شيخ البصرة

البارت ٧

خلصت الحفلة و رجعت البنات للبيت

وطلعت للديوان وشفت عمران كعدنا سوه و زلم داخله و زلم طالعه
ناس تبارك و ناس جايين بطلايب يريدوني احلها.
طلعت من الديوان ورجعت للبيت لكيت الكل نايم و فلاح نايم ابيت صاحبه ..
فتحت التلفزيون ماكو شي يستاهل اتابعه و جنت جوعان هواي
طلعت من الصالة واسمع صوت بالمطبخ دخلت على كيفي و شفت بلسم فاتحه الثلاجة مثل الفارة ماادري شجاي تسوي..
كلتلها شجاي تسوين؟؟
خطية اخترعت كامت عالسريع و انضربت براسها بالباب مال الثلاجة .
بلسم:- سلام قول من رب رحيم فززتني. شعندك هنا؟
ضرغام:- چا هذا بيتي شنو شعندك هنا.
بلسم:- اااا قصدي شعجب كاعد؟
ضرغام:- مجايني نوم وكلش جوعان .
بلسم وهي تحاول تغطي نفسها :- تريد اسويلك شي تاكله؟
ضرغام :- لا بس طلعيلي فد تفاحة اكلها وانام.
بلسم:- طلعت التفاحة وبقيت واكفه بمكاني وهو كاعد عالميز مااريد اطلع من ورة باب الثلاجة حتى لايشوفني شلابسة .
ضرغام :- چا شبيج صافنه ماتجيبين التفاحة.
بلسم :- هااا مااكدر.
ضرغام:- شبيج تسودنتي؟ تعالي انطينياها وسدي باب الثلاجة .
بلسم بقيت واكفة ماتحركت جان يكوم على حيله واتقرب بأتجاهي وجان يجرني وسد الباب و صفن .
ضرغام:- جريتها وبقيت صافن وهسه يلا عرفت ليش بقت واكفه ورة باب الثلاجة
اثاري الخاتونه جانت لابسه دشداشة وردي وابيض كصيره وية الركبة ودلعتها هم جبيره ولابسه فوكاه روب شوي اطول من الدشداشة لونه وردي فاتح.
بقيت متدوده صافن على جمالها وهي مستحيه ماتدري شلون تضم نفسها.
ضرغام:- هاي شلابسه؟ ماتكولين اكو ولد عايش وياج بنفس البيت؟
بلسم:- مااعرف انام بدشداشة طويله و ووو اعرف فلاح مموجود بالبيت و كل ضني انت نايم كلت انزل عالسريع اخذ جزراية واصعد.
ضرغام:- انه حصرتني الضحكة. شتسوين بالجزراية ربي شماخذ انه ارنب؟
بلسم:- بخجل مو احبه.
ضرغام اتقربت عليها كلش وهي ترجع ليوره وانطخت بالحايط وحصرتها :- اني هم احبه.
بلسم كامت تمتمت:- ه ه ه هو شنو الي تحبه؟
ضرغام:- الجزراية .
ولزمت ايدها و عضيت الجزراية وهي ترجف وماتحملت تقربت عليها اكثر و شميت عطرها و همست بأذنها :- عطرج يدودهني .
بلسم :- احس انفاسه تضرب بركبتي وكلبي احسه راح يطلع من مكانه . وخر خليني اصعد .
ضرغام:- واذا ما وخرت؟
بلسم:- عفيه خليني اروح.
ضرغام بأبتسامة خبث باسها من ركبتها وهي حاطة ايدها على صدره تريد تدفعه بس ماتكدر لأن اضخم منها . وراها حط ايده على خصرها ويريد يبوسها من شفايفها وهي توخر وكامت تبجي وتكول:- وخر وخر مااريدك وخررر .

ضرغام حس على نفسه وباوع بعيونها شافها كلها دموع وكال:- ليش ماتريديني ؟؟ شنو الي ناقصني؟؟
بلسم:- مااريدك ومثل ماكتلي اول يوم فتت بي لهالبيت عمري مااصيرلك مره.
ضرغام:- هنا فقدت وجان اضرب الحايط الوراها .. امشي ولي من كدامي لا اجرم بيج.
بلسم:- مسحت دموعي باوعت على ضرغام كعد عالميز وحط ايده على راسه عفته وصعدت ركض .
دخلت للغرفه و سديت الباب و وكفت واني احس كلبي دكاته ١٠٠٠ بالدقيقة
رحت نمت عالجرباية ونزلت دموعي وبداخلي خوف.
ضرغام:- بقيت ساعه كاعد بالمطبخ صافن بلي صار وشلون ضعفت كدامها و فرضت نفسي عليها وشلون نزلت دموعها وكلتلي مااريدك..
هين يا بلسم اذا ما كسرت خشمج مااطلع الشيخ ضرغام.