبي لييين تجي عينك بيضة نزلي اغاني ارقصي هيجي امتى ما تكسدي تعاليلي نخنبو من ماما مكياجها ونمكيجو ونصورو مش تحبي ترسمي ارسمي افتحي يوتيوب تعلمي اي شي انسييه بيجيك الي احسن منه مليوون مرا انتي قوييية فاهمة ابداً ابداً ما حد يقدر يهدك
جميلة : متسيبينيش باهي
اني : منقدرش نسيبك اصلا هي حولي نضت مخلوعة بعمشي نحسابة الا روان جتنا (روان المزيتة اخت محمد😂)
جميلة : واااك منقدرش حتى انكد تانية😂
اني : عييلة هي نوضي لحمام
جميلة : لا نوضي انتي قبل
اني : جميييلة مخاطريش انتي نوضي
جميلة : لالا ورسك نوضي انتي
اني : مش نايضة
جميلة : حتى اني
اني : وااااكك مببرددك نضت نضت😭
جميلة: ربحت خشي 😂