الصين تتهم أمريكا وأمريكا تتهم الصين يا ودي غر طلعو الدواء وامسحوها فليبيا
وغداً يصير الحلم امر واقعاً
وتطير من أنس البشارة ضاحكاً》🥀
لا تفقد الأمل انت لا تعرف ابداً ، ماذا سوف يأتي غداً🌈
برغبته رحل وبرغبتي لن يعود .
¥ أضحكو بالسنون 😁¥
₩₩₩₩₩₩₩₩₩₩₩₩₩₩₩₩₩₩₩₩
اني : تييي يااا رنه بري جيبي التلفون قالك تشبحيش فيا بنموت 😭😂
جواد : ..
رامي جي فتح علينا طوبو لامية وبدي يبخ علينا : عشاان لازم تنظف لازم ايريال 😂😂😂
جواد : يااااا جووورريي يا كلللبببة وشااط
اني نضت نجري : تيي بطلل يا رامي يا عييل😭
رنه خشت معانا تحت لامية: ووووههعلييا مطر😂😂
جواد : حسبييي الله ونعم لوكيل رعشت وووقفف يا رامي مرمدتنا😂
اني : 😂😂😂😂
رنه : وووووه😂😂😂😂
عمتي وفاء : هيييييييييي يا نهارك الاغبر انتي وياه
اني : حييي حييي عمتي وفاء وقف يا بهيم بتقتلنا 😭
رامي : حييي علي امنا وسكر الامية
عمتي وفاء : تييي امتى بتكبرو انتوا وووووه
جواد : والله ما دخلني عمتي هادي جوري😂
اني : يا بيوووع لاااا
عمتي وفاء : والله عند عمكم خالد يا خاااالد
رامي : لاااا وووه الا عمي خالد
اني : عمتي بالله عليك الستر 😭
جواد : عمتييي بنمشي نغتال اسماء ره خلاالص هيي
عمتي وفاء: مش تتربو مرا تانية هكيي لامية
اني جيت بست راسها: ورسسس لغالية خلاص اخر مرا
عمتي وفاء: انتلفو به والله ما دخلني فيكم انشاء الله يشوفكم خالد
رنه : تمنووورة
عمتي خشت
اني : هي ديرلنا راي يا رامي يا عيييل
رامي : انتي ورنه خشو البسو من حوايج امي مخليا حوايج لما بتنا اخر مرا
جواد : واني تو نروح بنبدل وبنطلع
رامي : به خودني معاك يا برو
جواد : باهي تعال هي باي
اني : باي هي توا ضروري نبدلو من غير ما يشوفونا
رنه : تباهي ماهو هكي ولا هكي بيشوفونا كيف بنلبسو
اني : رنه حبي خليه قانون فحياتك بعد ما تنحل المصيبة معش في داعي لانهم يعاقبو لان اوريدي حليناها المشكلة
رنه : صحيح 👏
اني : هي به توا نبو اسماء تساعدنا انادوها من باب المطبخ وهي ادخلنا
رنه : تليفوني فجنان وين ما كنا تعالي ناخدوه
مشينا خدينا التلفون وكلمناها وفتحتلنا الباب
اسماء: هي خشو بسررعة حيي علي منظركم 😣
رنه : جبتيلنا الحوايج
اسماء: اي جوري هاك خشي حمام الصغير ورنه بري دار حنينة مافيها حد جرييي
اني : تمنووورة هاك بوسة وخشينا بدلنا وطلعنا درت اني ورنه كاكاو وقعمزنا فدار بروحنا وبعدين تلمدنا البنات اني ورنه واسماء ورحمة وسماح
اسماء ورحمة يهدرزو وسماح تدوي مع خطيبها😒
واني رنه فاتحين نلعبو فببجي
شويا وشرين عليا محمد
اني ركبت فوق السطح ورديت ..
محمد : الو
اني : اها
محمد : شن جوك
اني : تمام
محمد : استاحشت صوتك
اني : ..
محمد : نحبك
اني : محمد
محمد : قلبه
اني : خلاص
محمد : اني نحبك
اني : انت كويس بس اني معش نبي نحب
محمد : بس انتي حبيتيني
اني : انت جرحتني
محمد : والله غلطة ونادم عليها
اني صوتي بدي واضح عليه اني مخنوقة بس منبيش نبين: اي اي نعرف واني والله سامحتك بس يا محمد اني نسامح مش ننسى واني مسامحاتك من يوم لكلام الي سمعته محمد اني بس ...
محمد : انتي بس شنو جوري اني نحبك منقدرش نعيش بدونك نحببببك افهمييني
اني بصوت تاعب : اااااااااااااااااااااخخخ
محمد : فكري يا جوري كويس
اني : اكيد بتحصل ع احسن مني صدقني
محمد : نبيك انتي
اني : سلام
محمد : استني
اني سكرت
اني نفكر..
اااه يا جوري لامتى بتقعدي هكي وفجأة بديت نبكي
اني : اسس خلااص خلاص كل شي تماام وبديت نمسح فدموعي وشرين تليفوني عبدو
عبدو : الو
اني : الو
عبدو : تشن الجو
اني : تمام شن جوك انت
عبدو : استني استني نعرفه الصوت هادا شن في
اني : مافي شي لأمور طيبة غر شن تبي
عبدو : ورس امي الا شكله في موضوع باهي اهو قاعدلك زي ابو بدر كيف قعد قدام باب اب ممدوح
اني: لما صنة القطوسة الفطسانة 😂😂😂
عبدو : احلى حاجة انتي عندك سجل باب الحارة كله😂
اني : تي اني تربيت ع ايدين ابو عصام
عبدو : لك يخرب بيتك من حالك 😂
اني : واااك😂😂😂
عبدو : به اسمعي نقولك نكتة قالك مرا في واحد عطوه الصحيفة عقب روح لامه لقاها تدعي حدف الصحيفة ع طول ايده وقاللها ماهو شادتيلي السنة كلها ضحك وجايتيني اخر سنة تدعي 😂😂😂
اني : 🤣🤣🤣🤣قديمة اصلا😂
عبدو : ضحكتي الضحك هادا كله وبعدين قدييمة اسلان
اني : 😂😂😂
عبدو : وين انتو تبي انجيبلك جميلة ومروة يغيرولك جوك
اني : احني فحوش جدي وبعدين قتلك اني جوي تمااام التمام غر تتخيل يا برو
عبدو : تعيب ره نعرفك
اني : ننننننن واااك به غر شن تبي
عبدو : فهد خوك مسكر تليفونه قلت بالك تعرفي وين
اني : حييييي حق خيره عطل تو ماما بتفصل ليه فترة معش جي حوش جدي كان مجاش ليوم بتقتله
عبدو : ماهو كله من كريم ولد عمتك
اني : وااك مبرده اصلا ليوم ماجاش
عبدو : احسن
اني : هي طير
عبدو : وزعي يا كلبة وزعي
اني : 😂 به بننزل صقعت مه
عبدو : علاش انتي وين
اني: فوق السطح
عبدو : به انزلي هي باي
اني : باي
سكرت ونزلت شويا وجي فهد قعمز شويا مع جدي وروحنا
تسريع فالاحداث 🕔..
جوري كانت بس ملخبطة شعور حبها لمحمد مختفي ومش حاسة بيه محمد فعلا خسر جوري وخسر حبها وهالشي مش بأيد جوري لا جوري سامحاته من قلبها وجوري لما سامحاته كرهاته ع قد ما حتحاول ترجع لحبه مش حتقدر لان الي انكسر عمره ما يتصلح وتوا قاعدة بس تحاول تصده وتوقف الي بينهم بس هوا قاعد متمسك بيها ويحاول يرجع الي هدمه
فهد كل يوم ميروحش الا وهوا وولاء مكملين شغلهم فهد اعجب بولاء وحب شخصيتها بس هوا قاعد مش فاهم سرها مع مروان🤷🏻♀️
خالد بدي يحاول يقرب اكثر من رحمة ويكسر الحواجز الي بينهم بدي يهدرز معاها مرات بس رحمة اخر شي بدت تحاول تباعده لان زي ما قلت رحمة متحبش تخش فهدرزة مع ولاد ولا تخش فمواضيعهم بس خالد كان بس حب رحمة ببساطة وكل الي يبيه سعادتها 💛
اما جميلة فهي فعلا حبت وليد لانه كان دمه خفيف وينحب بسهولة وهوا كان يتعامل معاها بلطف هلبا وبعدين اعترفلها بحبه وهي اعترفتله وارتبطو...
جواد بدي يحاول ينسى سماح ويشغل نفسه وقعد يدوي معا هلبا بنات لعل وعسى ينساها وسماح عرسها قرب
اخر امتحان فشهادة التانوية عندي اني...
اني : وووووه جاوبتوو
جميلة : ايييي ساهلة هلبا
فرح : اااخررر يوم يا ناسس
ندى : اففف تعرفو امس كله مرقدتش مش متخيلة خلاص بنودعكم 🥺
اني : وااااك عادي من اول يوم نقول امتى ما تبو نتلاقو نتفقو تجوني نطلعو يمشي الحال
جميلة : بس والله مهما كان بنستاحشكم
ندى : به هي نوضي انديرو لقطة اخر يوم ره
اني : تعالو انديرو ذكرة
فرح : زي شني
جميلة : عندي فكرة تعالو كل وحدة فينا تحط حاجة زي حديدة متنحيش فيها لقطة هكي وانحطوهم فصندوق وندفنوه
ندى : حيييي صح مليحة
اني : اهو اني عندي هادا الباكو وحطيت فيه خاتم نحبه
فرح : اني بنحط توكة الريشة هيا 😂
جميلة : اممم اني شن نحط ااااه بنحط صنتي الي برعاية قروبنا صنتنا نفس بعض😂
ندى : واني بنحط حديدتي رغم أن نموت فيها بس انتو اغلى
حطيناهم واخدينا ورقة كتبنا فيها كلام وكل وحدة عبرت علي مشاعرها وسكرناه ودفناه فمكان ومشينا قعدنا نهيجو
رحمة..
رحمة : باهي يا خالد حاضر مش حنتأخر
خالد : رحمممة ليوم حفلة تخرجي ضروري تحضري بكري ره
رحمة: حاضر اهو كيف خاشة اني باي
خالد : تمام باي نتلاقو
وخشت رحمة وقعدت تتفرج عالتكريم 🌟
عند جواد..
يجري بالسيارة ويتكلم فالتلفون
جواد: يا مصصععب سكر ونبي حرقتللي دمي
مصعب: تشن درتت
جواد : اسكت ترا فكني
بووووومممم وجواد قب بنت
نزل جواد وحاط يديه فوق راسه 😱...
¥¥إبتسمو بالسنون😁¥¥
أنت تقرأ
حُلمي
Randomرواية كوميدية تحكي عن حلم بنت القصة هلبا فيها معاني وحاجات وتفكرو ان الاحداث فنهاية كتابتي اني بيتا نتمنى تنال اعجابكم..💚
