كلللل عام وانتووو بخيير احلى من يقرولي😂❤
لا تنتظر مني مالا اجده فيك:)
لا تغرب أحدً رآك وطناً🥀؛
لا أحد يلاحظ دموعك ولا أحد يلاحظ حزنك ولا احد يلاحظ وجعك لاكن الجميع يلاحظ اخطائك وبرضو لا أحد لاحظ أن تلاثة حكم تبدأ بلا 🤣
سيخبرك جحيمهم يوما أن قلبي كان جنة ❤؛
سيشتاقون لك عندما يفشلون في إيجاد شخص مثلك 🖇،
¥¥¥أضحكو لأن حلقة ليوم حتفرحكم انشاء الله😌 ¥¥¥
₩₩₩₩₩₩₩₩₩₩₩₩₩₩₩₩₩₩₩₩
دفنوه وروحو خلاص...
أني : جميلة ومروة برو شوفو فتون قعمزو جنبها حاولو تغيرولها جوها وهدرزو عليها اني تو نقعد فالمطبخ
جميلة : تمام.. جوري لو تبي ترتاح..
اني : لالا اني تمام غر الهيلي بفتون وماما
جميلة : تمام
قعدنا نوزعو للناس قعدت نضم فالمطبخ معاهم حتى ينادوني يعزوني ونولي منعرفش شن كنت ندير بس منبيش نفكر بكل بس عارفة داخلي ان فقدان جواد حيكسرني💔
اني : مروة !
مروة : نعم
اني: خيرك قاعدة فايقة لساعة خمسة لفجر
مروة : نفكر
اني: فشني
مروة: كان بنسبالي اغلى من خوي نتفكر كيف يرفع ويروح بينا في المدرسة يقعد يغيرلنا فجونا كيف يبدا عارفني وكانه مربيني رغم فرق لعمر لبينا شويا بس كان يعتبر فيا بنته وبدو دموعها ينزلو وصوت خنقتها وقلبها لمجروح الي عاطي بحه تقشعر البدن كان كل ما نزعل يشريلي لحلوة الي نحبها ميحبش يزعلني ويقولي يعيوطة ليييش بس يموت 😭
اني حظنتها: ااششش جواد مرتاح توا من زيه عند ربي مفروض بس تدعيله بالرحمة
مروة : ربي يرحمه
اني : خلاصص هي ارقدي
مروة : تصبحي علي خير
اني :وانتي من اهلو
اتكيت ع اساس بنرقد بس علي مني نكذب؟
قعدت حتى هاليوم مش قادرة نرقد او بالاحرى مش متقبلة ان نرقد
مشو ايام لعزي صعبة هلبا نومي اكثر من تلاثة ساعات منرقدش ماكلتي شبه معدومة امية ويوم ناكل حاجة ويوم منقدرش وخلاص انتهي كل شي روحو الناس والخيمة والدوشة توا بس بنسمع هدوء الي مش متعودة عليه بس اني وبابا وماما فلحوش ..
اني بعد مجانيش نوم نزلت للمطبخ مع الساعة طناش بديت نوتي فالغدي ماما اكيد مش حمل
شرين تليفوني خالتي نجية..
نجية : الو جوري كيف حالكم ليوم
اني : تمام اهو
نجية : بنقولك ره حسبتكم فالغدي تو نبعتلكم مع عبدو
اني : لالا اهو نضت طيبت
نجية : مشاءء الله بنيتي لفالحة غر جديات
اني : اي والله طيبت نبعتلك اذوقي ولا شنو😂
نجية : لاااااا ياوديي خليه منبيشي😂
اني : 😂😂
نجية : باهي خلاص نبعتلكم حصتكم وتعشو بيها بعدين
اني : تمام منووورة
نجية : بسلامة
واني نطيب شرين الباب فتحت كان عبدو اول مرا يشوفني بعد يوم لمستشفى قعد مصدوم فمنظري
اني : ترااا وريني شن دارتلنا
عبدو : غ غر بشويا مدايرة كباب قالت نعرف جوري غالي عليها
اني : ووووه كباااب الله عالجوو
عبدو : وين امك وبوك مالا؟
اني : راقدين خليهم تعبو هلبا فايام لعزي
عبدو : وانتِ؟
اني : خيرني اهو تمام
عبدو : خيرك هكي وليتي عيوونك متع وحدة مدمنة شن هالضعف منظرك ميوحيش انك عايشة اساسا
اني : وهوا اني عايشة من غيره؟
عبدو نزل راسه : ربي يرحمه
اني : آمين
عبدو : به كوليي لو مش ع خاطرك ع خاطري
اني : حاضر... انت شن حالك
عبدو : تمام
اني : ااخ تمام تخش تتغدى؟
عبدو : لالا مازال بنرفع صونية فتون واني امي مشغلتني عندها ديليفري
اني😂😂😂
عبدو : هي باي😂
اني : باي
أنت تقرأ
حُلمي
Randomرواية كوميدية تحكي عن حلم بنت القصة هلبا فيها معاني وحاجات وتفكرو ان الاحداث فنهاية كتابتي اني بيتا نتمنى تنال اعجابكم..💚
