علموا بناتكم تحقيق احلامهم قبل الزواج فالرجل ليس مصباح علاء الدين!🌱
الشئ لوحيد الي متفقين فيه العرب..
ان الكوريين واليابانيين والاندونوسيين والفلبينيين كلهم صينيين🌚😂
لا تقل لقد كُسرت ولا استطيع النهوض ، ألا ترا ان الوردة تقف على ساق واحدة
ندبل، نحزن ، لاكن لا ننكسر 🥀
¥ واحلى ضحكة بسنون وربي 😁😂¥
₩₩₩₩₩₩₩₩₩₩₩₩₩₩₩₩₩₩₩₩
عبدو: جوري تتزوجيني؟
اني : مفهمتش ره😂
عبدو : تبلا تمهتيك جديات ندوي
اني : شني يعني كيف يعني علاش يعني هكي.... مفهمتش لحق
عبدو: جوري اني نح...نبيك توصلي ... نبيك توصلي لحلمك يعني
اني : وشن دخل نتزوجو يعني أن عبدو م زي خوي هكي منق..
عبدو : لالا زواج مش زواج
اني : ع اساس مفروض في مخلوق حيفهم توا؟
عبدو : يعني شوفي انتي توا بوك يمكن ميبيكش تسافري بروحك فهد ميقدرش يسافر معاك معندكش حل ابدا الا ان تتزوجي وكان راجلك قبل يسفرك ويقريك واني بنساعدك نتزوجو ونسافرو تقرو واني بالك نحصل شغل بس وعد نعاملك زي اختي غادي واول مانروحو يعني لو تبي نطلقو وتكملي حياتك
اني ستكيت: استنا نفهم
عبدو : اني فكرت ياجوري فالموضوع مية مرا ملقيتش حل انسب
اني : بس اني مش حقيرة هكي
عبدو : شن لغلط!
اني : انت الغلط انت كيف بنخليك تتزوجني بمجرد ان نحقق حلمي عبدو اني مش هكي ولا حنكون هكي
عبدو : اني راضي
اني : واني مش راضيتلك عبدو انت متستحقش هكي انت تستحق تاخد لبنت الي تحبها تتزوجو وتجيبو صغاركم وتعيشو احلى قصة حب توا فرصتك خود الي تحبها هذا عمرك ليش تورط فروحك معاي!
عبدو (لو تفهمي بس انك هادي لبنت وان اني قريب نوصل للي نبيه بس لو توافقي ):لا يعني.. اني ياجوري مازال نبي نكون نفسي يعني فلما بنسافر معاك اندور ع شغل غادي حتى لو كان بسيط حيكسبني اكيد يعني اني بنستفاد وانتي فهمتي
اني : اهااااااااا
عبدو : اي
اني : بس لو بابا رفض
عبدو : وهو اني في من يرفضني😌
اني: وقته😂😂 المهم يعني بنقولولهم ع الخطة ولا شني
عبدو : اي خلاص نقولولهم ان بناخدك نتزوجو ونمشو واني بنصرف عليك اني نشتغل وانتي تقري وفنهاية طلاق
اني : لا ليش تصرف انت بابا
عبدو : خليني اني غدوة بنفتح الموضوع مع بوك وانشاء الله خير كان وافقو خلاص نرتبو اومورنا ناخدك ونتوكلو
اني : زواج تقرو الفاتحة بس ويكفي جواد الله يرحمه موته مضنيش حد قدر ينساه💔
عبدو: الله يرحمه اكيد...خلاص اركبي ارقدي انتي
اني : تمام تصبح على خير مشيت وتلفتله: عبدو
عبدو : نعم!
اني : شكرا
عبدو : مش بينا وابتسم ❤
اني ابتسمت لا اراديا واني راكبة دروج حطيت ايدي ع قلبي : سبحانك يا الله اجمل هدية عطيتهالي 💚 وركبت ورقدت واني مرتاحة..
فتحت عيوني كانت جميلة فاتحة تليفونها..
اني نضت ونتكيسل: صباح الخير 💛
جميلة : صباحو
اني نتاوب: سكري ايميله وانسيه خااييين ونضت ومشيت للحمام
جميلة سكرت تليفونها وربعت عالسرير: ماهو حد يفهمني هالبنت ساحرة ولا كاهنة غر كيفف تزبط
اني بصوت عالي : سمعتك نففهمك اني من صوتك يحبيي وبعدين بطلي تدوي مع روحك تولي ابيل من الي انتي فيه😃💔
جميلة : بنبكي اني وتكت وكملت تتفرج ع ايميل وليد💔
اني شويا وطلعت لبست بدلة الصلاة بنصلي وجبدت منها التليفون حطيته فجيبي تحت البدلة وكبرت وبديت نصلي😂
جميلة : ااااخ عيييلة
أنت تقرأ
حُلمي
Randomرواية كوميدية تحكي عن حلم بنت القصة هلبا فيها معاني وحاجات وتفكرو ان الاحداث فنهاية كتابتي اني بيتا نتمنى تنال اعجابكم..💚
